{"id":"an9.1","title":"Awakening","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an9.1","title":"Awakening","units":[{"id":"an9.1:0","sourceIds":["an9.1:0.1","an9.1:0.2","an9.1:0.3"],"kind":"text","text":{"pi":"Aṅguttara Nikāya 9.1\n1. Sambodhivagga\nSambodhisutta","en":"Numbered Discourses 9.1\n1. Awakening\nAwakening"}},{"id":"an9.1:1","sourceIds":["an9.1:1.1","an9.1:1.2","an9.1:1.3"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nTatra kho bhagavā bhikkhū āmantesi:","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery.\nThere the Buddha addressed the mendicants:"}},{"id":"an9.1:2","sourceIds":["an9.1:2.1","an9.1:2.2","an9.1:2.3"],"kind":"text","text":{"pi":"“Sace, bhikkhave, aññatitthiyā paribbājakā evaṁ puccheyyuṁ:\n‘sambodhipakkhikānaṁ, āvuso, dhammānaṁ kā upanisā bhāvanāyā’ti, evaṁ puṭṭhā tumhe, bhikkhave, tesaṁ aññatitthiyānaṁ paribbājakānaṁ kinti byākareyyāthā”ti?\n“Bhagavaṁmūlakā no, bhante, dhammā …pe… bhagavato sutvā bhikkhū dhāressantī”ti.","en":"“Mendicants, if wanderers of other religions were to ask:\n‘Reverends, what is the vital condition for the development of the qualities on the same side as awakening?’ How would you answer them?”\n“Our teachings are rooted in the Buddha. … The mendicants will listen and remember it.”"}},{"id":"an9.1:3","sourceIds":["an9.1:3.1","an9.1:3.2","an9.1:3.3"],"kind":"text","text":{"pi":"“Tena hi, bhikkhave, suṇātha, sādhukaṁ manasi karotha; bhāsissāmī”ti.\n“Evaṁ, bhante”ti kho te bhikkhū bhagavato paccassosuṁ.\nBhagavā etadavoca:","en":"“Well then, mendicants, listen and apply your mind well, I will speak.”\n“Yes, sir,” they replied.\nThe Buddha said this:"}},{"id":"an9.1:4","sourceIds":["an9.1:4.1","an9.1:4.2"],"kind":"text","text":{"pi":"“Sace, bhikkhave, aññatitthiyā paribbājakā evaṁ puccheyyuṁ:\n‘sambodhipakkhikānaṁ, āvuso, dhammānaṁ kā upanisā bhāvanāyā’ti, evaṁ puṭṭhā tumhe, bhikkhave, tesaṁ aññatitthiyānaṁ paribbājakānaṁ evaṁ byākareyyātha:","en":"“Mendicants, if wanderers of other religions were to ask:\n‘Reverends, what is the vital condition for the development of the qualities on the same side as awakening?’ You should answer them:"}},{"id":"an9.1:5","sourceIds":["an9.1:5.1","an9.1:5.2"],"kind":"text","text":{"pi":"‘Idhāvuso, bhikkhu kalyāṇamitto hoti kalyāṇasahāyo kalyāṇasampavaṅko.\nSambodhipakkhikānaṁ, āvuso, dhammānaṁ ayaṁ paṭhamā upanisā bhāvanāya.","en":"‘It’s when a mendicant has good friends, companions, and associates.\nThis is the first vital condition for the development of the awakening factors."}},{"id":"an9.1:6","sourceIds":["an9.1:6.1","an9.1:6.2"],"kind":"text","text":{"pi":"Puna caparaṁ, āvuso, bhikkhu sīlavā hoti, pātimokkhasaṁvarasaṁvuto viharati ācāragocarasampanno aṇumattesu vajjesu bhayadassāvī, samādāya sikkhati sikkhāpadesu.\nSambodhipakkhikānaṁ, āvuso, dhammānaṁ ayaṁ dutiyā upanisā bhāvanāya.","en":"Furthermore, a mendicant is ethical, restrained in the monastic code, conducting themselves well and resorting for alms in suitable places. Seeing danger in the slightest fault, they keep the rules they’ve undertaken.\nThis is the second vital condition for the development of the qualities on the same side as awakening."}},{"id":"an9.1:7","sourceIds":["an9.1:7.1","an9.1:7.2"],"kind":"text","text":{"pi":"Puna caparaṁ, āvuso, bhikkhu yāyaṁ kathā abhisallekhikā cetovivaraṇasappāyā, seyyathidaṁ—appicchakathā santuṭṭhikathā pavivekakathā asaṁsaggakathā vīriyārambhakathā sīlakathā samādhikathā paññākathā vimuttikathā vimuttiñāṇadassanakathā, evarūpiyā kathāya nikāmalābhī hoti akicchalābhī akasiralābhī.\nSambodhipakkhikānaṁ, āvuso, dhammānaṁ ayaṁ tatiyā upanisā bhāvanāya.","en":"Furthermore, a mendicant gets to take part in talk about self-effacement that helps open the heart, when they want, without trouble or difficulty. That is, talk about fewness of wishes, contentment, seclusion, aloofness, arousing energy, ethics, immersion, wisdom, freedom, and the knowledge and vision of freedom.\nThis is the third vital condition for the development of the qualities on the same side as awakening."}},{"id":"an9.1:8","sourceIds":["an9.1:8.1","an9.1:8.2"],"kind":"text","text":{"pi":"Puna caparaṁ, āvuso, bhikkhu āraddhavīriyo viharati akusalānaṁ dhammānaṁ pahānāya, kusalānaṁ dhammānaṁ upasampadāya, thāmavā daḷhaparakkamo anikkhittadhuro kusalesu dhammesu.\nSambodhipakkhikānaṁ, āvuso, dhammānaṁ ayaṁ catutthī upanisā bhāvanāya.","en":"Furthermore, a mendicant lives with energy roused up for giving up unskillful qualities and embracing skillful qualities. They are strong, staunchly vigorous, not slacking off when it comes to developing skillful qualities.\nThis is the fourth vital condition for the development of the qualities on the same side as awakening."}},{"id":"an9.1:9","sourceIds":["an9.1:9.1","an9.1:9.2"],"kind":"text","text":{"pi":"Puna caparaṁ, āvuso, bhikkhu paññavā hoti udayatthagāminiyā paññāya samannāgato ariyāya nibbedhikāya sammā dukkhakkhayagāminiyā.\nSambodhipakkhikānaṁ, āvuso, dhammānaṁ ayaṁ pañcamī upanisā bhāvanāya’.","en":"Furthermore, a mendicant is wise. They have the wisdom of arising and passing away which is noble, penetrative, and leads to the complete ending of suffering.\nThis is the fifth vital condition for the development of the qualities on the same side as awakening.’"}},{"id":"an9.1:10","sourceIds":["an9.1:10.1","an9.1:10.2"],"kind":"text","text":{"pi":"Kalyāṇamittassetaṁ, bhikkhave, bhikkhuno pāṭikaṅkhaṁ kalyāṇasahāyassa kalyāṇasampavaṅkassa—\nsīlavā bhavissati, pātimokkhasaṁvarasaṁvuto viharissati ācāragocarasampanno aṇumattesu vajjesu bhayadassāvī, samādāya sikkhissati sikkhāpadesu.","en":"A mendicant with good friends, companions, and associates can expect to\nbe ethical …"}},{"id":"an9.1:11","sourceIds":["an9.1:11.1","an9.1:11.2"],"kind":"text","text":{"pi":"Kalyāṇamittassetaṁ, bhikkhave, bhikkhuno pāṭikaṅkhaṁ kalyāṇasahāyassa kalyāṇasampavaṅkassa—\nyāyaṁ kathā abhisallekhikā cetovivaraṇasappāyā, seyyathidaṁ—appicchakathā santuṭṭhikathā pavivekakathā asaṁsaggakathā vīriyārambhakathā sīlakathā samādhikathā paññākathā vimuttikathā vimuttiñāṇadassanakathā, evarūpiyā kathāya nikāmalābhī bhavissati akicchalābhī akasiralābhī.","en":"A mendicant with good friends, companions, and associates can expect to\ntake part in talk about self-effacement that helps open the heart …"}},{"id":"an9.1:12","sourceIds":["an9.1:12.1","an9.1:12.2"],"kind":"text","text":{"pi":"Kalyāṇamittassetaṁ, bhikkhave, bhikkhuno pāṭikaṅkhaṁ kalyāṇasahāyassa kalyāṇasampavaṅkassa—\nāraddhavīriyo viharissati akusalānaṁ dhammānaṁ pahānāya, kusalānaṁ dhammānaṁ upasampadāya, thāmavā daḷhaparakkamo anikkhittadhuro kusalesu dhammesu.","en":"A mendicant with good friends, companions, and associates can expect to\nlive with energy roused up …"}},{"id":"an9.1:13","sourceIds":["an9.1:13.1","an9.1:13.2"],"kind":"text","text":{"pi":"Kalyāṇamittassetaṁ, bhikkhave, bhikkhuno pāṭikaṅkhaṁ kalyāṇasahāyassa kalyāṇasampavaṅkassa—\npaññavā bhavissati udayatthagāminiyā paññāya samannāgato ariyāya nibbedhikāya sammā dukkhakkhayagāminiyā.","en":"A mendicant with good friends, companions, and associates can expect to\nbe wise …"}},{"id":"an9.1:14","sourceIds":["an9.1:14.1","an9.1:14.2","an9.1:14.3","an9.1:14.4","an9.1:14.5"],"kind":"text","text":{"pi":"Tena ca pana, bhikkhave, bhikkhunā imesu pañcasu dhammesu patiṭṭhāya cattāro dhammā uttari bhāvetabbā—\nasubhā bhāvetabbā rāgassa pahānāya, mettā bhāvetabbā byāpādassa pahānāya, ānāpānassati bhāvetabbā vitakkupacchedāya, aniccasaññā bhāvetabbā asmimānasamugghātāya.\nAniccasaññino, bhikkhave, anattasaññā saṇṭhāti.\nAnattasaññī asmimānasamugghātaṁ pāpuṇāti diṭṭheva dhamme nibbānan”ti.\nPaṭhamaṁ.","en":"But then, a mendicant grounded on these five things should develop four further things.\nThey should develop the perception of ugliness to give up greed, love to give up hate, mindfulness of breathing to cut off thinking, and perception of impermanence to uproot the conceit ‘I am’.\nWhen you perceive impermanence, the perception of not-self becomes stabilized.\nPerceiving not-self, you uproot the conceit ‘I am’ and attain extinguishment in this very life.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an9.1/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}