{"id":"an8.39","title":"Overflowing Merit","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an8.39","title":"Overflowing Merit","units":[{"id":"an8.39:0","sourceIds":["an8.39:0.1","an8.39:0.2","an8.39:0.3"],"kind":"text","text":{"pi":"Aṅguttara Nikāya 8.39\n4. Dānavagga\nAbhisandasutta","en":"Numbered Discourses 8.39\n4. Giving\nOverflowing Merit"}},{"id":"an8.39:1","sourceIds":["an8.39:1.1","an8.39:1.2","an8.39:1.3","an8.39:1.4"],"kind":"text","text":{"pi":"“Aṭṭhime, bhikkhave, puññābhisandā kusalābhisandā sukhassāhārā sovaggikā sukhavipākā saggasaṁvattanikā, iṭṭhāya kantāya manāpāya hitāya sukhāya saṁvattanti.\nKatame aṭṭha?\nIdha, bhikkhave, ariyasāvako buddhaṁ saraṇaṁ gato hoti.\nAyaṁ, bhikkhave, paṭhamo puññābhisando kusalābhisando sukhassāhāro sovaggiko sukhavipāko saggasaṁvattaniko, iṭṭhāya kantāya manāpāya hitāya sukhāya saṁvattati.","en":"“Mendicants, there are these eight kinds of overflowing merit, overflowing goodness. They nurture happiness and are conducive to heaven, ripening in happiness and leading to heaven. They lead to what is likable, desirable, agreeable, to welfare and happiness.\nWhat eight?\nFirstly, a noble disciple has gone for refuge to the Buddha.\nThis is the first kind of overflowing merit …"}},{"id":"an8.39:2","sourceIds":["an8.39:2.1","an8.39:2.2"],"kind":"text","text":{"pi":"Puna caparaṁ, bhikkhave, ariyasāvako dhammaṁ saraṇaṁ gato hoti.\nAyaṁ, bhikkhave, dutiyo puññābhisando …pe… saṁvattati.","en":"Furthermore, a noble disciple has gone for refuge to the teaching.\nThis is the second kind of overflowing merit …"}},{"id":"an8.39:3","sourceIds":["an8.39:3.1","an8.39:3.2","an8.39:3.3","an8.39:3.4","an8.39:3.5","an8.39:3.6","an8.39:3.7","an8.39:3.8","an8.39:3.9"],"kind":"text","text":{"pi":"Puna caparaṁ, bhikkhave, ariyasāvako saṅghaṁ saraṇaṁ gato hoti.\nAyaṁ, bhikkhave, tatiyo puññābhisando kusalābhisando sukhassāhāro sovaggiko sukhavipāko saggasaṁvattaniko, iṭṭhāya kantāya manāpāya hitāya sukhāya saṁvattati.\nPañcimāni, bhikkhave, dānāni mahādānāni aggaññāni rattaññāni vaṁsaññāni porāṇāni asaṅkiṇṇāni asaṅkiṇṇapubbāni, na saṅkiyanti na saṅkiyissanti, appaṭikuṭṭhāni samaṇehi brāhmaṇehi viññūhi.\nKatamāni pañca?\nIdha, bhikkhave, ariyasāvako pāṇātipātaṁ pahāya pāṇātipātā paṭivirato hoti.\nPāṇātipātā paṭivirato, bhikkhave, ariyasāvako aparimāṇānaṁ sattānaṁ abhayaṁ deti, averaṁ deti, abyābajjhaṁ deti.\nAparimāṇānaṁ sattānaṁ abhayaṁ datvā averaṁ datvā abyābajjhaṁ datvā aparimāṇassa abhayassa averassa abyābajjhassa bhāgī hoti.\nIdaṁ, bhikkhave, paṭhamaṁ dānaṁ mahādānaṁ aggaññaṁ rattaññaṁ vaṁsaññaṁ porāṇaṁ asaṅkiṇṇaṁ asaṅkiṇṇapubbaṁ, na saṅkiyati na saṅkiyissati, appaṭikuṭṭhaṁ samaṇehi brāhmaṇehi viññūhi.\nAyaṁ, bhikkhave, catuttho puññābhisando kusalābhisando sukhassāhāro sovaggiko sukhavipāko saggasaṁvattaniko, iṭṭhāya kantāya manāpāya hitāya sukhāya saṁvattati.","en":"Furthermore, a noble disciple has gone for refuge to the Saṅgha.\nThis is the third kind of overflowing merit …\nMendicants, these five gifts are great, primordial, long-standing, customary, and traditional. They are uncorrupted, as they have been since the beginning. They’re not being corrupted now nor will they be. Sensible ascetics and brahmins don’t look down on them.\nWhat five?\nFirstly, a noble disciple gives up killing living creatures.\nBy so doing they give to countless sentient beings the gift of freedom from fear, enmity, and ill will.\nAnd they themselves also enjoy unlimited freedom from fear, enmity, and ill will.\nThis is the first gift that is a great offering, primordial, long-standing, customary, and traditional. It is uncorrupted, as it has been since the beginning. It’s not being corrupted now nor will it be. Sensible ascetics and brahmins don’t look down on it.\nThis is the fourth kind of overflowing merit …"}},{"id":"an8.39:4","sourceIds":["an8.39:4.1","an8.39:4.2"],"kind":"text","text":{"pi":"Puna caparaṁ, bhikkhave, ariyasāvako adinnādānaṁ pahāya adinnādānā paṭivirato hoti\n…pe…","en":"Furthermore, a noble disciple gives up stealing. …\nThis is the fifth kind of overflowing merit …"}},{"id":"an8.39:5","sourceIds":["an8.39:5.1","an8.39:5.2"],"kind":"text","text":{"pi":"kāmesumicchācāraṁ pahāya kāmesumicchācārā paṭivirato hoti\n…pe…","en":"Furthermore, a noble disciple gives up sexual misconduct. …\nThis is the sixth kind of overflowing merit …"}},{"id":"an8.39:6","sourceIds":["an8.39:6.1","an8.39:6.2"],"kind":"text","text":{"pi":"musāvādaṁ pahāya musāvādā paṭivirato hoti\n…pe…","en":"Furthermore, a noble disciple gives up lying. …\nThis is the seventh kind of overflowing merit …"}},{"id":"an8.39:7","sourceIds":["an8.39:7.1","an8.39:7.2","an8.39:7.3","an8.39:7.4","an8.39:7.5"],"kind":"text","text":{"pi":"surāmerayamajjapamādaṭṭhānaṁ pahāya surāmerayamajjapamādaṭṭhānā paṭivirato hoti.\nSurāmerayamajjapamādaṭṭhānā paṭivirato, bhikkhave, ariyasāvako aparimāṇānaṁ sattānaṁ abhayaṁ deti averaṁ deti abyābajjhaṁ deti.\nAparimāṇānaṁ sattānaṁ abhayaṁ datvā averaṁ datvā abyābajjhaṁ datvā, aparimāṇassa abhayassa averassa abyābajjhassa bhāgī hoti.\nIdaṁ, bhikkhave, pañcamaṁ dānaṁ mahādānaṁ aggaññaṁ rattaññaṁ vaṁsaññaṁ porāṇaṁ asaṅkiṇṇaṁ asaṅkiṇṇapubbaṁ, na saṅkiyati na saṅkiyissati, appaṭikuṭṭhaṁ samaṇehi brāhmaṇehi viññūhi.\nAyaṁ kho, bhikkhave, aṭṭhamo puññābhisando kusalābhisando sukhassāhāro sovaggiko sukhavipāko saggasaṁvattaniko, iṭṭhāya kantāya manāpāya hitāya sukhāya saṁvattati.","en":"Furthermore, a noble disciple gives up intoxicants of beer, wine, and liquor.\nBy so doing they give to countless sentient beings the gift of freedom from fear, enmity, and ill will.\nAnd they themselves also enjoy unlimited freedom from fear, enmity, and ill will.\nThis is the fifth gift that is a great offering, primordial, long-standing, customary, and traditional. It is uncorrupted, as it has been since the beginning. It’s not being corrupted now nor will it be. Sensible ascetics and brahmins don’t look down on it.\nThis is the eighth kind of overflowing merit …"}},{"id":"an8.39:8","sourceIds":["an8.39:8.1","an8.39:8.2"],"kind":"text","text":{"pi":"Ime kho, bhikkhave, aṭṭha puññābhisandā kusalābhisandā sukhassāhārā sovaggikā sukhavipākā saggasaṁvattanikā, iṭṭhāya kantāya manāpāya hitāya sukhāya saṁvattantī”ti.\nNavamaṁ.","en":"These are the eight kinds of overflowing merit, overflowing goodness. They nurture happiness and are conducive to heaven, ripening in happiness and leading to heaven. They lead to what is likable, desirable, agreeable, to welfare and happiness.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an8.39/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}