{"id":"an8.9","title":"Nanda","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an8.9","title":"Nanda","units":[{"id":"an8.9:0","sourceIds":["an8.9:0.1","an8.9:0.2","an8.9:0.3"],"kind":"text","text":{"pi":"Aṅguttara Nikāya 8.9\n1. Mettāvagga\nNandasutta","en":"Numbered Discourses 8.9\n1. Love\nNanda"}},{"id":"an8.9:1","sourceIds":["an8.9:1.1","an8.9:1.2","an8.9:1.3","an8.9:1.4","an8.9:1.5","an8.9:1.6","an8.9:1.7","an8.9:1.8","an8.9:1.9"],"kind":"text","text":{"pi":"“‘kulaputto’ti, bhikkhave, nandaṁ sammā vadamāno vadeyya.\n‘Balavā’ti, bhikkhave, nandaṁ sammā vadamāno vadeyya.\n‘Pāsādiko’ti, bhikkhave, nandaṁ sammā vadamāno vadeyya.\n‘Tibbarāgo’ti, bhikkhave, nandaṁ sammā vadamāno vadeyya.\nKimaññatra, bhikkhave, nando indriyesu guttadvāro, bhojane mattaññū, jāgariyaṁ anuyutto, satisampajaññena samannāgato, yehi nando sakkoti paripuṇṇaṁ parisuddhaṁ brahmacariyaṁ carituṁ.\nTatridaṁ, bhikkhave, nandassa indriyesu guttadvāratāya hoti.\nSace, bhikkhave, nandassa puratthimā disā āloketabbā hoti, sabbaṁ cetasā samannāharitvā nando puratthimaṁ disaṁ āloketi:\n‘evaṁ me puratthimaṁ disaṁ ālokayato nābhijjhādomanassā pāpakā akusalā dhammā anvāssavissantī’ti.\nItiha tattha sampajāno hoti.","en":"“Mendicants, you could rightly call Nanda ‘Gentleman’,\n‘strong’,\n‘lovely’,\nand ‘lustful’.\nHow could he live the full and pure spiritual life unless he guards the sense doors, eats in moderation, is dedicated to wakefulness, and has mindfulness and situational awareness?\nThis is how Nanda guards the sense doors.\nIf he has to look to the east, he wholeheartedly concentrates before looking, thinking:\n‘When I look to the east, bad, unskillful qualities of covetousness and displeasure will not overwhelm me.’\nIn this way he’s aware of the situation."}},{"id":"an8.9:2","sourceIds":["an8.9:2.1","an8.9:2.2","an8.9:2.3","an8.9:2.4","an8.9:2.5","an8.9:2.6","an8.9:2.7","an8.9:2.8","an8.9:2.9"],"kind":"text","text":{"pi":"Sace, bhikkhave, nandassa pacchimā disā āloketabbā hoti …pe…\nuttarā disā āloketabbā hoti …\ndakkhiṇā disā āloketabbā hoti …\nuddhaṁ ulloketabbā hoti …\nadho oloketabbā hoti …\nanudisā anuviloketabbā hoti, sabbaṁ cetasā samannāharitvā nando anudisaṁ anuviloketi:\n‘evaṁ me anudisaṁ anuvilokayato nābhijjhādomanassā pāpakā akusalā dhammā anvāssavissantī’ti.\nItiha tattha sampajāno hoti.\nIdaṁ kho, bhikkhave, nandassa indriyesu guttadvāratāya hoti.","en":"If he has to look to the west …\nnorth …\nsouth …\nup …\ndown …\nIf he has to survey the intermediate directions, he wholeheartedly concentrates before looking, thinking:\n‘When I survey the intermediate directions, bad, unskillful qualities of covetousness and displeasure will not overwhelm me.’\nIn this way he’s aware of the situation.\nThis is how Nanda guards the sense doors."}},{"id":"an8.9:3","sourceIds":["an8.9:3.1","an8.9:3.2","an8.9:3.3","an8.9:3.4"],"kind":"text","text":{"pi":"Tatridaṁ, bhikkhave, nandassa bhojane mattaññutāya hoti.\nIdha, bhikkhave, nando paṭisaṅkhā yoniso āhāraṁ āhāreti:\n‘neva davāya na madāya na maṇḍanāya na vibhūsanāya, yāvadeva imassa kāyassa ṭhitiyā yāpanāya vihiṁsūparatiyā brahmacariyānuggahāya iti purāṇañca vedanaṁ paṭihaṅkhāmi, navañca vedanaṁ na uppādessāmi, yātrā ca me bhavissati anavajjatā ca phāsuvihāro cā’ti.\nIdaṁ kho, bhikkhave, nandassa bhojane mattaññutāya hoti.","en":"This is how Nanda eats in moderation.\nNanda reflects rationally on the food he eats:\n‘Not for fun, indulgence, adornment, or decoration, but only to sustain this body, to avoid harm, and to support spiritual practice. In this way, I shall put an end to old discomfort and not give rise to new discomfort, and I will have the means to keep going, blamelessness, and a comfortable abiding.’\nThis is how Nanda eats in moderation."}},{"id":"an8.9:4","sourceIds":["an8.9:4.1","an8.9:4.2","an8.9:4.3","an8.9:4.4","an8.9:4.5","an8.9:4.6"],"kind":"text","text":{"pi":"Tatridaṁ, bhikkhave, nandassa jāgariyānuyogasmiṁ hoti.\nIdha, bhikkhave, nando divasaṁ caṅkamena nisajjāya āvaraṇīyehi dhammehi cittaṁ parisodheti;\nrattiyā paṭhamaṁ yāmaṁ caṅkamena nisajjāya āvaraṇīyehi dhammehi cittaṁ parisodheti;\nrattiyā majjhimaṁ yāmaṁ dakkhiṇena passena sīhaseyyaṁ kappeti pāde pādaṁ accādhāya sato sampajāno uṭṭhānasaññaṁ manasi karitvā;\nrattiyā pacchimaṁ yāmaṁ paccuṭṭhāya caṅkamena nisajjāya āvaraṇīyehi dhammehi cittaṁ parisodheti.\nIdaṁ kho, bhikkhave, nandassa jāgariyānuyogasmiṁ hoti.","en":"This is how Nanda is committed to wakefulness.\nNanda practices walking and sitting meditation by day, purifying his mind from obstacles.\nIn the first watch of the night, he continues to practice walking and sitting meditation.\nIn the middle watch, he lies down in the lion’s posture—on the right side, placing one foot on top of the other—mindful and aware, and focused on the time of getting up.\nIn the last watch, he gets up and continues to practice walking and sitting meditation, purifying his mind from obstacles.\nThis is how Nanda is committed to wakefulness."}},{"id":"an8.9:5","sourceIds":["an8.9:5.1","an8.9:5.2","an8.9:5.3","an8.9:5.4","an8.9:5.5"],"kind":"text","text":{"pi":"Tatridaṁ, bhikkhave, nandassa satisampajaññasmiṁ hoti.\nIdha, bhikkhave, nandassa viditā vedanā uppajjanti, viditā upaṭṭhahanti, viditā abbhatthaṁ gacchanti;\nviditā saññā …pe…\nviditā vitakkā …pe… abbhatthaṁ gacchanti.\nIdaṁ kho, bhikkhave, nandassa satisampajaññasmiṁ hoti.","en":"This is how Nanda has mindfulness and situational awareness.\nNanda knows feelings as they arise, as they remain, and as they go away.\nHe knows perceptions as they arise, as they remain, and as they go away.\nHe knows thoughts as they arise, as they remain, and as they go away.\nThis is how Nanda has mindfulness and situational awareness."}},{"id":"an8.9:6","sourceIds":["an8.9:6.1","an8.9:6.2"],"kind":"text","text":{"pi":"Kimaññatra, bhikkhave, nando indriyesu guttadvāro, bhojane mattaññū, jāgariyaṁ anuyutto, satisampajaññena samannāgato, yehi nando sakkoti paripuṇṇaṁ parisuddhaṁ brahmacariyaṁ caritun”ti.\nNavamaṁ.","en":"How could Nanda live the full and pure spiritual life unless he guards the sense doors, eats in moderation, is dedicated to wakefulness, and has mindfulness and situational awareness?”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an8.9/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}