{"id":"an8.22","title":"With Uggata of Elephant Village","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an8.22","title":"With Uggata of Elephant Village","units":[{"id":"an8.22:0","sourceIds":["an8.22:0.1","an8.22:0.2","an8.22:0.3"],"kind":"text","text":{"pi":"Aṅguttara Nikāya 8.22\n3. Gahapativagga\nDutiyauggasutta","en":"Numbered Discourses 8.22\n3. Householders\nWith Uggata of Elephant Village"}},{"id":"an8.22:1","sourceIds":["an8.22:1.1","an8.22:1.2","an8.22:1.3","an8.22:1.4","an8.22:1.5"],"kind":"text","text":{"pi":"Ekaṁ samayaṁ bhagavā vajjīsu viharati hatthigāme.\nTatra kho bhagavā bhikkhū āmantesi:\n“aṭṭhahi, bhikkhave, acchariyehi abbhutehi dhammehi samannāgataṁ uggaṁ gahapatiṁ hatthigāmakaṁ dhārethā”ti.\nIdamavoca bhagavā.\nIdaṁ vatvāna sugato uṭṭhāyāsanā vihāraṁ pāvisi.","en":"At one time the Buddha was staying in the land of the Vajjis at Elephant Village.\nThere the Buddha addressed the mendicants:\n“Mendicants, you should remember the householder Uggata of Elephant Village as someone who has eight amazing and incredible qualities.”\nThat is what the Buddha said.\nWhen he had spoken, the Holy One rose from his seat and entered his dwelling."}},{"id":"an8.22:2","sourceIds":["an8.22:2.1","an8.22:2.2","an8.22:2.3","an8.22:2.4"],"kind":"text","text":{"pi":"Atha kho aññataro bhikkhu pubbaṇhasamayaṁ nivāsetvā pattacīvaramādāya yena uggassa gahapatino hatthigāmakassa nivesanaṁ tenupasaṅkami; upasaṅkamitvā paññatte āsane nisīdi.\nAtha kho uggo gahapati hatthigāmako yena so bhikkhu tenupasaṅkami; upasaṅkamitvā taṁ bhikkhuṁ abhivādetvā ekamantaṁ nisīdi. Ekamantaṁ nisinnaṁ kho uggaṁ gahapatiṁ hatthigāmakaṁ so bhikkhu etadavoca:\n“aṭṭhahi kho tvaṁ, gahapati, acchariyehi abbhutehi dhammehi samannāgato bhagavatā byākato.\nKatame te, gahapati, aṭṭha acchariyā abbhutā dhammā, yehi tvaṁ samannāgato bhagavatā byākato”ti?","en":"Then a certain mendicant robed up in the morning and, taking his bowl and robe, went to the home of the householder Uggata of Elephant Village, where he sat down on the seat spread out.\nThen Uggata of Elephant Village went up to that mendicant, bowed, and sat down to one side. The mendicant said to him:\n“Householder, the Buddha declared that you have eight amazing and incredible qualities.\nWhat are the eight qualities that he spoke of?”"}},{"id":"an8.22:3","sourceIds":["an8.22:3.1","an8.22:3.2","an8.22:3.3","an8.22:3.4","an8.22:3.5","an8.22:3.6","an8.22:3.7","an8.22:3.8","an8.22:3.9"],"kind":"text","text":{"pi":"“Na kho ahaṁ, bhante, jānāmi:\n‘katamehi aṭṭhahi acchariyehi abbhutehi dhammehi samannāgato bhagavatā byākato’ti.\nApi ca, bhante, ye me aṭṭha acchariyā abbhutā dhammā saṁvijjanti,\ntaṁ suṇāhi, sādhukaṁ manasi karohi; bhāsissāmī”ti.\n“Evaṁ, gahapatī”ti kho so bhikkhu uggassa gahapatino hatthigāmakassa paccassosi.\nUggo gahapati hatthigāmako etadavoca:\n“yadāhaṁ, bhante, nāgavane paricaranto bhagavantaṁ paṭhamaṁ dūratova addasaṁ;\nsaha dassaneneva me, bhante, bhagavato cittaṁ pasīdi, surāmado ca pahīyi.\nAyaṁ kho me, bhante, paṭhamo acchariyo abbhuto dhammo saṁvijjati.","en":"“Sir, I don’t know\nwhat eight amazing and incredible qualities the Buddha was referring to.\nBut these eight amazing and incredible qualities are found in me.\nListen and apply your mind well, I will speak.”\n“Yes, householder,” replied the mendicant.\nUggata of Elephant Village said this:\n“Sir, when I first saw the Buddha off in the distance I was partying in the Dragon’s Park.\nMy heart was inspired as soon as I saw him, and I sobered up.\nThis is the first incredible and amazing quality found in me."}},{"id":"an8.22:4","sourceIds":["an8.22:4.1","an8.22:4.2","an8.22:4.3","an8.22:4.4","an8.22:4.5","an8.22:4.6","an8.22:4.7","an8.22:4.8","an8.22:4.9","an8.22:4.10"],"kind":"text","text":{"pi":"So kho ahaṁ, bhante, pasannacitto bhagavantaṁ payirupāsiṁ.\nTassa me bhagavā anupubbiṁ kathaṁ kathesi, seyyathidaṁ—\ndānakathaṁ sīlakathaṁ saggakathaṁ; kāmānaṁ ādīnavaṁ okāraṁ saṅkilesaṁ, nekkhamme ānisaṁsaṁ pakāsesi.\nYadā maṁ bhagavā aññāsi kallacittaṁ muducittaṁ vinīvaraṇacittaṁ udaggacittaṁ pasannacittaṁ, atha yā buddhānaṁ sāmukkaṁsikā dhammadesanā taṁ pakāsesi—\ndukkhaṁ, samudayaṁ, nirodhaṁ, maggaṁ.\nSeyyathāpi nāma suddhaṁ vatthaṁ apagatakāḷakaṁ sammadeva rajanaṁ paṭiggaṇheyya;\nevamevaṁ kho me tasmiṁyeva āsane virajaṁ vītamalaṁ dhammacakkhuṁ udapādi:\n‘yaṁ kiñci samudayadhammaṁ sabbaṁ taṁ nirodhadhamman’ti.\nSo kho ahaṁ, bhante, diṭṭhadhammo pattadhammo viditadhammo pariyogāḷhadhammo tiṇṇavicikiccho vigatakathaṅkatho vesārajjappatto aparappaccayo satthusāsane tattheva buddhañca dhammañca saṅghañca saraṇaṁ agamāsiṁ, brahmacariyapañcamāni ca sikkhāpadāni samādiyiṁ.\nAyaṁ kho me, bhante, dutiyo acchariyo abbhuto dhammo saṁvijjati.","en":"With confident heart I paid homage to the Buddha.\nThe Buddha taught me step by step, with\na talk on giving, ethical conduct, and heaven. He revealed the drawbacks of sensual pleasures, so sordid and corrupt, and the benefit of renunciation.\nAnd when he knew that my mind was ready, pliable, rid of hindrances, elated, and confident he revealed the special teaching of the Buddhas:\nsuffering, its origin, its cessation, and the path.\nJust as a clean cloth rid of stains would properly absorb dye,\nin that very seat the stainless, immaculate vision of the Dhamma arose in me:\n‘Everything that is liable to arise is liable to cease.’\nI saw, attained, understood, and fathomed the Dhamma. I went beyond doubt, got rid of indecision, and became self-assured and independent of others regarding the Teacher’s instructions. Right there I went for refuge to the Buddha, his teaching, and the Saṅgha. And I undertook the five training rules with chastity as the fifth.\nThis is the second incredible and amazing quality found in me."}},{"id":"an8.22:5","sourceIds":["an8.22:5.1","an8.22:5.2","an8.22:5.3","an8.22:5.4","an8.22:5.5","an8.22:5.6","an8.22:5.7","an8.22:5.8","an8.22:5.9","an8.22:5.10"],"kind":"text","text":{"pi":"Tassa mayhaṁ, bhante, catasso komāriyo pajāpatiyo ahesuṁ.\nAtha khvāhaṁ, bhante, yena tā pajāpatiyo tenupasaṅkamiṁ; upasaṅkamitvā tā pajāpatiyo etadavacaṁ:\n‘mayā kho, bhaginiyo, brahmacariyapañcamāni sikkhāpadāni samādinnāni.\nYā icchati sā idheva bhoge ca bhuñjatu puññāni ca karotu, sakāni vā ñātikulāni gacchatu.\nHoti vā pana purisādhippāyo, kassa vo dammī’ti?\nEvaṁ vutte, sā, bhante, jeṭṭhā pajāpati maṁ etadavoca:\n‘itthannāmassa maṁ, ayyaputta, purisassa dehī’ti.\nAtha kho ahaṁ, bhante, taṁ purisaṁ pakkosāpetvā vāmena hatthena pajāpatiṁ gahetvā dakkhiṇena hatthena bhiṅgāraṁ gahetvā tassa purisassa oṇojesiṁ.\nKomāriṁ kho panāhaṁ, bhante, dāraṁ pariccajanto nābhijānāmi cittassa aññathattaṁ.\nAyaṁ kho me, bhante, tatiyo acchariyo abbhuto dhammo saṁvijjati.","en":"I had four teenage wives.\nAnd I went to them and said:\n‘Sisters, I’ve undertaken the five training rules with chastity as fifth.\nIf you wish, you may stay here, enjoy my wealth, and do good deeds. Or you can return to your own families.\nOr would you prefer if I gave you to another man?’\nWhen I said this, my eldest wife said to me:\n‘Master, please give me to the man named so-and-so.’\nThen I summoned that man. Taking my wife with my left hand and a ceremonial vase with my right, I presented her to that man with the pouring of water.\nBut I can’t recall getting upset while giving away my teenage wife.\nThis is the third incredible and amazing quality found in me."}},{"id":"an8.22:6","sourceIds":["an8.22:6.1","an8.22:6.2","an8.22:6.3"],"kind":"text","text":{"pi":"Saṁvijjanti kho pana me, bhante, kule bhogā.\nTe ca kho appaṭivibhattā sīlavantehi kalyāṇadhammehi.\nAyaṁ kho me, bhante, catuttho acchariyo abbhuto dhammo saṁvijjati.","en":"And though my family has wealth,\nit’s shared without reserve with ethical people of good character.\nThis is the fourth incredible and amazing quality found in me."}},{"id":"an8.22:7","sourceIds":["an8.22:7.1","an8.22:7.2","an8.22:7.3","an8.22:7.4","an8.22:7.5","an8.22:7.6"],"kind":"text","text":{"pi":"Yaṁ kho panāhaṁ, bhante, bhikkhuṁ payirupāsāmi;\nsakkaccaṁyeva payirupāsāmi, no asakkaccaṁ.\nSo ce me āyasmā dhammaṁ deseti;\nsakkaccaṁyeva suṇomi, no asakkaccaṁ.\nNo ce me so āyasmā dhammaṁ deseti, ahamassa dhammaṁ desemi.\nAyaṁ kho me, bhante, pañcamo acchariyo abbhuto dhammo saṁvijjati.","en":"When I pay homage to a mendicant,\nI do so carefully, not carelessly.\nIf that venerable teaches me the Dhamma,\nI listen carefully, not carelessly.\nBut if they don’t teach me the Dhamma, I teach them.\nThis is the fifth incredible and amazing quality found in me."}},{"id":"an8.22:8","sourceIds":["an8.22:8.1","an8.22:8.2","an8.22:8.3","an8.22:8.4","an8.22:8.5","an8.22:8.6"],"kind":"text","text":{"pi":"Anacchariyaṁ kho pana, bhante, saṅghe nimantite devatā upasaṅkamitvā ārocenti:\n‘asuko, gahapati, bhikkhu ubhatobhāgavimutto asuko paññāvimutto asuko kāyasakkhī asuko diṭṭhippatto asuko saddhāvimutto asuko dhammānusārī asuko saddhānusārī asuko sīlavā kalyāṇadhammo asuko dussīlo pāpadhammo’ti.\nSaṅghaṁ kho panāhaṁ, bhante, parivisanto nābhijānāmi evaṁ cittaṁ uppādento:\n‘imassa vā thokaṁ demi imassa vā bahukan’ti.\nAtha khvāhaṁ, bhante, samacittova demi.\nAyaṁ kho me, bhante, chaṭṭho acchariyo abbhuto dhammo saṁvijjati.","en":"It’s not unusual for deities to come to me when the Saṅgha has been invited and announce:\n‘Householder, that mendicant is freed both ways. That one is freed by wisdom. That one is a direct witness. That one is attained to view. That one is freed by faith. That one is a follower of teachings. That one is a follower by faith. That one is ethical, of good character. That one is unethical, of bad character.’\nBut while I’m serving the Saṅgha I don’t recall thinking:\n‘Let me give this one just a little, and that one a lot.’\nRather, I give impartially.\nThis is the sixth incredible and amazing quality found in me."}},{"id":"an8.22:9","sourceIds":["an8.22:9.1","an8.22:9.2","an8.22:9.3","an8.22:9.4","an8.22:9.5","an8.22:9.6","an8.22:9.7"],"kind":"text","text":{"pi":"Anacchariyaṁ kho pana maṁ, bhante, devatā upasaṅkamitvā ārocenti:\n‘svākkhāto, gahapati, bhagavatā dhammo’ti.\nEvaṁ vutte, ahaṁ, bhante, tā devatā evaṁ vademi:\n‘vadeyyātha vā evaṁ kho tumhe devatā no vā vadeyyātha, atha kho svākkhāto bhagavatā dhammo’ti.\nNa kho panāhaṁ, bhante, abhijānāmi tatonidānaṁ cittassa unnatiṁ:\n‘maṁ tā devatā upasaṅkamanti, ahaṁ vā devatāhi saddhiṁ sallapāmī’ti.\nAyaṁ kho me, bhante, sattamo acchariyo abbhuto dhammo saṁvijjati.","en":"It’s not unusual for deities to come to me and announce:\n‘Householder, the Buddha’s teaching is well explained!’\nWhen they say this I say to them:\n‘The Buddha’s teaching is well explained, regardless of whether or not you deities say so!’\nBut I don’t recall getting too excited by the fact that\nthe deities come to me, and I have a conversation with them.\nThis is the seventh incredible and amazing quality found in me."}},{"id":"an8.22:10","sourceIds":["an8.22:10.1","an8.22:10.2","an8.22:10.3"],"kind":"text","text":{"pi":"Sace kho panāhaṁ, bhante, bhagavato paṭhamataraṁ kālaṁ kareyyaṁ, anacchariyaṁ kho panetaṁ yaṁ maṁ bhagavā evaṁ byākareyya:\n‘natthi taṁ saṁyojanaṁ yena saṁyutto uggo gahapati hatthigāmako puna imaṁ lokaṁ āgaccheyyā’ti.\nAyaṁ kho me, bhante, aṭṭhamo acchariyo abbhuto dhammo saṁvijjati.","en":"If I pass away before the Buddha, it would be no wonder if the Buddha declares of me:\n‘The householder Uggata of Elephant Village is bound by no fetter that might return him to this world.’\nThis is the eighth incredible and amazing quality found in me."}},{"id":"an8.22:11","sourceIds":["an8.22:11.1","an8.22:11.2","an8.22:11.3"],"kind":"text","text":{"pi":"Ime kho me, bhante, aṭṭha acchariyā abbhutā dhammā saṁvijjanti.\nNa ca kho ahaṁ jānāmi:\n‘katamehi cāhaṁ aṭṭhahi acchariyehi abbhutehi dhammehi samannāgato bhagavatā byākato’”ti.","en":"These eight amazing and incredible qualities are found in me.\nBut I don’t know\nwhat eight amazing and incredible qualities the Buddha was referring to.”"}},{"id":"an8.22:12","sourceIds":["an8.22:12.1","an8.22:12.2","an8.22:12.3"],"kind":"text","text":{"pi":"Atha kho so bhikkhu uggassa gahapatino hatthigāmakassa nivesane piṇḍapātaṁ gahetvā uṭṭhāyāsanā pakkāmi.\nAtha kho so bhikkhu pacchābhattaṁ piṇḍapātapaṭikkanto yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi.\nEkamantaṁ nisinno kho so bhikkhu yāvatako ahosi uggena gahapatinā hatthigāmakena saddhiṁ kathāsallāpo, taṁ sabbaṁ bhagavato ārocesi.","en":"Then that mendicant, after taking almsfood in Uggata of Elephant Village’s home, rose from his seat and left.\nThen after the meal, on his return from almsround, he went to the Buddha, bowed, and sat down to one side.\nHe informed the Buddha of all he had discussed with the householder Uggata of Elephant Village. The Buddha said:"}},{"id":"an8.22:13","sourceIds":["an8.22:13.1","an8.22:13.2","an8.22:13.3","an8.22:13.4"],"kind":"text","text":{"pi":"“Sādhu sādhu, bhikkhu.\nYathā taṁ uggo gahapati hatthigāmako sammā byākaramāno byākareyya, imeheva kho, bhikkhu, aṭṭhahi acchariyehi abbhutehi dhammehi samannāgato uggo gahapati hatthigāmako mayā byākato.\nImehi ca pana, bhikkhu, aṭṭhahi acchariyehi abbhutehi dhammehi samannāgataṁ uggaṁ gahapatiṁ hatthigāmakaṁ dhārehī”ti.\nDutiyaṁ.","en":"“Good, good, mendicant!\nWhen I declared that the householder Uggata of Elephant Village was someone who has eight amazing and incredible qualities, I was referring to the same eight qualities that he rightly explained to you.\nYou should remember the householder Uggata of Elephant Village as someone who has these eight amazing and incredible qualities.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an8.22/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}