{"id":"an6.84","title":"Day and Night","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an6.84","title":"Day and Night","units":[{"id":"an6.84:0","sourceIds":["an6.84:0.1","an6.84:0.2","an6.84:0.3"],"kind":"text","text":{"pi":"Aṅguttara Nikāya 6.84\n8. Arahattavagga\nRattidivasasutta","en":"Numbered Discourses 6.84\n8. Perfection\nDay and Night"}},{"id":"an6.84:1","sourceIds":["an6.84:1.1","an6.84:1.2","an6.84:1.3","an6.84:1.4"],"kind":"text","text":{"pi":"“Chahi, bhikkhave, dhammehi samannāgatassa bhikkhuno yā ratti vā divaso vā āgacchati hāniyeva pāṭikaṅkhā kusalesu dhammesu, no vuddhi.\nKatamehi chahi?\nIdha, bhikkhave, bhikkhu mahiccho hoti, vighātavā, asantuṭṭho, itarītaracīvarapiṇḍapātasenāsanagilānappaccayabhesajjaparikkhārena, assaddho hoti, dussīlo hoti, kusīto hoti, muṭṭhassati hoti, duppañño hoti.\nImehi kho, bhikkhave, chahi dhammehi samannāgatassa bhikkhuno yā ratti vā divaso vā āgacchati hāniyeva pāṭikaṅkhā kusalesu dhammesu, no vuddhi.","en":"“Mendicants, a mendicant with six qualities can expect decline, not growth, in skillful qualities, whether by day or by night.\nWhat six?\nIt’s when a mendicant has many desires—they’re frustrated and not content with any kind of robes, almsfood, lodgings, and medicines and supplies for the sick. And they’re faithless, unethical, unmindful, and witless.\nA mendicant with these six qualities can expect decline, not growth, in skillful qualities, whether by day or by night."}},{"id":"an6.84:2","sourceIds":["an6.84:2.1","an6.84:2.2","an6.84:2.3","an6.84:2.4","an6.84:2.5","an6.84:2.6"],"kind":"text","text":{"pi":"Chahi, bhikkhave, dhammehi samannāgatassa bhikkhuno yā ratti vā divaso vā āgacchati vuddhiyeva pāṭikaṅkhā kusalesu dhammesu, no parihāni.\nKatamehi chahi?\nIdha, bhikkhave, bhikkhu na mahiccho hoti, avighātavā, santuṭṭho, itarītaracīvarapiṇḍapātasenāsanagilānappaccayabhesajjaparikkhārena, saddho hoti, sīlavā hoti, āraddhavīriyo hoti, satimā hoti, paññavā hoti.\nImehi kho, bhikkhave, chahi dhammehi samannāgatassa bhikkhuno yā ratti vā divaso vā āgacchati vuddhiyeva pāṭikaṅkhā, kusalesu dhammesu no parihānī”ti.\nDasamaṁ.\nArahattavaggo aṭṭhamo.","en":"A mendicant with six qualities can expect growth, not decline, in skillful qualities, whether by day or by night.\nWhat six?\nIt’s when a mendicant doesn’t have many desires—they’re not frustrated but content with any kind of robes, almsfood, lodgings, and medicines and supplies for the sick. And they’re faithful, ethical, mindful, and wise.\nA mendicant with these six qualities can expect growth, not decline, in skillful qualities, whether by day or by night.”"}},{"id":"an6.84:3","sourceIds":["an6.84:3.0","an6.84:3.1","an6.84:3.2","an6.84:3.3","an6.84:3.4"],"kind":"text","text":{"pi":"Tassuddānaṁ\nDukkhaṁ arahattaṁ uttari ca,\nSukhaṁ adhigamena ca;\nMahantattaṁ dvayaṁ niraye,\nAggadhammañca rattiyoti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an6.84/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}