{"id":"an8.69","title":"Assemblies","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an8.69","title":"Assemblies","units":[{"id":"an8.69:0","sourceIds":["an8.69:0.1","an8.69:0.2","an8.69:0.3"],"kind":"text","text":{"pi":"Aṅguttara Nikāya 8.69\n7. Bhūmicālavagga\nParisāsutta","en":"Numbered Discourses 8.69\n7. Earthquakes\nAssemblies"}},{"id":"an8.69:1","sourceIds":["an8.69:1.1","an8.69:1.2","an8.69:1.3","an8.69:1.4","an8.69:1.5","an8.69:1.6","an8.69:1.7","an8.69:1.8","an8.69:1.9","an8.69:1.10","an8.69:1.11","an8.69:1.12"],"kind":"text","text":{"pi":"“Aṭṭhimā, bhikkhave, parisā.\nKatamā aṭṭha?\nKhattiyaparisā, brāhmaṇaparisā, gahapatiparisā, samaṇaparisā, cātumahārājikaparisā, tāvatiṁsaparisā, māraparisā, brahmaparisā.\nAbhijānāmi kho panāhaṁ, bhikkhave, anekasataṁ khattiyaparisaṁ upasaṅkamitā.\nTatrapi mayā sannisinnapubbañceva sallapitapubbañca sākacchā ca samāpannapubbā.\nTattha yādisako tesaṁ vaṇṇo hoti tādisako mayhaṁ vaṇṇo hoti, yādisako tesaṁ saro hoti tādisako mayhaṁ saro hoti.\nDhammiyā ca kathāya sandassemi samādapemi samuttejemi sampahaṁsemi.\nBhāsamānañca maṁ na jānanti:\n‘ko nu kho ayaṁ bhāsati devo vā manusso vā’ti.\nDhammiyā kathāya sandassetvā samādapetvā samuttejetvā sampahaṁsetvā antaradhāyāmi.\nAntarahitañca maṁ na jānanti:\n‘ko nu kho ayaṁ antarahito devo vā manusso vā’ti.","en":"“Mendicants, there are these eight assemblies.\nWhat eight?\nThe assemblies of aristocrats, brahmins, householders, and ascetics. An assembly of the gods of the four great kings. An assembly of the gods of the thirty-three. An assembly of Māras. An assembly of divinities.\nI recall having approached an assembly of hundreds of aristocrats.\nThere I used to sit with them, converse, and engage in discussion.\nAnd my appearance and voice became just like theirs.\nI educated, encouraged, fired up, and inspired them with a Dhamma talk.\nBut when I spoke they didn’t know:\n‘Who is this that speaks? Is it a god or a human?’\nAnd when my Dhamma talk was finished I vanished.\nBut when I vanished they didn’t know:\n‘Who was that who vanished? Was it a god or a human?’"}},{"id":"an8.69:2","sourceIds":["an8.69:2.1","an8.69:2.2","an8.69:2.3","an8.69:2.4","an8.69:2.5","an8.69:2.6","an8.69:2.7","an8.69:2.8","an8.69:2.9","an8.69:2.10","an8.69:2.11","an8.69:2.12","an8.69:2.13","an8.69:2.14","an8.69:2.15","an8.69:2.16","an8.69:2.17"],"kind":"text","text":{"pi":"Abhijānāmi kho panāhaṁ, bhikkhave, anekasataṁ brāhmaṇaparisaṁ …pe…\ngahapatiparisaṁ …\nsamaṇaparisaṁ …\ncātumahārājikaparisaṁ …\ntāvatiṁsaparisaṁ …\nmāraparisaṁ …\nbrahmaparisaṁ upasaṅkamitā.\nTatrapi mayā sannisinnapubbañceva sallapitapubbañca sākacchā ca samāpannapubbā.\nTattha yādisako tesaṁ vaṇṇo hoti tādisako mayhaṁ vaṇṇo hoti, yādisako tesaṁ saro hoti tādisako mayhaṁ saro hoti.\nDhammiyā ca kathāya sandassemi samādapemi samuttejemi sampahaṁsemi.\nBhāsamānañca maṁ na jānanti:\n‘ko nu kho ayaṁ bhāsati devo vā manusso vā’ti.\nDhammiyā kathāya sandassetvā samādapetvā samuttejetvā sampahaṁsetvā antaradhāyāmi.\nAntarahitañca maṁ na jānanti:\n‘ko nu kho ayaṁ antarahito devo vā manusso vā’ti.\nImā kho, bhikkhave, aṭṭha parisā”ti.\nNavamaṁ.","en":"I recall having approached an assembly of hundreds of brahmins …\nhouseholders …\nascetics …\nthe gods of the four great kings …\nthe gods of the thirty-three …\nMāras …\ndivinities.\nThere too I used to sit with them, converse, and engage in discussion.\nAnd my appearance and voice became just like theirs.\nI educated, encouraged, fired up, and inspired them with a Dhamma talk.\nBut when I spoke they didn’t know:\n‘Who is this that speaks? Is it a god or a human?’\nAnd when my Dhamma talk was finished I vanished.\nBut when I vanished they didn’t know:\n‘Who was that who vanished? Was it a god or a human?’\nThese are the eight assemblies.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an8.69/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}