{"id":"an8.13","title":"A Thoroughbred","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an8.13","title":"A Thoroughbred","units":[{"id":"an8.13:0","sourceIds":["an8.13:0.1","an8.13:0.2","an8.13:0.3"],"kind":"text","text":{"pi":"Aṅguttara Nikāya 8.13\n2. Mahāvagga\nAssājānīyasutta","en":"Numbered Discourses 8.13\n2. The Great Chapter\nA Thoroughbred"}},{"id":"an8.13:1","sourceIds":["an8.13:1.1","an8.13:1.2","an8.13:1.3","an8.13:1.4","an8.13:1.5","an8.13:1.6","an8.13:1.7","an8.13:1.8","an8.13:1.9","an8.13:1.10","an8.13:1.11","an8.13:1.12","an8.13:1.13","an8.13:1.14","an8.13:1.15","an8.13:1.16","an8.13:1.17"],"kind":"text","text":{"pi":"“Aṭṭhahi, bhikkhave, aṅgehi samannāgato rañño bhaddo assājānīyo rājāraho hoti rājabhoggo, rañño aṅganteva saṅkhaṁ gacchati.\nKatamehi aṭṭhahi?\nIdha, bhikkhave, rañño bhaddo assājānīyo ubhato sujāto hoti—\nmātito ca pitito ca.\nYassaṁ disāyaṁ aññepi bhaddā assājānīyā jāyanti, tassaṁ disāyaṁ jāto hoti.\nYaṁ kho panassa bhojanaṁ denti—\nallaṁ vā sukkhaṁ vā—\ntaṁ sakkaccaṁyeva paribhuñjati avikiranto.\nJegucchī hoti uccāraṁ vā passāvaṁ vā abhinisīdituṁ vā abhinipajjituṁ vā.\nSorato hoti sukhasaṁvāso, na ca aññe asse ubbejetā.\nYāni kho panassa honti sāṭheyyāni kūṭeyyāni jimheyyāni vaṅkeyyāni, tāni yathābhūtaṁ sārathissa āvikattā hoti.\nTesamassa sārathi abhinimmadanāya vāyamati.\nVāhī kho pana hoti.\n‘Kāmaññe assā vahantu vā mā vā, ahamettha vahissāmī’ti cittaṁ uppādeti.\nGacchanto kho pana ujumaggeneva gacchati.\nThāmavā hoti yāva jīvitamaraṇapariyādānā thāmaṁ upadaṁsetā.\nImehi kho, bhikkhave, aṭṭhahi aṅgehi samannāgato rañño bhaddo assājānīyo rājāraho hoti rājabhoggo, rañño aṅganteva saṅkhaṁ gacchati.","en":"“Mendicants, a fine royal thoroughbred with eight factors is worthy of a king, fit to serve a king, and reckoned a factor of kingship.\nWhat eight?\nIt’s when a fine royal thoroughbred is well born on both\nthe mother’s and the father’s sides.\nHe’s bred in the region fine thoroughbreds come from.\nWhatever food he’s given,\nfresh or dry,\nhe eats carefully, without making a mess.\nHe’s disgusted by sitting or lying down in excrement or urine.\nHe’s gentle and pleasant to live with, and he doesn’t upset the other horses.\nHe openly shows his tricks, bluffs, ruses, and feints to his trainer,\nso the trainer can try to subdue them.\nHe carries his load, determining:\n‘Whether or not the other horses carry their loads, I’ll carry mine.’\nHe always walks in a straight path.\nHe’s strong, and stays strong even until death.\nA fine royal thoroughbred with these eight factors is worthy of a king. …"}},{"id":"an8.13:2","sourceIds":["an8.13:2.1","an8.13:2.2","an8.13:2.3","an8.13:2.4","an8.13:2.5","an8.13:2.6","an8.13:2.7","an8.13:2.8","an8.13:2.9","an8.13:2.10","an8.13:2.11","an8.13:2.12","an8.13:2.13","an8.13:2.14","an8.13:2.15","an8.13:2.16","an8.13:2.17","an8.13:2.18","an8.13:2.19","an8.13:2.20"],"kind":"text","text":{"pi":"Evamevaṁ kho, bhikkhave, aṭṭhahi dhammehi samannāgato bhikkhu āhuneyyo hoti …pe… anuttaraṁ puññakkhettaṁ lokassa.\nKatamehi aṭṭhahi?\nIdha, bhikkhave, bhikkhu sīlavā hoti, pātimokkhasaṁvarasaṁvuto viharati ācāragocarasampanno aṇumattesu vajjesu bhayadassāvī, samādāya sikkhati sikkhāpadesu.\nYaṁ kho panassa bhojanaṁ denti—\nlūkhaṁ vā paṇītaṁ vā—\ntaṁ sakkaccaṁyeva paribhuñjati avihaññamāno.\nJegucchī hoti kāyaduccaritena vacīduccaritena manoduccaritena;\njegucchī hoti anekavihitānaṁ pāpakānaṁ akusalānaṁ dhammānaṁ samāpattiyā.\nSorato hoti sukhasaṁvāso, na aññe bhikkhū ubbejetā.\nYāni kho panassa honti sāṭheyyāni kūṭeyyāni jimheyyāni vaṅkeyyāni, tāni yathābhūtaṁ āvikattā hoti satthari vā viññūsu vā sabrahmacārīsu.\nTesamassa satthā vā viññū vā sabrahmacārī abhinimmadanāya vāyamati.\nSikkhitā kho pana hoti.\n‘Kāmaññe bhikkhū sikkhantu vā mā vā, ahamettha sikkhissāmī’ti cittaṁ uppādeti.\nGacchanto kho pana ujumaggeneva gacchati;\ntatrāyaṁ ujumaggo, seyyathidaṁ—\nsammādiṭṭhi …pe… sammāsamādhi.\nĀraddhavīriyo viharati:\n‘kāmaṁ taco ca nhāru ca aṭṭhi ca avasissatu, sarīre upassussatu maṁsalohitaṁ; yaṁ taṁ purisathāmena purisavīriyena purisaparakkamena pattabbaṁ, na taṁ apāpuṇitvā vīriyassa saṇṭhānaṁ bhavissatī’ti.\nImehi kho, bhikkhave, aṭṭhahi dhammehi samannāgato bhikkhu āhuneyyo hoti …pe… anuttaraṁ puññakkhettaṁ lokassā”ti.\nTatiyaṁ.","en":"In the same way, a mendicant with eight qualities is worthy of offerings dedicated to the gods, worthy of hospitality, worthy of a religious donation, worthy of greeting with cupped palms, and is the supreme field of merit for the world.\nWhat eight?\nIt’s when a mendicant is ethical, restrained in the monastic code, conducting themselves well and resorting for alms in suitable places. Seeing danger in the slightest fault, they keep the rules they’ve undertaken.\nWhatever food they’re given,\ncoarse or fine,\nthey eat carefully, without bother.\nThey’re disgusted with bad conduct by way of body, speech, or mind,\nand by attainment of the many kinds of unskillful things.\nThey’re gentle and pleasant to live with, and they don’t upset the other mendicants.\nThey openly show their tricks, bluffs, ruses, and feints to their sensible spiritual companions,\nso they can try to subdue them.\nThey do their training, determining:\n‘Whether or not the other mendicants do their training, I’ll do mine.’\nThey always walk in a straight path.\nAnd here the straight path is\nright view, right purpose, right speech, right action, right livelihood, right effort, right mindfulness, and right immersion.\nThey’re energetic:\n‘Gladly, let my skin, sinews, and bones remain! Let the blood and flesh waste away in my body! I will not stop trying until I have achieved what is possible by human strength, energy, and vigor.’\nA mendicant with these eight qualities is worthy of offerings dedicated to the gods, worthy of hospitality, worthy of a religious donation, worthy of veneration with cupped palms, and is the supreme field of merit for the world.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an8.13/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}