{"id":"an8.35","title":"Rebirth by Giving","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an8.35","title":"Rebirth by Giving","units":[{"id":"an8.35:0","sourceIds":["an8.35:0.1","an8.35:0.2","an8.35:0.3"],"kind":"text","text":{"pi":"Aṅguttara Nikāya 8.35\n4. Dānavagga\nDānūpapattisutta","en":"Numbered Discourses 8.35\n4. Giving\nRebirth by Giving"}},{"id":"an8.35:1","sourceIds":["an8.35:1.1","an8.35:1.2","an8.35:1.3","an8.35:1.4","an8.35:1.5","an8.35:1.6","an8.35:1.7","an8.35:1.8","an8.35:1.9","an8.35:1.10","an8.35:1.11","an8.35:1.12"],"kind":"text","text":{"pi":"“Aṭṭhimā, bhikkhave, dānūpapattiyo.\nKatamā aṭṭha?\nIdha, bhikkhave, ekacco dānaṁ deti samaṇassa vā brāhmaṇassa vā annaṁ pānaṁ vatthaṁ yānaṁ mālāgandhavilepanaṁ seyyāvasathapadīpeyyaṁ.\nSo yaṁ deti taṁ paccāsīsati.\nSo passati khattiyamahāsāle vā brāhmaṇamahāsāle vā gahapatimahāsāle vā pañcahi kāmaguṇehi samappite samaṅgībhūte paricārayamāne.\nTassa evaṁ hoti:\n‘aho vatāhaṁ kāyassa bhedā paraṁ maraṇā khattiyamahāsālānaṁ vā brāhmaṇamahāsālānaṁ vā gahapatimahāsālānaṁ vā sahabyataṁ upapajjeyyan’ti.\nSo taṁ cittaṁ dahati, taṁ cittaṁ adhiṭṭhāti, taṁ cittaṁ bhāveti.\nTassa taṁ cittaṁ hīne vimuttaṁ, uttari abhāvitaṁ, tatrūpapattiyā saṁvattati.\nKāyassa bhedā paraṁ maraṇā khattiyamahāsālānaṁ vā brāhmaṇamahāsālānaṁ vā gahapatimahāsālānaṁ vā sahabyataṁ upapajjati.\nTañca kho sīlavato vadāmi, no dussīlassa.\nIjjhati, bhikkhave, sīlavato cetopaṇidhi visuddhattā.","en":"“Mendicants, there are these eight rebirths by giving.\nWhat eight?\nFirst, someone gives to ascetics or brahmins such things as food, drink, clothing, vehicles; garlands, fragrance, and makeup; and bed, house, and lighting.\nWhatever they give they expect back.\nThey see a well-to-do aristocrat or brahmin or householder amusing themselves, supplied and provided with the five kinds of sensual stimulation.\nIt occurs to them:\n‘If only, when my body breaks up, after death, I would be reborn in the company of well-to-do aristocrats or brahmins or householders!’\nThey settle on that thought, stabilize it, and develop it.\nAs they’ve settled for less and not developed further, their thought leads to rebirth there.\nWhen their body breaks up, after death, they’re reborn in the company of well-to-do aristocrats or brahmins or householders.\nBut I say that this is only for those of ethical conduct, not for the unethical.\nThe heart’s wish of an ethical person succeeds because of their purity."}},{"id":"an8.35:2","sourceIds":["an8.35:2.1","an8.35:2.2","an8.35:2.3","an8.35:2.4","an8.35:2.5","an8.35:2.6","an8.35:2.7","an8.35:2.8","an8.35:2.9","an8.35:2.10","an8.35:2.11"],"kind":"text","text":{"pi":"Idha pana, bhikkhave, ekacco dānaṁ deti samaṇassa vā brāhmaṇassa vā annaṁ pānaṁ vatthaṁ yānaṁ mālāgandhavilepanaṁ seyyāvasathapadīpeyyaṁ.\nSo yaṁ deti taṁ paccāsīsati.\nTassa sutaṁ hoti:\n‘cātumahārājikā devā dīghāyukā vaṇṇavanto sukhabahulā’ti.\nTassa evaṁ hoti:\n‘aho vatāhaṁ kāyassa bhedā paraṁ maraṇā cātumahārājikānaṁ devānaṁ sahabyataṁ upapajjeyyan’ti.\nSo taṁ cittaṁ dahati, taṁ cittaṁ adhiṭṭhāti, taṁ cittaṁ bhāveti.\nTassa taṁ cittaṁ hīne vimuttaṁ, uttari abhāvitaṁ, tatrūpapattiyā saṁvattati.\nKāyassa bhedā paraṁ maraṇā cātumahārājikānaṁ devānaṁ sahabyataṁ upapajjati.\nTañca kho sīlavato vadāmi, no dussīlassa.\nIjjhati, bhikkhave, sīlavato cetopaṇidhi visuddhattā.","en":"Next, someone gives to ascetics or brahmins …\nWhatever they give they expect back.\nAnd they’ve heard:\n‘The gods of the four great kings are long-lived, beautiful, and very happy.’\nIt occurs to them:\n‘If only, when my body breaks up, after death, I would be reborn in the company of the gods of the four great kings!’ …\nWhen their body breaks up, after death, they’re reborn in the company of the gods of the four great kings.\nBut I say that this is only for those of ethical conduct, not for the unethical.\nThe heart’s wish of an ethical person succeeds because of their purity."}},{"id":"an8.35:3","sourceIds":["an8.35:3.1","an8.35:3.2","an8.35:3.3","an8.35:3.4","an8.35:3.5","an8.35:3.6","an8.35:3.7","an8.35:3.8","an8.35:3.9","an8.35:3.10","an8.35:3.11","an8.35:3.12","an8.35:3.13","an8.35:3.14","an8.35:3.15"],"kind":"text","text":{"pi":"Idha pana, bhikkhave, ekacco dānaṁ deti samaṇassa vā brāhmaṇassa vā annaṁ pānaṁ vatthaṁ yānaṁ mālāgandhavilepanaṁ seyyāvasathapadīpeyyaṁ.\nSo yaṁ deti taṁ paccāsīsati.\nTassa sutaṁ hoti—\ntāvatiṁsā devā …pe…\nyāmā devā …\ntusitā devā …\nnimmānaratī devā …\nparanimmitavasavattī devā dīghāyukā vaṇṇavanto sukhabahulāti.\nTassa evaṁ hoti:\n‘aho vatāhaṁ kāyassa bhedā paraṁ maraṇā paranimmitavasavattīnaṁ devānaṁ sahabyataṁ upapajjeyyan’ti.\nSo taṁ cittaṁ dahati, taṁ cittaṁ adhiṭṭhāti, taṁ cittaṁ bhāveti.\nTassa taṁ cittaṁ hīne vimuttaṁ, uttari abhāvitaṁ, tatrūpapattiyā saṁvattati.\nKāyassa bhedā paraṁ maraṇā paranimmitavasavattīnaṁ devānaṁ sahabyataṁ upapajjati.\nTañca kho sīlavato vadāmi, no dussīlassa.\nIjjhati, bhikkhave, sīlavato cetopaṇidhi visuddhattā.","en":"Next, someone gives to ascetics or brahmins …\nWhatever they give they expect back.\nAnd they’ve heard:\n‘The gods of the thirty-three …’\n‘The gods of Yama …’\n‘The joyful gods …’\n‘The gods who love to create …’\n‘The gods who control what is created by others are long-lived, beautiful, and very happy.’\nIt occurs to them:\n‘If only, when my body breaks up, after death, I would be reborn in the company of the gods who control what is created by others!’\nThey settle on that thought, stabilize it, and develop it.\nAs they’ve settled for less and not developed further, their thought leads to rebirth there.\nWhen their body breaks up, after death, they’re reborn in the company of the gods who control what is created by others.\nBut I say that this is only for those of ethical conduct, not for the unethical.\nThe heart’s wish of an ethical person succeeds because of their purity."}},{"id":"an8.35:4","sourceIds":["an8.35:4.1","an8.35:4.2","an8.35:4.3","an8.35:4.4","an8.35:4.5","an8.35:4.6","an8.35:4.7","an8.35:4.8","an8.35:4.9","an8.35:4.10","an8.35:4.11","an8.35:4.12","an8.35:4.13","an8.35:4.14"],"kind":"text","text":{"pi":"Idha pana, bhikkhave, ekacco dānaṁ deti samaṇassa vā brāhmaṇassa vā annaṁ pānaṁ vatthaṁ yānaṁ mālāgandhavilepanaṁ seyyāvasathapadīpeyyaṁ.\nSo yaṁ deti taṁ paccāsīsati.\nTassa sutaṁ hoti:\n‘brahmakāyikā devā dīghāyukā vaṇṇavanto sukhabahulā’ti.\nTassa evaṁ hoti:\n‘aho vatāhaṁ kāyassa bhedā paraṁ maraṇā brahmakāyikānaṁ devānaṁ sahabyataṁ upapajjeyyan’ti.\nSo taṁ cittaṁ dahati, taṁ cittaṁ adhiṭṭhāti, taṁ cittaṁ bhāveti.\nTassa taṁ cittaṁ hīne vimuttaṁ, uttari abhāvitaṁ, tatrūpapattiyā saṁvattati.\nKāyassa bhedā paraṁ maraṇā brahmakāyikānaṁ devānaṁ sahabyataṁ upapajjati.\nTañca kho sīlavato vadāmi, no dussīlassa;\nvītarāgassa, no sarāgassa.\nIjjhati, bhikkhave, sīlavato cetopaṇidhi vītarāgattā.\nImā kho, bhikkhave, aṭṭha dānūpapattiyo”ti.\nPañcamaṁ.","en":"Next, someone gives to ascetics or brahmins such things as food, drink, clothing, vehicles; garlands, fragrance, and makeup; and bed, house, and lighting.\nWhatever they give they expect back.\nAnd they’ve heard:\n‘The gods of the Divinity’s host are long-lived, beautiful, and very happy.’\nIt occurs to them:\n‘If only, when my body breaks up, after death, I would be reborn in the company of the gods of the Divinity’s host!’\nThey settle on that thought, stabilize it, and develop it.\nAs they’ve settled for less and not developed further, their thought leads to rebirth there.\nWhen their body breaks up, after death, they’re reborn in the company of the gods of the Divinity’s host.\nBut I say that this is only for those of ethical conduct, not for the unethical.\nAnd for those free of desire, not those with desire.\nThe heart’s wish of an ethical person succeeds because of their freedom from desire.\nThese are the eight rebirths by giving.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an8.35/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}