{"id":"an8.21","title":"With Ugga of Vesālī","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an8.21","title":"With Ugga of Vesālī","units":[{"id":"an8.21:0","sourceIds":["an8.21:0.1","an8.21:0.2","an8.21:0.3"],"kind":"text","text":{"pi":"Aṅguttara Nikāya 8.21\n3. Gahapativagga\nPaṭhamauggasutta","en":"Numbered Discourses 8.21\n3. Householders\nWith Ugga of Vesālī"}},{"id":"an8.21:1","sourceIds":["an8.21:1.1","an8.21:1.2","an8.21:1.3","an8.21:1.4","an8.21:1.5"],"kind":"text","text":{"pi":"Ekaṁ samayaṁ bhagavā vesāliyaṁ viharati mahāvane kūṭāgārasālāyaṁ.\nTatra kho bhagavā bhikkhū āmantesi:\n“aṭṭhahi, bhikkhave, acchariyehi abbhutehi dhammehi samannāgataṁ uggaṁ gahapatiṁ vesālikaṁ dhārethā”ti.\nIdamavoca bhagavā.\nIdaṁ vatvāna sugato uṭṭhāyāsanā vihāraṁ pāvisi.","en":"At one time the Buddha was staying near Vesālī, at the Great Wood, in the hall with the peaked roof.\nThere the Buddha addressed the mendicants:\n“Mendicants, you should remember the householder Ugga of Vesālī as someone who has eight amazing and incredible qualities.”\nThat is what the Buddha said.\nWhen he had spoken, the Holy One rose from his seat and entered his dwelling."}},{"id":"an8.21:2","sourceIds":["an8.21:2.1","an8.21:2.2"],"kind":"text","text":{"pi":"Atha kho aññataro bhikkhu pubbaṇhasamayaṁ nivāsetvā pattacīvaramādāya yena uggassa gahapatino vesālikassa nivesanaṁ tenupasaṅkami; upasaṅkamitvā paññatte āsane nisīdi.\nAtha kho uggo gahapati vesāliko yena so bhikkhu tenupasaṅkami; upasaṅkamitvā taṁ bhikkhuṁ abhivādetvā ekamantaṁ nisīdi. Ekamantaṁ nisinnaṁ kho uggaṁ gahapatiṁ vesālikaṁ so bhikkhu etadavoca:","en":"Then a certain mendicant robed up in the morning and, taking his bowl and robe, went to the home of the householder Ugga of Vesālī, where he sat down on the seat spread out.\nThen Ugga of Vesālī went up to that mendicant, bowed, and sat down to one side. The mendicant said to him:"}},{"id":"an8.21:3","sourceIds":["an8.21:3.1","an8.21:3.2","an8.21:3.3","an8.21:3.4","an8.21:3.5","an8.21:3.6","an8.21:3.7","an8.21:3.8","an8.21:3.9","an8.21:3.10","an8.21:3.11"],"kind":"text","text":{"pi":"“Aṭṭhahi kho tvaṁ, gahapati, acchariyehi abbhutehi dhammehi samannāgato bhagavatā byākato.\nKatame te, gahapati, aṭṭha acchariyā abbhutā dhammā, yehi tvaṁ samannāgato bhagavatā byākato”ti?\n“Na kho ahaṁ, bhante, jānāmi:\n‘katamehi aṭṭhahi acchariyehi abbhutehi dhammehi samannāgato bhagavatā byākato’ti.\nApi ca, bhante, ye me aṭṭha acchariyā abbhutā dhammā saṁvijjanti,;\ntaṁ suṇohi, sādhukaṁ manasi karohi, bhāsissāmī”ti.\n“Evaṁ, gahapatī”ti kho so bhikkhu uggassa gahapatino vesālikassa paccassosi.\nUggo gahapati vesāliko etadavoca:\n“yadāhaṁ, bhante, bhagavantaṁ paṭhamaṁ dūratova addasaṁ;\nsaha dassaneneva me, bhante, bhagavato cittaṁ pasīdi.\nAyaṁ kho me, bhante, paṭhamo acchariyo abbhuto dhammo saṁvijjati.","en":"“Householder, the Buddha declared that you have eight amazing and incredible qualities.\nWhat are the eight qualities that he spoke of?”\n“Sir, I don’t know\nwhat eight amazing and incredible qualities the Buddha was referring to.\nBut these eight amazing and incredible qualities are found in me.\nListen and apply your mind well, I will speak.”\n“Yes, householder,” replied the mendicant.\nUgga of Vesālī said this:\n“Sir, when I first saw the Buddha off in the distance,\nmy heart was inspired as soon as I saw him.\nThis is the first incredible and amazing quality found in me."}},{"id":"an8.21:4","sourceIds":["an8.21:4.1","an8.21:4.2","an8.21:4.3","an8.21:4.4","an8.21:4.5","an8.21:4.6","an8.21:4.7","an8.21:4.8","an8.21:4.9","an8.21:4.10","an8.21:4.11"],"kind":"text","text":{"pi":"So kho ahaṁ, bhante, pasannacitto bhagavantaṁ payirupāsiṁ.\nTassa me bhagavā anupubbiṁ kathaṁ kathesi, seyyathidaṁ—\ndānakathaṁ sīlakathaṁ saggakathaṁ; kāmānaṁ ādīnavaṁ okāraṁ saṅkilesaṁ, nekkhamme ānisaṁsaṁ pakāsesi.\nYadā maṁ bhagavā aññāsi kallacittaṁ muducittaṁ vinīvaraṇacittaṁ udaggacittaṁ pasannacittaṁ, atha yā buddhānaṁ sāmukkaṁsikā dhammadesanā taṁ pakāsesi—\ndukkhaṁ, samudayaṁ, nirodhaṁ, maggaṁ.\nSeyyathāpi nāma suddhaṁ vatthaṁ apagatakāḷakaṁ sammadeva rajanaṁ paṭiggaṇheyya;\nevamevaṁ kho me tasmiṁyeva āsane virajaṁ vītamalaṁ dhammacakkhuṁ udapādi:\n‘yaṁ kiñci samudayadhammaṁ sabbaṁ taṁ nirodhadhamman’ti.\nSo kho ahaṁ, bhante, diṭṭhadhammo pattadhammo viditadhammo pariyogāḷhadhammo tiṇṇavicikiccho vigatakathaṅkatho vesārajjappatto aparappaccayo satthusāsane\ntattheva buddhañca dhammañca saṅghañca saraṇaṁ agamāsiṁ, brahmacariyapañcamāni ca sikkhāpadāni samādiyiṁ.\nAyaṁ kho me, bhante, dutiyo acchariyo abbhuto dhammo saṁvijjati.","en":"With confident heart I paid homage to the Buddha.\nThe Buddha taught me step by step,\nwith a talk on giving, ethical conduct, and heaven. He revealed the drawbacks of sensual pleasures, so sordid and corrupt, and the benefit of renunciation.\nAnd when he knew that my mind was ready, pliable, rid of hindrances, elated, and confident he revealed the special teaching of the Buddhas:\nsuffering, its origin, its cessation, and the path.\nJust as a clean cloth rid of stains would properly absorb dye,\nin that very seat the stainless, immaculate vision of the Dhamma arose in me:\n‘Everything that is liable to arise is liable to cease.’\nI saw, attained, understood, and fathomed the Dhamma. I went beyond doubt, got rid of indecision, and became self-assured and independent of others regarding the Teacher’s instructions.\nRight there I went for refuge to the Buddha, his teaching, and the Saṅgha. And I undertook the five training rules with chastity as the fifth.\nThis is the second incredible and amazing quality found in me."}},{"id":"an8.21:5","sourceIds":["an8.21:5.1","an8.21:5.2","an8.21:5.3","an8.21:5.4","an8.21:5.5","an8.21:5.6","an8.21:5.7","an8.21:5.8","an8.21:5.9","an8.21:5.10"],"kind":"text","text":{"pi":"Tassa mayhaṁ, bhante, catasso komāriyo pajāpatiyo ahesuṁ.\nAtha khvāhaṁ, bhante, yena tā pajāpatiyo tenupasaṅkamiṁ; upasaṅkamitvā tā pajāpatiyo etadavacaṁ:\n‘mayā kho, bhaginiyo, brahmacariyapañcamāni sikkhāpadāni samādinnāni.\nYā icchati sā idheva bhoge ca bhuñjatu puññāni ca karotu, sakāni vā ñātikulāni gacchatu.\nHoti vā pana purisādhippāyo, kassa vo dammī’ti?\nEvaṁ vutte, sā, bhante, jeṭṭhā pajāpati maṁ etadavoca:\n‘itthannāmassa maṁ, ayyaputta, purisassa dehī’ti.\nAtha kho ahaṁ, bhante, taṁ purisaṁ pakkosāpetvā vāmena hatthena pajāpatiṁ gahetvā dakkhiṇena hatthena bhiṅgāraṁ gahetvā tassa purisassa oṇojesiṁ.\nKomāriṁ kho panāhaṁ, bhante, dāraṁ pariccajanto nābhijānāmi cittassa aññathattaṁ.\nAyaṁ kho me, bhante, tatiyo acchariyo abbhuto dhammo saṁvijjati.","en":"I had four teenage wives.\nAnd I went to them and said:\n‘Sisters, I’ve undertaken the five training rules with chastity as fifth.\nIf you wish, you may stay here, enjoy my wealth, and do good deeds. Or you can return to your own families.\nOr would you prefer if I gave you to another man?’\nWhen I said this, my eldest wife said to me:\n‘Master, please give me to a man named so-and-so.’\nThen I summoned that man. Taking my wife with my left hand and a ceremonial vase with my right, I presented her to that man with the pouring of water.\nBut I can’t recall getting upset while giving away my teenage wife.\nThis is the third incredible and amazing quality found in me."}},{"id":"an8.21:6","sourceIds":["an8.21:6.1","an8.21:6.2","an8.21:6.3"],"kind":"text","text":{"pi":"Saṁvijjanti kho pana me, bhante, kule bhogā.\nTe ca kho appaṭivibhattā sīlavantehi kalyāṇadhammehi.\nAyaṁ kho me, bhante, catuttho acchariyo abbhuto dhammo saṁvijjati.","en":"And though my family has wealth,\nit’s shared without reserve with ethical people of good character.\nThis is the fourth incredible and amazing quality found in me."}},{"id":"an8.21:7","sourceIds":["an8.21:7.1","an8.21:7.2","an8.21:7.3"],"kind":"text","text":{"pi":"Yaṁ kho panāhaṁ, bhante, bhikkhuṁ payirupāsāmi;\nsakkaccaṁyeva payirupāsāmi, no asakkaccaṁ.\nAyaṁ kho me, bhante, pañcamo acchariyo abbhuto dhammo saṁvijjati.","en":"When I pay homage to a mendicant,\nI do so carefully, not carelessly.\nThis is the fifth incredible and amazing quality found in me."}},{"id":"an8.21:8","sourceIds":["an8.21:8.1","an8.21:8.2","an8.21:8.3","an8.21:8.4"],"kind":"text","text":{"pi":"So ce, bhante, me āyasmā dhammaṁ deseti;\nsakkaccaṁyeva suṇomi, no asakkaccaṁ.\nNo ce me so āyasmā dhammaṁ deseti, ahamassa dhammaṁ desemi.\nAyaṁ kho me, bhante, chaṭṭho acchariyo abbhuto dhammo saṁvijjati.","en":"If that venerable teaches me the Dhamma,\nI listen carefully, not carelessly.\nBut if they don’t teach me the Dhamma, I teach them.\nThis is the sixth incredible and amazing quality found in me."}},{"id":"an8.21:9","sourceIds":["an8.21:9.1","an8.21:9.2","an8.21:9.3","an8.21:9.4","an8.21:9.5","an8.21:9.6","an8.21:9.7"],"kind":"text","text":{"pi":"Anacchariyaṁ kho pana maṁ, bhante, devatā upasaṅkamitvā ārocenti:\n‘svākkhāto, gahapati, bhagavatā dhammo’ti.\nEvaṁ vutte, ahaṁ, bhante, tā devatā evaṁ vadāmi:\n‘vadeyyātha vā evaṁ kho tumhe devatā no vā vadeyyātha, atha kho svākkhāto bhagavatā dhammo’ti.\nNa kho panāhaṁ, bhante, abhijānāmi tatonidānaṁ cittassa unnatiṁ:\n‘maṁ vā devatā upasaṅkamanti, ahaṁ vā devatāhi saddhiṁ sallapāmī’ti.\nAyaṁ kho me, bhante, sattamo acchariyo abbhuto dhammo saṁvijjati.","en":"It’s not unusual for deities to come to me and announce:\n‘Householder, the Buddha’s teaching is well explained!’\nWhen they say this I say to them:\n‘The Buddha’s teaching is well explained, regardless of whether or not you deities say so!’\nBut I don’t recall getting too excited by the fact that\nthe deities come to me, and I have a conversation with them.\nThis is the seventh incredible and amazing quality found in me."}},{"id":"an8.21:10","sourceIds":["an8.21:10.1","an8.21:10.2"],"kind":"text","text":{"pi":"Yānimāni, bhante, bhagavatā desitāni pañcorambhāgiyāni saṁyojanāni, nāhaṁ tesaṁ kiñci attani appahīnaṁ samanupassāmi.\nAyaṁ kho me, bhante, aṭṭhamo acchariyo abbhuto dhammo saṁvijjati.","en":"Of the five lower fetters taught by the Buddha, I don’t see any that I haven’t given up.\nThis is the eighth incredible and amazing quality found in me."}},{"id":"an8.21:11","sourceIds":["an8.21:11.1","an8.21:11.2","an8.21:11.3"],"kind":"text","text":{"pi":"Ime kho me, bhante, aṭṭha acchariyā abbhutā dhammā saṁvijjanti.\nNa ca kho ahaṁ jānāmi—\nkatamehi cāhaṁ aṭṭhahi acchariyehi abbhutehi dhammehi samannāgato bhagavatā byākato”ti.","en":"These eight amazing and incredible qualities are found in me.\nBut I don’t know\nwhat eight amazing and incredible qualities the Buddha was referring to.”"}},{"id":"an8.21:12","sourceIds":["an8.21:12.1","an8.21:12.2","an8.21:12.3"],"kind":"text","text":{"pi":"Atha kho so bhikkhu uggassa gahapatino vesālikassa nivesane piṇḍapātaṁ gahetvā uṭṭhāyāsanā pakkāmi.\nAtha kho so bhikkhu pacchābhattaṁ piṇḍapātapaṭikkanto yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi.\nEkamantaṁ nisinno kho so bhikkhu yāvatako ahosi uggena gahapatinā vesālikena saddhiṁ kathāsallāpo, taṁ sabbaṁ bhagavato ārocesi.","en":"Then that mendicant, after taking almsfood in Ugga of Vesālī’s home, rose from his seat and left.\nThen after the meal, on his return from almsround, he went to the Buddha, bowed, and sat down to one side.\nHe informed the Buddha of all he had discussed with the householder Ugga of Vesālī. The Buddha said:"}},{"id":"an8.21:13","sourceIds":["an8.21:13.1","an8.21:13.2","an8.21:13.3","an8.21:13.4"],"kind":"text","text":{"pi":"“Sādhu sādhu, bhikkhu.\nYathā taṁ uggo gahapati vesāliko sammā byākaramāno byākareyya, imeheva kho, bhikkhu, aṭṭhahi acchariyehi abbhutehi dhammehi samannāgato uggo gahapati vesāliko mayā byākato.\nImehi ca pana, bhikkhu, aṭṭhahi acchariyehi abbhutehi dhammehi samannāgataṁ uggaṁ gahapatiṁ vesālikaṁ dhārehī”ti.\nPaṭhamaṁ.","en":"“Good, good, mendicant!\nWhen I declared that the householder Ugga of Vesālī was someone who has eight amazing and incredible qualities, I was referring to the same eight qualities that he rightly explained to you.\nYou should remember the householder Ugga of Vesālī as someone who possesses these eight amazing and incredible qualities.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an8.21/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}