{"id":"an6.69","title":"A God","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an6.69","title":"A God","units":[{"id":"an6.69:0","sourceIds":["an6.69:0.1","an6.69:0.2","an6.69:0.3"],"kind":"text","text":{"pi":"Aṅguttara Nikāya 6.69\n7. Devatāvagga\nDevatāsutta","en":"Numbered Discourses 6.69\n7. A God\nA God"}},{"id":"an6.69:1","sourceIds":["an6.69:1.1","an6.69:1.2","an6.69:1.3","an6.69:1.4","an6.69:1.5","an6.69:1.6","an6.69:1.7","an6.69:1.8"],"kind":"text","text":{"pi":"Atha kho aññatarā devatā abhikkantāya rattiyā abhikkantavaṇṇā kevalakappaṁ jetavanaṁ obhāsetvā yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ aṭṭhāsi. Ekamantaṁ ṭhitā kho sā devatā bhagavantaṁ etadavoca:\n“chayime, bhante, dhammā bhikkhuno aparihānāya saṁvattanti.\nKatame cha?\nSatthugāravatā, dhammagāravatā, saṅghagāravatā, sikkhāgāravatā, sovacassatā, kalyāṇamittatā—\nime kho, bhante, cha dhammā bhikkhuno aparihānāya saṁvattantī”ti.\nIdamavoca sā devatā.\nSamanuñño satthā ahosi.\nAtha kho sā devatā “samanuñño me satthā”ti bhagavantaṁ abhivādetvā padakkhiṇaṁ katvā tatthevantaradhāyi.","en":"Then, late at night, a glorious deity, lighting up the entire Jeta’s Grove, went up to the Buddha, bowed, stood to one side, and said to him:\n“Sir, these six things don’t lead to the decline of a mendicant.\nWhat six?\nRespect for the Teacher, for the teaching, for the Saṅgha, for the training; being easy to admonish, and good friendship.\nThese six things don’t lead to the decline of a mendicant.”\nThat is what that deity said,\nand the Teacher concurred.\nThen that deity, knowing that the Teacher concurred, bowed, and respectfully circled the Buddha, keeping him on his right, before vanishing right there."}},{"id":"an6.69:2","sourceIds":["an6.69:2.1","an6.69:2.2","an6.69:2.3","an6.69:2.4","an6.69:2.5","an6.69:2.6","an6.69:2.7","an6.69:2.8"],"kind":"text","text":{"pi":"Atha kho bhagavā tassā rattiyā accayena bhikkhū āmantesi:\n“imaṁ, bhikkhave, rattiṁ aññatarā devatā abhikkantāya rattiyā abhikkantavaṇṇā kevalakappaṁ jetavanaṁ obhāsetvā yenāhaṁ tenupasaṅkami; upasaṅkamitvā maṁ abhivādetvā ekamantaṁ aṭṭhāsi. Ekamantaṁ ṭhitā kho, bhikkhave, sā devatā maṁ etadavoca:\n‘chayime, bhante, dhammā bhikkhuno aparihānāya saṁvattanti.\nKatame cha?\nSatthugāravatā, dhammagāravatā, saṅghagāravatā, sikkhāgāravatā, sovacassatā, kalyāṇamittatā—\nime kho, bhante, cha dhammā bhikkhuno aparihānāya saṁvattantī’ti.\nIdamavoca, bhikkhave, sā devatā.\nIdaṁ vatvā maṁ abhivādetvā padakkhiṇaṁ katvā tatthevantaradhāyī”ti.","en":"Then, when the night had passed, the Buddha addressed the mendicants:\n“Tonight, a glorious deity, lighting up the entire Jeta’s Grove, came to me, bowed, stood to one side, and said to me:\n‘Sir, these six things don’t lead to the decline of a mendicant.\nWhat six?\nRespect for the Teacher, for the teaching, for the Saṅgha, for the training; being easy to admonish, and good friendship.\nThese six things don’t lead to the decline of a mendicant.’\nThat is what that deity said.\nThen he bowed and respectfully circled me, keeping me on his right side, before vanishing right there.”"}},{"id":"an6.69:3","sourceIds":["an6.69:3.1","an6.69:3.2","an6.69:3.3","an6.69:3.4","an6.69:3.5","an6.69:3.6","an6.69:3.7","an6.69:3.8","an6.69:3.9","an6.69:3.10","an6.69:3.11","an6.69:3.12","an6.69:3.13"],"kind":"text","text":{"pi":"Evaṁ vutte āyasmā sāriputto bhagavantaṁ abhivādetvā etadavoca:\n“imassa kho ahaṁ, bhante, bhagavatā saṅkhittena bhāsitassa evaṁ vitthārena atthaṁ ājānāmi.\nIdha, bhante, bhikkhu attanā ca satthugāravo hoti satthugāravatāya ca vaṇṇavādī.\nYe caññe bhikkhū na satthugāravā te ca satthugāravatāya samādapeti.\nYe caññe bhikkhū satthugāravā tesañca vaṇṇaṁ bhaṇati bhūtaṁ tacchaṁ kālena.\nAttanā ca dhammagāravo hoti …\nsaṅghagāravo hoti …\nsikkhāgāravo hoti …\nsuvaco hoti …\nkalyāṇamitto hoti kalyāṇamittatāya ca vaṇṇavādī.\nYe caññe bhikkhū na kalyāṇamittā te ca kalyāṇamittatāya samādapeti.\nYe caññe bhikkhū kalyāṇamittā tesañca vaṇṇaṁ bhaṇati bhūtaṁ tacchaṁ kālena.\nImassa kho ahaṁ, bhante, bhagavatā saṅkhittena bhāsitassa evaṁ vitthārena atthaṁ ājānāmī”ti.","en":"When he said this, Venerable Sāriputta said to the Buddha:\n“Sir, this is how I understand the detailed meaning of the Buddha’s brief statement.\nIt’s when a mendicant personally respects the Teacher and praises such respect.\nAnd they encourage other mendicants who lack such respect to respect the Teacher.\nAnd they praise other mendicants who respect the Teacher at the right time, truthfully and correctly.\nThey personally respect the teaching …\nThey personally respect the Saṅgha …\nThey personally respect the training …\nThey are personally easy to admonish …\nThey personally have good friends, and praise such friendship.\nAnd they encourage other mendicants who lack good friends to develop good friendship.\nAnd they praise other mendicants who have good friends at the right time, truthfully and correctly.\nThat’s how I understand the detailed meaning of the Buddha’s brief statement.”"}},{"id":"an6.69:4","sourceIds":["an6.69:4.1","an6.69:4.2","an6.69:4.3","an6.69:4.4","an6.69:4.5","an6.69:4.6","an6.69:4.7","an6.69:4.8","an6.69:4.9","an6.69:4.10","an6.69:4.11","an6.69:4.12","an6.69:4.13","an6.69:4.14"],"kind":"text","text":{"pi":"“Sādhu sādhu, sāriputta.\nSādhu kho tvaṁ, sāriputta, imassa mayā saṅkhittena bhāsitassa evaṁ vitthārena atthaṁ ājānāsi.\nIdha, sāriputta, bhikkhu attanā ca satthugāravo hoti satthugāravatāya ca vaṇṇavādī.\nYe caññe bhikkhū na satthugāravā te ca satthugāravatāya samādapeti.\nYe caññe bhikkhū satthugāravā tesañca vaṇṇaṁ bhaṇati bhūtaṁ tacchaṁ kālena.\nAttanā ca dhammagāravo hoti …\nsaṅghagāravo hoti …\nsikkhāgāravo hoti …\nsuvaco hoti …\nkalyāṇamitto hoti kalyāṇamittatāya ca vaṇṇavādī.\nYe caññe bhikkhū na kalyāṇamittā te ca kalyāṇamittatāya samādapeti.\nYe caññe bhikkhū kalyāṇamittā tesañca vaṇṇaṁ bhaṇati bhūtaṁ tacchaṁ kālena.\nImassa kho, sāriputta, mayā saṅkhittena bhāsitassa evaṁ vitthārena attho daṭṭhabbo”ti.\nPañcamaṁ.","en":"“Good, good, Sāriputta!\nIt’s good that you understand the detailed meaning of what I’ve said in brief like this.\nIt’s when a mendicant personally respects the Teacher …\nThey personally respect the teaching …\nThey personally respect the Saṅgha …\nThey personally respect the training …\nThey are personally easy to admonish …\nThey personally have good friends, and praise such friendship.\nAnd they encourage other mendicants who lack good friends to develop good friendship.\nAnd they praise other mendicants who have good friends at the right time, truthfully and correctly.\nThis is how to see the detailed meaning of what I said in brief.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an6.69/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}