{"id":"an8.38","title":"A True Person","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an8.38","title":"A True Person","units":[{"id":"an8.38:0","sourceIds":["an8.38:0.1","an8.38:0.2","an8.38:0.3"],"kind":"text","text":{"pi":"Aṅguttara Nikāya 8.38\n4. Dānavagga\nSappurisasutta","en":"Numbered Discourses 8.38\n4. Giving\nA True Person"}},{"id":"an8.38:1","sourceIds":["an8.38:1.1","an8.38:1.2"],"kind":"text","text":{"pi":"“Sappuriso, bhikkhave, kule jāyamāno bahuno janassa atthāya hitāya sukhāya hoti—\nmātāpitūnaṁ atthāya hitāya sukhāya hoti, puttadārassa atthāya hitāya sukhāya hoti, dāsakammakaraporisassa atthāya hitāya sukhāya hoti, mittāmaccānaṁ atthāya hitāya sukhāya hoti, pubbapetānaṁ atthāya hitāya sukhāya hoti, rañño atthāya hitāya sukhāya hoti, devatānaṁ atthāya hitāya sukhāya hoti, samaṇabrāhmaṇānaṁ atthāya hitāya sukhāya hoti.","en":"“Mendicants, a true person is born in a family for the benefit, welfare, and happiness of the people.\nFor the benefit, welfare, and happiness of mother and father; children and partners; bondservants, workers, and staff; friends and colleagues; departed ancestors; the king; the deities; and ascetics and brahmins."}},{"id":"an8.38:2","sourceIds":["an8.38:2.1","an8.38:2.2","an8.38:2.3"],"kind":"text","text":{"pi":"Seyyathāpi, bhikkhave, mahāmegho sabbasassāni sampādento bahuno janassa atthāya hitāya sukhāya hoti;\nevamevaṁ kho, bhikkhave, sappuriso kule jāyamāno bahuno janassa atthāya hitāya sukhāya hoti—\nmātāpitūnaṁ atthāya hitāya sukhāya hoti, puttadārassa atthāya hitāya sukhāya hoti, dāsakammakaraporisassa atthāya hitāya sukhāya hoti, mittāmaccānaṁ atthāya hitāya sukhāya hoti, pubbapetānaṁ atthāya hitāya sukhāya hoti, rañño atthāya hitāya sukhāya hoti, devatānaṁ atthāya hitāya sukhāya hoti, samaṇabrāhmaṇānaṁ atthāya hitāya sukhāya hotīti.","en":"It’s like a great rain cloud, which nourishes all the crops for the benefit, welfare, and happiness of the people.\nIn the same way, a true person is born in a family for the benefit, welfare, and happiness of the people. …"}},{"id":"an8.38:3","sourceIds":["an8.38:3.1","an8.38:3.2","an8.38:3.3","an8.38:3.4"],"kind":"text","text":{"pi":"Bahūnaṁ vata atthāya,\nsappañño gharamāvasaṁ;\nMātaraṁ pitaraṁ pubbe,\nrattindivamatandito.","en":"A wise person living at home\nbenefits many people.\nNeither by day or at night do they neglect\ntheir mother, father, and ancestors."}},{"id":"an8.38:4","sourceIds":["an8.38:4.1","an8.38:4.2","an8.38:4.3","an8.38:4.4"],"kind":"text","text":{"pi":"Pūjeti sahadhammena,\npubbekatamanussaraṁ;\nAnāgāre pabbajite,\napace brahmacārayo.","en":"They venerate them in accord with the teaching,\nremembering what they have done.\nOne of settled faith and good nature\nvenerates the homeless renunciates,"}},{"id":"an8.38:5","sourceIds":["an8.38:5.1","an8.38:5.2","an8.38:5.3","an8.38:5.4"],"kind":"text","text":{"pi":"Niviṭṭhasaddho pūjeti,\nñatvā dhamme ca pesalo;\nRañño hito devahito,\nñātīnaṁ sakhinaṁ hito.","en":"the mendicant spiritual practitioners,\nknowing their good-hearted qualities.\nGood for the king, good for the gods,\nand good for relatives and comrades."}},{"id":"an8.38:6","sourceIds":["an8.38:6.1","an8.38:6.2","an8.38:6.3","an8.38:6.4","an8.38:6.5"],"kind":"text","text":{"pi":"Sabbesaṁ so hito hoti,\nsaddhamme suppatiṭṭhito;\nVineyya maccheramalaṁ,\nsa lokaṁ bhajate sivan”ti.\nAṭṭhamaṁ.","en":"In fact, they’re good for everyone,\nwell grounded in the true teaching.\nRid of the stain of stinginess,\nthey’ll enjoy a world of grace.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an8.38/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}