{"id":"an8.2","title":"Wisdom","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an8.2","title":"Wisdom","units":[{"id":"an8.2:0","sourceIds":["an8.2:0.1","an8.2:0.2","an8.2:0.3"],"kind":"text","text":{"pi":"Aṅguttara Nikāya 8.2\n1. Mettāvagga\nPaññāsutta","en":"Numbered Discourses 8.2\n1. Love\nWisdom"}},{"id":"an8.2:1","sourceIds":["an8.2:1.1","an8.2:1.2","an8.2:1.3","an8.2:1.4"],"kind":"text","text":{"pi":"“Aṭṭhime, bhikkhave, hetū aṭṭha paccayā ādibrahmacariyikāya paññāya appaṭiladdhāya paṭilābhāya, paṭiladdhāya bhiyyobhāvāya vepullāya bhāvanāya pāripūriyā saṁvattanti.\nKatame aṭṭha?\nIdha, bhikkhave, bhikkhu satthāraṁ upanissāya viharati aññataraṁ vā garuṭṭhāniyaṁ sabrahmacāriṁ, yatthassa tibbaṁ hirottappaṁ paccupaṭṭhitaṁ hoti pemañca gāravo ca.\nAyaṁ, bhikkhave, paṭhamo hetu paṭhamo paccayo ādibrahmacariyikāya paññāya appaṭiladdhāya paṭilābhāya, paṭiladdhāya bhiyyobhāvāya vepullāya bhāvanāya pāripūriyā saṁvattati.","en":"“Mendicants, there are eight causes and reasons that lead to acquiring the wisdom fundamental to the spiritual life, and to its increase, growth, and full development once it has been acquired.\nWhat eight?\nIt’s when a mendicant lives relying on the Teacher or a spiritual companion in a teacher’s role. And they set up a keen sense of conscience and prudence for them, with warmth and respect.\nThis is the first cause."}},{"id":"an8.2:2","sourceIds":["an8.2:2.1","an8.2:2.2","an8.2:2.3","an8.2:2.4"],"kind":"text","text":{"pi":"So taṁ satthāraṁ upanissāya viharanto aññataraṁ vā garuṭṭhāniyaṁ sabrahmacāriṁ, yatthassa tibbaṁ hirottappaṁ paccupaṭṭhitaṁ hoti pemañca gāravo ca, te kālena kālaṁ upasaṅkamitvā paripucchati paripañhati:\n‘idaṁ, bhante, kathaṁ; imassa ko attho’ti?\nTassa te āyasmanto avivaṭañceva vivaranti, anuttānīkatañca uttānīkaronti, anekavihitesu ca kaṅkhāṭhāniyesu dhammesu kaṅkhaṁ paṭivinodenti.\nAyaṁ, bhikkhave, dutiyo hetu dutiyo paccayo ādibrahmacariyikāya paññāya appaṭiladdhāya paṭilābhāya, paṭiladdhāya bhiyyobhāvāya vepullāya bhāvanāya pāripūriyā saṁvattati.","en":"When a mendicant lives relying on the Teacher or a spiritual companion in a teacher’s role—with a keen sense of conscience and prudence for them, with warmth and respect—from time to time they go and ask them questions:\n‘Why, sir, does it say this? What does that mean?’\nThose venerables reveal what is hidden, clarify what is unclear, and dispel doubt regarding the many doubtful matters.\nThis is the second cause."}},{"id":"an8.2:3","sourceIds":["an8.2:3.1","an8.2:3.2"],"kind":"text","text":{"pi":"So taṁ dhammaṁ sutvā dvayena vūpakāsena sampādeti—kāyavūpakāsena ca cittavūpakāsena ca.\nAyaṁ, bhikkhave, tatiyo hetu tatiyo paccayo ādibrahmacariyikāya paññāya appaṭiladdhāya paṭilābhāya, paṭiladdhāya bhiyyobhāvāya vepullāya bhāvanāya pāripūriyā saṁvattati.","en":"After hearing that teaching they perfect withdrawal of both body and mind.\nThis is the third cause."}},{"id":"an8.2:4","sourceIds":["an8.2:4.1","an8.2:4.2"],"kind":"text","text":{"pi":"Sīlavā hoti, pātimokkhasaṁvarasaṁvuto viharati ācāragocarasampanno aṇumattesu vajjesu bhayadassāvī, samādāya sikkhati sikkhāpadesu.\nAyaṁ, bhikkhave, catuttho hetu catuttho paccayo ādibrahmacariyikāya paññāya appaṭiladdhāya paṭilābhāya, paṭiladdhāya bhiyyobhāvāya vepullāya bhāvanāya pāripūriyā saṁvattati.","en":"A mendicant is ethical, restrained in the monastic code, conducting themselves well and resorting for alms in suitable places. Seeing danger in the slightest fault, they keep the rules they’ve undertaken.\nThis is the fourth cause."}},{"id":"an8.2:5","sourceIds":["an8.2:5.1","an8.2:5.2"],"kind":"text","text":{"pi":"Bahussuto hoti sutadharo sutasannicayo. Ye te dhammā ādikalyāṇā majjhekalyāṇā pariyosānakalyāṇā sātthaṁ sabyañjanaṁ kevalaparipuṇṇaṁ parisuddhaṁ brahmacariyaṁ abhivadanti, tathārūpāssa dhammā bahussutā honti dhātā vacasā paricitā manasānupekkhitā diṭṭhiyā suppaṭividdhā.\nAyaṁ, bhikkhave, pañcamo hetu pañcamo paccayo ādibrahmacariyikāya paññāya appaṭiladdhāya paṭilābhāya, paṭiladdhāya bhiyyobhāvāya vepullāya bhāvanāya pāripūriyā saṁvattati.","en":"They’re very learned, remembering and keeping what they’ve learned. These teachings are good in the beginning, good in the middle, and good in the end, meaningful and well-phrased, describing a spiritual practice that’s entirely full and pure. They are very learned in such teachings, remembering them, rehearsing them, mentally scrutinizing them, and penetrating them theoretically.\nThis is the fifth cause."}},{"id":"an8.2:6","sourceIds":["an8.2:6.1","an8.2:6.2"],"kind":"text","text":{"pi":"Āraddhavīriyo viharati akusalānaṁ dhammānaṁ pahānāya, kusalānaṁ dhammānaṁ upasampadāya, thāmavā daḷhaparakkamo anikkhittadhuro kusalesu dhammesu.\nAyaṁ, bhikkhave, chaṭṭho hetu chaṭṭho paccayo ādibrahmacariyikāya paññāya appaṭiladdhāya paṭilābhāya, paṭiladdhāya bhiyyobhāvāya vepullāya bhāvanāya pāripūriyā saṁvattati.","en":"They live with energy roused up for giving up unskillful qualities and embracing skillful qualities. They’re strong, staunchly vigorous, not slacking off when it comes to developing skillful qualities.\nThis is the sixth cause."}},{"id":"an8.2:7","sourceIds":["an8.2:7.1","an8.2:7.2","an8.2:7.3"],"kind":"text","text":{"pi":"Saṅghagato kho pana anānākathiko hoti atiracchānakathiko.\nSāmaṁ vā dhammaṁ bhāsati paraṁ vā ajjhesati ariyaṁ vā tuṇhībhāvaṁ nātimaññati.\nAyaṁ, bhikkhave, sattamo hetu sattamo paccayo ādibrahmacariyikāya paññāya appaṭiladdhāya paṭilābhāya, paṭiladdhāya bhiyyobhāvāya vepullāya bhāvanāya pāripūriyā saṁvattati.","en":"When in the Saṅgha they don’t engage in motley talk or low talk.\nEither they talk on Dhamma, or they invite someone else to do so, or they respect noble silence.\nThis is the seventh cause."}},{"id":"an8.2:8","sourceIds":["an8.2:8.1","an8.2:8.2","an8.2:8.3","an8.2:8.4","an8.2:8.5","an8.2:8.6","an8.2:8.7"],"kind":"text","text":{"pi":"Pañcasu kho pana upādānakkhandhesu udayabbayānupassī viharati:\n‘iti rūpaṁ, iti rūpassa samudayo, iti rūpassa atthaṅgamo;\niti vedanā, iti vedanāya samudayo, iti vedanāya atthaṅgamo;\niti saññā …pe…\niti saṅkhārā …\niti viññāṇaṁ, iti viññāṇassa samudayo, iti viññāṇassa atthaṅgamo’ti.\nAyaṁ, bhikkhave, aṭṭhamo hetu aṭṭhamo paccayo ādibrahmacariyikāya paññāya appaṭiladdhāya paṭilābhāya, paṭiladdhāya bhiyyobhāvāya vepullāya bhāvanāya pāripūriyā saṁvattati.","en":"They meditate observing rise and fall in the five grasping aggregates.\n‘Such is form, such is the origin of form, such is the disappearance of form.\nSuch is feeling, such is the origin of feeling, such is the disappearance of feeling.\nSuch is perception, such is the origin of perception, such is the disappearance of perception.\nSuch are choices, such is the origin of choices, such is the disappearance of choices.\nSuch is consciousness, such is the origin of consciousness, such is the disappearance of consciousness.’\nThis is the eighth cause."}},{"id":"an8.2:9","sourceIds":["an8.2:9.1","an8.2:9.2","an8.2:9.3","an8.2:9.4"],"kind":"text","text":{"pi":"Tamenaṁ sabrahmacārī evaṁ sambhāventi:\n‘ayaṁ kho āyasmā satthāraṁ upanissāya viharati aññataraṁ vā garuṭṭhāniyaṁ sabrahmacāriṁ, yatthassa tibbaṁ hirottappaṁ paccupaṭṭhitaṁ hoti pemañca gāravo ca.\nAddhā ayamāyasmā jānaṁ jānāti passaṁ passatī’ti.\nAyampi dhammo piyattāya garuttāya bhāvanāya sāmaññāya ekībhāvāya saṁvattati.","en":"Their spiritual companions esteem them:\n‘This venerable lives relying on the Teacher or a spiritual companion in a teacher’s role. They set up a keen sense of conscience and prudence for them, with warmth and respect.\nClearly this venerable knows and sees.’\nThis quality leads to fondness, respect, esteem, harmony, and unity."}},{"id":"an8.2:10","sourceIds":["an8.2:10.1","an8.2:10.2","an8.2:10.3","an8.2:10.4","an8.2:10.5"],"kind":"text","text":{"pi":"‘Taṁ kho panāyamāyasmā satthāraṁ upanissāya viharanto aññataraṁ vā garuṭṭhāniyaṁ sabrahmacāriṁ, yatthassa tibbaṁ hirottappaṁ paccupaṭṭhitaṁ hoti pemañca gāravo ca, te kālena kālaṁ upasaṅkamitvā paripucchati paripañhati:\n“idaṁ, bhante, kathaṁ; imassa ko attho”ti?\nTassa te āyasmanto avivaṭañceva vivaranti, anuttānīkatañca uttānīkaronti, anekavihitesu ca kaṅkhāṭhāniyesu dhammesu kaṅkhaṁ paṭivinodenti.\nAddhā ayamāyasmā jānaṁ jānāti passaṁ passatī’ti.\nAyampi dhammo piyattāya garuttāya bhāvanāya sāmaññāya ekībhāvāya saṁvattati.","en":"‘This venerable lives relying on the Teacher or a spiritual companion in a teacher’s role, and from time to time they go and ask them questions …\nClearly this venerable knows and sees.’\nThis quality also leads to fondness, respect, esteem, harmony, and unity."}},{"id":"an8.2:11","sourceIds":["an8.2:11.1","an8.2:11.2","an8.2:11.3"],"kind":"text","text":{"pi":"‘Taṁ kho panāyamāyasmā dhammaṁ sutvā dvayena vūpakāsena sampādeti—kāyavūpakāsena ca cittavūpakāsena ca.\nAddhā ayamāyasmā jānaṁ jānāti passaṁ passatī’ti.\nAyampi dhammo piyattāya garuttāya bhāvanāya sāmaññāya ekībhāvāya saṁvattati.","en":"‘After hearing that teaching they perfect withdrawal of both body and mind.\nClearly this venerable knows and sees.’\nThis quality also leads to fondness, respect, esteem, harmony, and unity."}},{"id":"an8.2:12","sourceIds":["an8.2:12.1","an8.2:12.2","an8.2:12.3"],"kind":"text","text":{"pi":"‘Sīlavā kho panāyamāyasmā pātimokkhasaṁvarasaṁvuto viharati ācāragocarasampanno aṇumattesu vajjesu bhayadassāvī, samādāya sikkhati sikkhāpadesu.\nAddhā ayamāyasmā jānaṁ jānāti passaṁ passatī’ti.\nAyampi dhammo piyattāya garuttāya bhāvanāya sāmaññāya ekībhāvāya saṁvattati.","en":"‘This venerable is ethical …\nClearly this venerable knows and sees.’\nThis quality also leads to fondness, respect, esteem, harmony, and unity."}},{"id":"an8.2:13","sourceIds":["an8.2:13.1","an8.2:13.2","an8.2:13.3"],"kind":"text","text":{"pi":"‘Bahussuto kho panāyamāyasmā sutadharo sutasannicayo. Ye te dhammā ādikalyāṇā majjhekalyāṇā pariyosānakalyāṇā sātthaṁ sabyañjanaṁ kevalaparipuṇṇaṁ parisuddhaṁ brahmacariyaṁ abhivadanti, tathārūpāssa dhammā bahussutā honti dhātā vacasā paricitā manasānupekkhitā diṭṭhiyā suppaṭividdhā.\nAddhā ayamāyasmā jānaṁ jānāti passaṁ passatī’ti.\nAyampi dhammo piyattāya garuttāya bhāvanāya sāmaññāya ekībhāvāya saṁvattati.","en":"‘This venerable is very learned, remembering and keeping what they’ve learned. …\nClearly this venerable knows and sees.’\nThis quality also leads to fondness, respect, esteem, harmony, and unity."}},{"id":"an8.2:14","sourceIds":["an8.2:14.1","an8.2:14.2","an8.2:14.3"],"kind":"text","text":{"pi":"‘Āraddhavīriyo kho panāyamāyasmā viharati akusalānaṁ dhammānaṁ pahānāya, kusalānaṁ dhammānaṁ upasampadāya, thāmavā daḷhaparakkamo anikkhittadhuro kusalesu dhammesu.\nAddhā ayamāyasmā jānaṁ jānāti passaṁ passatī’ti.\nAyampi dhammo piyattāya garuttāya bhāvanāya sāmaññāya ekībhāvāya saṁvattati.","en":"‘This venerable lives with energy roused up …\nClearly this venerable knows and sees.’\nThis quality also leads to fondness, respect, esteem, harmony, and unity."}},{"id":"an8.2:15","sourceIds":["an8.2:15.1","an8.2:15.2","an8.2:15.3","an8.2:15.4"],"kind":"text","text":{"pi":"‘Saṅghagato kho panāyamāyasmā anānākathiko hoti atiracchānakathiko.\nSāmaṁ vā dhammaṁ bhāsati paraṁ vā ajjhesati ariyaṁ vā tuṇhībhāvaṁ nātimaññati.\nAddhā ayamāyasmā jānaṁ jānāti passaṁ passatī’ti.\nAyampi dhammo piyattāya garuttāya bhāvanāya sāmaññāya ekībhāvāya saṁvattati.","en":"‘When in the Saṅgha they don’t engage in motley talk or low talk.\nEither they talk on Dhamma, or they invite someone else to do so, or they respect noble silence.\nClearly this venerable knows and sees.’\nThis quality also leads to fondness, respect, esteem, harmony, and unity."}},{"id":"an8.2:16","sourceIds":["an8.2:16.1","an8.2:16.2","an8.2:16.3","an8.2:16.4","an8.2:16.5","an8.2:16.6","an8.2:16.7","an8.2:16.8"],"kind":"text","text":{"pi":"‘Pañcasu kho panāyamāyasmā upādānakkhandhesu udayabbayānupassī viharati—\niti rūpaṁ, iti rūpassa samudayo, iti rūpassa atthaṅgamo;\niti vedanā …pe…\niti saññā …\niti saṅkhārā …\niti viññāṇaṁ, iti viññāṇassa samudayo, iti viññāṇassa atthaṅgamoti.\nAddhā ayamāyasmā jānaṁ jānāti passaṁ passatī’ti.\nAyampi dhammo piyattāya garuttāya bhāvanāya sāmaññāya ekībhāvāya saṁvattati.","en":"‘They meditate observing rise and fall in the five grasping aggregates. …\nClearly this venerable knows and sees.’\nThis quality also leads to fondness, respect, esteem, harmony, and unity."}},{"id":"an8.2:17","sourceIds":["an8.2:17.1","an8.2:17.2"],"kind":"text","text":{"pi":"Ime kho, bhikkhave, aṭṭha hetū aṭṭha paccayā ādibrahmacariyikāya paññāya appaṭiladdhāya paṭilābhāya, paṭiladdhāya bhiyyobhāvāya vepullāya bhāvanāya pāripūriyā saṁvattantī”ti.\nDutiyaṁ.","en":"These are the eight causes and reasons that lead to acquiring the wisdom fundamental to the spiritual life, and to its increase, growth, and full development once it has been acquired.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an8.2/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}