{"id":"an7.71","title":"Committed to Development","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an7.71","title":"Committed to Development","units":[{"id":"an7.71:0","sourceIds":["an7.71:0.1","an7.71:0.2","an7.71:0.3"],"kind":"text","text":{"pi":"Aṅguttara Nikāya 7.71\n7. Mahāvagga\nBhāvanāsutta","en":"Numbered Discourses 7.71\n7. The Great Chapter\nCommitted to Development"}},{"id":"an7.71:1","sourceIds":["an7.71:1.1","an7.71:1.2","an7.71:1.3","an7.71:1.4","an7.71:1.5","an7.71:1.6","an7.71:1.7"],"kind":"text","text":{"pi":"“Bhāvanaṁ ananuyuttassa, bhikkhave, bhikkhuno viharato kiñcāpi evaṁ icchā uppajjeyya:\n‘aho vata me anupādāya āsavehi cittaṁ vimucceyyā’ti,\natha khvassa neva anupādāya āsavehi cittaṁ vimuccati.\nTaṁ kissa hetu?\n‘Abhāvitattā’tissa vacanīyaṁ.\nKissa abhāvitattā?\nCatunnaṁ satipaṭṭhānānaṁ, catunnaṁ sammappadhānānaṁ, catunnaṁ iddhipādānaṁ, pañcannaṁ indriyānaṁ, pañcannaṁ balānaṁ, sattannaṁ bojjhaṅgānaṁ, ariyassa aṭṭhaṅgikassa maggassa.","en":"“Mendicants, when a mendicant is not committed to development, they might wish:\n‘If only my mind were freed from the defilements by not grasping!’\nEven so, their mind is not freed from defilements by not grasping.\nWhy is that?\nYou should say: ‘It’s because they’re undeveloped.’\nUndeveloped in what?\nThe four kinds of mindfulness meditation, the four right efforts, the four bases of psychic power, the five faculties, the five powers, the seven awakening factors, and the noble eightfold path."}},{"id":"an7.71:2","sourceIds":["an7.71:2.1","an7.71:2.2","an7.71:2.3","an7.71:2.4","an7.71:2.5","an7.71:2.6","an7.71:2.7","an7.71:2.8","an7.71:2.9","an7.71:2.10","an7.71:2.11","an7.71:2.12","an7.71:2.13","an7.71:2.14"],"kind":"text","text":{"pi":"Seyyathāpi, bhikkhave, kukkuṭiyā aṇḍāni aṭṭha vā dasa vā dvādasa vā.\nTānassu kukkuṭiyā na sammā adhisayitāni, na sammā pariseditāni, na sammā paribhāvitāni.\nKiñcāpi tassā kukkuṭiyā evaṁ icchā uppajjeyya:\n‘aho vata me kukkuṭapotakā pādanakhasikhāya vā mukhatuṇḍakena vā aṇḍakosaṁ padāletvā sotthinā abhinibbhijjeyyun’ti,\natha kho abhabbāva te kukkuṭapotakā pādanakhasikhāya vā mukhatuṇḍakena vā aṇḍakosaṁ padāletvā sotthinā abhinibbhijjituṁ.\nTaṁ kissa hetu?\nTathā hi, bhikkhave, kukkuṭiyā aṇḍāni na sammā adhisayitāni, na sammā pariseditāni, na sammā paribhāvitāni.\nEvamevaṁ kho, bhikkhave, bhāvanaṁ ananuyuttassa bhikkhuno viharato kiñcāpi evaṁ icchā uppajjeyya:\n‘aho vata me anupādāya āsavehi cittaṁ vimucceyyā’ti,\natha khvassa neva anupādāya āsavehi cittaṁ vimuccati.\nTaṁ kissa hetu?\n‘Abhāvitattā’tissa vacanīyaṁ.\nKissa abhāvitattā?\nCatunnaṁ satipaṭṭhānānaṁ, catunnaṁ sammappadhānānaṁ, catunnaṁ iddhipādānaṁ, pañcannaṁ indriyānaṁ, pañcannaṁ balānaṁ, sattannaṁ bojjhaṅgānaṁ, ariyassa aṭṭhaṅgikassa maggassa.","en":"Suppose there was a chicken with eight or ten or twelve eggs.\nBut she had not properly sat on them to keep them warm and incubated.\nEven if that chicken might wish:\n‘If only my chicks could break out of the eggshell with their claws and beak and hatch safely!’\nStill they can’t break out and hatch safely.\nWhy is that?\nBecause she has not properly sat on them to keep them warm and incubated.\nIn the same way, when a mendicant is not committed to development, they might wish:\n‘If only my mind were freed from the defilements by not grasping!’\nEven so, their mind is not freed from defilements by not grasping.\nWhy is that?\nYou should say: ‘It’s because they’re undeveloped.’\nUndeveloped in what?\nThe four kinds of mindfulness meditation, the four right efforts, the four bases of psychic power, the five faculties, the five powers, the seven awakening factors, and the noble eightfold path."}},{"id":"an7.71:3","sourceIds":["an7.71:3.1","an7.71:3.2","an7.71:3.3","an7.71:3.4","an7.71:3.5","an7.71:3.6","an7.71:3.7"],"kind":"text","text":{"pi":"Bhāvanaṁ anuyuttassa, bhikkhave, bhikkhuno viharato kiñcāpi na evaṁ icchā uppajjeyya:\n‘aho vata me anupādāya āsavehi cittaṁ vimucceyyā’ti,\natha khvassa anupādāya āsavehi cittaṁ vimuccati.\nTaṁ kissa hetu?\n‘Bhāvitattā’tissa vacanīyaṁ.\nKissa bhāvitattā?\nCatunnaṁ satipaṭṭhānānaṁ, catunnaṁ sammappadhānānaṁ, catunnaṁ iddhipādānaṁ, pañcannaṁ indriyānaṁ, pañcannaṁ balānaṁ, sattannaṁ bojjhaṅgānaṁ, ariyassa aṭṭhaṅgikassa maggassa.","en":"When a mendicant is committed to development, they might not wish:\n‘If only my mind were freed from the defilements by not grasping!’\nEven so, their mind is freed from defilements by not grasping.\nWhy is that?\nYou should say: ‘It’s because they are developed.’\nDeveloped in what?\nThe four kinds of mindfulness meditation, the four right efforts, the four bases of psychic power, the five faculties, the five powers, the seven awakening factors, and the noble eightfold path."}},{"id":"an7.71:4","sourceIds":["an7.71:4.1","an7.71:4.2","an7.71:4.3","an7.71:4.4","an7.71:4.5","an7.71:4.6","an7.71:4.7","an7.71:4.8","an7.71:4.9","an7.71:4.10","an7.71:4.11","an7.71:4.12","an7.71:4.13","an7.71:4.14"],"kind":"text","text":{"pi":"Seyyathāpi, bhikkhave, kukkuṭiyā aṇḍāni aṭṭha vā dasa vā dvādasa vā.\nTānassu kukkuṭiyā sammā adhisayitāni, sammā pariseditāni, sammā paribhāvitāni.\nKiñcāpi tassā kukkuṭiyā na evaṁ icchā uppajjeyya:\n‘aho vata me kukkuṭapotakā pādanakhasikhāya vā mukhatuṇḍakena vā aṇḍakosaṁ padāletvā sotthinā abhinibbhijjeyyun’ti,\natha kho bhabbāva te kukkuṭapotakā pādanakhasikhāya vā mukhatuṇḍakena vā aṇḍakosaṁ padāletvā sotthinā abhinibbhijjituṁ.\nTaṁ kissa hetu?\nTathā hi, bhikkhave, kukkuṭiyā aṇḍāni sammā adhisayitāni, sammā pariseditāni, sammā paribhāvitāni.\nEvamevaṁ kho, bhikkhave, bhāvanaṁ anuyuttassa bhikkhuno viharato kiñcāpi na evaṁ icchā uppajjeyya:\n‘aho vata me anupādāya āsavehi cittaṁ vimucceyyā’ti,\natha khvassa anupādāya āsavehi cittaṁ vimuccati.\nTaṁ kissa hetu?\n‘Bhāvitattā’tissa vacanīyaṁ.\nKissa bhāvitattā?\nCatunnaṁ satipaṭṭhānānaṁ …pe… ariyassa aṭṭhaṅgikassa maggassa.","en":"Suppose there was a chicken with eight or ten or twelve eggs.\nAnd she properly sat on them to keep them warm and incubated.\nEven if that chicken doesn’t wish:\n‘If only my chicks could break out of the eggshell with their claws and beak and hatch safely!’\nStill they can break out and hatch safely.\nWhy is that?\nBecause she properly sat on them to keep them warm and incubated.\nIn the same way, when a mendicant is committed to development, they might not wish:\n‘If only my mind were freed from the defilements by not grasping!’\nEven so, their mind is freed from defilements by not grasping.\nWhy is that?\nYou should say: ‘It’s because they are developed.’\nDeveloped in what?\nThe four kinds of mindfulness meditation, the four right efforts, the four bases of psychic power, the five faculties, the five powers, the seven awakening factors, and the noble eightfold path."}},{"id":"an7.71:5","sourceIds":["an7.71:5.1","an7.71:5.2"],"kind":"text","text":{"pi":"Seyyathāpi, bhikkhave, phalagaṇḍassa vā phalagaṇḍantevāsikassa vā dissanteva vāsijaṭe aṅgulipadāni dissati aṅguṭṭhapadaṁ. No ca khvassa evaṁ ñāṇaṁ hoti: ‘ettakaṁ me ajja vāsijaṭassa khīṇaṁ, ettakaṁ hiyyo, ettakaṁ pare’ti, atha khvassa khīṇe ‘khīṇan’teva ñāṇaṁ hoti.\nEvamevaṁ kho, bhikkhave, bhāvanaṁ anuyuttassa bhikkhuno viharato kiñcāpi na evaṁ ñāṇaṁ hoti: ‘ettakaṁ me ajja āsavānaṁ khīṇaṁ, ettakaṁ hiyyo, ettakaṁ pare’ti, atha khvassa khīṇe ‘khīṇan’teva ñāṇaṁ hoti.","en":"Suppose a mason or their apprentice sees the marks of his fingers and thumb on the handle of his adze. They don’t know how much of the handle was worn away today, how much yesterday, and how much previously. They just know what has been worn away.\nIn the same way, when a mendicant is committed to development, they don’t know how much of the defilements were worn away today, how much yesterday, and how much previously. They just know what has been worn away."}},{"id":"an7.71:6","sourceIds":["an7.71:6.1","an7.71:6.2","an7.71:6.3"],"kind":"text","text":{"pi":"Seyyathāpi, bhikkhave, sāmuddikāya nāvāya vettabandhanabaddhāya cha māsāni udake pariyādāya hemantikena thale ukkhittāya vātātapaparetāni bandhanāni, tāni pāvussakena meghena abhippavuṭṭhāni appakasireneva parihāyanti, pūtikāni bhavanti.\nEvamevaṁ kho, bhikkhave, bhāvanaṁ anuyuttassa bhikkhuno viharato appakasireneva saṁyojanāni paṭippassambhanti, pūtikāni bhavantī”ti.\nSattamaṁ.","en":"Suppose there was a sea-faring ship bound together with ropes. For six months they deteriorated in the water. Then in the cold season it was hauled up on dry land, where the ropes were weathered by wind and sun. When the monsoon clouds soaked it with rain, the ropes would readily collapse and rot away.\nIn the same way, when a mendicant is committed to development their fetters readily collapse and rot away.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an7.71/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}