{"id":"an7.7","title":"With Ugga","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an7.7","title":"With Ugga","units":[{"id":"an7.7:0","sourceIds":["an7.7:0.1","an7.7:0.2","an7.7:0.3"],"kind":"text","text":{"pi":"Aṅguttara Nikāya 7.7\n1. Dhanavagga\nUggasutta","en":"Numbered Discourses 7.7\n1. Wealth\nWith Ugga"}},{"id":"an7.7:1","sourceIds":["an7.7:1.1"],"kind":"text","text":{"pi":"Atha kho uggo rājamahāmatto yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho uggo rājamahāmatto bhagavantaṁ etadavoca:","en":"Then Ugga the government chief minister went up to the Buddha, bowed, sat down to one side, and said to him,"}},{"id":"an7.7:2","sourceIds":["an7.7:2.1","an7.7:2.2","an7.7:2.3","an7.7:2.4","an7.7:2.5","an7.7:2.6","an7.7:2.7","an7.7:2.8","an7.7:2.9","an7.7:2.10"],"kind":"text","text":{"pi":"“Acchariyaṁ, bhante, abbhutaṁ, bhante.\nYāva aḍḍho cāyaṁ, bhante, migāro rohaṇeyyo yāva mahaddhano yāva mahābhogo”ti.\n“Kīva aḍḍho panugga, migāro rohaṇeyyo, kīva mahaddhano, kīva mahābhogo”ti?\n“Sataṁ, bhante, satasahassānaṁ hiraññassa, ko pana vādo rūpiyassā”ti.\n“Atthi kho etaṁ, ugga, dhanaṁ netaṁ ‘natthī’ti vadāmīti.\nTañca kho etaṁ, ugga, dhanaṁ sādhāraṇaṁ agginā udakena rājūhi corehi appiyehi dāyādehi.\nSatta kho imāni, ugga, dhanāni asādhāraṇāni agginā udakena rājūhi corehi appiyehi dāyādehi.\nKatamāni satta?\nSaddhādhanaṁ, sīladhanaṁ, hirīdhanaṁ, ottappadhanaṁ, sutadhanaṁ, cāgadhanaṁ, paññādhanaṁ.\nImāni kho, ugga, satta dhanāni asādhāraṇāni agginā udakena rājūhi corehi appiyehi dāyādehīti.","en":"“It’s incredible, sir, it’s amazing!\nMigāra of Rohaṇa is so rich, so very wealthy.”\n“But Ugga, how rich is he?”\n“He has a hundred thousand gold coins, not to mention the silver coins!”\n“Well, Ugga, that is wealth, I can’t deny it.\nBut fire, water, rulers, thieves, and unloved heirs all take a share of that wealth.\nThere are these seven kinds of wealth that they can’t take a share of.\nWhat seven?\nThe wealth of faith, ethics, conscience, prudence, learning, generosity, and wisdom.\nThere are these seven kinds of wealth that fire, water, rulers, thieves, and unloved heirs can’t take a share of."}},{"id":"an7.7:3","sourceIds":["an7.7:3.1","an7.7:3.2","an7.7:3.3","an7.7:3.4"],"kind":"text","text":{"pi":"Saddhādhanaṁ sīladhanaṁ,\nhirī ottappiyaṁ dhanaṁ;\nSutadhanañca cāgo ca,\npaññā ve sattamaṁ dhanaṁ.","en":"Faith and ethical conduct are kinds of wealth,\nas are conscience and prudence,\nlearning and generosity,\nand wisdom is the seventh kind of wealth."}},{"id":"an7.7:4","sourceIds":["an7.7:4.1","an7.7:4.2","an7.7:4.3","an7.7:4.4"],"kind":"text","text":{"pi":"Yassa ete dhanā atthi,\nitthiyā purisassa vā;\nSa ve mahaddhano loke,\najeyyo devamānuse.","en":"When a woman or man\nhas these kinds of wealth,\nthey’re really rich in the world,\ninvincible among gods and humans."}},{"id":"an7.7:5","sourceIds":["an7.7:5.1","an7.7:5.2","an7.7:5.3","an7.7:5.4","an7.7:5.5"],"kind":"text","text":{"pi":"Tasmā saddhañca sīlañca,\npasādaṁ dhammadassanaṁ;\nAnuyuñjetha medhāvī,\nsaraṁ buddhāna sāsanan”ti.\nSattamaṁ.","en":"So let the wise devote themselves\nto faith, ethical behavior,\nconfidence, and insight into the teaching,\nremembering the instructions of the Buddhas.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an7.7/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}