{"id":"an7.38","title":"Textual Analysis (1st)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an7.38","title":"Textual Analysis (1st)","units":[{"id":"an7.38:0","sourceIds":["an7.38:0.1","an7.38:0.2","an7.38:0.3"],"kind":"text","text":{"pi":"Aṅguttara Nikāya 7.38\n4. Devatāvagga\nPaṭhamapaṭisambhidāsutta","en":"Numbered Discourses 7.38\n4. Deities\nTextual Analysis (1st)"}},{"id":"an7.38:1","sourceIds":["an7.38:1.1","an7.38:1.2","an7.38:1.3","an7.38:1.4","an7.38:1.5","an7.38:1.6","an7.38:1.7","an7.38:1.8","an7.38:1.9","an7.38:1.10","an7.38:1.11"],"kind":"text","text":{"pi":"“Sattahi, bhikkhave, dhammehi samannāgato bhikkhu nacirasseva catasso paṭisambhidā sayaṁ abhiññā sacchikatvā upasampajja vihareyya.\nKatamehi sattahi?\nIdha, bhikkhave, bhikkhu ‘idaṁ me cetaso līnattan’ti yathābhūtaṁ pajānāti;\najjhattaṁ saṅkhittaṁ vā cittaṁ ‘ajjhattaṁ me saṅkhittaṁ cittan’ti yathābhūtaṁ pajānāti;\nbahiddhā vikkhittaṁ vā cittaṁ ‘bahiddhā me vikkhittaṁ cittan’ti yathābhūtaṁ pajānāti;\ntassa viditā vedanā uppajjanti, viditā upaṭṭhahanti, viditā abbhatthaṁ gacchanti;\nviditā saññā uppajjanti, viditā upaṭṭhahanti, viditā abbhatthaṁ gacchanti;\nviditā vitakkā uppajjanti, viditā upaṭṭhahanti, viditā abbhatthaṁ gacchanti;\nsappāyāsappāyesu kho panassa dhammesu hīnappaṇītesu kaṇhasukkasappaṭibhāgesu nimittaṁ suggahitaṁ hoti sumanasikataṁ sūpadhāritaṁ suppaṭividdhaṁ paññāya.\nImehi kho, bhikkhave, sattahi dhammehi samannāgato bhikkhu nacirasseva catasso paṭisambhidā sayaṁ abhiññā sacchikatvā upasampajja vihareyyā”ti.\nSattamaṁ.","en":"“Mendicants, a mendicant with seven qualities will soon realize the four kinds of textual analysis and live having achieved them with their own insight.\nWhat seven?\nIt’s when a mendicant truly understands: ‘This is mental sluggishness’.\nThey truly understand internally constricted mind as ‘internally constricted mind’.\nThey truly understand externally scattered mind as ‘externally scattered mind’.\nThey know feelings as they arise, as they remain, and as they go away.\nThey know perceptions as they arise, as they remain, and as they go away.\nThey know thoughts as they arise, as they remain, and as they go away.\nThe patterns of qualities—suitable or unsuitable, inferior or superior, or those with a portion of dark or bright—are properly grasped, focused on, borne in mind, and penetrated with wisdom.\nA mendicant with these seven qualities will soon realize the four kinds of textual analysis and live having achieved them with their own insight.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an7.38/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}