{"id":"an8.6","title":"Worldly Conditions (2nd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an8.6","title":"Worldly Conditions (2nd)","units":[{"id":"an8.6:0","sourceIds":["an8.6:0.1","an8.6:0.2","an8.6:0.3"],"kind":"text","text":{"pi":"Aṅguttara Nikāya 8.6\n1. Mettāvagga\nDutiyalokadhammasutta","en":"Numbered Discourses 8.6\n1. Love\nWorldly Conditions (2nd)"}},{"id":"an8.6:1","sourceIds":["an8.6:1.1","an8.6:1.2","an8.6:1.3","an8.6:1.4"],"kind":"text","text":{"pi":"“Aṭṭhime, bhikkhave, lokadhammā lokaṁ anuparivattanti, loko ca aṭṭha lokadhamme anuparivattati.\nKatame aṭṭha?\nLābho ca, alābho ca, yaso ca, ayaso ca, nindā ca, pasaṁsā ca, sukhañca, dukkhañca.\nIme kho, bhikkhave, aṭṭha lokadhammā lokaṁ anuparivattanti, loko ca ime aṭṭha lokadhamme anuparivattati.","en":"“Mendicants, the eight worldly conditions revolve around the world, and the world revolves around the eight worldly conditions.\nWhat eight?\nGain and loss, fame and disgrace, blame and praise, pleasure and pain.\nThese eight worldly conditions revolve around the world, and the world revolves around these eight worldly conditions."}},{"id":"an8.6:2","sourceIds":["an8.6:2.1","an8.6:2.2","an8.6:2.3","an8.6:2.4"],"kind":"text","text":{"pi":"Assutavato, bhikkhave, puthujjanassa uppajjati lābhopi alābhopi yasopi ayasopi nindāpi pasaṁsāpi sukhampi dukkhampi.\nSutavatopi, bhikkhave, ariyasāvakassa uppajjati lābhopi alābhopi yasopi ayasopi nindāpi pasaṁsāpi sukhampi dukkhampi.\nTatra, bhikkhave, ko viseso ko adhippayāso kiṁ nānākaraṇaṁ sutavato ariyasāvakassa assutavatā puthujjanenā”ti?\n“Bhagavaṁmūlakā no, bhante, dhammā bhagavaṁnettikā bhagavaṁpaṭisaraṇā. Sādhu vata, bhante, bhagavantaṁyeva paṭibhātu etassa bhāsitassa attho. Bhagavato sutvā bhikkhū dhāressantī”ti.","en":"An unlearned ordinary person encounters gain and loss, fame and disgrace, blame and praise, and pleasure and pain.\nAnd so does a learned noble disciple.\nWhat, then, is the difference between a learned noble disciple and an ordinary unlearned person?”\n“Our teachings are rooted in the Buddha. He is our guide and our refuge. Sir, may the Buddha himself please clarify the meaning of this. The mendicants will listen and remember it.”"}},{"id":"an8.6:3","sourceIds":["an8.6:3.1","an8.6:3.2","an8.6:3.3","an8.6:3.4","an8.6:3.5","an8.6:3.6","an8.6:3.7","an8.6:3.8","an8.6:3.9","an8.6:3.10","an8.6:3.11","an8.6:3.12","an8.6:3.13","an8.6:3.14","an8.6:3.15","an8.6:3.16","an8.6:3.17"],"kind":"text","text":{"pi":"“Tena hi, bhikkhave, suṇātha, sādhukaṁ manasi karotha, bhāsissāmī”ti.\n“Evaṁ, bhante”ti kho te bhikkhū bhagavato paccassosuṁ.\nBhagavā etadavoca:\n“assutavato, bhikkhave, puthujjanassa uppajjati lābho.\nSo na iti paṭisañcikkhati:\n‘uppanno kho me ayaṁ lābho;\nso ca kho anicco dukkho vipariṇāmadhammo’ti yathābhūtaṁ nappajānāti.\nUppajjati alābho …pe…\nuppajjati yaso …\nuppajjati ayaso …\nuppajjati nindā …\nuppajjati pasaṁsā …\nuppajjati sukhaṁ …\nuppajjati dukkhaṁ.\nSo na iti paṭisañcikkhati:\n‘uppannaṁ kho me idaṁ dukkhaṁ;\ntañca kho aniccaṁ dukkhaṁ vipariṇāmadhamman’ti yathābhūtaṁ nappajānāti.","en":"“Well then, mendicants, listen and apply your mind well, I will speak.”\n“Yes, sir,” they replied.\nThe Buddha said this:\n“Mendicants, an unlearned ordinary person encounters gain.\nThey don’t reflect:\n‘I’ve encountered this gain.\nIt’s impermanent, suffering, and perishable.’ They don’t truly understand it.\nThey encounter loss …\nfame …\ndisgrace …\nblame …\npraise …\npleasure …\npain.\nThey don’t reflect:\n‘I’ve encountered this pain.\nIt’s impermanent, suffering, and perishable.’ They don’t truly understand it."}},{"id":"an8.6:4","sourceIds":["an8.6:4.1","an8.6:4.2","an8.6:4.3","an8.6:4.4","an8.6:4.5","an8.6:4.6","an8.6:4.7"],"kind":"text","text":{"pi":"Tassa lābhopi cittaṁ pariyādāya tiṭṭhati, alābhopi cittaṁ pariyādāya tiṭṭhati, yasopi cittaṁ pariyādāya tiṭṭhati, ayasopi cittaṁ pariyādāya tiṭṭhati, nindāpi cittaṁ pariyādāya tiṭṭhati, pasaṁsāpi cittaṁ pariyādāya tiṭṭhati, sukhampi cittaṁ pariyādāya tiṭṭhati, dukkhampi cittaṁ pariyādāya tiṭṭhati.\nSo uppannaṁ lābhaṁ anurujjhati, alābhe paṭivirujjhati;\nuppannaṁ yasaṁ anurujjhati, ayase paṭivirujjhati;\nuppannaṁ pasaṁsaṁ anurujjhati, nindāya paṭivirujjhati;\nuppannaṁ sukhaṁ anurujjhati, dukkhe paṭivirujjhati.\nSo evaṁ anurodhavirodhasamāpanno na parimuccati jātiyā jarāya maraṇena sokehi paridevehi dukkhehi domanassehi upāyāsehi.\n‘Na parimuccati dukkhasmā’ti vadāmi.","en":"So gain and loss, fame and disgrace, blame and praise, and pleasure and pain occupy their mind.\nThey favor gain and oppose loss.\nThey favor fame and oppose disgrace.\nThey favor praise and oppose blame.\nThey favor pleasure and oppose pain.\nBeing so full of favoring and opposing, they’re not freed from rebirth, old age, and death, from sorrow, lamentation, pain, sadness, and distress.\nThey’re not freed from suffering, I say."}},{"id":"an8.6:5","sourceIds":["an8.6:5.1","an8.6:5.2","an8.6:5.3","an8.6:5.4","an8.6:5.5","an8.6:5.6","an8.6:5.7","an8.6:5.8","an8.6:5.9","an8.6:5.10","an8.6:5.11","an8.6:5.12","an8.6:5.13","an8.6:5.14"],"kind":"text","text":{"pi":"Sutavato ca kho, bhikkhave, ariyasāvakassa uppajjati lābho.\nSo iti paṭisañcikkhati:\n‘uppanno kho me ayaṁ lābho;\nso ca kho anicco dukkho vipariṇāmadhammo’ti yathābhūtaṁ pajānāti.\nUppajjati alābho …pe…\nuppajjati yaso …\nuppajjati ayaso …\nuppajjati nindā …\nuppajjati pasaṁsā …\nuppajjati sukhaṁ …\nuppajjati dukkhaṁ.\nSo iti paṭisañcikkhati:\n‘uppannaṁ kho me idaṁ dukkhaṁ;\ntañca kho aniccaṁ dukkhaṁ vipariṇāmadhamman’ti yathābhūtaṁ pajānāti.","en":"A learned noble disciple encounters gain.\nThey reflect:\n‘I’ve encountered this gain.\nIt’s impermanent, suffering, and perishable.’ They truly understand it.\nThey encounter loss …\nfame …\ndisgrace …\nblame …\npraise …\npleasure …\npain.\nThey reflect:\n‘I’ve encountered this pain.\nIt’s impermanent, suffering, and perishable.’ They truly understand it."}},{"id":"an8.6:6","sourceIds":["an8.6:6.1","an8.6:6.2","an8.6:6.3","an8.6:6.4","an8.6:6.5","an8.6:6.6","an8.6:6.7","an8.6:6.8"],"kind":"text","text":{"pi":"Tassa lābhopi cittaṁ na pariyādāya tiṭṭhati, alābhopi cittaṁ na pariyādāya tiṭṭhati, yasopi cittaṁ na pariyādāya tiṭṭhati, ayasopi cittaṁ na pariyādāya tiṭṭhati, nindāpi cittaṁ na pariyādāya tiṭṭhati, pasaṁsāpi cittaṁ na pariyādāya tiṭṭhati, sukhampi cittaṁ na pariyādāya tiṭṭhati, dukkhampi cittaṁ na pariyādāya tiṭṭhati.\nSo uppannaṁ lābhaṁ nānurujjhati, alābhe nappaṭivirujjhati;\nuppannaṁ yasaṁ nānurujjhati, ayase nappaṭivirujjhati;\nuppannaṁ pasaṁsaṁ nānurujjhati, nindāya nappaṭivirujjhati;\nuppannaṁ sukhaṁ nānurujjhati, dukkhe nappaṭivirujjhati.\nSo evaṁ anurodhavirodhavippahīno parimuccati jātiyā jarāya maraṇena sokehi paridevehi dukkhehi domanassehi upāyāsehi.\n‘Parimuccati dukkhasmā’ti vadāmi.\nAyaṁ kho, bhikkhave, viseso ayaṁ adhippayāso idaṁ nānākaraṇaṁ sutavato ariyasāvakassa assutavatā puthujjanenāti.","en":"So gain and loss, fame and disgrace, blame and praise, and pleasure and pain don’t occupy their mind.\nThey don’t favor gain or oppose loss.\nThey don’t favor fame or oppose disgrace.\nThey don’t favor praise or oppose blame.\nThey don’t favor pleasure or oppose pain.\nHaving given up favoring and opposing, they’re freed from rebirth, old age, and death, from sorrow, lamentation, pain, sadness, and distress.\nThey’re freed from suffering, I say.\nThis is the difference between a learned noble disciple and an unlearned ordinary person."}},{"id":"an8.6:7","sourceIds":["an8.6:7.1","an8.6:7.2","an8.6:7.3","an8.6:7.4"],"kind":"text","text":{"pi":"Lābho alābho ca yasāyaso ca,\nNindā pasaṁsā ca sukhaṁ dukhañca;\nEte aniccā manujesu dhammā,\nAsassatā vipariṇāmadhammā.","en":"Gain and loss, fame and disgrace,\nblame and praise, and pleasure and pain.\nThese qualities among mankind are impermanent,\ntransient, and perishable."}},{"id":"an8.6:8","sourceIds":["an8.6:8.1","an8.6:8.2","an8.6:8.3","an8.6:8.4"],"kind":"text","text":{"pi":"Ete ca ñatvā satimā sumedho,\nAvekkhati vipariṇāmadhamme;\nIṭṭhassa dhammā na mathenti cittaṁ,\nAniṭṭhato no paṭighātameti.","en":"An intelligent and mindful person knows these things,\nseeing that they’re perishable.\nDesirable things don’t disturb their mind,\nnor are they repelled by the undesirable."}},{"id":"an8.6:9","sourceIds":["an8.6:9.1","an8.6:9.2","an8.6:9.3","an8.6:9.4","an8.6:9.5"],"kind":"text","text":{"pi":"Tassānurodhā atha vā virodhā,\nVidhūpitā atthaṅgatā na santi;\nPadañca ñatvā virajaṁ asokaṁ,\nSammappajānāti bhavassa pāragū”ti.\nChaṭṭhaṁ.","en":"Both favoring and opposing\nare cleared and disappeared, they are no more.\nKnowing the stainless, sorrowless state,\nthey who have gone beyond rebirth understand rightly.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an8.6/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}