{"id":"an7.70","title":"Honor","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an7.70","title":"Honor","units":[{"id":"an7.70:0","sourceIds":["an7.70:0.1","an7.70:0.2","an7.70:0.3"],"kind":"text","text":{"pi":"Aṅguttara Nikāya 7.70\n7. Mahāvagga\nSakkaccasutta","en":"Numbered Discourses 7.70\n7. The Great Chapter\nHonor"}},{"id":"an7.70:1","sourceIds":["an7.70:1.1","an7.70:1.2","an7.70:1.3","an7.70:1.4","an7.70:1.5","an7.70:1.6","an7.70:1.7","an7.70:1.8","an7.70:1.9","an7.70:1.10"],"kind":"text","text":{"pi":"Atha kho āyasmato sāriputtassa rahogatassa paṭisallīnassa evaṁ cetaso parivitakko udapādi:\n“kiṁ nu kho, bhikkhu, sakkatvā garuṁ katvā upanissāya viharanto akusalaṁ pajaheyya, kusalaṁ bhāveyyā”ti?\nAtha kho āyasmato sāriputtassa etadahosi:\n“satthāraṁ kho, bhikkhu, sakkatvā garuṁ katvā upanissāya viharanto akusalaṁ pajaheyya, kusalaṁ bhāveyya.\nDhammaṁ kho, bhikkhu …pe…\nsaṅghaṁ kho, bhikkhu …pe…\nsikkhaṁ kho, bhikkhu …pe…\nsamādhiṁ kho, bhikkhu …pe…\nappamādaṁ kho, bhikkhu …pe…\npaṭisanthāraṁ kho, bhikkhu sakkatvā garuṁ katvā upanissāya viharanto akusalaṁ pajaheyya, kusalaṁ bhāveyyā”ti.","en":"Then as Venerable Sāriputta was in private retreat this thought came to his mind,\n“What should a mendicant honor and respect and rely on, to give up the unskillful and develop the skillful?”\nThen he thought,\n“A mendicant should honor and respect and rely on the Teacher …\nthe teaching …\nthe Saṅgha …\nthe training …\nimmersion …\ndiligence …\nA mendicant should honor and respect and rely on hospitality, to give up the unskillful and develop the skillful.”"}},{"id":"an7.70:2","sourceIds":["an7.70:2.1","an7.70:2.2","an7.70:2.3","an7.70:2.4","an7.70:2.5","an7.70:2.6","an7.70:2.7","an7.70:2.8","an7.70:2.9"],"kind":"text","text":{"pi":"Atha kho āyasmato sāriputtassa etadahosi:\n“ime kho me dhammā parisuddhā pariyodātā, yannūnāhaṁ ime dhamme gantvā bhagavato āroceyyaṁ.\nEvaṁ me ime dhammā parisuddhā ceva bhavissanti parisuddhasaṅkhātatarā ca.\nSeyyathāpi nāma puriso suvaṇṇanikkhaṁ adhigaccheyya parisuddhaṁ pariyodātaṁ.\nTassa evamassa:\n‘ayaṁ kho me suvaṇṇanikkho parisuddho pariyodāto, yannūnāhaṁ imaṁ suvaṇṇanikkhaṁ gantvā kammārānaṁ dasseyyaṁ.\nEvaṁ me ayaṁ suvaṇṇanikkho sakammāragato parisuddho ceva bhavissati parisuddhasaṅkhātataro ca.\nEvamevaṁ me ime dhammā parisuddhā pariyodātā, yannūnāhaṁ ime dhamme gantvā bhagavato āroceyyaṁ.\nEvaṁ me ime dhammā parisuddhā ceva bhavissanti parisuddhasaṅkhātatarā cā’”ti.","en":"Then he thought,\n“These qualities are pure and bright in me. Why don’t I go and tell them to the Buddha?\nThen these qualities will not only be purified in me, but will be better known as purified.\nSuppose a man were to acquire a gold ingot, pure and bright.\nThey’d think,\n‘My gold ingot is pure and bright. Why don’t I take it to show the smiths?\nThen it will not only be purified, but will be better known as purified.’\nIn the same way, these qualities are pure and bright in me. Why don’t I go and tell them to the Buddha?\nThen these qualities will not only be purified in me, but will be better known as purified.”"}},{"id":"an7.70:3","sourceIds":["an7.70:3.1"],"kind":"text","text":{"pi":"Atha kho āyasmā sāriputto sāyanhasamayaṁ paṭisallānā vuṭṭhito yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā sāriputto bhagavantaṁ etadavoca:","en":"Then in the late afternoon, Sāriputta came out of retreat and went to the Buddha. He bowed, sat down to one side, and told the Buddha of his thoughts while on retreat."}},{"id":"an7.70:4","sourceIds":["an7.70:4.1","an7.70:4.2","an7.70:4.3","an7.70:4.4","an7.70:4.5","an7.70:4.6","an7.70:4.7","an7.70:4.8","an7.70:4.9","an7.70:4.10","an7.70:4.11","an7.70:4.12","an7.70:4.13","an7.70:4.14","an7.70:4.15","an7.70:4.16"],"kind":"text","text":{"pi":"“Idha mayhaṁ, bhante, rahogatassa paṭisallīnassa evaṁ cetaso parivitakko udapādi:\n‘kiṁ nu kho bhikkhu sakkatvā garuṁ katvā upanissāya viharanto akusalaṁ pajaheyya, kusalaṁ bhāveyyā’ti?\nAtha kho tassa mayhaṁ, bhante, etadahosi:\n‘satthāraṁ kho bhikkhu sakkatvā garuṁ katvā upanissāya viharanto akusalaṁ pajaheyya, kusalaṁ bhāveyya.\nDhammaṁ kho bhikkhu …pe…\npaṭisanthāraṁ kho bhikkhu sakkatvā …pe…\nkusalaṁ bhāveyyā’ti.\nAtha kho tassa mayhaṁ, bhante, etadahosi:\n‘ime kho me dhammā parisuddhā pariyodātā, yannūnāhaṁ ime dhamme gantvā bhagavato āroceyyaṁ.\nEvaṁ me ime dhammā parisuddhā ceva bhavissanti parisuddhasaṅkhātatarā ca.\nSeyyathāpi nāma puriso suvaṇṇanikkhaṁ adhigaccheyya parisuddhaṁ pariyodātaṁ.\nTassa evamassa—\nayaṁ kho me suvaṇṇanikkho parisuddho pariyodāto, yannūnāhaṁ imaṁ suvaṇṇanikkhaṁ gantvā kammārānaṁ dasseyyaṁ.\nEvaṁ me ayaṁ suvaṇṇanikkho sakammāragato parisuddho ceva bhavissati parisuddhasaṅkhātataro ca.\nEvamevaṁ me ime dhammā parisuddhā pariyodātā, yannūnāhaṁ ime dhamme gantvā bhagavato āroceyyaṁ.\nEvaṁ me ime dhammā parisuddhā ceva bhavissanti parisuddhasaṅkhātatarā cā’”ti."}},{"id":"an7.70:5","sourceIds":["an7.70:5.1","an7.70:5.2","an7.70:5.3","an7.70:5.4","an7.70:5.5","an7.70:5.6","an7.70:5.7","an7.70:5.8"],"kind":"text","text":{"pi":"“Sādhu sādhu, sāriputta.\nSatthāraṁ kho, sāriputta, bhikkhu sakkatvā garuṁ katvā upanissāya viharanto akusalaṁ pajaheyya, kusalaṁ bhāveyya.\nDhammaṁ kho, sāriputta, bhikkhu sakkatvā garuṁ katvā upanissāya viharanto akusalaṁ pajaheyya, kusalaṁ bhāveyya.\nSaṅghaṁ kho …pe…\nsikkhaṁ kho …\nsamādhiṁ kho …\nappamādaṁ kho …\npaṭisanthāraṁ kho, sāriputta, bhikkhu sakkatvā garuṁ katvā upanissāya viharanto akusalaṁ pajaheyya, kusalaṁ bhāveyyā”ti.","en":"“Good, good, Sāriputta!\nA mendicant should honor and respect and rely on the Teacher, to give up the unskillful and develop the skillful.\nA mendicant should honor and respect and rely on the teaching …\nthe Saṅgha …\nthe training …\nimmersion …\ndiligence …\nA mendicant should honor and respect and rely on hospitality, to give up the unskillful and develop the skillful.”"}},{"id":"an7.70:6","sourceIds":["an7.70:6.1","an7.70:6.2","an7.70:6.3","an7.70:6.4"],"kind":"text","text":{"pi":"Evaṁ vutte, āyasmā sāriputto bhagavantaṁ etadavoca:\n“imassa kho ahaṁ, bhante, bhagavatā saṅkhittena bhāsitassa evaṁ vitthārena atthaṁ ājānāmi.\nSo vata, bhante, bhikkhu satthari agāravo dhamme sagāravo bhavissatīti netaṁ ṭhānaṁ vijjati.\nYo so, bhante, bhikkhu satthari agāravo dhammepi so agāravo.","en":"When he said this, Venerable Sāriputta said to the Buddha:\n“Sir, this is how I understand the detailed meaning of the Buddha’s brief statement.\nIt is quite impossible for a mendicant who doesn’t respect the Teacher to respect the teaching.\nA mendicant who disrespects the Teacher disrespects the teaching."}},{"id":"an7.70:7","sourceIds":["an7.70:7.1","an7.70:7.2"],"kind":"text","text":{"pi":"So vata, bhante, bhikkhu satthari agāravo dhamme agāravo saṅghe sagāravo bhavissatīti netaṁ ṭhānaṁ vijjati.\nYo so, bhante, bhikkhu satthari agāravo dhamme agāravo saṅghepi so agāravo.","en":"It is quite impossible for a mendicant who doesn’t respect the Teacher and the teaching to respect the Saṅgha.\nA mendicant who disrespects the Teacher and the teaching disrespects the Saṅgha."}},{"id":"an7.70:8","sourceIds":["an7.70:8.1","an7.70:8.2"],"kind":"text","text":{"pi":"So vata, bhante, bhikkhu satthari agāravo dhamme agāravo saṅghe agāravo sikkhāya sagāravo bhavissatīti netaṁ ṭhānaṁ vijjati.\nYo so, bhante, bhikkhu satthari agāravo dhamme agāravo saṅghe agāravo sikkhāyapi so agāravo.","en":"It is quite impossible for a mendicant who doesn’t respect the Teacher, the teaching, and the Saṅgha to respect the training.\nA mendicant who disrespects the Teacher, the teaching, and the Saṅgha disrespects the training."}},{"id":"an7.70:9","sourceIds":["an7.70:9.1","an7.70:9.2"],"kind":"text","text":{"pi":"So vata, bhante, bhikkhu satthari agāravo dhamme agāravo saṅghe agāravo sikkhāya agāravo samādhismiṁ sagāravo bhavissatīti netaṁ ṭhānaṁ vijjati.\nYo so, bhante, bhikkhu satthari agāravo dhamme agāravo saṅghe agāravo sikkhāya agāravo samādhismimpi so agāravo.","en":"It is quite impossible for a mendicant who doesn’t respect the Teacher, the teaching, the Saṅgha, and the training to respect immersion.\nA mendicant who disrespects the Teacher, the teaching, the Saṅgha, and the training disrespects immersion."}},{"id":"an7.70:10","sourceIds":["an7.70:10.1","an7.70:10.2"],"kind":"text","text":{"pi":"So vata, bhante, bhikkhu satthari agāravo dhamme agāravo saṅghe agāravo sikkhāya agāravo samādhismiṁ agāravo appamāde sagāravo bhavissatīti netaṁ ṭhānaṁ vijjati.\nYo so, bhante, bhikkhu satthari agāravo dhamme agāravo saṅghe agāravo sikkhāya agāravo samādhismiṁ agāravo appamādepi so agāravo.","en":"It is quite impossible for a mendicant who doesn’t respect the Teacher, the teaching, the Saṅgha, the training, and immersion to respect diligence.\nA mendicant who disrespects the Teacher, the teaching, the Saṅgha, the training, and immersion disrespects diligence."}},{"id":"an7.70:11","sourceIds":["an7.70:11.1","an7.70:11.2"],"kind":"text","text":{"pi":"So vata, bhante, bhikkhu satthari agāravo dhamme agāravo saṅghe agāravo sikkhāya agāravo samādhismiṁ agāravo appamāde agāravo paṭisanthāre sagāravo bhavissatīti netaṁ ṭhānaṁ vijjati.\nYo so, bhante, bhikkhu satthari agāravo …pe… appamāde agāravo paṭisanthārepi so agāravo.","en":"It is quite impossible for a mendicant who doesn’t respect the Teacher, the teaching, the Saṅgha, the training, immersion, and diligence to respect hospitality.\nA mendicant who disrespects the Teacher, the teaching, the Saṅgha, the training, immersion, and diligence disrespects hospitality."}},{"id":"an7.70:12","sourceIds":["an7.70:12.1"],"kind":"text","text":{"pi":"So vata, bhante, bhikkhu satthari sagāravo dhamme agāravo bhavissatīti netaṁ ṭhānaṁ vijjati. Yo so, bhante, bhikkhu satthari sagāravo dhammepi so sagāravo …pe….","en":"It is quite impossible for a mendicant who does respect the Teacher to disrespect the teaching. …"}},{"id":"an7.70:13","sourceIds":["an7.70:13.1","an7.70:13.2"],"kind":"text","text":{"pi":"So vata, bhante, bhikkhu satthari sagāravo …pe… appamāde sagāravo paṭisanthāre agāravo bhavissatīti netaṁ ṭhānaṁ vijjati.\nYo so, bhante, bhikkhu satthari sagāravo …pe… appamāde sagāravo paṭisanthārepi so sagāravo.","en":"A mendicant who respects the Teacher, the teaching, the Saṅgha, the training, immersion, and diligence respects hospitality."}},{"id":"an7.70:14","sourceIds":["an7.70:14.1"],"kind":"text","text":{"pi":"So vata, bhante, bhikkhu satthari sagāravo dhammepi sagāravo bhavissatīti ṭhānametaṁ vijjati. Yo so, bhante, bhikkhu satthari sagāravo dhammepi so sagāravo …pe….","en":"It’s quite possible for a mendicant who respects the Teacher to respect the teaching. …"}},{"id":"an7.70:15","sourceIds":["an7.70:15.1","an7.70:15.2"],"kind":"text","text":{"pi":"So vata, bhante, bhikkhu satthari sagāravo …pe… appamāde sagāravo paṭisanthārepi sagāravo bhavissatīti ṭhānametaṁ vijjati.\nYo so, bhante, bhikkhu satthari sagāravo dhamme sagāravo saṅghe sagāravo sikkhāya sagāravo samādhismiṁ sagāravo appamāde sagāravo paṭisanthārepi so sagāravoti.","en":"A mendicant who respects the Teacher, the teaching, the Saṅgha, the training, immersion, and diligence respects hospitality."}},{"id":"an7.70:16","sourceIds":["an7.70:16.1"],"kind":"text","text":{"pi":"Imassa kho ahaṁ, bhante, bhagavatā saṅkhittena bhāsitassa evaṁ vitthārena atthaṁ ājānāmī”ti.","en":"That’s how I understand the detailed meaning of the Buddha’s brief statement.”"}},{"id":"an7.70:17","sourceIds":["an7.70:17.1","an7.70:17.2","an7.70:17.3","an7.70:17.4"],"kind":"text","text":{"pi":"“Sādhu sādhu, sāriputta.\nSādhu kho tvaṁ, sāriputta, imassa mayā saṅkhittena bhāsitassa evaṁ vitthārena atthaṁ ājānāsi.\nSo vata, sāriputta, bhikkhu satthari agāravo dhamme sagāravo bhavissatīti netaṁ ṭhānaṁ vijjati …pe…\nyo so, sāriputta, bhikkhu satthari agāravo dhamme agāravo saṅghe agāravo sikkhāya agāravo samādhismiṁ agāravo appamādepi so agāravo.","en":"“Good, good, Sāriputta!\nIt’s good that you understand the detailed meaning of what I’ve said in brief like this.\nIt is quite impossible for a mendicant who doesn’t respect the Teacher to respect the teaching. …"}},{"id":"an7.70:18","sourceIds":["an7.70:18.1","an7.70:18.2"],"kind":"text","text":{"pi":"So vata, sāriputta, bhikkhu satthari agāravo dhamme agāravo saṅghe agāravo sikkhāya agāravo samādhismiṁ agāravo appamāde agāravo paṭisanthāre sagāravo bhavissatīti netaṁ ṭhānaṁ vijjati.\nYo so, sāriputta, bhikkhu satthari agāravo dhamme agāravo saṅghe agāravo sikkhāya agāravo samādhismiṁ agāravo appamāde agāravo paṭisanthārepi so agāravo.","en":"A mendicant who disrespects the Teacher, the teaching, the Saṅgha, the training, immersion, and diligence disrespects hospitality."}},{"id":"an7.70:19","sourceIds":["an7.70:19.1"],"kind":"text","text":{"pi":"So vata, sāriputta, bhikkhu satthari sagāravo dhamme agāravo bhavissatīti netaṁ ṭhānaṁ vijjati …pe… yo so, sāriputta, bhikkhu satthari sagāravo dhammepi so sagāravo …pe….","en":"It is quite impossible for a mendicant who does respect the Teacher to disrespect the teaching. …"}},{"id":"an7.70:20","sourceIds":["an7.70:20.1","an7.70:20.2"],"kind":"text","text":{"pi":"So vata, sāriputta, bhikkhu satthari sagāravo dhamme sagāravo …pe… appamāde sagāravo paṭisanthāre agāravo bhavissatīti netaṁ ṭhānaṁ vijjati.\nYo so, sāriputta, bhikkhu satthari sagāravo …pe… appamāde sagāravo paṭisanthārepi so sagāravo.","en":"A mendicant who respects the Teacher, the teaching, the Saṅgha, the training, immersion, and diligence respects hospitality."}},{"id":"an7.70:21","sourceIds":["an7.70:21.1"],"kind":"text","text":{"pi":"So vata, sāriputta, bhikkhu satthari sagāravo dhammepi sagāravo bhavissatīti ṭhānametaṁ vijjati. Yo so, sāriputta, bhikkhu satthari sagāravo dhammepi so sagāravo …pe….","en":"It’s quite possible for a mendicant who does respect the Teacher to respect the teaching. …"}},{"id":"an7.70:22","sourceIds":["an7.70:22.1","an7.70:22.2"],"kind":"text","text":{"pi":"So vata, sāriputta, bhikkhu satthari sagāravo …pe… appamāde sagāravo paṭisanthārepi so sagāravo bhavissatīti ṭhānametaṁ vijjati.\nYo so, sāriputta, bhikkhu satthari sagāravo …pe… appamāde sagāravo paṭisanthārepi so sagāravoti.","en":"A mendicant who respects the Teacher, the teaching, the Saṅgha, the training, immersion, and diligence respects hospitality."}},{"id":"an7.70:23","sourceIds":["an7.70:23.1","an7.70:23.2"],"kind":"text","text":{"pi":"Imassa kho, sāriputta, mayā saṅkhittena bhāsitassa evaṁ vitthārena attho daṭṭhabbo”ti.\nChaṭṭhaṁ.","en":"This is how to see the detailed meaning of what I said in brief.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an7.70/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}