{"id":"an7.56","title":"Tissa the Divinity","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an7.56","title":"Tissa the Divinity","units":[{"id":"an7.56:0","sourceIds":["an7.56:0.1","an7.56:0.2","an7.56:0.3"],"kind":"text","text":{"pi":"Aṅguttara Nikāya 7.56\n6. Abyākatavagga\nTissabrahmāsutta","en":"Numbered Discourses 7.56\n6. The Undeclared Points\nTissa the Divinity"}},{"id":"an7.56:1","sourceIds":["an7.56:1.1","an7.56:1.2","an7.56:1.3","an7.56:1.4","an7.56:1.5","an7.56:1.6","an7.56:1.7","an7.56:1.8","an7.56:1.9"],"kind":"text","text":{"pi":"Evaṁ me sutaṁ—\nekaṁ samayaṁ bhagavā rājagahe viharati gijjhakūṭe pabbate.\nAtha kho dve devatā abhikkantāya rattiyā abhikkantavaṇṇā kevalakappaṁ gijjhakūṭaṁ obhāsetvā yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ aṭṭhaṁsu. Ekamantaṁ ṭhitā kho ekā devatā bhagavantaṁ etadavoca:\n“etā, bhante, bhikkhuniyo vimuttā”ti.\nAparā devatā bhagavantaṁ etadavoca:\n“etā, bhante, bhikkhuniyo anupādisesā suvimuttā”ti.\nIdamavocuṁ tā devatā.\nSamanuñño satthā ahosi.\nAtha kho tā devatā “samanuñño satthā”ti bhagavantaṁ abhivādetvā padakkhiṇaṁ katvā tatthevantaradhāyiṁsu.","en":"So I have heard.\nAt one time the Buddha was staying near Rājagaha, on the Vulture’s Peak Mountain.\nThen, late at night, two glorious deities, lighting up the entire Vulture’s Peak, went up to the Buddha, bowed, and stood to one side. One deity said to him,\n“Sir, these nuns are freed!”\nThe other deity said to him,\n“Sir, these nuns are well freed with no residue!”\nThis is what those deities said,\nand the Teacher concurred.\nThen those deities, knowing that the Teacher concurred, bowed and respectfully circled the Buddha, keeping him on their right, before vanishing right there."}},{"id":"an7.56:2","sourceIds":["an7.56:2.1","an7.56:2.2","an7.56:2.3","an7.56:2.4","an7.56:2.5","an7.56:2.6","an7.56:2.7"],"kind":"text","text":{"pi":"Atha kho bhagavā tassā rattiyā accayena bhikkhū āmantesi:\n“imaṁ, bhikkhave, rattiṁ dve devatā abhikkantāya rattiyā abhikkantavaṇṇā kevalakappaṁ gijjhakūṭaṁ obhāsetvā yenāhaṁ tenupasaṅkamiṁsu; upasaṅkamitvā maṁ abhivādetvā ekamantaṁ aṭṭhaṁsu. Ekamantaṁ ṭhitā kho, bhikkhave, ekā devatā maṁ etadavoca:\n‘etā, bhante, bhikkhuniyo vimuttā’ti.\nAparā devatā maṁ etadavoca:\n‘etā, bhante, bhikkhuniyo anupādisesā suvimuttā’ti.\nIdamavocuṁ, bhikkhave, tā devatā.\nIdaṁ vatvā maṁ abhivādetvā padakkhiṇaṁ katvā tatthevantaradhāyiṁsū”ti.","en":"Then, when the night had passed, the Buddha told the mendicants all that had happened."}},{"id":"an7.56:3","sourceIds":["an7.56:3.1","an7.56:3.2","an7.56:3.3","an7.56:3.4","an7.56:3.5","an7.56:3.6","an7.56:3.7"],"kind":"text","text":{"pi":"Tena kho pana samayena āyasmā mahāmoggallāno bhagavato avidūre nisinno hoti.\nAtha kho āyasmato mahāmoggallānassa etadahosi:\n“katamesānaṁ kho devānaṁ evaṁ ñāṇaṁ hoti:\n‘saupādisese vā saupādisesoti, anupādisese vā anupādiseso’”ti?\nTena kho pana samayena tisso nāma bhikkhu adhunākālaṅkato aññataraṁ brahmalokaṁ upapanno hoti.\nTatrāpi naṁ evaṁ jānanti:\n“tisso brahmā mahiddhiko mahānubhāvo”ti.","en":"Now at that time Venerable Mahāmoggallāna was sitting not far from the Buddha.\nHe thought,\n“Which gods know whether a person has remainder or not?”\nNow, at that time a monk named Tissa had recently passed away and been reborn in a realm of divinity.\nThere they knew that\nTissa the Divinity was very mighty and powerful."}},{"id":"an7.56:4","sourceIds":["an7.56:4.1","an7.56:4.2","an7.56:4.3","an7.56:4.4","an7.56:4.5","an7.56:4.6","an7.56:4.7","an7.56:4.8","an7.56:4.9","an7.56:4.10","an7.56:4.11","an7.56:4.12","an7.56:4.13","an7.56:4.14"],"kind":"text","text":{"pi":"Atha kho āyasmā mahāmoggallāno—seyyathāpi nāma balavā puriso samiñjitaṁ vā bāhaṁ pasāreyya, pasāritaṁ vā bāhaṁ samiñjeyya; evamevaṁ—gijjhakūṭe pabbate antarahito tasmiṁ brahmaloke pāturahosi.\nAddasā kho tisso brahmā āyasmantaṁ mahāmoggallānaṁ dūratova āgacchantaṁ.\nDisvā āyasmantaṁ mahāmoggallānaṁ etadavoca:\n“ehi kho, mārisa moggallāna;\nsvāgataṁ, mārisa moggallāna.\nCirassaṁ kho, mārisa moggallāna, imaṁ pariyāyamakāsi, yadidaṁ idhāgamanāya.\nNisīda, mārisa moggallāna, idamāsanaṁ paññattan”ti.\nNisīdi kho āyasmā mahāmoggallāno paññatte āsane.\nTissopi kho brahmā āyasmantaṁ mahāmoggallānaṁ abhivādetvā ekamantaṁ nisīdi.\nEkamantaṁ nisinnaṁ kho tissaṁ brahmānaṁ āyasmā mahāmoggallāno etadavoca:\n“katamesānaṁ kho, tissa, devānaṁ evaṁ ñāṇaṁ hoti:\n‘saupādisese vā saupādisesoti, anupādisese vā anupādiseso’”ti?\n“Brahmakāyikānaṁ kho, mārisa moggallāna, devānaṁ evaṁ ñāṇaṁ hoti:\n‘saupādisese vā saupādisesoti, anupādisese vā anupādiseso’”ti.","en":"And then Venerable Mahāmoggallāna, as easily as a strong person would extend or contract their arm, vanished from the Vulture’s Peak and reappeared in that realm of divinity.\nTissa saw Moggallāna coming off in the distance,\nand said to him,\n“Come, my good Moggallāna!\nWelcome, my good Moggallāna!\nIt’s been a long time since you took the opportunity to come here.\nSit, my good Moggallāna, here, a seat is ready.”\nMoggallāna sat down on the seat spread out.\nThen Tissa bowed to Moggallāna and sat to one side.\nMoggallāna said to him,\n“Which gods know whether a person has remainder or not?”\n“The gods of the Divinity’s host know this.”"}},{"id":"an7.56:5","sourceIds":["an7.56:5.1","an7.56:5.2","an7.56:5.3","an7.56:5.4"],"kind":"text","text":{"pi":"“Sabbesaññeva kho, tissa, brahmakāyikānaṁ devānaṁ evaṁ ñāṇaṁ hoti:\n‘saupādisese vā saupādisesoti, anupādisese vā anupādiseso’”ti?\n“Na kho, mārisa moggallāna, sabbesaṁ brahmakāyikānaṁ devānaṁ evaṁ ñāṇaṁ hoti:\n‘saupādisese vā saupādisesoti, anupādisese vā anupādiseso’ti.","en":"“But do all of them know this?”\n“No, my good Moggallāna, not all of them."}},{"id":"an7.56:6","sourceIds":["an7.56:6.1","an7.56:6.2","an7.56:6.3","an7.56:6.4","an7.56:6.5","an7.56:6.6"],"kind":"text","text":{"pi":"Ye kho te, mārisa moggallāna, brahmakāyikā devā brahmena āyunā santuṭṭhā brahmena vaṇṇena brahmena sukhena brahmena yasena brahmena ādhipateyyena santuṭṭhā, te uttari nissaraṇaṁ yathābhūtaṁ nappajānanti.\nTesaṁ na evaṁ ñāṇaṁ hoti:\n‘saupādisese vā saupādisesoti, anupādisese vā anupādiseso’ti.\nYe ca kho te, mārisa moggallāna, brahmakāyikā devā brahmena āyunā asantuṭṭhā, brahmena vaṇṇena brahmena sukhena brahmena yasena brahmena ādhipateyyena asantuṭṭhā, te ca uttari nissaraṇaṁ yathābhūtaṁ pajānanti.\nTesaṁ evaṁ ñāṇaṁ hoti:\n‘saupādisese vā saupādisesoti, anupādisese vā anupādiseso’ti.","en":"Those gods of the Divinity’s host who are content with the lifespan of the Divinity, with the beauty, happiness, glory, and sovereignty of the Divinity, and who don’t truly understand any escape beyond:\nthey don’t know this.\nBut those gods of the Divinity’s host who are not content with the lifespan of the Divinity, with the beauty, happiness, glory, and sovereignty of the Divinity, and who do truly understand any escape beyond:\nthey do know this."}},{"id":"an7.56:7","sourceIds":["an7.56:7.1","an7.56:7.2","an7.56:7.3","an7.56:7.4","an7.56:7.5","an7.56:7.6","an7.56:7.7"],"kind":"text","text":{"pi":"Idha, mārisa moggallāna, bhikkhu ubhatobhāgavimutto hoti.\nTamenaṁ te devā evaṁ jānanti:\n‘ayaṁ kho āyasmā ubhatobhāgavimutto.\nYāvassa kāyo ṭhassati tāva naṁ dakkhanti devamanussā.\nKāyassa bhedā na naṁ dakkhanti devamanussā’ti.\nEvampi kho, mārisa moggallāna, tesaṁ devānaṁ ñāṇaṁ hoti:\n‘saupādisese vā saupādisesoti, anupādisese vā anupādiseso’ti.","en":"Take a mendicant who is freed both ways.\nThe gods know of them:\n‘This venerable is freed both ways.\nAs long as their body remains they will be seen by gods and humans.\nBut when their body breaks up gods and humans will see them no more.’\nThis too is how those gods know whether a person has remainder or not."}},{"id":"an7.56:8","sourceIds":["an7.56:8.1","an7.56:8.2","an7.56:8.3","an7.56:8.4","an7.56:8.5","an7.56:8.6","an7.56:8.7"],"kind":"text","text":{"pi":"Idha pana, mārisa moggallāna, bhikkhu paññāvimutto hoti.\nTamenaṁ te devā evaṁ jānanti:\n‘ayaṁ kho āyasmā paññāvimutto.\nYāvassa kāyo ṭhassati tāva naṁ dakkhanti devamanussā.\nKāyassa bhedā na naṁ dakkhanti devamanussā’ti.\nEvampi kho, mārisa moggallāna, tesaṁ devānaṁ ñāṇaṁ hoti:\n‘saupādisese vā saupādisesoti, anupādisese vā anupādiseso’ti.","en":"Take a mendicant who is freed by wisdom.\nThe gods know of them:\n‘This venerable is freed by wisdom.\nAs long as their body remains they will be seen by gods and humans.\nBut when their body breaks up gods and humans will see them no more.’\nThis too is how those gods know whether a person has remainder or not."}},{"id":"an7.56:9","sourceIds":["an7.56:9.1","an7.56:9.2","an7.56:9.3","an7.56:9.4","an7.56:9.5","an7.56:9.6","an7.56:9.7"],"kind":"text","text":{"pi":"Idha pana, mārisa moggallāna, bhikkhu kāyasakkhī hoti.\nTamenaṁ devā evaṁ jānanti:\n‘ayaṁ kho āyasmā kāyasakkhī.\nAppeva nāma ayamāyasmā anulomikāni senāsanāni paṭisevamāno kalyāṇamitte bhajamāno indriyāni samannānayamāno—\nyassatthāya kulaputtā sammadeva agārasmā anagāriyaṁ pabbajanti, tadanuttaraṁ—brahmacariyapariyosānaṁ diṭṭheva dhamme sayaṁ abhiññā sacchikatvā upasampajja vihareyyā’ti.\nEvampi kho, mārisa moggallāna, tesaṁ devānaṁ ñāṇaṁ hoti:\n‘saupādisese vā saupādisesoti, anupādisese vā anupādiseso’ti.","en":"Take a mendicant who is a direct witness.\nThe gods know of them:\n‘This venerable is a direct witness.\nHopefully this venerable will frequent appropriate lodgings, associate with good friends, and control their faculties.\nThen they might realize the supreme culmination of the spiritual path in this very life, and live having achieved with their own insight the goal for which gentlemen rightly go forth from the lay life to homelessness.’\nThis too is how those gods know whether a person has remainder or not."}},{"id":"an7.56:10","sourceIds":["an7.56:10.1","an7.56:10.2","an7.56:10.3","an7.56:10.4","an7.56:10.5","an7.56:10.6","an7.56:10.7","an7.56:10.8","an7.56:10.9"],"kind":"text","text":{"pi":"Idha pana, mārisa moggallāna, bhikkhu diṭṭhippatto hoti …pe…\nsaddhāvimutto hoti …pe…\ndhammānusārī hoti.\nTamenaṁ te devā evaṁ jānanti:\n‘ayaṁ kho āyasmā dhammānusārī.\nAppeva nāma ayamāyasmā anulomikāni senāsanāni paṭisevamāno kalyāṇamitte bhajamāno indriyāni samannānayamāno—\nyassatthāya kulaputtā sammadeva agārasmā anagāriyaṁ pabbajanti, tadanuttaraṁ—brahmacariyapariyosānaṁ diṭṭheva dhamme sayaṁ abhiññā sacchikatvā upasampajja vihareyyā’ti.\nEvampi kho, mārisa moggallāna, tesaṁ devānaṁ ñāṇaṁ hoti:\n‘saupādisese vā saupādisesoti, anupādisese vā anupādiseso’”ti.","en":"Take a mendicant who is attained to view. …\nfreed by faith …\na follower of teachings.\nThe gods know of them:\n‘This venerable is a follower of teachings.\nHopefully this venerable will frequent appropriate lodgings, associate with good friends, and control their faculties.\nThen they might realize the supreme culmination of the spiritual path in this very life, and live having achieved with their own insight the goal for which gentlemen rightly go forth from the lay life to homelessness.’\nThis too is how those gods know whether a person has remainder or not.”"}},{"id":"an7.56:11","sourceIds":["an7.56:11.1","an7.56:11.2","an7.56:11.3"],"kind":"text","text":{"pi":"Atha kho āyasmā mahāmoggallāno tissassa brahmuno bhāsitaṁ abhinanditvā anumoditvā—seyyathāpi nāma balavā puriso samiñjitaṁ vā bāhaṁ pasāreyya, pasāritaṁ vā bāhaṁ samiñjeyya; evamevaṁ—brahmaloke antarahito gijjhakūṭe pabbate pāturahosi.\nAtha kho āyasmā mahāmoggallāno yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi.\nEkamantaṁ nisinno kho āyasmā mahāmoggallāno yāvatako ahosi tissena brahmunā saddhiṁ kathāsallāpo taṁ sabbaṁ bhagavato ārocesi.","en":"Moggallāna approved and agreed with what Tissa the Divinity said. Then, as easily as a strong person would extend or contract their arm, he vanished from the realm of divinity and reappeared on the Vulture’s Peak.\nThen Mahāmoggallāna went up to the Buddha, bowed, sat down to one side,\nand told him what had happened."}},{"id":"an7.56:12","sourceIds":["an7.56:12.1","an7.56:12.2","an7.56:12.3","an7.56:12.4","an7.56:12.5","an7.56:12.6"],"kind":"text","text":{"pi":"“Na hi pana te, moggallāna, tisso brahmā sattamaṁ animittavihāriṁ puggalaṁ deseti”.\n“Etassa, bhagavā, kālo, etassa, sugata, kālo.\nYaṁ bhagavā sattamaṁ animittavihāriṁ puggalaṁ deseyya. Bhagavato sutvā bhikkhū dhāressantī”ti.\n“Tena hi, moggallāna, suṇāhi, sādhukaṁ manasi karohi; bhāsissāmī”ti.\n“Evaṁ, bhante”ti kho āyasmā mahāmoggallāno bhagavato paccassosi.\nBhagavā etadavoca:","en":"“But Moggallāna, Tissa the Divinity didn’t teach the seventh individual, the signless meditator.”\n“Now is the time, Blessed One! Now is the time, Holy One!\nMay the Buddha teach the seventh individual, the signless meditator. The mendicants will listen and remember it.”\n“Well then, Moggallāna, listen and apply your mind well, I will speak.”\n“Yes, sir,” Mahāmoggallāna replied.\nThe Buddha said this:"}},{"id":"an7.56:13","sourceIds":["an7.56:13.1","an7.56:13.2","an7.56:13.3","an7.56:13.4","an7.56:13.5","an7.56:13.6","an7.56:13.7","an7.56:13.8"],"kind":"text","text":{"pi":"“Idha, moggallāna, bhikkhu sabbanimittānaṁ amanasikārā animittaṁ cetosamādhiṁ upasampajja viharati.\nTamenaṁ te devā evaṁ jānanti:\n‘ayaṁ kho āyasmā sabbanimittānaṁ amanasikārā animittaṁ cetosamādhiṁ upasampajja viharati.\nAppeva nāma ayamāyasmā anulomikāni senāsanāni paṭisevamāno kalyāṇamitte bhajamāno indriyāni samannānayamāno—\nyassatthāya kulaputtā sammadeva agārasmā anagāriyaṁ pabbajanti, tadanuttaraṁ—brahmacariyapariyosānaṁ diṭṭheva dhamme sayaṁ abhiññā sacchikatvā upasampajja vihareyyā’ti.\nEvaṁ kho, moggallāna, tesaṁ devānaṁ ñāṇaṁ hoti:\n‘saupādisese vā saupādisesoti, anupādisese vā anupādiseso’”ti.\nTatiyaṁ.","en":"“Moggallāna, take the case of a mendicant who, not focusing on any signs, enters and remains in the signless immersion of the heart.\nThe gods know of them:\n‘This venerable, not focusing on any signs, enters and remains in the signless immersion of the heart.\nHopefully this venerable will frequent appropriate lodgings, associate with good friends, and control their faculties.\nThen they might realize the supreme culmination of the spiritual path in this very life, and live having achieved with their own insight the goal for which gentlemen rightly go forth from the lay life to homelessness.’\nThis too is how those gods know whether a person has remainder or not.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an7.56/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}