{"id":"an7.67","title":"The Simile of the Citadel","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an7.67","title":"The Simile of the Citadel","units":[{"id":"an7.67:0","sourceIds":["an7.67:0.1","an7.67:0.2","an7.67:0.3"],"kind":"text","text":{"pi":"Aṅguttara Nikāya 7.67\n7. Mahāvagga\nNagaropamasutta","en":"Numbered Discourses 7.67\n7. The Great Chapter\nThe Simile of the Citadel"}},{"id":"an7.67:1","sourceIds":["an7.67:1.1","an7.67:1.2"],"kind":"text","text":{"pi":"“Yato kho, bhikkhave, rañño paccantimaṁ nagaraṁ sattahi nagaraparikkhārehi suparikkhataṁ hoti, catunnañca āhārānaṁ nikāmalābhī hoti akicchalābhī akasiralābhī.\nIdaṁ vuccati, bhikkhave, rañño paccantimaṁ nagaraṁ akaraṇīyaṁ bāhirehi paccatthikehi paccāmittehi.","en":"“Mendicants, when a king’s frontier citadel is well provided with seven essentials and gets four kinds of sustenance when needed, without trouble or difficulty,\nit is then called a king’s frontier citadel that cannot be overrun by external foes and enemies."}},{"id":"an7.67:2","sourceIds":["an7.67:2.1","an7.67:2.2","an7.67:2.3"],"kind":"text","text":{"pi":"Katamehi sattahi nagaraparikkhārehi suparikkhataṁ hoti?\nIdha, bhikkhave, rañño paccantime nagare esikā hoti gambhīranemā sunikhātā acalā asampavedhī.\nIminā paṭhamena nagaraparikkhārena suparikkhataṁ hoti rañño paccantimaṁ nagaraṁ abbhantarānaṁ guttiyā bāhirānaṁ paṭighātāya.","en":"With what seven essentials is a citadel well provided?\nFirstly, a citadel has a pillar with deep foundations, firmly embedded, imperturbable and unshakable.\nThis is the first essential with which a king’s frontier citadel is well provided, to defend those within and repel those outside."}},{"id":"an7.67:3","sourceIds":["an7.67:3.1","an7.67:3.2"],"kind":"text","text":{"pi":"Puna caparaṁ, bhikkhave, rañño paccantime nagare parikkhā hoti gambhīrā ceva vitthatā ca.\nIminā dutiyena nagaraparikkhārena suparikkhataṁ hoti rañño paccantimaṁ nagaraṁ abbhantarānaṁ guttiyā bāhirānaṁ paṭighātāya.","en":"Furthermore, a citadel has a moat that is deep and wide.\nThis is the second essential …"}},{"id":"an7.67:4","sourceIds":["an7.67:4.1","an7.67:4.2"],"kind":"text","text":{"pi":"Puna caparaṁ, bhikkhave, rañño paccantime nagare anupariyāyapatho hoti ucco ceva vitthato ca.\nIminā tatiyena nagaraparikkhārena suparikkhataṁ hoti rañño paccantimaṁ nagaraṁ abbhantarānaṁ guttiyā bāhirānaṁ paṭighātāya.","en":"Furthermore, a citadel has a patrol path that is high and wide.\nThis is the third essential …"}},{"id":"an7.67:5","sourceIds":["an7.67:5.1","an7.67:5.2"],"kind":"text","text":{"pi":"Puna caparaṁ, bhikkhave, rañño paccantime nagare bahuṁ āvudhaṁ sannicitaṁ hoti salākañceva jevanikañca.\nIminā catutthena nagaraparikkhārena suparikkhataṁ hoti rañño paccantimaṁ nagaraṁ abbhantarānaṁ guttiyā bāhirānaṁ paṭighātāya.","en":"Furthermore, a citadel has stores of many weapons, both projectile and hand-held.\nThis is the fourth essential …"}},{"id":"an7.67:6","sourceIds":["an7.67:6.1","an7.67:6.2","an7.67:6.3"],"kind":"text","text":{"pi":"Puna caparaṁ, bhikkhave, rañño paccantime nagare bahubalakāyo paṭivasati, seyyathidaṁ—\nhatthārohā assārohā rathikā dhanuggahā celakā calakā piṇḍadāyakā uggā rājaputtā pakkhandino mahānāgā sūrā cammayodhino dāsakaputtā.\nIminā pañcamena nagaraparikkhārena suparikkhataṁ hoti rañño paccantimaṁ nagaraṁ abbhantarānaṁ guttiyā bāhirānaṁ paṭighātāya.","en":"Furthermore, many kinds of armed forces reside in a citadel, such as\nelephant marshals, cavalry, charioteers, archers, bannermen, adjutants, food servers, warrior-chiefs, princes, chargers, great warriors, heroes, leather-clad soldiers, and sons of bondservants.\nThis is the fifth essential …"}},{"id":"an7.67:7","sourceIds":["an7.67:7.1","an7.67:7.2"],"kind":"text","text":{"pi":"Puna caparaṁ, bhikkhave, rañño paccantime nagare dovāriko hoti paṇḍito byatto medhāvī aññātānaṁ nivāretā ñātānaṁ pavesetā.\nIminā chaṭṭhena nagaraparikkhārena suparikkhataṁ hoti rañño paccantimaṁ nagaraṁ abbhantarānaṁ guttiyā bāhirānaṁ paṭighātāya.","en":"Furthermore, a citadel has a gatekeeper who is astute, competent, and intelligent. He keeps strangers out and lets known people in.\nThis is the sixth essential …"}},{"id":"an7.67:8","sourceIds":["an7.67:8.1","an7.67:8.2","an7.67:8.3"],"kind":"text","text":{"pi":"Puna caparaṁ, bhikkhave, rañño paccantime nagare pākāro hoti ucco ceva vitthato ca vāsanalepanasampanno ca.\nIminā sattamena nagaraparikkhārena suparikkhataṁ hoti rañño paccantimaṁ nagaraṁ abbhantarānaṁ guttiyā bāhirānaṁ paṭighātāya.\nImehi sattahi nagaraparikkhārehi suparikkhataṁ hoti.","en":"Furthermore, a citadel has a wall that’s high and wide, covered with plaster.\nThis is the seventh essential with which a king’s frontier citadel is well provided, to defend those within and repel those outside.\nWith these seven essentials a citadel is well provided."}},{"id":"an7.67:9","sourceIds":["an7.67:9.1","an7.67:9.2"],"kind":"text","text":{"pi":"Katamesaṁ catunnaṁ āhārānaṁ nikāmalābhī hoti akicchalābhī akasiralābhī?\nIdha, bhikkhave, rañño paccantime nagare bahuṁ tiṇakaṭṭhodakaṁ sannicitaṁ hoti abbhantarānaṁ ratiyā aparitassāya phāsuvihārāya bāhirānaṁ paṭighātāya.","en":"What are the four kinds of sustenance it gets when needed, without trouble or difficulty?\nFirstly, a king’s frontier citadel has much hay, wood, and water stored up for the enjoyment, relief, and comfort of those within and to repel those outside."}},{"id":"an7.67:10","sourceIds":["an7.67:10.1"],"kind":"text","text":{"pi":"Puna caparaṁ, bhikkhave, rañño paccantime nagare bahuṁ sāliyavakaṁ sannicitaṁ hoti abbhantarānaṁ ratiyā aparitassāya phāsuvihārāya bāhirānaṁ paṭighātāya.","en":"Furthermore, a king’s frontier citadel has much rice and barley stored up for those within."}},{"id":"an7.67:11","sourceIds":["an7.67:11.1"],"kind":"text","text":{"pi":"Puna caparaṁ, bhikkhave, rañño paccantime nagare bahuṁ tilamuggamāsāparaṇṇaṁ sannicitaṁ hoti abbhantarānaṁ ratiyā aparitassāya phāsuvihārāya bāhirānaṁ paṭighātāya.","en":"Furthermore, a king’s frontier citadel has much food such as sesame, green gram, and black gram stored up for those within."}},{"id":"an7.67:12","sourceIds":["an7.67:12.1","an7.67:12.2","an7.67:12.3"],"kind":"text","text":{"pi":"Puna caparaṁ, bhikkhave, rañño paccantime nagare bahuṁ bhesajjaṁ sannicitaṁ hoti, seyyathidaṁ—\nsappi navanītaṁ telaṁ madhu phāṇitaṁ loṇaṁ abbhantarānaṁ ratiyā aparitassāya phāsuvihārāya bāhirānaṁ paṭighātāya.\nImesaṁ kho, bhikkhave, catunnaṁ āhārānaṁ nikāmalābhī hoti akicchalābhī akasiralābhī.","en":"Furthermore, a king’s frontier citadel has much medicine—\nghee, butter, oil, honey, molasses, and salt—stored up for the enjoyment, relief, and comfort of those within and to repel those outside.\nThese are the four kinds of sustenance it gets when needed, without trouble or difficulty."}},{"id":"an7.67:13","sourceIds":["an7.67:13.1","an7.67:13.2","an7.67:13.3","an7.67:13.4","an7.67:13.5"],"kind":"text","text":{"pi":"Yato kho, bhikkhave, rañño paccantimaṁ nagaraṁ imehi sattahi nagaraparikkhārehi suparikkhataṁ hoti, imesañca catunnaṁ āhārānaṁ nikāmalābhī hoti akicchalābhī akasiralābhī.\nIdaṁ vuccati, bhikkhave, rañño paccantimaṁ nagaraṁ akaraṇīyaṁ bāhirehi paccatthikehi paccāmittehi.\nEvamevaṁ kho, bhikkhave, yato ariyasāvako sattahi saddhammehi samannāgato hoti, catunnañca jhānānaṁ ābhicetasikānaṁ diṭṭhadhammasukhavihārānaṁ nikāmalābhī hoti akicchalābhī akasiralābhī.\nAyaṁ vuccati, bhikkhave, ariyasāvako akaraṇīyo mārassa akaraṇīyo pāpimato.\nKatamehi sattahi saddhammehi samannāgato hoti?","en":"When a king’s frontier citadel is well provided with seven essentials and gets four kinds of sustenance when needed, without trouble or difficulty,\nit is then called a king’s frontier citadel that cannot be overrun by external foes and enemies.\nIn the same way, when a noble disciple has seven good qualities, and they get the four absorptions—blissful meditations in this life that belong to the higher mind—when they want, without trouble or difficulty,\nthey are then called a noble disciple who cannot be overrun by Māra, who cannot be overrun by the Wicked One.\nWhat are the seven good qualities that they possess?"}},{"id":"an7.67:14","sourceIds":["an7.67:14.1","an7.67:14.2","an7.67:14.3","an7.67:14.4","an7.67:14.5","an7.67:14.6","an7.67:14.7"],"kind":"text","text":{"pi":"Seyyathāpi, bhikkhave, rañño paccantime nagare esikā hoti gambhīranemā sunikhātā acalā asampavedhī abbhantarānaṁ guttiyā bāhirānaṁ paṭighātāya.\nEvamevaṁ kho, bhikkhave, ariyasāvako saddho hoti, saddahati tathāgatassa bodhiṁ\n‘itipi so …pe… buddho bhagavā’ti.\nSaddhesiko, bhikkhave, ariyasāvako akusalaṁ pajahati, kusalaṁ bhāveti;\nsāvajjaṁ pajahati, anavajjaṁ bhāveti;\nsuddhaṁ attānaṁ pariharati.\nIminā paṭhamena saddhammena samannāgato hoti.","en":"Just as a king’s frontier citadel has a pillar with deep foundations, firmly embedded, imperturbable and unshakable, to defend those within and repel those outside,\nin the same way a noble disciple has faith in the Realized One’s awakening:\n‘That Blessed One is perfected, a fully awakened Buddha, accomplished in knowledge and conduct, holy, knower of the world, supreme guide for those fit for training, teacher of gods and humans, awakened, blessed.’\nA noble disciple with faith as their pillar gives up the unskillful and develops the skillful,\nthey give up the blameworthy and develop the blameless,\nand they keep themselves pure.\nThis is the first good quality they have."}},{"id":"an7.67:15","sourceIds":["an7.67:15.1","an7.67:15.2","an7.67:15.3","an7.67:15.4","an7.67:15.5","an7.67:15.6"],"kind":"text","text":{"pi":"Seyyathāpi, bhikkhave, rañño paccantime nagare parikkhā hoti gambhīrā ceva vitthatā ca abbhantarānaṁ guttiyā bāhirānaṁ paṭighātāya.\nEvamevaṁ kho, bhikkhave, ariyasāvako hirīmā hoti, hirīyati kāyaduccaritena vacīduccaritena manoduccaritena, hirīyati pāpakānaṁ akusalānaṁ dhammānaṁ samāpattiyā.\nHirīparikkho kho, bhikkhave, ariyasāvako akusalaṁ pajahati, kusalaṁ bhāveti;\nsāvajjaṁ pajahati, anavajjaṁ bhāveti;\nsuddhaṁ attānaṁ pariharati.\nIminā dutiyena saddhammena samannāgato hoti.","en":"Just as a citadel has a moat that is deep and wide,\nin the same way a noble disciple has a conscience. They’re conscientious about bad conduct by way of body, speech, and mind, and conscientious about having any bad, unskillful qualities.\nA noble disciple with a conscience as their moat gives up the unskillful and develops the skillful,\nthey give up the blameworthy and develop the blameless,\nand they keep themselves pure.\nThis is the second good quality they have."}},{"id":"an7.67:16","sourceIds":["an7.67:16.1","an7.67:16.2","an7.67:16.3","an7.67:16.4","an7.67:16.5","an7.67:16.6"],"kind":"text","text":{"pi":"Seyyathāpi, bhikkhave, rañño paccantime nagare anupariyāyapatho hoti ucco ceva vitthato ca abbhantarānaṁ guttiyā bāhirānaṁ paṭighātāya.\nEvamevaṁ, kho, bhikkhave, ariyasāvako ottappī hoti, ottappati kāyaduccaritena vacīduccaritena manoduccaritena, ottappati pāpakānaṁ akusalānaṁ dhammānaṁ samāpattiyā.\nOttappapariyāyapatho, bhikkhave, ariyasāvako akusalaṁ pajahati, kusalaṁ bhāveti;\nsāvajjaṁ pajahati, anavajjaṁ bhāveti;\nsuddhaṁ attānaṁ pariharati.\nIminā tatiyena saddhammena samannāgato hoti.","en":"Just as a citadel has a patrol path that is high and wide,\nin the same way a noble disciple is prudent. They’re prudent when it comes to bad conduct by way of body, speech, and mind, and prudent when it comes to acquiring any bad, unskillful qualities.\nA noble disciple with prudence as their patrol path gives up the unskillful and develops the skillful,\nthey give up the blameworthy and develop the blameless,\nand they keep themselves pure.\nThis is the third good quality they have."}},{"id":"an7.67:17","sourceIds":["an7.67:17.1","an7.67:17.2","an7.67:17.3","an7.67:17.4","an7.67:17.5","an7.67:17.6"],"kind":"text","text":{"pi":"Seyyathāpi, bhikkhave, rañño paccantime nagare bahuṁ āvudhaṁ sannicitaṁ hoti salākañceva jevanikañca abbhantarānaṁ guttiyā bāhirānaṁ paṭighātāya.\nEvamevaṁ kho, bhikkhave, ariyasāvako bahussuto hoti …pe… diṭṭhiyā suppaṭividdhā.\nSutāvudho, bhikkhave, ariyasāvako akusalaṁ pajahati, kusalaṁ bhāveti;\nsāvajjaṁ pajahati, anavajjaṁ bhāveti;\nsuddhaṁ attānaṁ pariharati.\nIminā catutthena saddhammena samannāgato hoti.","en":"Just as a citadel has stores of many weapons, both projectile and hand-held,\nin the same way a noble disciple is very learned. They remember and keep what they’ve learned. These teachings are good in the beginning, good in the middle, and good in the end, meaningful and well-phrased, describing a spiritual practice that’s entirely full and pure. They are very learned in such teachings, remembering them, reciting them, mentally scrutinizing them, and penetrating them theoretically.\nA noble disciple with learning as their weapon gives up the unskillful and develops the skillful,\nthey give up the blameworthy and develop the blameless,\nand they keep themselves pure.\nThis is the fourth good quality they have."}},{"id":"an7.67:18","sourceIds":["an7.67:18.1","an7.67:18.2","an7.67:18.3","an7.67:18.4","an7.67:18.5","an7.67:18.6","an7.67:18.7"],"kind":"text","text":{"pi":"Seyyathāpi, bhikkhave, rañño paccantime nagare bahubalakāyo paṭivasati, seyyathidaṁ—\nhatthārohā assārohā rathikā dhanuggahā celakā calakā piṇḍadāyakā uggā rājaputtā pakkhandino mahānāgā sūrā cammayodhino dāsakaputtā abbhantarānaṁ guttiyā bāhirānaṁ paṭighātāya.\nEvamevaṁ kho, bhikkhave, ariyasāvako āraddhavīriyo viharati akusalānaṁ dhammānaṁ pahānāya, kusalānaṁ dhammānaṁ upasampadāya, thāmavā daḷhaparakkamo anikkhittadhuro kusalesu dhammesu.\nVīriyabalakāyo, bhikkhave, ariyasāvako akusalaṁ pajahati, kusalaṁ bhāveti;\nsāvajjaṁ pajahati, anavajjaṁ bhāveti;\nsuddhaṁ attānaṁ pariharati.\nIminā pañcamena saddhammena samannāgato hoti.","en":"Just as many kinds of armed forces reside in a citadel …\nin the same way a noble disciple is energetic. They live with energy roused up for giving up unskillful qualities and embracing skillful qualities. They are strong, staunchly vigorous, not slacking off when it comes to developing skillful qualities.\nA noble disciple with energy as their armed forces gives up the unskillful and develops the skillful,\nthey give up the blameworthy and develop the blameless,\nand they keep themselves pure.\nThis is the fifth good quality they have."}},{"id":"an7.67:19","sourceIds":["an7.67:19.1","an7.67:19.2","an7.67:19.3","an7.67:19.4","an7.67:19.5","an7.67:19.6"],"kind":"text","text":{"pi":"Seyyathāpi, bhikkhave, rañño paccantime nagare dovāriko hoti paṇḍito byatto medhāvī aññātānaṁ nivāretā ñātānaṁ pavesetā abbhantarānaṁ guttiyā bāhirānaṁ paṭighātāya.\nEvamevaṁ kho, bhikkhave, ariyasāvako satimā hoti paramena satinepakkena samannāgato cirakatampi cirabhāsitampi saritā anussaritā.\nSatidovāriko, bhikkhave, ariyasāvako akusalaṁ pajahati, kusalaṁ bhāveti;\nsāvajjaṁ pajahati, anavajjaṁ bhāveti;\nsuddhaṁ attānaṁ pariharati.\nIminā chaṭṭhena saddhammena samannāgato hoti.","en":"Just as a citadel has a gatekeeper who is astute, competent, and intelligent, who keeps strangers out and lets known people in,\nin the same way a noble disciple is mindful. They have utmost mindfulness and alertness, and can remember and recall what was said and done long ago.\nA noble disciple with mindfulness as their gatekeeper gives up the unskillful and develops the skillful,\nthey give up the blameworthy and develop the blameless,\nand they keep themselves pure.\nThis is the sixth good quality they have."}},{"id":"an7.67:20","sourceIds":["an7.67:20.1","an7.67:20.2","an7.67:20.3","an7.67:20.4","an7.67:20.5","an7.67:20.6","an7.67:20.7"],"kind":"text","text":{"pi":"Seyyathāpi, bhikkhave, rañño paccantime nagare pākāro hoti ucco ceva vitthato ca vāsanalepanasampanno ca abbhantarānaṁ guttiyā bāhirānaṁ paṭighātāya.\nEvamevaṁ kho, bhikkhave, ariyasāvako paññavā hoti udayatthagāminiyā paññāya samannāgato ariyāya nibbedhikāya sammā dukkhakkhayagāminiyā.\nPaññāvāsanalepanasampanno, bhikkhave, ariyasāvako akusalaṁ pajahati, kusalaṁ bhāveti;\nsāvajjaṁ pajahati, anavajjaṁ bhāveti;\nsuddhaṁ attānaṁ pariharati.\nIminā sattamena saddhammena samannāgato hoti.\nImehi sattahi saddhammehi samannāgato hoti.","en":"Just as a citadel has a wall that’s high and wide, covered with plaster, to defend those within and repel those outside,\nin the same way a noble disciple is wise. They have the wisdom of arising and passing away which is noble, penetrative, and leads to the complete ending of suffering.\nA noble disciple with wisdom as their wall gives up the unskillful and develops the skillful,\nthey give up the blameworthy and develop the blameless,\nand they keep themselves pure.\nThis is the seventh good quality they have.\nThese are the seven good qualities that they possess."}},{"id":"an7.67:21","sourceIds":["an7.67:21.1","an7.67:21.2","an7.67:21.3","an7.67:21.4"],"kind":"text","text":{"pi":"Katamesaṁ catunnaṁ jhānānaṁ ābhicetasikānaṁ diṭṭhadhammasukhavihārānaṁ nikāmalābhī hoti akicchalābhī akasiralābhī?\nSeyyathāpi, bhikkhave, rañño paccantime nagare bahuṁ tiṇakaṭṭhodakaṁ sannicitaṁ hoti abbhantarānaṁ ratiyā aparitassāya phāsuvihārāya bāhirānaṁ paṭighātāya.\nEvamevaṁ kho, bhikkhave, ariyasāvako vivicceva kāmehi …pe… paṭhamaṁ jhānaṁ upasampajja viharati\nattano ratiyā aparitassāya phāsuvihārāya okkamanāya nibbānassa.","en":"And what are the four absorptions—blissful meditations in this life that belong to the higher mind—that they get when they want, without trouble or difficulty?\nJust as a king’s frontier citadel has much hay, wood, and water stored up for the enjoyment, relief, and comfort of those within and to repel those outside,\nin the same way a noble disciple, quite secluded from sensual pleasures, secluded from unskillful qualities, enters and remains in the first absorption, which has the rapture and bliss born of seclusion, while placing the mind and keeping it connected.\nThis is for their own enjoyment, relief, and comfort, and for alighting upon extinguishment."}},{"id":"an7.67:22","sourceIds":["an7.67:22.1","an7.67:22.2","an7.67:22.3"],"kind":"text","text":{"pi":"Seyyathāpi, bhikkhave, rañño paccantime nagare bahuṁ sāliyavakaṁ sannicitaṁ hoti abbhantarānaṁ ratiyā aparitassāya phāsuvihārāya bāhirānaṁ paṭighātāya.\nEvamevaṁ kho, bhikkhave, ariyasāvako vitakkavicārānaṁ vūpasamā …pe… dutiyaṁ jhānaṁ upasampajja viharati\nattano ratiyā aparitassāya phāsuvihārāya okkamanāya nibbānassa.","en":"Just as a king’s frontier citadel has much rice and barley stored up,\nin the same way, as the placing of the mind and keeping it connected are stilled, a noble disciple enters and remains in the second absorption, which has the rapture and bliss born of immersion, with internal clarity and mind at one, without placing the mind and keeping it connected.\nThis is for their own enjoyment, relief, and comfort, and for alighting upon extinguishment."}},{"id":"an7.67:23","sourceIds":["an7.67:23.1","an7.67:23.2","an7.67:23.3"],"kind":"text","text":{"pi":"Seyyathāpi, bhikkhave, rañño paccantime nagare bahuṁ tilamuggamāsāparaṇṇaṁ sannicitaṁ hoti abbhantarānaṁ ratiyā aparitassāya phāsuvihārāya bāhirānaṁ paṭighātāya.\nEvamevaṁ kho, bhikkhave, ariyasāvako pītiyā ca virāgā …pe… tatiyaṁ jhānaṁ upasampajja viharati\nattano ratiyā aparitassāya phāsuvihārāya okkamanāya nibbānassa.","en":"Just as a king’s frontier citadel has much food such as sesame, green gram, and black gram stored up,\nin the same way with the fading away of rapture, a noble disciple enters and remains in the third absorption, where they meditate with equanimity, mindful and aware, experiencing for themselves the bliss of which the noble ones declare, ‘Equanimous and mindful, one meditates in bliss.’\nThis is for their own enjoyment, relief, and comfort, and for alighting upon extinguishment."}},{"id":"an7.67:24","sourceIds":["an7.67:24.1","an7.67:24.2","an7.67:24.3","an7.67:24.4","an7.67:24.5"],"kind":"text","text":{"pi":"Seyyathāpi, bhikkhave, rañño paccantime nagare bahuṁ bhesajjaṁ sannicitaṁ hoti, seyyathidaṁ—\nsappi navanītaṁ telaṁ madhu phāṇitaṁ loṇaṁ abbhantarānaṁ ratiyā aparitassāya phāsuvihārāya bāhirānaṁ paṭighātāya.\nEvamevaṁ kho, bhikkhave, ariyasāvako sukhassa ca pahānā dukkhassa ca pahānā pubbeva somanassadomanassānaṁ atthaṅgamā adukkhamasukhaṁ upekkhāsatipārisuddhiṁ catutthaṁ jhānaṁ upasampajja viharati\nattano ratiyā aparitassāya phāsuvihārāya okkamanāya nibbānassa.\nImesaṁ catunnaṁ jhānānaṁ ābhicetasikānaṁ diṭṭhadhammasukhavihārānaṁ nikāmalābhī hoti akicchalābhī akasiralābhī.","en":"Just as a king’s frontier citadel has much medicine—\nghee, butter, oil, honey, molasses, and salt—stored up for the enjoyment, relief, and comfort of those within and to repel those outside,\nin the same way, with the giving up of pleasure and pain and the disappearance of former happiness and sadness, a noble disciple enters and remains in the fourth absorption, without pleasure or pain, with pure equanimity and mindfulness.\nThis is for their own enjoyment, relief, and comfort, and for alighting upon extinguishment.\nThese are the four absorptions—blissful meditations in this life that belong to the higher mind—which they get when they want, without trouble or difficulty."}},{"id":"an7.67:25","sourceIds":["an7.67:25.1","an7.67:25.2","an7.67:25.3"],"kind":"text","text":{"pi":"Yato kho, bhikkhave, ariyasāvako imehi sattahi saddhammehi samannāgato hoti, imesañca catunnaṁ jhānānaṁ ābhicetasikānaṁ diṭṭhadhammasukhavihārānaṁ nikāmalābhī hoti akicchalābhī akasiralābhī.\nAyaṁ vuccati, bhikkhave, ariyasāvako akaraṇīyo mārassa akaraṇīyo pāpimato”ti.\nTatiyaṁ.","en":"When a noble disciple has seven good qualities, and they get the four absorptions—blissful meditations in this life that belong to the higher mind—when they want, without trouble or difficulty,\nthey are then called a noble disciple who cannot be overrun by Māra, who cannot be overrun by the Wicked One.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an7.67/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}