{"id":"an7.42","title":"Graduation (1st)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an7.42","title":"Graduation (1st)","units":[{"id":"an7.42:0","sourceIds":["an7.42:0.1","an7.42:0.2","an7.42:0.3"],"kind":"text","text":{"pi":"Aṅguttara Nikāya 7.42\n4. Devatāvagga\nPaṭhamaniddasasutta","en":"Numbered Discourses 7.42\n4. Deities\nGraduation (1st)"}},{"id":"an7.42:1","sourceIds":["an7.42:1.1","an7.42:1.2","an7.42:1.3","an7.42:1.4","an7.42:1.5","an7.42:1.6","an7.42:1.7","an7.42:1.8"],"kind":"text","text":{"pi":"Atha kho āyasmā sāriputto pubbaṇhasamayaṁ nivāsetvā pattacīvaramādāya sāvatthiṁ piṇḍāya pāvisi.\nAtha kho āyasmato sāriputtassa etadahosi:\n“atippago kho tāva sāvatthiyaṁ piṇḍāya carituṁ.\nYannūnāhaṁ yena aññatitthiyānaṁ paribbājakānaṁ ārāmo tenupasaṅkameyyan”ti.\nAtha kho āyasmā sāriputto yena aññatitthiyānaṁ paribbājakānaṁ ārāmo tenupasaṅkami; upasaṅkamitvā tehi aññatitthiyehi paribbājakehi saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi.\nTena kho pana samayena tesaṁ aññatitthiyānaṁ paribbājakānaṁ sannisinnānaṁ sannipatitānaṁ ayamantarākathā udapādi:\n“yo hi koci, āvuso, dvādasavassāni paripuṇṇaṁ parisuddhaṁ brahmacariyaṁ carati, ‘niddaso bhikkhū’ti alaṁvacanāyā”ti.","en":"Then Venerable Sāriputta robed up in the morning and, taking his bowl and robe, entered Sāvatthī for alms.\nThen it occurred to him,\n“It’s too early to wander for alms in Sāvatthī.\nWhy don’t I visit the monastery for the wanderers of other religions?”\nThen he went to the monastery for the wanderers of other religions and exchanged greetings with the wanderers there.\nWhen the greetings and polite conversation were over, he sat down to one side.\nNow at that time while those wanderers of other religions were sitting together this discussion came up among them,\n“Reverends, anyone who lives the full and pure spiritual life for twelve years is qualified to be called a ‘graduate mendicant’.”"}},{"id":"an7.42:2","sourceIds":["an7.42:2.1","an7.42:2.2","an7.42:2.3","an7.42:2.4"],"kind":"text","text":{"pi":"Atha kho āyasmā sāriputto tesaṁ aññatitthiyānaṁ paribbājakānaṁ bhāsitaṁ neva abhinandi nappaṭikkosi.\nAnabhinanditvā appaṭikkositvā uṭṭhāyāsanā pakkāmi:\n“bhagavato santike etassa bhāsitassa atthaṁ ājānissāmī”ti.\nAtha kho āyasmā sāriputto sāvatthiyaṁ piṇḍāya caritvā pacchābhattaṁ piṇḍapātapaṭikkanto yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā sāriputto bhagavantaṁ etadavoca:","en":"Sāriputta neither approved nor rejected that statement of the wanderers of other religions.\nHe rose from his seat, thinking,\n“I will learn the meaning of this statement from the Buddha himself.”\nThen Sāriputta wandered for alms in Sāvatthī. After the meal, on his return from almsround, he went to the Buddha, bowed, sat down to one side, and told him what had happened, adding:"}},{"id":"an7.42:3","sourceIds":["an7.42:3.1","an7.42:3.2","an7.42:3.3","an7.42:3.4","an7.42:3.5","an7.42:3.6","an7.42:3.7","an7.42:3.8","an7.42:3.9","an7.42:3.10","an7.42:3.11","an7.42:3.12"],"kind":"text","text":{"pi":"“Idhāhaṁ, bhante, pubbaṇhasamayaṁ nivāsetvā pattacīvaramādāya sāvatthiṁ piṇḍāya pāvisiṁ.\nTassa mayhaṁ, bhante, etadahosi:\n‘atippago kho tāva sāvatthiyaṁ piṇḍāya carituṁ.\nYannūnāhaṁ yena aññatitthiyānaṁ paribbājakānaṁ ārāmo tenupasaṅkameyyan’ti.\nAtha khvāhaṁ, bhante, yena aññatitthiyānaṁ paribbājakānaṁ ārāmo tenupasaṅkamiṁ; upasaṅkamitvā tehi aññatitthiyehi paribbājakehi saddhiṁ sammodiṁ.\nSammodanīyaṁ kathaṁ sāraṇīyaṁ vītisāretvā ekamantaṁ nisīdiṁ.\nTena kho pana, bhante, samayena tesaṁ aññatitthiyānaṁ paribbājakānaṁ sannisinnānaṁ sannipatitānaṁ ayamantarākathā udapādi:\n‘yo hi koci, āvuso, dvādasavassāni paripuṇṇaṁ parisuddhaṁ brahmacariyaṁ carati, niddaso bhikkhūti alaṁvacanāyā’ti.\nAtha khvāhaṁ, bhante, tesaṁ aññatitthiyānaṁ paribbājakānaṁ bhāsitaṁ neva abhinandiṁ nappaṭikkosiṁ.\nAnabhinanditvā appaṭikkositvā uṭṭhāyāsanā pakkamiṁ:\n‘bhagavato santike etassa atthaṁ ājānissāmī’ti.\nSakkā nu kho, bhante, imasmiṁ dhammavinaye kevalaṁ vassagaṇanamattena niddaso bhikkhu paññāpetun”ti?","en":"“Sir, in this teaching and training can we describe a mendicant as a ‘graduate’ solely because they have completed a certain number of years?”"}},{"id":"an7.42:4","sourceIds":["an7.42:4.1","an7.42:4.2"],"kind":"text","text":{"pi":"“Na kho, sāriputta, sakkā imasmiṁ dhammavinaye kevalaṁ vassagaṇanamattena niddaso bhikkhu paññāpetuṁ.\nSatta kho imāni, sāriputta, niddasavatthūni mayā sayaṁ abhiññā sacchikatvā paveditāni.","en":"“No, Sāriputta, we cannot.\nI make known these seven qualifications for graduation after realizing them with my own insight."}},{"id":"an7.42:5","sourceIds":["an7.42:5.1","an7.42:5.2","an7.42:5.3","an7.42:5.4","an7.42:5.5","an7.42:5.6","an7.42:5.7"],"kind":"text","text":{"pi":"Katamāni satta?\nIdha, sāriputta, bhikkhu sikkhāsamādāne tibbacchando hoti āyatiñca sikkhāsamādāne avigatapemo, dhammanisantiyā tibbacchando hoti āyatiñca dhammanisantiyā avigatapemo, icchāvinaye tibbacchando hoti āyatiñca icchāvinaye avigatapemo, paṭisallāne tibbacchando hoti āyatiñca paṭisallāne avigatapemo, vīriyārambhe tibbacchando hoti āyatiñca vīriyārambhe avigatapemo, satinepakke tibbacchando hoti āyatiñca satinepakke avigatapemo, diṭṭhipaṭivedhe tibbacchando hoti āyatiñca diṭṭhipaṭivedhe avigatapemo.\nImāni kho, sāriputta, satta niddasavatthūni mayā sayaṁ abhiññā sacchikatvā paveditāni.\nImehi kho, sāriputta, sattahi niddasavatthūhi samannāgato bhikkhu dvādasa cepi vassāni paripuṇṇaṁ parisuddhaṁ brahmacariyaṁ carati, ‘niddaso bhikkhū’ti alaṁvacanāya;\ncatubbīsati cepi vassāni paripuṇṇaṁ parisuddhaṁ brahmacariyaṁ carati, ‘niddaso bhikkhū’ti alaṁvacanāya;\nchattiṁsati cepi vassāni paripuṇṇaṁ parisuddhaṁ brahmacariyaṁ carati, ‘niddaso bhikkhū’ti alaṁvacanāya, aṭṭhacattārīsañcepi vassāni paripuṇṇaṁ parisuddhaṁ brahmacariyaṁ carati, ‘niddaso bhikkhū’ti alaṁvacanāyā”ti.\nEkādasamaṁ.","en":"What seven?\nIt’s when a mendicant has a keen enthusiasm to undertake the training … to examine the teachings … to get rid of desires … for retreat … to rouse up energy … for mindfulness and alertness … to penetrate theoretically. And they don’t lose these desires in the future.\nThese are the seven qualifications for graduation that I make known after realizing them with my own insight.\nA mendicant who has these seven qualifications for graduation is qualified to be called a ‘graduate mendicant’. This is so whether they have lived the full and pure spiritual life for twelve years,\ntwenty-four years,\nthirty-six years, or forty-eight years.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an7.42/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}