{"id":"an8.80","title":"Grounds for Laziness and Arousing Energy","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an8.80","title":"Grounds for Laziness and Arousing Energy","units":[{"id":"an8.80:0","sourceIds":["an8.80:0.1","an8.80:0.2","an8.80:0.3"],"kind":"text","text":{"pi":"Aṅguttara Nikāya 8.80\n8. Yamakavagga\nKusītārambhavatthusutta","en":"Numbered Discourses 8.80\n8. Pairs\nGrounds for Laziness and Arousing Energy"}},{"id":"an8.80:1","sourceIds":["an8.80:1.1","an8.80:1.2","an8.80:1.3","an8.80:1.4","an8.80:1.5","an8.80:1.6","an8.80:1.7"],"kind":"text","text":{"pi":"“Aṭṭhimāni, bhikkhave, kusītavatthūni.\nKatamāni aṭṭha?\nIdha, bhikkhave, bhikkhunā kammaṁ kattabbaṁ hoti.\nTassa evaṁ hoti:\n‘kammaṁ kho me kattabbaṁ bhavissati. Kammaṁ kho pana me karontassa kāyo kilamissati. Handāhaṁ nipajjāmī’ti.\nSo nipajjati, na vīriyaṁ ārabhati appattassa pattiyā anadhigatassa adhigamāya asacchikatassa sacchikiriyāya.\nIdaṁ, bhikkhave, paṭhamaṁ kusītavatthu.","en":"“Mendicants, there are eight grounds for laziness.\nWhat eight?\nFirstly, a mendicant has some work to do.\nThey think:\n‘I have some work to do. But while doing it my body will get tired. I’d better have a lie down.’\nThey lie down, and don’t rouse energy for attaining the unattained, achieving the unachieved, and realizing the unrealized.\nThis is the first ground for laziness."}},{"id":"an8.80:2","sourceIds":["an8.80:2.1","an8.80:2.2","an8.80:2.3","an8.80:2.4","an8.80:2.5"],"kind":"text","text":{"pi":"Puna caparaṁ, bhikkhave, bhikkhunā kammaṁ kataṁ hoti.\nTassa evaṁ hoti:\n‘ahaṁ kho kammaṁ akāsiṁ. Kammaṁ kho pana me karontassa kāyo kilanto. Handāhaṁ nipajjāmī’ti.\nSo nipajjati, na vīriyaṁ ārabhati appattassa pattiyā anadhigatassa adhigamāya asacchikatassa sacchikiriyāya.\nIdaṁ, bhikkhave, dutiyaṁ kusītavatthu.","en":"Furthermore, a mendicant has done some work.\nThey think:\n‘I’ve done some work. But while working my body got tired. I’d better have a lie down.’\nThey lie down, and don’t rouse energy for attaining the unattained, achieving the unachieved, and realizing the unrealized.\nThis is the second ground for laziness."}},{"id":"an8.80:3","sourceIds":["an8.80:3.1","an8.80:3.2","an8.80:3.3","an8.80:3.4","an8.80:3.5"],"kind":"text","text":{"pi":"Puna caparaṁ, bhikkhave, bhikkhunā maggo gantabbo hoti.\nTassa evaṁ hoti:\n‘maggo me gantabbo bhavissati. Maggaṁ kho pana me gacchantassa kāyo kilamissati. Handāhaṁ nipajjāmī’ti.\nSo nipajjati, na vīriyaṁ ārabhati appattassa pattiyā anadhigatassa adhigamāya asacchikatassa sacchikiriyāya.\nIdaṁ, bhikkhave, tatiyaṁ kusītavatthu.","en":"Furthermore, a mendicant has to go on a journey.\nThey think:\n‘I have to go on a journey. But while walking my body will get tired. I’d better have a lie down.’\nThey lie down, and don’t rouse energy for attaining the unattained, achieving the unachieved, and realizing the unrealized.\nThis is the third ground for laziness."}},{"id":"an8.80:4","sourceIds":["an8.80:4.1","an8.80:4.2","an8.80:4.3","an8.80:4.4","an8.80:4.5"],"kind":"text","text":{"pi":"Puna caparaṁ, bhikkhave, bhikkhunā maggo gato hoti.\nTassa evaṁ hoti:\n‘ahaṁ kho maggaṁ agamāsiṁ. Maggaṁ kho pana me gacchantassa kāyo kilanto. Handāhaṁ nipajjāmī’ti.\nSo nipajjati, na vīriyaṁ ārabhati appattassa pattiyā anadhigatassa adhigamāya asacchikatassa sacchikiriyāya.\nIdaṁ, bhikkhave, catutthaṁ kusītavatthu.","en":"Furthermore, a mendicant has gone on a journey.\nThey think:\n‘I’ve gone on a journey. But while walking my body got tired. I’d better have a lie down.’\nThey lie down, and don’t rouse energy for attaining the unattained, achieving the unachieved, and realizing the unrealized.\nThis is the fourth ground for laziness."}},{"id":"an8.80:5","sourceIds":["an8.80:5.1","an8.80:5.2","an8.80:5.3","an8.80:5.4","an8.80:5.5"],"kind":"text","text":{"pi":"Puna caparaṁ, bhikkhave, bhikkhu gāmaṁ vā nigamaṁ vā piṇḍāya caranto na labhati lūkhassa vā paṇītassa vā bhojanassa yāvadatthaṁ pāripūriṁ.\nTassa evaṁ hoti:\n‘ahaṁ kho gāmaṁ vā nigamaṁ vā piṇḍāya caranto nālatthaṁ lūkhassa vā paṇītassa vā bhojanassa yāvadatthaṁ pāripūriṁ. Tassa me kāyo kilanto akammañño. Handāhaṁ nipajjāmī’ti.\nSo nipajjati, na vīriyaṁ ārabhati …pe…\nidaṁ, bhikkhave, pañcamaṁ kusītavatthu.","en":"Furthermore, a mendicant has wandered for alms, but they didn’t get to fill up on as much food as they like, coarse or fine.\nThey think:\n‘I’ve wandered for alms, but I didn’t get to fill up on as much food as I like, coarse or fine. My body is tired and unfit for work. I’d better have a lie down.’\nThey lie down, and don’t rouse energy for achieving the unachieved, attaining the unattained, and realizing the unrealized.\nThis is the fifth ground for laziness."}},{"id":"an8.80:6","sourceIds":["an8.80:6.1","an8.80:6.2","an8.80:6.3","an8.80:6.4","an8.80:6.5"],"kind":"text","text":{"pi":"Puna caparaṁ, bhikkhave, bhikkhu gāmaṁ vā nigamaṁ vā piṇḍāya caranto labhati lūkhassa vā paṇītassa vā bhojanassa yāvadatthaṁ pāripūriṁ.\nTassa evaṁ hoti:\n‘ahaṁ kho gāmaṁ vā nigamaṁ vā piṇḍāya caranto alatthaṁ lūkhassa vā paṇītassa vā bhojanassa yāvadatthaṁ pāripūriṁ. Tassa me kāyo garuko akammañño māsācitaṁ maññe. Handāhaṁ nipajjāmī’ti.\nSo nipajjati, na vīriyaṁ ārabhati …pe…\nidaṁ, bhikkhave, chaṭṭhaṁ kusītavatthu.","en":"Furthermore, a mendicant has wandered for alms, and they got to fill up on as much food as they like, coarse or fine.\nThey think:\n‘I’ve wandered for alms, and I got to fill up on as much food as I like, coarse or fine. My body is heavy, unfit for work, like I’ve just eaten a load of beans. I’d better have a lie down.’\nThey lie down, and don’t rouse energy for achieving the unachieved, attaining the unattained, and realizing the unrealized.\nThis is the sixth ground for laziness."}},{"id":"an8.80:7","sourceIds":["an8.80:7.1","an8.80:7.2","an8.80:7.3","an8.80:7.4","an8.80:7.5"],"kind":"text","text":{"pi":"Puna caparaṁ, bhikkhave, bhikkhuno uppanno hoti appamattako ābādho.\nTassa evaṁ hoti:\n‘uppanno kho me ayaṁ appamattako ābādho atthi kappo nipajjituṁ. Handāhaṁ nipajjāmī’ti.\nSo nipajjati, na vīriyaṁ ārabhati …pe…\nidaṁ, bhikkhave, sattamaṁ kusītavatthu.","en":"Furthermore, a mendicant feels a little sick.\nThey think:\n‘I feel a little sick. Lying down would be good for me. I’d better have a lie down.’\nThey lie down, and don’t rouse energy for achieving the unachieved, attaining the unattained, and realizing the unrealized.\nThis is the seventh ground for laziness."}},{"id":"an8.80:8","sourceIds":["an8.80:8.1","an8.80:8.2","an8.80:8.3","an8.80:8.4","an8.80:8.5","an8.80:8.6"],"kind":"text","text":{"pi":"Puna caparaṁ, bhikkhave, bhikkhu gilānā vuṭṭhito hoti aciravuṭṭhito gelaññā.\nTassa evaṁ hoti:\n‘ahaṁ kho gilānā vuṭṭhito aciravuṭṭhito gelaññā. Tassa me kāyo dubbalo akammañño. Handāhaṁ nipajjāmī’ti.\nSo nipajjati, na vīriyaṁ ārabhati appattassa pattiyā anadhigatassa adhigamāya asacchikatassa sacchikiriyāya.\nIdaṁ, bhikkhave, aṭṭhamaṁ kusītavatthu.\nImāni kho, bhikkhave, aṭṭha kusītavatthūni.","en":"Furthermore, a mendicant has recently recovered from illness.\nThey think:\n‘I’ve recently recovered from illness. My body is weak and unfit for work. I’d better have a lie down.’\nThey lie down, and don’t rouse energy for attaining the unattained, achieving the unachieved, and realizing the unrealized.\nThis is the eighth ground for laziness.\nThese are the eight grounds for laziness."}},{"id":"an8.80:9","sourceIds":["an8.80:9.1","an8.80:9.2","an8.80:9.3","an8.80:9.4","an8.80:9.5","an8.80:9.6","an8.80:9.7"],"kind":"text","text":{"pi":"Aṭṭhimāni, bhikkhave, ārambhavatthūni.\nKatamāni aṭṭha?\nIdha, bhikkhave, bhikkhunā kammaṁ kattabbaṁ hoti.\nTassa evaṁ hoti:\n‘kammaṁ kho me kattabbaṁ bhavissati. Kammaṁ kho mayā karontena na sukaraṁ buddhānaṁ sāsanaṁ manasi kātuṁ. Handāhaṁ paṭikacceva vīriyaṁ ārabhāmi appattassa pattiyā anadhigatassa adhigamāya asacchikatassa sacchikiriyāyā’ti.\nSo vīriyaṁ ārabhati appattassa pattiyā anadhigatassa adhigamāya asacchikatassa sacchikiriyāya.\nIdaṁ, bhikkhave, paṭhamaṁ ārambhavatthu.","en":"There are eight grounds for arousing energy.\nWhat eight?\nFirstly, a mendicant has some work to do.\nThey think:\n‘I have some work to do. While working it’s not easy to focus on the instructions of the Buddhas. I’d better preemptively rouse up energy for attaining the unattained, achieving the unachieved, and realizing the unrealized.’\nThey rouse energy for attaining the unattained, achieving the unachieved, and realizing the unrealized.\nThis is the first ground for arousing energy."}},{"id":"an8.80:10","sourceIds":["an8.80:10.1","an8.80:10.2","an8.80:10.3","an8.80:10.4","an8.80:10.5"],"kind":"text","text":{"pi":"Puna caparaṁ, bhikkhave, bhikkhunā kammaṁ kataṁ hoti.\nTassa evaṁ hoti:\n‘ahaṁ kho kammaṁ akāsiṁ. Kammaṁ kho panāhaṁ karonto nāsakkhiṁ buddhānaṁ sāsanaṁ manasi kātuṁ. Handāhaṁ vīriyaṁ ārabhāmi appattassa pattiyā anadhigatassa adhigamāya asacchikatassa sacchikiriyāyā’ti.\nSo vīriyaṁ ārabhati.\nIdaṁ, bhikkhave, dutiyaṁ ārambhavatthu.","en":"Furthermore, a mendicant has done some work.\nThey think:\n‘I’ve done some work. While I was working I wasn’t able to focus on the instructions of the Buddhas. I’d better preemptively rouse up energy for attaining the unattained, achieving the unachieved, and realizing the unrealized.’\nThey rouse up energy …\nThis is the second ground for arousing energy."}},{"id":"an8.80:11","sourceIds":["an8.80:11.1","an8.80:11.2","an8.80:11.3","an8.80:11.4"],"kind":"text","text":{"pi":"Puna caparaṁ, bhikkhave, bhikkhunā maggo gantabbo hoti.\nTassa evaṁ hoti—\nmaggo kho me gantabbo bhavissati. Maggaṁ kho pana me gacchantena na sukaraṁ buddhānaṁ sāsanaṁ manasi kātuṁ. Handāhaṁ vīriyaṁ …pe…\nidaṁ, bhikkhave, tatiyaṁ ārambhavatthu.","en":"Furthermore, a mendicant has to go on a journey.\nThey think:\n‘I have to go on a journey. While walking it’s not easy to focus on the instructions of the Buddhas. I’d better preemptively rouse up energy …’ …\nThis is the third ground for arousing energy."}},{"id":"an8.80:12","sourceIds":["an8.80:12.1","an8.80:12.2","an8.80:12.3","an8.80:12.4"],"kind":"text","text":{"pi":"Puna caparaṁ, bhikkhave, bhikkhunā maggo gato hoti.\nTassa evaṁ hoti—\nahaṁ kho maggaṁ agamāsiṁ. Maggaṁ kho panāhaṁ gacchanto nāsakkhiṁ buddhānaṁ sāsanaṁ manasi kātuṁ. Handāhaṁ vīriyaṁ ārabhāmi …pe…\nidaṁ, bhikkhave, catutthaṁ ārambhavatthu.","en":"Furthermore, a mendicant has gone on a journey.\nThey think:\n‘I’ve gone on a journey. While I was walking I wasn’t able to focus on the instructions of the Buddhas. I’d better preemptively rouse up energy …’ …\nThis is the fourth ground for arousing energy."}},{"id":"an8.80:13","sourceIds":["an8.80:13.1","an8.80:13.2","an8.80:13.3","an8.80:13.4"],"kind":"text","text":{"pi":"Puna caparaṁ, bhikkhave, bhikkhu gāmaṁ vā nigamaṁ vā piṇḍāya caranto na labhati lūkhassa vā paṇītassa vā bhojanassa yāvadatthaṁ pāripūriṁ.\nTassa evaṁ hoti—\nahaṁ kho gāmaṁ vā nigamaṁ vā piṇḍāya caranto nālatthaṁ lūkhassa vā paṇītassa vā bhojanassa yāvadatthaṁ pāripūriṁ. Tassa me kāyo lahuko kammañño. Handāhaṁ vīriyaṁ ārabhāmi …pe…\nidaṁ, bhikkhave, pañcamaṁ ārambhavatthu.","en":"Furthermore, a mendicant has wandered for alms, but they didn’t get to fill up on as much food as they like, coarse or fine.\nThey think:\n‘I’ve wandered for alms, but I didn’t get to fill up on as much food as I like, rough or fine. My body is light and fit for work. I’d better preemptively rouse up energy …’ …\nThis is the fifth ground for arousing energy."}},{"id":"an8.80:14","sourceIds":["an8.80:14.1","an8.80:14.2","an8.80:14.3","an8.80:14.4"],"kind":"text","text":{"pi":"Puna caparaṁ, bhikkhave, bhikkhu gāmaṁ vā nigamaṁ vā piṇḍāya caranto labhati lūkhassa vā paṇītassa vā bhojanassa yāvadatthaṁ pāripūriṁ.\nTassa evaṁ hoti—\nahaṁ kho gāmaṁ vā nigamaṁ vā piṇḍāya caranto alatthaṁ lūkhassa vā paṇītassa vā bhojanassa yāvadatthaṁ pāripūriṁ. Tassa me kāyo balavā kammañño. Handāhaṁ vīriyaṁ ārabhāmi …pe…\nidaṁ, bhikkhave, chaṭṭhaṁ ārambhavatthu.","en":"Furthermore, a mendicant has wandered for alms, and they got to fill up on as much food as they like, coarse or fine.\nThey think:\n‘I’ve wandered for alms, and I got to fill up on as much food as I like, coarse or fine. My body is strong and fit for work. I’d better preemptively rouse up energy …’ …\nThis is the sixth ground for arousing energy."}},{"id":"an8.80:15","sourceIds":["an8.80:15.1","an8.80:15.2","an8.80:15.3","an8.80:15.4"],"kind":"text","text":{"pi":"Puna caparaṁ, bhikkhave, bhikkhuno uppanno hoti appamattako ābādho.\nTassa evaṁ hoti—\nuppanno kho me ayaṁ appamattako ābādho. Ṭhānaṁ kho panetaṁ vijjati yaṁ me ābādho pavaḍḍheyya. Handāhaṁ paṭikacceva vīriyaṁ ārabhāmi …pe…\nidaṁ, bhikkhave, sattamaṁ ārambhavatthu.","en":"Furthermore, a mendicant feels a little sick.\nThey think:\n‘I feel a little sick. It’s possible this illness will worsen. I’d better preemptively rouse up energy …’ …\nThis is the seventh ground for arousing energy."}},{"id":"an8.80:16","sourceIds":["an8.80:16.1","an8.80:16.2","an8.80:16.3","an8.80:16.4","an8.80:16.5"],"kind":"text","text":{"pi":"Puna caparaṁ, bhikkhave, bhikkhu gilānā vuṭṭhito hoti aciravuṭṭhito gelaññā.\nTassa evaṁ hoti:\n‘ahaṁ kho gilānā vuṭṭhito aciravuṭṭhito gelaññā. Ṭhānaṁ kho panetaṁ vijjati yaṁ me ābādho paccudāvatteyya. Handāhaṁ paṭikacceva vīriyaṁ ārabhāmi appattassa pattiyā anadhigatassa adhigamāya asacchikatassa sacchikiriyāyā’ti.\nSo vīriyaṁ ārabhati appattassa pattiyā anadhigatassa adhigamāya asacchikatassa sacchikiriyāya.\nIdaṁ, bhikkhave, aṭṭhamaṁ ārambhavatthu.","en":"Furthermore, a mendicant has recently recovered from illness.\nThey think:\n‘I’ve recently recovered from illness. It’s possible the illness will come back. I’d better preemptively rouse up energy for attaining the unattained, achieving the unachieved, and realizing the unrealized.’\nThey rouse energy for attaining the unattained, achieving the unachieved, and realizing the unrealized.\nThis is the eighth ground for arousing energy."}},{"id":"an8.80:17","sourceIds":["an8.80:17.1","an8.80:17.2","an8.80:17.3"],"kind":"text","text":{"pi":"Imāni kho, bhikkhave, aṭṭha ārambhavatthūnī”ti.\nDasamaṁ.\nYamakavaggo tatiyo.","en":"These are the eight grounds for arousing energy.”"}},{"id":"an8.80:18","sourceIds":["an8.80:18.0","an8.80:18.1","an8.80:18.2","an8.80:18.3","an8.80:18.4"],"kind":"text","text":{"pi":"Tassuddānaṁ\nDve saddhā dve maraṇassatī,\ndve sampadā athāpare;\nIcchā alaṁ parihānaṁ,\nkusītārambhavatthūnīti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an8.80/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}