{"id":"an7.55","title":"Places People Are Reborn","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an7.55","title":"Places People Are Reborn","units":[{"id":"an7.55:0","sourceIds":["an7.55:0.1","an7.55:0.2","an7.55:0.3"],"kind":"text","text":{"pi":"Aṅguttara Nikāya 7.55\n6. Abyākatavagga\nPurisagatisutta","en":"Numbered Discourses 7.55\n6. The Undeclared Points\nPlaces People Are Reborn"}},{"id":"an7.55:1","sourceIds":["an7.55:1.1","an7.55:1.2","an7.55:1.3","an7.55:1.4","an7.55:1.5"],"kind":"text","text":{"pi":"“Satta ca, bhikkhave, purisagatiyo desessāmi anupādā ca parinibbānaṁ.\nTaṁ suṇātha, sādhukaṁ manasi karotha, bhāsissāmī”ti.\n“Evaṁ, bhante”ti kho te bhikkhū bhagavato paccassosuṁ.\nBhagavā etadavoca:\n“katamā ca, bhikkhave, satta purisagatiyo?","en":"“Mendicants, I will teach you seven places people are reborn, and complete extinguishment with no fuel for grasping.\nListen and apply your mind well, I will speak.”\n“Yes, sir,” the mendicants replied.\nThe Buddha said this:\n“And what are the seven places people are reborn?"}},{"id":"an7.55:2","sourceIds":["an7.55:2.1","an7.55:2.2","an7.55:2.3","an7.55:2.4","an7.55:2.5","an7.55:2.6","an7.55:2.7","an7.55:2.8","an7.55:2.9","an7.55:2.10","an7.55:2.11"],"kind":"text","text":{"pi":"Idha, bhikkhave, bhikkhu evaṁ paṭipanno hoti:\n‘no cassa no ca me siyā, na bhavissati na me bhavissati, yadatthi yaṁ bhūtaṁ taṁ pajahāmī’ti upekkhaṁ paṭilabhati.\nSo bhave na rajjati, sambhave na rajjati, atthuttari padaṁ santaṁ sammappaññāya passati.\nTañca khvassa padaṁ na sabbena sabbaṁ sacchikataṁ hoti, tassa na sabbena sabbaṁ mānānusayo pahīno hoti, na sabbena sabbaṁ bhavarāgānusayo pahīno hoti, na sabbena sabbaṁ avijjānusayo pahīno hoti.\nSo pañcannaṁ orambhāgiyānaṁ saṁyojanānaṁ parikkhayā antarāparinibbāyī hoti.\nSeyyathāpi, bhikkhave, divasaṁsantatte ayokapāle haññamāne papaṭikā nibbattitvā nibbāyeyya.\nEvamevaṁ kho, bhikkhave, bhikkhu evaṁ paṭipanno hoti:\n‘no cassa no ca me siyā, na bhavissati na me bhavissati, yadatthi yaṁ bhūtaṁ taṁ pajahāmī’ti upekkhaṁ paṭilabhati.\nSo bhave na rajjati, sambhave na rajjati, atthuttari padaṁ santaṁ sammappaññāya passati.\nTañca khvassa padaṁ na sabbena sabbaṁ sacchikataṁ hoti, tassa na sabbena sabbaṁ mānānusayo pahīno hoti, na sabbena sabbaṁ bhavarāgānusayo pahīno hoti, na sabbena sabbaṁ avijjānusayo pahīno hoti.\nSo pañcannaṁ orambhāgiyānaṁ saṁyojanānaṁ parikkhayā antarāparinibbāyī hoti.","en":"Take a mendicant who practices like this:\n‘It might not be, and it might not be mine. It will not be, and it will not be mine. I am giving up what exists, what has come to be.’ They gain equanimity.\nThey’re not attached to life, or to creating a new life. And they see with right wisdom that there is a peaceful state beyond.\nBut they haven’t completely realized that state. They haven’t totally given up the underlying tendencies of conceit, desire for continued existence, and ignorance.\nWith the ending of the five lower fetters they’re extinguished between one life and the next.\nSuppose you struck an iron pot that had been heated all day. Any spark that flew off would be extinguished.\nIn the same way, a mendicant who practices like this …\nWith the ending of the five lower fetters they’re extinguished between one life and the next."}},{"id":"an7.55:3","sourceIds":["an7.55:3.1","an7.55:3.2","an7.55:3.3","an7.55:3.4","an7.55:3.5","an7.55:3.6","an7.55:3.7","an7.55:3.8","an7.55:3.9"],"kind":"text","text":{"pi":"Idha pana, bhikkhave, bhikkhu evaṁ paṭipanno hoti:\n‘no cassa no ca me siyā, na bhavissati na me bhavissati, yadatthi yaṁ bhūtaṁ taṁ pajahāmī’ti upekkhaṁ paṭilabhati.\nSo bhave na rajjati, sambhave na rajjati, atthuttari padaṁ santaṁ sammappaññāya passati.\nTañca khvassa padaṁ na sabbena sabbaṁ sacchikataṁ hoti, tassa na sabbena sabbaṁ mānānusayo pahīno hoti, na sabbena sabbaṁ bhavarāgānusayo pahīno hoti, na sabbena sabbaṁ avijjānusayo pahīno hoti.\nSo pañcannaṁ orambhāgiyānaṁ saṁyojanānaṁ parikkhayā antarāparinibbāyī hoti.\nSeyyathāpi, bhikkhave, divasaṁsantatte ayokapāle haññamāne papaṭikā nibbattitvā uppatitvā nibbāyeyya.\nEvamevaṁ kho, bhikkhave, bhikkhu evaṁ paṭipanno hoti:\n‘no cassa no ca me siyā …pe…\nso pañcannaṁ orambhāgiyānaṁ saṁyojanānaṁ parikkhayā antarāparinibbāyī hoti.","en":"Take a mendicant who practices like this:\n‘It might not be, and it might not be mine. It will not be, and it will not be mine. I am giving up what exists, what has come to be.’ They gain equanimity.\nThey’re not attached to life, or to creating a new life. And they see with right wisdom that there is a peaceful state beyond.\nBut they haven’t totally realized that state. They haven’t completely given up the underlying tendencies of conceit, desire for continued existence, and ignorance.\nWith the ending of the five lower fetters they’re extinguished between one life and the next.\nSuppose you struck an iron pot that had been heated all day. Any spark that flew off and floated away would be extinguished.\nIn the same way, a mendicant who practices like this …\nWith the ending of the five lower fetters they’re extinguished between one life and the next."}},{"id":"an7.55:4","sourceIds":["an7.55:4.1","an7.55:4.2","an7.55:4.3","an7.55:4.4","an7.55:4.5","an7.55:4.6","an7.55:4.7"],"kind":"text","text":{"pi":"Idha pana, bhikkhave, bhikkhu evaṁ paṭipanno hoti:\n‘no cassa no ca me siyā …pe…\nso pañcannaṁ orambhāgiyānaṁ saṁyojanānaṁ parikkhayā antarāparinibbāyī hoti.\nSeyyathāpi, bhikkhave, divasaṁsantatte ayokapāle haññamāne papaṭikā nibbattitvā uppatitvā anupahacca talaṁ nibbāyeyya.\nEvamevaṁ kho, bhikkhave, bhikkhu evaṁ paṭipanno hoti:\n‘no cassa no ca me siyā …pe…\nso pañcannaṁ orambhāgiyānaṁ saṁyojanānaṁ parikkhayā antarāparinibbāyī hoti.","en":"Take a mendicant who practices like this:\n‘It might not be, and it might not be mine. …’\nWith the ending of the five lower fetters they’re extinguished between one life and the next.\nSuppose you struck an iron pot that had been heated all day. Any spark that flew off and floated away would be extinguished before landing.\nIn the same way, a mendicant who practices like this …\nWith the ending of the five lower fetters they’re extinguished between one life and the next."}},{"id":"an7.55:5","sourceIds":["an7.55:5.1","an7.55:5.2","an7.55:5.3","an7.55:5.4","an7.55:5.5","an7.55:5.6","an7.55:5.7"],"kind":"text","text":{"pi":"Idha pana, bhikkhave, bhikkhu evaṁ paṭipanno hoti:\n‘no cassa no ca me siyā …pe…\nso pañcannaṁ orambhāgiyānaṁ saṁyojanānaṁ parikkhayā upahaccaparinibbāyī hoti.\nSeyyathāpi, bhikkhave, divasaṁsantatte ayokapāle haññamāne papaṭikā nibbattitvā uppatitvā upahacca talaṁ nibbāyeyya.\nEvamevaṁ kho, bhikkhave, bhikkhu evaṁ paṭipanno hoti:\n‘no cassa no ca me siyā …pe…\nso pañcannaṁ orambhāgiyānaṁ saṁyojanānaṁ parikkhayā upahaccaparinibbāyī hoti.","en":"Take a mendicant who practices like this:\n‘It might not be, and it might not be mine. …’\nWith the ending of the five lower fetters they’re extinguished upon landing.\nSuppose you struck an iron pot that had been heated all day. Any spark that flew off and floated away would be extinguished upon landing.\nIn the same way, a mendicant who practices like this …\n‘It might not be, and it might not be mine. …’\nWith the ending of the five lower fetters they’re extinguished upon landing."}},{"id":"an7.55:6","sourceIds":["an7.55:6.1","an7.55:6.2","an7.55:6.3","an7.55:6.4","an7.55:6.5","an7.55:6.6","an7.55:6.7","an7.55:6.8"],"kind":"text","text":{"pi":"Idha pana, bhikkhave, bhikkhu evaṁ paṭipanno hoti:\n‘no cassa no ca me siyā …pe…\nso pañcannaṁ orambhāgiyānaṁ saṁyojanānaṁ parikkhayā asaṅkhāraparinibbāyī hoti.\nSeyyathāpi, bhikkhave, divasaṁsantatte ayokapāle haññamāne papaṭikā nibbattitvā uppatitvā paritte tiṇapuñje vā kaṭṭhapuñje vā nipateyya.\nSā tattha aggimpi janeyya, dhūmampi janeyya, aggimpi janetvā dhūmampi janetvā tameva parittaṁ tiṇapuñjaṁ vā kaṭṭhapuñjaṁ vā pariyādiyitvā anāhārā nibbāyeyya.\nEvamevaṁ kho, bhikkhave, bhikkhu evaṁ paṭipanno hoti:\n‘no cassa no ca me siyā …pe…\nso pañcannaṁ orambhāgiyānaṁ saṁyojanānaṁ parikkhayā asaṅkhāraparinibbāyī hoti.","en":"Take a mendicant who practices like this:\n‘It might not be, and it might not be mine. …’\nWith the ending of the five lower fetters they’re extinguished without extra effort.\nSuppose you struck an iron pot that had been heated all day. Any spark that flew off and floated away would fall on a little heap of grass or twigs.\nThere it would ignite a fire and produce smoke. But the fire would consume the grass or twigs and become extinguished due to not being fed.\nIn the same way, a mendicant who practices like this …\n‘It might not be, and it might not be mine. …’\nWith the ending of the five lower fetters they’re extinguished without extra effort."}},{"id":"an7.55:7","sourceIds":["an7.55:7.1","an7.55:7.2","an7.55:7.3","an7.55:7.4","an7.55:7.5","an7.55:7.6","an7.55:7.7","an7.55:7.8"],"kind":"text","text":{"pi":"Idha pana, bhikkhave, bhikkhu evaṁ paṭipanno hoti:\n‘no cassa no ca me siyā …pe…\nso pañcannaṁ orambhāgiyānaṁ saṁyojanānaṁ parikkhayā sasaṅkhāraparinibbāyī hoti.\nSeyyathāpi, bhikkhave, divasaṁsantatte ayokapāle haññamāne papaṭikā nibbattitvā uppatitvā vipule tiṇapuñje vā kaṭṭhapuñje vā nipateyya.\nSā tattha aggimpi janeyya, dhūmampi janeyya, aggimpi janetvā dhūmampi janetvā tameva vipulaṁ tiṇapuñjaṁ vā kaṭṭhapuñjaṁ vā pariyādiyitvā anāhārā nibbāyeyya.\nEvamevaṁ kho, bhikkhave, bhikkhu evaṁ paṭipanno hoti:\n‘no cassa no ca me siyā …pe…\nso pañcannaṁ orambhāgiyānaṁ saṁyojanānaṁ parikkhayā sasaṅkhāraparinibbāyī hoti.","en":"Take a mendicant who practices like this:\n‘It might not be, and it might not be mine. …’\nWith the ending of the five lower fetters they’re extinguished with extra effort.\nSuppose you struck an iron pot that had been heated all day. Any spark that flew off and floated away would fall on a large heap of grass or twigs.\nThere it would ignite a fire and produce smoke. But the fire would consume the grass or twigs and become extinguished due to not being fed.\nIn the same way, a mendicant who practices like this …\n‘It might not be, and it might not be mine. …’\nWith the ending of the five lower fetters they’re extinguished with extra effort."}},{"id":"an7.55:8","sourceIds":["an7.55:8.1","an7.55:8.2","an7.55:8.3","an7.55:8.4","an7.55:8.5","an7.55:8.6","an7.55:8.7","an7.55:8.8","an7.55:8.9","an7.55:8.10","an7.55:8.11"],"kind":"text","text":{"pi":"Idha pana, bhikkhave, bhikkhu evaṁ paṭipanno hoti:\n‘no cassa no ca me siyā, na bhavissati na me bhavissati, yadatthi yaṁ bhūtaṁ taṁ pajahāmī’ti upekkhaṁ paṭilabhati.\nSo bhave na rajjati, sambhave na rajjati, atthuttari padaṁ santaṁ sammappaññāya passati.\nTañca khvassa padaṁ na sabbena sabbaṁ sacchikataṁ hoti, tassa na sabbena sabbaṁ mānānusayo pahīno hoti, na sabbena sabbaṁ bhavarāgānusayo pahīno hoti, na sabbena sabbaṁ avijjānusayo pahīno hoti.\nSo pañcannaṁ orambhāgiyānaṁ saṁyojanānaṁ parikkhayā uddhaṁsoto hoti akaniṭṭhagāmī.\nSeyyathāpi, bhikkhave, divasaṁsantatte ayokapāle haññamāne papaṭikā nibbattitvā uppatitvā mahante tiṇapuñje vā kaṭṭhapuñje vā nipateyya.\nSā tattha aggimpi janeyya, dhūmampi janeyya, aggimpi janetvā dhūmampi janetvā tameva mahantaṁ tiṇapuñjaṁ vā kaṭṭhapuñjaṁ vā pariyādiyitvā gacchampi daheyya, dāyampi daheyya, gacchampi dahitvā dāyampi dahitvā haritantaṁ vā pathantaṁ vā selantaṁ vā udakantaṁ vā ramaṇīyaṁ vā bhūmibhāgaṁ āgamma anāhārā nibbāyeyya.\nEvamevaṁ kho, bhikkhave, bhikkhu evaṁ paṭipanno hoti:\n‘no cassa no ca me siyā …pe…\nso pañcannaṁ orambhāgiyānaṁ saṁyojanānaṁ parikkhayā uddhaṁsoto hoti akaniṭṭhagāmī.\nImā kho, bhikkhave, satta purisagatiyo.","en":"Take a mendicant who practices like this:\n‘It might not be, and it might not be mine. It will not be, and it will not be mine. I am giving up what exists, what has come to be.’ They gain equanimity.\nThey’re not attached to life, or to creating a new life. And they see with right wisdom that there is a peaceful state beyond.\nBut they haven’t totally realized that state. They haven’t completely given up the underlying tendencies of conceit, desire for continued existence, and ignorance.\nWith the ending of the five lower fetters they head upstream, going to the Akaniṭṭha realm.\nSuppose you struck an iron pot that had been heated all day. Any spark that flew off and floated away would fall on a big heap of grass or twigs.\nThere it would ignite a fire and produce smoke. And after consuming the grass and twigs, the fire would burn up plants and trees until it reached a green field, a roadside, a cliff’s edge, a body of water, or cleared parkland, where it would be extinguished due to not being fed.\nIn the same way, a mendicant who practices like this …\n‘It might not be, and it might not be mine. …’\nWith the ending of the five lower fetters they head upstream, going to the Akaniṭṭha realm.\nThese are the seven places people are reborn."}},{"id":"an7.55:9","sourceIds":["an7.55:9.1","an7.55:9.2","an7.55:9.3","an7.55:9.4","an7.55:9.5","an7.55:9.6","an7.55:9.7","an7.55:9.8","an7.55:9.9"],"kind":"text","text":{"pi":"Katamañca, bhikkhave, anupādāparinibbānaṁ?\nIdha, bhikkhave, bhikkhu evaṁ paṭipanno hoti:\n‘no cassa no ca me siyā, na bhavissati na me bhavissati, yadatthi yaṁ bhūtaṁ taṁ pajahāmī’ti upekkhaṁ paṭilabhati.\nSo bhave na rajjati, sambhave na rajjati, atthuttari padaṁ santaṁ sammappaññāya passati.\nTañca khvassa padaṁ sabbena sabbaṁ sacchikataṁ hoti, tassa sabbena sabbaṁ mānānusayo pahīno hoti, sabbena sabbaṁ bhavarāgānusayo pahīno hoti, sabbena sabbaṁ avijjānusayo pahīno hoti.\nSo āsavānaṁ khayā …pe… sacchikatvā upasampajja viharati.\nIdaṁ vuccati, bhikkhave, anupādāparinibbānaṁ.\nImā kho, bhikkhave, satta purisagatiyo anupādā ca parinibbānan”ti.\nDutiyaṁ.","en":"And what is complete extinguishment with no fuel for grasping?\nTake a mendicant who practices like this:\n‘It might not be, and it might not be mine. It will not be, and it will not be mine. I am giving up what exists, what has come to be.’ They gain equanimity.\nThey’re not attached to life, or to creating a new life. And they see with right wisdom that there is a peaceful state beyond.\nAnd they have totally realized that state. They’ve completely given up the underlying tendencies of conceit, desire for continued existence, and ignorance.\nThey’ve realized the undefiled freedom of heart and freedom by wisdom, and live having realized it with their own insight in this very life due to the ending of defilements.\nThis is called complete extinguishment with no fuel for grasping.\nThese are the seven places people are reborn, and complete extinguishment with no fuel for grasping.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an7.55/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}