{"id":"an8.70","title":"Earthquakes","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an8.70","title":"Earthquakes","units":[{"id":"an8.70:0","sourceIds":["an8.70:0.1","an8.70:0.2","an8.70:0.3"],"kind":"text","text":{"pi":"Aṅguttara Nikāya 8.70\n7. Bhūmicālavagga\nBhūmicālasutta","en":"Numbered Discourses 8.70\n7. Earthquakes\nEarthquakes"}},{"id":"an8.70:1","sourceIds":["an8.70:1.1","an8.70:1.2","an8.70:1.3","an8.70:1.4","an8.70:1.5","an8.70:1.6"],"kind":"text","text":{"pi":"Ekaṁ samayaṁ bhagavā vesāliyaṁ viharati mahāvane kūṭāgārasālāyaṁ.\nAtha kho bhagavā pubbaṇhasamayaṁ nivāsetvā pattacīvaramādāya vesāliṁ piṇḍāya pāvisi.\nVesāliyaṁ piṇḍāya caritvā pacchābhattaṁ piṇḍapātapaṭikkanto āyasmantaṁ ānandaṁ āmantesi:\n“gaṇhāhi, ānanda, nisīdanaṁ.\nYena cāpālaṁ cetiyaṁ tenupasaṅkamissāma divāvihārāyā”ti.\n“Evaṁ, bhante”ti kho āyasmā ānando bhagavato paṭissutvā nisīdanaṁ ādāya bhagavantaṁ piṭṭhito piṭṭhito anubandhi.","en":"At one time the Buddha was staying near Vesālī, at the Great Wood, in the hall with the peaked roof.\nThen the Buddha robed up in the morning and, taking his bowl and robe, entered Vesālī for alms.\nThen, after the meal, on his return from almsround, he addressed Venerable Ānanda,\n“Ānanda, get your sitting cloth.\nLet’s go to the Cāpāla Shrine for the day’s meditation.”\n“Yes, sir,” replied Ānanda. Taking his sitting cloth he followed behind the Buddha."}},{"id":"an8.70:2","sourceIds":["an8.70:2.1","an8.70:2.2"],"kind":"text","text":{"pi":"Atha kho bhagavā yena cāpālaṁ cetiyaṁ tenupasaṅkami; upasaṅkamitvā paññatte āsane nisīdi.\nNisajja kho bhagavā āyasmantaṁ ānandaṁ āmantesi:","en":"Then the Buddha went up to the Cāpāla Shrine, where he sat down on the seat spread out.\nWhen he was seated he said to Venerable Ānanda:"}},{"id":"an8.70:3","sourceIds":["an8.70:3.1","an8.70:3.2","an8.70:3.3","an8.70:3.4","an8.70:3.5","an8.70:3.6"],"kind":"text","text":{"pi":"“Ramaṇīyā, ānanda, vesālī, ramaṇīyaṁ udenaṁ cetiyaṁ, ramaṇīyaṁ gotamakaṁ cetiyaṁ, ramaṇīyaṁ sattambaṁ cetiyaṁ, ramaṇīyaṁ bahuputtakaṁ cetiyaṁ; ramaṇīyaṁ sārandadaṁ cetiyaṁ, ramaṇīyaṁ cāpālaṁ cetiyaṁ.\nYassa kassaci, ānanda, cattāro iddhipādā bhāvitā bahulīkatā yānīkatā vatthukatā anuṭṭhitā paricitā susamāraddhā, ākaṅkhamāno so, ānanda, kappaṁ vā tiṭṭheyya kappāvasesaṁ vā.\nTathāgatassa kho, ānanda, cattāro iddhipādā bhāvitā bahulīkatā yānīkatā vatthukatā anuṭṭhitā paricitā susamāraddhā. Ākaṅkhamāno, ānanda, tathāgato kappaṁ vā tiṭṭheyya kappāvasesaṁ vā”ti.\nEvampi kho āyasmā ānando bhagavatā oḷārike nimitte kayiramāne oḷārike obhāse kayiramāne nāsakkhi paṭivijjhituṁ;\nna bhagavantaṁ yāci:\n“tiṭṭhatu, bhante, bhagavā kappaṁ, tiṭṭhatu sugato kappaṁ bahujanahitāya bahujanasukhāya lokānukampāya atthāya hitāya sukhāya devamanussānan”ti, yathā taṁ mārena pariyuṭṭhitacitto.","en":"“Ānanda, Vesālī is lovely. And the Udena, Gotamaka, Seven Maidens, Many Sons, Sārandada, and Cāpāla Shrines are all lovely.\nWhoever has developed and cultivated the four bases of psychic power—made them a vehicle and a basis, kept them up, consolidated them, and properly implemented them—may, if they wish, live for the proper lifespan or what’s left of it.\nThe Realized One has developed and cultivated the four bases of psychic power, made them a vehicle and a basis, kept them up, consolidated them, and properly implemented them. If he wished, the Realized One could live for the proper lifespan or what’s left of it.”\nBut Ānanda didn’t get it, even though the Buddha dropped such an obvious hint, such a clear sign.\nHe didn’t beg the Buddha,\n“Sir, may the Blessed One please remain for the proper lifespan! May the Holy One please remain for the proper lifespan! That would be for the welfare and happiness of the people, out of sympathy for the world, for the benefit, welfare, and happiness of gods and humans.” For his mind was as if possessed by Māra."}},{"id":"an8.70:4","sourceIds":["an8.70:4.1","an8.70:4.2","an8.70:4.3","an8.70:4.4","an8.70:4.5","an8.70:4.6","an8.70:4.7","an8.70:4.8"],"kind":"text","text":{"pi":"Dutiyampi kho bhagavā …pe…\ntatiyampi kho bhagavā āyasmantaṁ ānandaṁ āmantesi:\n“ramaṇīyā, ānanda, vesālī, ramaṇīyaṁ udenaṁ cetiyaṁ, ramaṇīyaṁ gotamakaṁ cetiyaṁ, ramaṇīyaṁ sattambaṁ cetiyaṁ, ramaṇīyaṁ bahuputtakaṁ cetiyaṁ, ramaṇīyaṁ sārandadaṁ cetiyaṁ, ramaṇīyaṁ cāpālaṁ cetiyaṁ.\nYassa kassaci, ānanda, cattāro iddhipādā bhāvitā bahulīkatā yānīkatā vatthukatā anuṭṭhitā paricitā susamāraddhā, ākaṅkhamāno so, ānanda, kappaṁ vā tiṭṭheyya kappāvasesaṁ vā.\nTathāgatassa kho, ānanda, cattāro iddhipādā bhāvitā …pe… ākaṅkhamāno, ānanda, tathāgato kappaṁ vā tiṭṭheyya kappāvasesaṁ vā”ti.\nEvampi kho āyasmā ānando bhagavatā oḷārike nimitte kayiramāne oḷārike obhāse kayiramāne nāsakkhi paṭivijjhituṁ;\nna bhagavantaṁ yāci:\n“tiṭṭhatu, bhante, bhagavā kappaṁ, tiṭṭhatu sugato kappaṁ bahujanahitāya bahujanasukhāya lokānukampāya atthāya hitāya sukhāya devamanussānan”ti, yathā taṁ mārena pariyuṭṭhitacitto.","en":"For a second time …\nAnd for a third time, the Buddha said to him:\n“Ānanda, Vesālī is lovely. And the Udena, Gotamaka, Seven Maidens, Many Sons, Sārandada, and Cāpāla Shrines are all lovely.\nWhoever has developed and cultivated the four bases of psychic power—made them a vehicle and a basis, kept them up, consolidated them, and properly implemented them—may, if they wish, live for the proper lifespan or what’s left of it.\nThe Realized One has developed and cultivated the four bases of psychic power, made them a vehicle and a basis, kept them up, consolidated them, and properly implemented them. If he wished, the Realized One could live for the proper lifespan or what’s left of it.”\nBut Ānanda didn’t get it, even though the Buddha dropped such an obvious hint, such a clear sign.\nHe didn’t beg the Buddha,\n“Sir, may the Blessed One please remain for the proper lifespan! May the Holy One please remain for the proper lifespan! That would be for the welfare and happiness of the people, out of sympathy for the world, for the benefit, welfare, and happiness of gods and humans.” For his mind was as if possessed by Māra."}},{"id":"an8.70:5","sourceIds":["an8.70:5.1","an8.70:5.2","an8.70:5.3","an8.70:5.4"],"kind":"text","text":{"pi":"Atha kho bhagavā āyasmantaṁ ānandaṁ āmantesi:\n“gaccha tvaṁ, ānanda, yassadāni kālaṁ maññasī”ti.\n“Evaṁ, bhante”ti kho āyasmā ānando bhagavato paṭissutvā uṭṭhāyāsanā bhagavantaṁ abhivādetvā padakkhiṇaṁ katvā bhagavato avidūre aññatarasmiṁ rukkhamūle nisīdi.\nAtha kho māro pāpimā acirapakkante āyasmante ānande bhagavantaṁ etadavoca:","en":"Then the Buddha said to Venerable Ānanda,\n“Go now, Ānanda, at your convenience.”\n“Yes, sir,” replied Ānanda. He rose from his seat, bowed, and respectfully circled the Buddha, keeping him on his right, before sitting at the root of a tree close by.\nAnd then, not long after Ānanda had left, Māra the Wicked said to the Buddha:"}},{"id":"an8.70:6","sourceIds":["an8.70:6.1","an8.70:6.2","an8.70:6.3","an8.70:6.4"],"kind":"text","text":{"pi":"“Parinibbātu dāni, bhante, bhagavā, parinibbātu sugato. Parinibbānakālo dāni, bhante, bhagavato.\nBhāsitā kho panesā, bhante, bhagavatā vācā:\n‘na tāvāhaṁ, pāpima, parinibbāyissāmi yāva me bhikkhū na sāvakā bhavissanti viyattā vinītā visāradā pattayogakkhemā bahussutā dhammadharā dhammānudhammappaṭipannā sāmīcippaṭipannā anudhammacārino, sakaṁ ācariyakaṁ uggahetvā ācikkhissanti desessanti paññapessanti paṭṭhapessanti vivarissanti vibhajissanti uttānīkarissanti uppannaṁ parappavādaṁ sahadhammena suniggahitaṁ niggahetvā sappāṭihāriyaṁ dhammaṁ desessantī’ti.\nEtarahi, bhante, bhikkhū bhagavato sāvakā viyattā vinītā visāradā pattayogakkhemā bahussutā dhammadharā dhammānudhammappaṭipannā sāmīcippaṭipannā anudhammacārino, sakaṁ ācariyakaṁ uggahetvā ācikkhanti desenti paññapenti paṭṭhapenti vivaranti vibhajanti uttānīkaronti uppannaṁ parappavādaṁ sahadhammena suniggahitaṁ niggahetvā sappāṭihāriyaṁ dhammaṁ desenti.","en":"“Sir, may the Blessed One now be fully extinguished! May the Holy One now be fully extinguished! Now is the time for the full extinguishment of the Buddha.\nSir, you once made this statement:\n‘Wicked One, I shall not be fully extinguished until I have monk disciples who are competent, educated, assured, learned, have memorized the teachings, and practice in line with the principle of the teaching; not until they practice appropriately, living in line with the teaching; not until they’ve learned their denomination, and explain, teach, assert, establish, clarify, analyze, and reveal; not until they can legitimately and completely refute the doctrines of others that come up, and teach with a demonstrable basis.’\nToday you do have such monk disciples."}},{"id":"an8.70:7","sourceIds":["an8.70:7.1","an8.70:7.2","an8.70:7.3","an8.70:7.4","an8.70:7.5","an8.70:7.6"],"kind":"text","text":{"pi":"Parinibbātu dāni, bhante, bhagavā, parinibbātu sugato. Parinibbānakālo dāni, bhante, bhagavato.\nBhāsitā kho panesā, bhante, bhagavatā vācā:\n‘na tāvāhaṁ, pāpima, parinibbāyissāmi yāva me bhikkhuniyo na sāvikā bhavissanti …pe…\nyāva me upāsakā na sāvakā bhavissanti …pe…\nyāva me upāsikā na sāvikā bhavissanti viyattā vinītā visāradā pattayogakkhemā bahussutā dhammadharā dhammānudhammappaṭipannā sāmīcippaṭipannā anudhammacāriniyo, sakaṁ ācariyakaṁ uggahetvā ācikkhissanti desessanti paññapessanti paṭṭhapessanti vivarissanti vibhajissanti uttānīkarissanti, uppannaṁ parappavādaṁ sahadhammena suniggahitaṁ niggahetvā sappāṭihāriyaṁ dhammaṁ desessantī’ti.\nEtarahi, bhante, upāsikā bhagavato sāvikā viyattā vinītā visāradā pattayogakkhemā bahussutā dhammadharā dhammānudhammappaṭipannā sāmīcippaṭipannā anudhammacāriniyo, sakaṁ ācariyakaṁ uggahetvā ācikkhanti desenti paññapenti paṭṭhapenti vivaranti vibhajanti uttānīkaronti, uppannaṁ parappavādaṁ sahadhammena suniggahitaṁ niggahetvā sappāṭihāriyaṁ dhammaṁ desenti.","en":"May the Blessed One now be fully extinguished! May the Holy One now be fully extinguished! Now is the time for the full extinguishment of the Buddha.\nSir, you once made this statement:\n‘Wicked One, I shall not be fully extinguished until I have nun disciples who are competent, educated, self-assured, learned …’ …\n‘Wicked One, I shall not be fully extinguished until I have layman disciples who are competent, educated, self-assured, learned …’ …\n‘Wicked One, I shall not be fully extinguished until I have laywoman disciples who are competent, educated, self-assured, learned …’ …\nToday you do have such laywoman disciples."}},{"id":"an8.70:8","sourceIds":["an8.70:8.1","an8.70:8.2","an8.70:8.3","an8.70:8.4"],"kind":"text","text":{"pi":"Parinibbātu dāni, bhante, bhagavā, parinibbātu sugato. Parinibbānakālo dāni, bhante, bhagavato.\nBhāsitā kho panesā, bhante, bhagavatā vācā:\n‘na tāvāhaṁ, pāpima, parinibbāyissāmi yāva me idaṁ brahmacariyaṁ na iddhañceva bhavissati phītañca vitthārikaṁ bāhujaññaṁ puthubhūtaṁ, yāva devamanussehi suppakāsitan’ti.\nEtarahi, bhante, bhagavato brahmacariyaṁ iddhañceva phītañca vitthārikaṁ bāhujaññaṁ puthubhūtaṁ, yāva devamanussehi suppakāsitaṁ.","en":"Sir, may the Blessed One now be fully extinguished! May the Holy One be fully extinguished! Now is the time for the full extinguishment of the Buddha.\nSir, you once made this statement:\n‘Wicked One, I shall not be fully extinguished until my spiritual path is successful and prosperous, extensive, popular, widespread, and fully revealed among gods and humans.’\nToday your spiritual path is successful and prosperous, extensive, popular, widespread, and fully revealed among gods and humans."}},{"id":"an8.70:9","sourceIds":["an8.70:9.1","an8.70:9.2","an8.70:9.3"],"kind":"text","text":{"pi":"Parinibbātu dāni, bhante, bhagavā, parinibbātu sugato. Parinibbānakālo dāni, bhante, bhagavato”ti.\n“Appossukko tvaṁ, pāpima, hohi. Naciraṁ tathāgatassa parinibbānaṁ bhavissati.\nIto tiṇṇaṁ māsānaṁ accayena tathāgato parinibbāyissatī”ti.","en":"Sir, may the Blessed One now be fully extinguished! May the Holy One be fully extinguished! Now is the time for the full extinguishment of the Buddha.”\n“Relax, Wicked One. The full extinguishment of the Realized One will be soon.\nThree months from now the Realized One will be fully extinguished.”"}},{"id":"an8.70:10","sourceIds":["an8.70:10.1","an8.70:10.2","an8.70:10.3","an8.70:10.4","an8.70:10.5","an8.70:10.6","an8.70:10.7"],"kind":"text","text":{"pi":"Atha kho bhagavā cāpāle cetiye sato sampajāno āyusaṅkhāraṁ ossaji.\nOssaṭṭhe ca bhagavatā āyusaṅkhāre mahābhūmicālo ahosi bhiṁsanako salomahaṁso, devadundubhiyo ca phaliṁsu.\nAtha kho bhagavā etamatthaṁ viditvā tāyaṁ velāyaṁ imaṁ udānaṁ udānesi:\n“Tulamatulañca sambhavaṁ,\nBhavasaṅkhāramavassaji muni;\nAjjhattarato samāhito,\nAbhindi kavacamivattasambhavan”ti.","en":"So at the Cāpāla Shrine the Buddha, mindful and aware, surrendered the life force.\nWhen he did so there was a great earthquake, awe-inspiring and hair-raising, and thunder cracked the sky.\nThen, understanding this matter, on that occasion the Buddha expressed this heartfelt sentiment:\n“Comparing the incomparable with the creation of prolonged life,\nthe sage surrendered the life force.\nHappy inside, serene,\nhe shattered self-creation like a suit of armor.”"}},{"id":"an8.70:11","sourceIds":["an8.70:11.1"],"kind":"text","text":{"pi":"Atha kho āyasmato ānandassa etadahosi:","en":"Then Venerable Ānanda thought,"}},{"id":"an8.70:12","sourceIds":["an8.70:12.2","an8.70:12.3","an8.70:12.4"],"kind":"text","text":{"pi":"“mahā vatāyaṁ bhūmicālo;\nsumahā vatāyaṁ bhūmicālo bhiṁsanako salomahaṁso, devadundubhiyo ca phaliṁsu.\nKo nu kho hetu, ko paccayo mahato bhūmicālassa pātubhāvāyā”ti?","en":"“That was a really big earthquake!\nThat was really a very big earthquake; awe-inspiring and hair-raising, and thunder cracked the sky!\nWhat’s the cause, what’s the reason for a great earthquake?”"}},{"id":"an8.70:13","sourceIds":["an8.70:13.1","an8.70:13.2","an8.70:13.3","an8.70:13.4"],"kind":"text","text":{"pi":"Atha kho āyasmā ānando yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā ānando bhagavantaṁ etadavoca:\n“mahā vatāyaṁ, bhante, bhūmicālo;\nsumahā vatāyaṁ, bhante, bhūmicālo bhiṁsanako salomahaṁso, devadundubhiyo ca phaliṁsu.\nKo nu kho, bhante, hetu, ko paccayo mahato bhūmicālassa pātubhāvāyā”ti?","en":"Then Venerable Ānanda went up to the Buddha, bowed, sat down to one side, and said to him,\n“Sir, that was a really big earthquake!\nThat was really a very big earthquake; awe-inspiring and hair-raising, and thunder cracked the sky!\nWhat’s the cause, what’s the reason for a great earthquake?”"}},{"id":"an8.70:14","sourceIds":["an8.70:14.1","an8.70:14.2","an8.70:14.3","an8.70:14.4"],"kind":"text","text":{"pi":"“Aṭṭhime, ānanda, hetū, aṭṭha paccayā mahato bhūmicālassa pātubhāvāya.\nKatame aṭṭha?\nAyaṁ, ānanda, mahāpathavī udake patiṭṭhitā; udakaṁ vāte patiṭṭhitaṁ; vāto ākāsaṭṭho hoti. So, ānanda, samayo yaṁ mahāvātā vāyanti; mahāvātā vāyantā udakaṁ kampenti; udakaṁ kampitaṁ pathaviṁ kampeti.\nAyaṁ, ānanda, paṭhamo hetu, paṭhamo paccayo mahato bhūmicālassa pātubhāvāya.","en":"“Ānanda, there are these eight causes and reasons for a great earthquake.\nWhat eight?\nThis great earth is established on water, the water is established on air, and the air stands in space. At a time when a great wind blows, it stirs the water, and the water stirs the earth.\nThis is the first cause and reason for a great earthquake."}},{"id":"an8.70:15","sourceIds":["an8.70:15.1","an8.70:15.2"],"kind":"text","text":{"pi":"Puna caparaṁ, ānanda, samaṇo vā brāhmaṇo vā iddhimā cetovasippatto devatā vā mahiddhikā mahānubhāvā. Tassa parittā pathavīsaññā bhāvitā hoti, appamāṇā āposaññā. So imaṁ pathaviṁ kampeti saṅkampeti sampakampeti sampavedheti.\nAyaṁ, ānanda, dutiyo hetu, dutiyo paccayo mahato bhūmicālassa pātubhāvāya.","en":"Furthermore, there is an ascetic or brahmin with psychic power who has achieved mastery of the mind, or a god who is mighty and powerful. They’ve developed a limited perception of earth and a limitless perception of water. They make the earth shake and rock and tremble.\nThis is the second cause and reason for a great earthquake."}},{"id":"an8.70:16","sourceIds":["an8.70:16.1","an8.70:16.2"],"kind":"text","text":{"pi":"Puna caparaṁ, ānanda, yadā bodhisatto tusitā kāyā cavitvā sato sampajāno mātukucchiṁ okkamati, tadāyaṁ pathavī kampati saṅkampati sampakampati sampavedhati.\nAyaṁ, ānanda, tatiyo hetu, tatiyo paccayo mahato bhūmicālassa pātubhāvāya.","en":"Furthermore, when the being intent on awakening passes away from the host of joyful gods, he’s conceived in his mother’s womb, mindful and aware. Then the earth shakes and rocks and trembles.\nThis is the third cause and reason for a great earthquake."}},{"id":"an8.70:17","sourceIds":["an8.70:17.1","an8.70:17.2"],"kind":"text","text":{"pi":"Puna caparaṁ, ānanda, yadā bodhisatto sato sampajāno mātukucchismā nikkhamati, tadāyaṁ pathavī kampati saṅkampati sampakampati sampavedhati.\nAyaṁ, ānanda, catuttho hetu, catuttho paccayo mahato bhūmicālassa pātubhāvāya.","en":"Furthermore, when the being intent on awakening comes out of his mother’s womb mindful and aware, the earth shakes and rocks and trembles.\nThis is the fourth cause and reason for a great earthquake."}},{"id":"an8.70:18","sourceIds":["an8.70:18.1","an8.70:18.2"],"kind":"text","text":{"pi":"Puna caparaṁ, ānanda, yadā tathāgato anuttaraṁ sammāsambodhiṁ abhisambujjhati, tadāyaṁ pathavī kampati saṅkampati sampakampati sampavedhati.\nAyaṁ, ānanda, pañcamo hetu, pañcamo paccayo mahato bhūmicālassa pātubhāvāya.","en":"Furthermore, when the Realized One awakens to the supreme perfect awakening, the earth shakes and rocks and trembles.\nThis is the fifth cause and reason for a great earthquake."}},{"id":"an8.70:19","sourceIds":["an8.70:19.1","an8.70:19.2"],"kind":"text","text":{"pi":"Puna caparaṁ, ānanda, yadā tathāgato anuttaraṁ dhammacakkaṁ pavatteti, tadāyaṁ pathavī kampati saṅkampati sampakampati sampavedhati.\nAyaṁ, ānanda, chaṭṭho hetu, chaṭṭho paccayo mahato bhūmicālassa pātubhāvāya.","en":"Furthermore, when the Realized One rolls forth the supreme Wheel of Dhamma, the earth shakes and rocks and trembles.\nThis is the sixth cause and reason for a great earthquake."}},{"id":"an8.70:20","sourceIds":["an8.70:20.1","an8.70:20.2"],"kind":"text","text":{"pi":"Puna caparaṁ, ānanda, yadā tathāgato sato sampajāno āyusaṅkhāraṁ ossajjati, tadāyaṁ pathavī kampati saṅkampati sampakampati sampavedhati.\nAyaṁ, ānanda, sattamo hetu, sattamo paccayo mahato bhūmicālassa pātubhāvāya.","en":"Furthermore, when the Realized One, mindful and aware, surrenders the life force, the earth shakes and rocks and trembles.\nThis is the seventh cause and reason for a great earthquake."}},{"id":"an8.70:21","sourceIds":["an8.70:21.1","an8.70:21.2","an8.70:21.3","an8.70:21.4","an8.70:21.5"],"kind":"text","text":{"pi":"Puna caparaṁ, ānanda, yadā tathāgato anupādisesāya nibbānadhātuyā parinibbāyati, tadāyaṁ pathavī kampati saṅkampati sampakampati sampavedhati.\nAyaṁ, ānanda, aṭṭhamo hetu, aṭṭhamo paccayo mahato bhūmicālassa pātubhāvāya.\nIme kho, ānanda, aṭṭha hetū, aṭṭha paccayā mahato bhūmicālassa pātubhāvāyā”ti.\nDasamaṁ.\nBhūmicālavaggo dutiyo.","en":"Furthermore, when the Realized One becomes fully extinguished in the element of extinguishment with no residue, the earth shakes and rocks and trembles.\nThis is the eighth cause and reason for a great earthquake.\nThese are the eight causes and reasons for a great earthquake.”"}},{"id":"an8.70:22","sourceIds":["an8.70:22.0","an8.70:22.1","an8.70:22.2","an8.70:22.3","an8.70:22.4"],"kind":"text","text":{"pi":"Tassuddānaṁ\nIcchā alañca saṅkhittaṁ,\ngayā abhibhunā saha;\nVimokkho dve ca vohārā,\nparisā bhūmicālenāti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an8.70/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}