{"id":"an8.54","title":"With Dīghajāṇu","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an8.54","title":"With Dīghajāṇu","units":[{"id":"an8.54:0","sourceIds":["an8.54:0.1","an8.54:0.2","an8.54:0.3"],"kind":"text","text":{"pi":"Aṅguttara Nikāya 8.54\n6. Gotamīvagga\nDīghajāṇusutta","en":"Numbered Discourses 8.54\n6. Gotamī\nWith Dīghajāṇu"}},{"id":"an8.54:1","sourceIds":["an8.54:1.1","an8.54:1.2","an8.54:1.3","an8.54:1.4"],"kind":"text","text":{"pi":"Ekaṁ samayaṁ bhagavā koliyesu viharati kakkarapattaṁ nāma koliyānaṁ nigamo.\nAtha kho dīghajāṇu koliyaputto yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho dīghajāṇu koliyaputto bhagavantaṁ etadavoca:\n“mayaṁ, bhante, gihī kāmabhogino puttasambādhasayanaṁ ajjhāvasāma, kāsikacandanaṁ paccanubhoma, mālāgandhavilepanaṁ dhārayāma, jātarūparajataṁ sādayāma.\nTesaṁ no, bhante, bhagavā amhākaṁ tathā dhammaṁ desetu ye amhākaṁ assu dhammā diṭṭhadhammahitāya diṭṭhadhammasukhāya, samparāyahitāya samparāyasukhāyā”ti.","en":"At one time the Buddha was staying in the land of the Koliyans, where they have a town named Kakkarapatta.\nThen Dīghajāṇu the Koliyan went up to the Buddha, bowed, sat down to one side, and said to him:\n“Sir, we are laypeople who enjoy sensual pleasures and living at home with our children. We use sandalwood imported from Kāsi, we wear garlands, fragrance, and makeup, and we accept gold and currency.\nMay the Buddha please teach us the Dhamma in a way that leads to our welfare and happiness in this life and lives to come.”"}},{"id":"an8.54:2","sourceIds":["an8.54:2.1","an8.54:2.2","an8.54:2.3","an8.54:2.4","an8.54:2.5","an8.54:2.6","an8.54:2.7","an8.54:2.8"],"kind":"text","text":{"pi":"“Cattārome, byagghapajja, dhammā kulaputtassa diṭṭhadhammahitāya saṁvattanti diṭṭhadhammasukhāya.\nKatame cattāro?\nUṭṭhānasampadā, ārakkhasampadā, kalyāṇamittatā, samajīvitā.\nKatamā ca, byagghapajja, uṭṭhānasampadā?\nIdha, byagghapajja, kulaputto yena kammaṭṭhānena jīvikaṁ kappeti—\nyadi kasiyā, yadi vaṇijjāya, yadi gorakkhena, yadi issattena, yadi rājaporisena, yadi sippaññatarena—\ntattha dakkho hoti analaso, tatrupāyāya vīmaṁsāya samannāgato, alaṁ kātuṁ alaṁ saṁvidhātuṁ.\nAyaṁ vuccati, byagghapajja, uṭṭhānasampadā.","en":"“Byagghapajja, these four things lead to the welfare and happiness of a gentleman in this life.\nWhat four?\nAccomplishment in initiative, protection, good friendship, and balanced finances.\nAnd what is accomplishment in initiative?\nIt’s when a gentleman earns a living by means such as\nfarming, trade, raising cattle, archery, government service, or one of the professions.\nHe understands how to go about these things in order to complete and organize the work.\nThis is called accomplishment in initiative."}},{"id":"an8.54:3","sourceIds":["an8.54:3.1","an8.54:3.2","an8.54:3.3","an8.54:3.4","an8.54:3.5"],"kind":"text","text":{"pi":"Katamā ca, byagghapajja, ārakkhasampadā?\nIdha, byagghapajja, kulaputtassa bhogā honti uṭṭhānavīriyādhigatā bāhābalaparicitā, sedāvakkhittā, dhammikā dhammaladdhā.\nTe ārakkhena guttiyā sampādeti:\n‘kinti me ime bhoge neva rājāno hareyyuṁ, na corā hareyyuṁ, na aggi ḍaheyya, na udakaṁ vaheyya, na appiyā dāyādā hareyyun’ti.\nAyaṁ vuccati, byagghapajja, ārakkhasampadā.","en":"And what is accomplishment in protection?\nIt’s when a gentleman owns legitimate wealth that he has earned by his own efforts and initiative, built up with his own hands, gathered by the sweat of the brow.\nHe ensures it is guarded and protected, thinking:\n‘How can I prevent my wealth from being taken by rulers or bandits, consumed by fire, swept away by flood, or taken by unloved heirs?’\nThis is called accomplishment in protection."}},{"id":"an8.54:4","sourceIds":["an8.54:4.1","an8.54:4.2","an8.54:4.3"],"kind":"text","text":{"pi":"Katamā ca, byagghapajja, kalyāṇamittatā?\nIdha, byagghapajja, kulaputto yasmiṁ gāme vā nigame vā paṭivasati, tattha ye te honti—gahapatī vā gahapatiputtā vā daharā vā vuddhasīlino, vuddhā vā vuddhasīlino, saddhāsampannā, sīlasampannā, cāgasampannā, paññāsampannā—tehi saddhiṁ santiṭṭhati sallapati sākacchaṁ samāpajjati; yathārūpānaṁ saddhāsampannānaṁ saddhāsampadaṁ anusikkhati, yathārūpānaṁ sīlasampannānaṁ sīlasampadaṁ anusikkhati, yathārūpānaṁ cāgasampannānaṁ cāgasampadaṁ anusikkhati, yathārūpānaṁ paññāsampannānaṁ paññāsampadaṁ anusikkhati.\nAyaṁ vuccati, byagghapajja, kalyāṇamittatā.","en":"And what is accomplishment in good friendship?\nIt’s when a gentleman resides in a town or village. And in that place there are householders or their children who may be young or old, but are mature in conduct, accomplished in faith, ethics, generosity, and wisdom. He associates with them, converses and engages in discussion. And he emulates the same kind of accomplishment in faith, ethics, generosity, and wisdom.\nThis is called accomplishment in good friendship."}},{"id":"an8.54:5","sourceIds":["an8.54:5.1","an8.54:5.2","an8.54:5.3","an8.54:5.4","an8.54:5.5","an8.54:5.6","an8.54:5.7","an8.54:5.8"],"kind":"text","text":{"pi":"Katamā ca, byagghapajja, samajīvitā?\nIdha, byagghapajja, kulaputto āyañca bhogānaṁ viditvā, vayañca bhogānaṁ viditvā, samaṁ jīvikaṁ kappeti nāccogāḷhaṁ nātihīnaṁ: ‘evaṁ me āyo vayaṁ pariyādāya ṭhassati, na ca me vayo āyaṁ pariyādāya ṭhassatī’ti.\nSeyyathāpi, byagghapajja, tulādhāro vā tulādhārantevāsī vā tulaṁ paggahetvā jānāti: ‘ettakena vā onataṁ, ettakena vā unnatan’ti;\nevamevaṁ kho, byagghapajja, kulaputto āyañca bhogānaṁ viditvā, vayañca bhogānaṁ viditvā, samaṁ jīvikaṁ kappeti nāccogāḷhaṁ nātihīnaṁ: ‘evaṁ me āyo vayaṁ pariyādāya ṭhassati, na ca me vayo āyaṁ pariyādāya ṭhassatī’ti.\nSacāyaṁ, byagghapajja, kulaputto appāyo samāno uḷāraṁ jīvikaṁ kappeti, tassa bhavanti vattāro: ‘udumbarakhādīvāyaṁ kulaputto bhoge khādatī’ti.\nSace panāyaṁ, byagghapajja, kulaputto mahāyo samāno kasiraṁ jīvikaṁ kappeti, tassa bhavanti vattāro: ‘ajeṭṭhamaraṇaṁvāyaṁ kulaputto marissatī’ti.\nYato ca khoyaṁ, byagghapajja, kulaputto āyañca bhogānaṁ viditvā, vayañca bhogānaṁ viditvā, samaṁ jīvikaṁ kappeti nāccogāḷhaṁ nātihīnaṁ: ‘evaṁ me āyo vayaṁ pariyādāya ṭhassati, na ca me vayo āyaṁ pariyādāya ṭhassatī’ti.\nAyaṁ vuccati, byagghapajja, samajīvitā.","en":"And what is accomplishment in balanced finances?\nIt’s when a gentleman, knowing his income and expenditure, balances his finances, being neither too extravagant nor too frugal. He thinks, ‘In this way my income will exceed my expenditure, not the reverse.’\nIt’s like an appraiser or their apprentice who, holding up the scales, knows that it’s low by this much or high by this much.\nIn the same way, a gentleman, knowing his income and expenditure, balances his finances, being neither too extravagant nor too frugal. He thinks, ‘In this way my income will exceed my expenditure, not the reverse.’\nIf a gentleman has little income but an opulent life, there’ll be some who say: ‘This gentleman eats their wealth like a fig-eater!’\nIf a gentleman has a large income but a spartan life, there’ll be some who say: ‘This gentleman is starving themselves to death!’\nBut a gentleman, knowing his income and expenditure, leads a balanced life, neither too extravagant nor too frugal, thinking, ‘In this way my income will exceed my expenditure, not the reverse.’\nThis is called accomplishment in balanced finances."}},{"id":"an8.54:6","sourceIds":["an8.54:6.1","an8.54:6.2","an8.54:6.3","an8.54:6.4","an8.54:6.5","an8.54:6.6","an8.54:6.7","an8.54:6.8"],"kind":"text","text":{"pi":"Evaṁ samuppannānaṁ, byagghapajja, bhogānaṁ cattāri apāyamukhāni honti—\nitthidhutto, surādhutto, akkhadhutto, pāpamitto pāpasahāyo pāpasampavaṅko.\nSeyyathāpi, byagghapajja, mahato taḷākassa cattāri ceva āyamukhāni, cattāri ca apāyamukhāni.\nTassa puriso yāni ceva āyamukhāni tāni pidaheyya, yāni ca apāyamukhāni tāni vivareyya;\ndevo ca na sammā dhāraṁ anuppaveccheyya.\nEvañhi tassa, byagghapajja, mahato taḷākassa parihāniyeva pāṭikaṅkhā, no vuddhi;\nevamevaṁ, byagghapajja, evaṁ samuppannānaṁ bhogānaṁ cattāri apāyamukhāni honti—\nitthidhutto, surādhutto, akkhadhutto, pāpamitto pāpasahāyo pāpasampavaṅko.","en":"There are four drains on wealth that has been gathered in this way.\nWomanizing, drinking, gambling, and having bad friends, companions, and associates.\nSuppose there was a large reservoir with four inlets and four drains.\nAnd someone was to open up the drains and close off the inlets,\nand the heavens don’t provide enough rain.\nYou’d expect that large reservoir to dwindle, not expand.\nIn the same way, there are four drains on wealth that has been gathered in this way.\nWomanizing, drinking, gambling, and having bad friends, companions, and associates."}},{"id":"an8.54:7","sourceIds":["an8.54:7.1","an8.54:7.2","an8.54:7.3","an8.54:7.4","an8.54:7.5","an8.54:7.6","an8.54:7.7","an8.54:7.8"],"kind":"text","text":{"pi":"Evaṁ samuppannānaṁ, byagghapajja, bhogānaṁ cattāri āyamukhāni honti—\nna itthidhutto, na surādhutto, na akkhadhutto, kalyāṇamitto kalyāṇasahāyo kalyāṇasampavaṅko.\nSeyyathāpi, byagghapajja, mahato taḷākassa cattāri ceva āyamukhāni, cattāri ca apāyamukhāni.\nTassa puriso yāni ceva āyamukhāni tāni vivareyya, yāni ca apāyamukhāni tāni pidaheyya;\ndevo ca sammā dhāraṁ anuppaveccheyya.\nEvañhi tassa, byagghapajja, mahato taḷākassa vuddhiyeva pāṭikaṅkhā, no parihāni;\nevamevaṁ kho, byagghapajja, evaṁ samuppannānaṁ bhogānaṁ cattāri āyamukhāni honti—\nna itthidhutto, na surādhutto, na akkhadhutto, kalyāṇamitto kalyāṇasahāyo kalyāṇasampavaṅko.","en":"There are four inlets for wealth that has been gathered in this way.\nNot womanizing, drinking, or gambling, and having good friends, companions, and associates.\nSuppose there was a large reservoir with four inlets and four drains.\nAnd someone was to open up the inlets and close off the drains,\nand the heavens provide plenty of rain.\nYou’d expect that large reservoir to expand, not dwindle.\nIn the same way, there are four inlets for wealth that has been gathered in this way.\nNot womanizing, drinking, or gambling, and having good friends, companions, and associates."}},{"id":"an8.54:8","sourceIds":["an8.54:8.1"],"kind":"text","text":{"pi":"Ime kho, byagghapajja, cattāro dhammā kulaputtassa diṭṭhadhammahitāya saṁvattanti diṭṭhadhammasukhāya.","en":"These are the four things that lead to the welfare and happiness of a gentleman in this life."}},{"id":"an8.54:9","sourceIds":["an8.54:9.1","an8.54:9.2","an8.54:9.3"],"kind":"text","text":{"pi":"Cattārome, byagghapajja, dhammā kulaputtassa samparāyahitāya saṁvattanti samparāyasukhāya.\nKatame cattāro?\nSaddhāsampadā, sīlasampadā, cāgasampadā, paññāsampadā.","en":"These four things lead to the welfare and happiness of a gentleman in lives to come.\nWhat four?\nAccomplishment in faith, ethics, generosity, and wisdom."}},{"id":"an8.54:10","sourceIds":["an8.54:10.1","an8.54:10.2","an8.54:10.3","an8.54:10.4"],"kind":"text","text":{"pi":"Katamā ca, byagghapajja, saddhāsampadā?\nIdha, byagghapajja, kulaputto saddho hoti, saddahati tathāgatassa bodhiṁ:\n‘itipi so bhagavā …pe… satthā devamanussānaṁ buddho bhagavā’ti.\nAyaṁ vuccati, byagghapajja, saddhāsampadā.","en":"And what is accomplishment in faith?\nIt’s when a gentleman has faith in the Realized One’s awakening:\n‘That Blessed One is perfected, a fully awakened Buddha, accomplished in knowledge and conduct, holy, knower of the world, supreme guide for those fit for training, teacher of gods and humans, awakened, blessed.’\nThis is called accomplishment in faith."}},{"id":"an8.54:11","sourceIds":["an8.54:11.1","an8.54:11.2","an8.54:11.3"],"kind":"text","text":{"pi":"Katamā ca, byagghapajja, sīlasampadā?\nIdha, byagghapajja, kulaputto pāṇātipātā paṭivirato hoti …pe… surāmerayamajjapamādaṭṭhānā paṭivirato hoti.\nAyaṁ vuccati, byagghapajja, sīlasampadā.","en":"And what is accomplishment in ethics?\nIt’s when a gentleman doesn’t kill living creatures, steal, commit sexual misconduct, lie, or consume intoxicants of beer, wine, and liquor.\nThis is called accomplishment in ethics."}},{"id":"an8.54:12","sourceIds":["an8.54:12.1","an8.54:12.2","an8.54:12.3"],"kind":"text","text":{"pi":"Katamā ca, byagghapajja, cāgasampadā?\nIdha, byagghapajja, kulaputto vigatamalamaccherena cetasā agāraṁ ajjhāvasati muttacāgo payatapāṇi vossaggarato yācayogo dānasaṁvibhāgarato.\nAyaṁ vuccati, byagghapajja, cāgasampadā.","en":"And what is accomplishment in generosity?\nIt’s when a gentleman lives at home with heart rid of the stain of stinginess, freely generous, open-handed, loving to let go, committed to charity, loving to give and to share.\nThis is called accomplishment in generosity."}},{"id":"an8.54:13","sourceIds":["an8.54:13.1","an8.54:13.2","an8.54:13.3"],"kind":"text","text":{"pi":"Katamā ca, byagghapajja, paññāsampadā?\nIdha, byagghapajja, kulaputto paññavā hoti, udayatthagāminiyā paññāya samannāgato ariyāya nibbedhikāya sammā dukkhakkhayagāminiyā.\nAyaṁ vuccati, byagghapajja, paññāsampadā.","en":"And what is accomplishment in wisdom?\nIt’s when a gentleman is wise. He has the wisdom of arising and passing away which is noble, penetrative, and leads to the complete ending of suffering.\nThis is called accomplishment in wisdom."}},{"id":"an8.54:14","sourceIds":["an8.54:14.1"],"kind":"text","text":{"pi":"Ime kho, byagghapajja, cattāro dhammā kulaputtassa samparāyahitāya saṁvattanti samparāyasukhāyāti.","en":"These are the four things that lead to the welfare and happiness of a gentleman in lives to come."}},{"id":"an8.54:15","sourceIds":["an8.54:15.1","an8.54:15.2","an8.54:15.3","an8.54:15.4"],"kind":"text","text":{"pi":"Uṭṭhātā kammadheyyesu,\nappamatto vidhānavā;\nSamaṁ kappeti jīvikaṁ,\nsambhataṁ anurakkhati.","en":"They’re enterprising in the workplace,\ndiligent in managing things,\nthey balance their finances,\nand preserve their wealth."}},{"id":"an8.54:16","sourceIds":["an8.54:16.1","an8.54:16.2","an8.54:16.3","an8.54:16.4"],"kind":"text","text":{"pi":"Saddho sīlena sampanno,\nvadaññū vītamaccharo;\nNiccaṁ maggaṁ visodheti,\nsotthānaṁ samparāyikaṁ.","en":"Faithful, accomplished in ethics,\nbountiful, rid of stinginess,\nthey always purify the path\nto well-being in lives to come."}},{"id":"an8.54:17","sourceIds":["an8.54:17.1","an8.54:17.2","an8.54:17.3","an8.54:17.4"],"kind":"text","text":{"pi":"Iccete aṭṭha dhammā ca,\nsaddhassa gharamesino;\nAkkhātā saccanāmena,\nubhayattha sukhāvahā.","en":"And so these eight qualities\nof a faithful householder of discernment\nare declared by the one who is truly named\nto lead to happiness in both spheres,"}},{"id":"an8.54:18","sourceIds":["an8.54:18.1","an8.54:18.2","an8.54:18.3","an8.54:18.4","an8.54:18.5"],"kind":"text","text":{"pi":"Diṭṭhadhammahitatthāya,\nsamparāyasukhāya ca;\nEvametaṁ gahaṭṭhānaṁ,\ncāgo puññaṁ pavaḍḍhatī”ti.\nCatutthaṁ.","en":"welfare and benefit in this life,\nand happiness in lives to come.\nThis is how, for a householder,\nmerit grows by generosity.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an8.54/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}