{"id":"an8.46","title":"Anuruddha and the Agreeable Deities","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an8.46","title":"Anuruddha and the Agreeable Deities","units":[{"id":"an8.46:0","sourceIds":["an8.46:0.1","an8.46:0.2","an8.46:0.3"],"kind":"text","text":{"pi":"Aṅguttara Nikāya 8.46\n5. Uposathavagga\nAnuruddhasutta","en":"Numbered Discourses 8.46\n5. Sabbath\nAnuruddha and the Agreeable Deities"}},{"id":"an8.46:1","sourceIds":["an8.46:1.1","an8.46:1.2","an8.46:1.3","an8.46:1.4","an8.46:1.5","an8.46:1.6","an8.46:1.7","an8.46:1.8"],"kind":"text","text":{"pi":"Ekaṁ samayaṁ bhagavā kosambiyaṁ viharati ghositārāme.\nTena kho pana samayena āyasmā anuruddho divāvihāraṁ gato hoti paṭisallīno.\nAtha kho sambahulā manāpakāyikā devatā yenāyasmā anuruddho tenupasaṅkamiṁsu; upasaṅkamitvā āyasmantaṁ anuruddhaṁ abhivādetvā ekamantaṁ aṭṭhaṁsu. Ekamantaṁ ṭhitā kho tā devatā āyasmantaṁ anuruddhaṁ etadavocuṁ:\n“mayaṁ, bhante anuruddha, manāpakāyikā nāma devatā tīsu ṭhānesu issariyaṁ kārema vasaṁ vattema.\nMayaṁ, bhante anuruddha, yādisakaṁ vaṇṇaṁ ākaṅkhāma tādisakaṁ vaṇṇaṁ ṭhānaso paṭilabhāma;\nyādisakaṁ saraṁ ākaṅkhāma tādisakaṁ saraṁ ṭhānaso paṭilabhāma;\nyādisakaṁ sukhaṁ ākaṅkhāma tādisakaṁ sukhaṁ ṭhānaso paṭilabhāma.\nMayaṁ, bhante anuruddha, manāpakāyikā nāma devatā imesu tīsu ṭhānesu issariyaṁ kārema vasaṁ vattemā”ti.","en":"At one time the Buddha was staying near Kosambī in Ghosita’s monastery.\nNow at that time Venerable Anuruddha had gone into retreat for the day’s meditation.\nThen several deities of the Agreeable Host went up to Venerable Anuruddha, bowed, stood to one side, and said to him:\n“Honorable Anuruddha, we are the deities called ‘Agreeable’. We wield authority and control over three things.\nWe can turn any color we want on the spot.\nWe can get any voice that we want on the spot.\nWe can get any pleasure that we want on the spot.\nWe are the deities called ‘Agreeable’. We wield authority and control over these three things.”"}},{"id":"an8.46:2","sourceIds":["an8.46:2.1","an8.46:2.2","an8.46:2.3"],"kind":"text","text":{"pi":"Atha kho āyasmato anuruddhassa etadahosi:\n“aho vatimā devatā sabbāva nīlā assu nīlavaṇṇā nīlavatthā nīlālaṅkārā”ti.\nAtha kho tā devatā āyasmato anuruddhassa cittamaññāya sabbāva nīlā ahesuṁ nīlavaṇṇā nīlavatthā nīlālaṅkārā.","en":"Then Venerable Anuruddha thought,\n“If only these deities would all turn blue, of blue color, clad in blue, adorned with blue!”\nThen those deities, knowing Anuruddha’s thought, all turned blue."}},{"id":"an8.46:3","sourceIds":["an8.46:3.1","an8.46:3.2","an8.46:3.3","an8.46:3.4","an8.46:3.5"],"kind":"text","text":{"pi":"Atha kho āyasmato anuruddhassa etadahosi:\n“aho vatimā devatā sabbāva pītā assu …pe…\nsabbāva lohitakā assu …\nsabbāva odātā assu odātavaṇṇā odātavatthā odātālaṅkārā”ti.\nAtha kho tā devatā āyasmato anuruddhassa cittamaññāya sabbāva odātā ahesuṁ odātavaṇṇā odātavatthā odātālaṅkārā.","en":"Then Venerable Anuruddha thought,\n“If only these deities would all turn yellow …”\n“If only these gods would all turn red …”\n“If only these gods would all turn white …”\nThen those deities, knowing Anuruddha’s thought, all turned white."}},{"id":"an8.46:4","sourceIds":["an8.46:4.1","an8.46:4.2","an8.46:4.3","an8.46:4.4"],"kind":"text","text":{"pi":"Atha kho tā devatā ekā ca gāyi ekā ca nacci ekā ca accharaṁ vādesi.\nSeyyathāpi nāma pañcaṅgikassa tūriyassa suvinītassa suppaṭipatāḷitassa kusalehi susamannāhatassa saddo hoti vaggu ca rajanīyo ca kamanīyo ca pemanīyo ca madanīyo ca;\nevamevaṁ tāsaṁ devatānaṁ alaṅkārānaṁ saddo hoti vaggu ca rajanīyo ca kamanīyo ca pemanīyo ca madanīyo ca.\nAtha kho āyasmā anuruddho indriyāni okkhipi.","en":"Then one of those deities sang, one danced, and one snapped her fingers.\nSuppose there was a quintet made up of skilled musicians who had practiced well and kept excellent rhythm. They’d sound graceful, tantalizing, sensuous, endearing, and intoxicating.\nIn the same way the performance by those deities sounded graceful, tantalizing, sensuous, endearing, and intoxicating.\nBut Venerable Anuruddha averted his senses."}},{"id":"an8.46:5","sourceIds":["an8.46:5.1","an8.46:5.2"],"kind":"text","text":{"pi":"Atha kho tā devatā “na khvayyo anuruddho sādiyatī”ti tatthevantaradhāyiṁsu.\nAtha kho āyasmā anuruddho sāyanhasamayaṁ paṭisallānā vuṭṭhito yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā anuruddho bhagavantaṁ etadavoca:","en":"Then those deities, thinking “Master Anuruddha isn’t enjoying this,” vanished right there.\nThen in the late afternoon, Anuruddha came out of retreat and went to the Buddha, bowed, sat down to one side, and told him what had happened, adding:"}},{"id":"an8.46:6","sourceIds":["an8.46:6.1","an8.46:6.2","an8.46:6.3","an8.46:6.4","an8.46:6.5","an8.46:6.6","an8.46:6.7","an8.46:6.8","an8.46:6.9","an8.46:6.10"],"kind":"text","text":{"pi":"“Idhāhaṁ, bhante, divāvihāraṁ gato homi paṭisallīno.\nAtha kho, bhante, sambahulā manāpakāyikā devatā yenāhaṁ tenupasaṅkamiṁsu; upasaṅkamitvā maṁ abhivādetvā ekamantaṁ aṭṭhaṁsu. Ekamantaṁ ṭhitā kho, bhante, tā devatā maṁ etadavocuṁ:\n‘mayaṁ, bhante anuruddha, manāpakāyikā nāma devatā tīsu ṭhānesu issariyaṁ kārema vasaṁ vattema.\nMayaṁ, bhante anuruddha, yādisakaṁ vaṇṇaṁ ākaṅkhāma tādisakaṁ vaṇṇaṁ ṭhānaso paṭilabhāma;\nyādisakaṁ saraṁ ākaṅkhāma tādisakaṁ saraṁ ṭhānaso paṭilabhāma;\nyādisakaṁ sukhaṁ ākaṅkhāma tādisakaṁ sukhaṁ ṭhānaso paṭilabhāma.\nMayaṁ, bhante anuruddha, manāpakāyikā nāma devatā imesu tīsu ṭhānesu issariyaṁ kārema vasaṁ vattemā’ti.\nTassa mayhaṁ, bhante, etadahosi:\n‘aho vatimā devatā sabbāva nīlā assu nīlavaṇṇā nīlavatthā nīlālaṅkārā’ti.\nAtha kho, bhante, tā devatā mama cittamaññāya sabbāva nīlā ahesuṁ nīlavaṇṇā nīlavatthā nīlālaṅkārā."}},{"id":"an8.46:7","sourceIds":["an8.46:7.1","an8.46:7.2","an8.46:7.3","an8.46:7.4","an8.46:7.5"],"kind":"text","text":{"pi":"Tassa mayhaṁ, bhante, etadahosi:\n‘aho vatimā devatā sabbāva pītā assu …pe…\nsabbāva lohitakā assu …pe…\nsabbāva odātā assu odātavaṇṇā odātavatthā odātālaṅkārā’ti.\nAtha kho, bhante, tā devatā mama cittamaññāya sabbāva odātā ahesuṁ odātavaṇṇā odātavatthā odātālaṅkārā."}},{"id":"an8.46:8","sourceIds":["an8.46:8.1","an8.46:8.2","an8.46:8.3","an8.46:8.4"],"kind":"text","text":{"pi":"Atha kho, bhante, tā devatā ekā ca gāyi ekā ca nacci ekā ca accharaṁ vādesi.\nSeyyathāpi nāma pañcaṅgikassa tūriyassa suvinītassa suppaṭipatāḷitassa kusalehi susamannāhatassa saddo hoti vaggu ca rajanīyo ca kamanīyo ca pemanīyo ca madanīyo ca;\nevamevaṁ tāsaṁ devatānaṁ alaṅkārānaṁ saddo hoti vaggu ca rajanīyo ca kamanīyo ca pemanīyo ca madanīyo ca.\nAtha khvāhaṁ, bhante, indriyāni okkhipi."}},{"id":"an8.46:9","sourceIds":["an8.46:9.1","an8.46:9.2"],"kind":"text","text":{"pi":"Atha kho, bhante, tā devatā ‘na khvayyo anuruddho sādiyatī’ti tatthevantaradhāyiṁsu.\nKatihi nu kho, bhante, dhammehi samannāgato mātugāmo kāyassa bhedā paraṁ maraṇā manāpakāyikānaṁ devānaṁ sahabyataṁ upapajjatī”ti?","en":"“How many qualities do ladies have so that—when their body breaks up, after death—they are reborn in company with the Gods of the Agreeable Host?”"}},{"id":"an8.46:10","sourceIds":["an8.46:10.1","an8.46:10.2","an8.46:10.3"],"kind":"text","text":{"pi":"“Aṭṭhahi kho, anuruddha, dhammehi samannāgato mātugāmo kāyassa bhedā paraṁ maraṇā manāpakāyikānaṁ devānaṁ sahabyataṁ upapajjati.\nKatamehi aṭṭhahi?\nIdha, anuruddha, mātugāmo yassa mātāpitaro bhattuno denti atthakāmā hitesino anukampakā anukampaṁ upādāya tassa hoti pubbuṭṭhāyinī pacchānipātinī kiṅkārapaṭissāvinī manāpacārinī piyavādinī.","en":"“Anuruddha, when they have eight qualities ladies—when their body breaks up, after death—are reborn in company with the Gods of the Agreeable Host.\nWhat eight?\nTake the case of a lady whose mother and father give her to a husband wanting what’s best for her, out of kindness and sympathy. She would get up before him and go to bed after him, and be obliging, behaving nicely and speaking politely."}},{"id":"an8.46:11","sourceIds":["an8.46:11.1","an8.46:11.2","an8.46:11.3"],"kind":"text","text":{"pi":"Ye te bhattu garuno honti—\nmātāti vā pitāti vā samaṇabrāhmaṇāti vā—\nte sakkaroti, garuṁ karoti, māneti, pūjeti, abbhāgate ca āsanodakena paṭipūjeti.","en":"She honors, respects, esteems, and venerates those her husband respects, such as\nmother and father, and ascetics and brahmins.\nAnd when they arrive she serves them with a seat and water."}},{"id":"an8.46:12","sourceIds":["an8.46:12.1"],"kind":"text","text":{"pi":"Ye te bhattu abbhantarā kammantā—uṇṇāti vā kappāsāti vā—tattha dakkhā hoti analasā tatrupāyāya vīmaṁsāya samannāgatā alaṁ kātuṁ alaṁ saṁvidhātuṁ.","en":"She’s deft and tireless in her husband’s household duties, such as knitting and sewing. She understands how to go about things in order to complete and organize the work."}},{"id":"an8.46:13","sourceIds":["an8.46:13.1","an8.46:13.2"],"kind":"text","text":{"pi":"Yo so bhattu abbhantaro antojano—dāsāti vā pessāti vā kammakarāti vā—\ntesaṁ katañca katato jānāti akatañca akatato jānāti, gilānakānañca balābalaṁ jānāti khādanīyaṁ bhojanīyañcassa paccaṁsena saṁvibhajati.","en":"She knows what work her husband’s domestic bondservants, servants, and workers have completed, and what they’ve left incomplete.\nShe knows who is sick, and who is fit or unwell. She distributes to each a fair portion of fresh and cooked foods."}},{"id":"an8.46:14","sourceIds":["an8.46:14.1"],"kind":"text","text":{"pi":"Yaṁ bhattu āharati dhanaṁ vā dhaññaṁ vā jātarūpaṁ vā taṁ ārakkhena guttiyā sampādeti, tattha ca hoti adhuttī athenī asoṇḍī avināsikā.","en":"She ensures that any income her husband earns is guarded and protected, whether money, grain, silver, or gold. She doesn’t overspend, steal, waste, or lose it."}},{"id":"an8.46:15","sourceIds":["an8.46:15.1"],"kind":"text","text":{"pi":"Upāsikā kho pana hoti buddhaṁ saraṇaṁ gatā dhammaṁ saraṇaṁ gatā saṅghaṁ saraṇaṁ gatā.","en":"She’s a lay follower who has gone for refuge to the Buddha, his teaching, and the Saṅgha."}},{"id":"an8.46:16","sourceIds":["an8.46:16.1","an8.46:16.2"],"kind":"text","text":{"pi":"Sīlavatī kho pana hoti—\npāṇātipātā paṭiviratā, adinnādānā paṭiviratā, kāmesumicchācārā paṭiviratā, musāvādā paṭiviratā, surāmerayamajjapamādaṭṭhānā paṭiviratā.","en":"She’s ethical.\nShe doesn’t kill living creatures, steal, commit sexual misconduct, lie, or consume intoxicants of beer, wine, and liquor."}},{"id":"an8.46:17","sourceIds":["an8.46:17.1","an8.46:17.2"],"kind":"text","text":{"pi":"Cāgavatī kho pana hoti.\nVigatamalamaccherena cetasā agāraṁ ajjhāvasati muttacāgā payatapāṇinī vossaggaratā yācayogā dānasaṁvibhāgaratā.","en":"She’s generous.\nShe lives at home with heart rid of the stain of stinginess, freely generous, open-handed, loving to let go, committed to charity, loving to give and to share."}},{"id":"an8.46:18","sourceIds":["an8.46:18.1"],"kind":"text","text":{"pi":"Imehi kho, anuruddha, aṭṭhahi dhammehi samannāgato mātugāmo kāyassa bhedā paraṁ maraṇā manāpakāyikānaṁ devānaṁ sahabyataṁ upapajjatīti.","en":"When they possess these eight qualities ladies—when their body breaks up, after death—are reborn in company with the Gods of the Agreeable Host."}},{"id":"an8.46:19","sourceIds":["an8.46:19.1","an8.46:19.2","an8.46:19.3","an8.46:19.4"],"kind":"text","text":{"pi":"Yo naṁ bharati sabbadā,\nniccaṁ ātāpi ussuko;\nTaṁ sabbakāmadaṁ posaṁ,\nbhattāraṁ nātimaññati.","en":"She’d never look down on her husband,\nwho’s always eager to work hard,\nalways looking after her,\nand bringing whatever she wants."}},{"id":"an8.46:20","sourceIds":["an8.46:20.1","an8.46:20.2","an8.46:20.3","an8.46:20.4"],"kind":"text","text":{"pi":"Na cāpi sotthi bhattāraṁ,\nissāvādena rosaye;\nBhattu ca garuno sabbe,\npaṭipūjeti paṇḍitā.","en":"And a good woman never scolds her husband\nwith jealous words.\nBeing astute, she reveres\nthose respected by her husband."}},{"id":"an8.46:21","sourceIds":["an8.46:21.1","an8.46:21.2","an8.46:21.3","an8.46:21.4"],"kind":"text","text":{"pi":"Uṭṭhāhikā analasā,\nsaṅgahitaparijjanā;\nBhattu manāpaṁ carati,\nsambhataṁ anurakkhati.","en":"She gets up early, works tirelessly,\nand manages the domestic help.\nShe’s agreeable to her husband,\nand preserves his wealth."}},{"id":"an8.46:22","sourceIds":["an8.46:22.1","an8.46:22.2","an8.46:22.3","an8.46:22.4","an8.46:22.5"],"kind":"text","text":{"pi":"Yā evaṁ vattati nārī,\nbhattu chandavasānugā;\nManāpā nāma te devā,\nyattha sā upapajjatī”ti.\nChaṭṭhaṁ.","en":"A lady who fulfills these duties\naccording to her husband’s desire,\nis reborn among the gods\ncalled ‘Agreeable’.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an8.46/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}