{"id":"an9.11","title":"Sāriputta’s Lion’s Roar","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an9.11","title":"Sāriputta’s Lion’s Roar","units":[{"id":"an9.11:0","sourceIds":["an9.11:0.1","an9.11:0.2","an9.11:0.3"],"kind":"text","text":{"pi":"Aṅguttara Nikāya 9.11\n2. Sīhanādavagga\nSīhanādasutta","en":"Numbered Discourses 9.11\n2. The Lion’s Roar\nSāriputta’s Lion’s Roar"}},{"id":"an9.11:1","sourceIds":["an9.11:1.1","an9.11:1.2","an9.11:1.3","an9.11:1.4","an9.11:1.5","an9.11:1.6","an9.11:1.7","an9.11:1.8","an9.11:1.9","an9.11:1.10","an9.11:1.11","an9.11:1.12","an9.11:1.13","an9.11:1.14"],"kind":"text","text":{"pi":"Ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nAtha kho āyasmā sāriputto yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā sāriputto bhagavantaṁ etadavoca:\n“vuttho me, bhante, sāvatthiyaṁ vassāvāso.\nIcchāmahaṁ, bhante, janapadacārikaṁ pakkamitun”ti.\n“Yassadāni tvaṁ, sāriputta, kālaṁ maññasī”ti.\nAtha kho āyasmā sāriputto uṭṭhāyāsanā bhagavantaṁ abhivādetvā padakkhiṇaṁ katvā pakkāmi.\nAtha kho aññataro bhikkhu acirapakkante āyasmante sāriputte bhagavantaṁ etadavoca:\n“āyasmā maṁ, bhante, sāriputto āsajja appaṭinissajja cārikaṁ pakkanto”ti.\nAtha kho bhagavā aññataraṁ bhikkhuṁ āmantesi:\n“ehi tvaṁ, bhikkhu, mama vacanena sāriputtaṁ āmantehi:\n‘satthā taṁ, āvuso sāriputta, āmantetī’”ti.\n“Evaṁ, bhante”ti kho so bhikkhu bhagavato paṭissutvā yenāyasmā sāriputto tenupasaṅkami; upasaṅkamitvā āyasmantaṁ sāriputtaṁ etadavoca:\n“satthā taṁ, āvuso sāriputta, āmantetī”ti.\n“Evamāvuso”ti kho āyasmā sāriputto tassa bhikkhuno paccassosi.","en":"At one time the Buddha was staying near Sāvatthī in Jeta’s Grove, Anāthapiṇḍika’s monastery.\nThen Venerable Sāriputta went up to the Buddha, bowed, sat down to one side, and said to him,\n“Sir, I have completed the rainy season residence at Sāvatthī.\nI wish to leave to wander the countryside.”\n“Please, Sāriputta, go at your convenience.”\nThen Sāriputta rose from his seat, bowed, and respectfully circled the Buddha, keeping him on his right, before leaving.\nAnd then, not long after Sāriputta had left, a certain monk said to the Buddha,\n“Sir, Venerable Sāriputta attacked me and left without saying sorry.”\nSo the Buddha addressed one of the monks,\n“Please, monk, in my name tell Sāriputta that\nthe Teacher summons him.”\n“Yes, sir,” that monk replied. He went to Sāriputta and said to him,\n“Reverend Sāriputta, the Teacher summons you.”\n“Yes, reverend,” Sāriputta replied."}},{"id":"an9.11:2","sourceIds":["an9.11:2.1","an9.11:2.2","an9.11:2.3","an9.11:2.4","an9.11:2.5","an9.11:2.6"],"kind":"text","text":{"pi":"Tena kho pana samayena āyasmā ca mahāmoggallāno āyasmā ca ānando avāpuraṇaṁ ādāya vihāre āhiṇḍanti:\n“abhikkamathāyasmanto, abhikkamathāyasmanto.\nIdānāyasmā sāriputto bhagavato sammukhā sīhanādaṁ nadissatī”ti.\nAtha kho āyasmā sāriputto yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinnaṁ kho āyasmantaṁ sāriputtaṁ bhagavā etadavoca:\n“idha te, sāriputta, aññataro sabrahmacārī khīyanadhammaṁ āpanno:\n‘āyasmā maṁ, bhante, sāriputto āsajja appaṭinissajjacārikaṁ pakkanto’”ti.","en":"Now at that time the venerables Mahāmoggallāna and Ānanda, taking a latchkey, went from dwelling to dwelling, saying:\n“Come forth, venerables! Come forth, venerables!\nNow Venerable Sāriputta will roar his lion’s roar in the presence of the Buddha!”\nThen Venerable Sāriputta went up to the Buddha, bowed, and sat down to one side. The Buddha said to him:\n“Sāriputta, one of your spiritual companions has made this complaint:\n‘Venerable Sāriputta attacked me and left without saying sorry.’”"}},{"id":"an9.11:3","sourceIds":["an9.11:3.1"],"kind":"text","text":{"pi":"“Yassa nūna, bhante, kāye kāyagatāsati anupaṭṭhitā assa, so idha aññataraṁ sabrahmacāriṁ āsajja appaṭinissajja cārikaṁ pakkameyya.","en":"“Sir, someone who had not established mindfulness of the body might well attack one of their spiritual companions and leave without saying sorry."}},{"id":"an9.11:4","sourceIds":["an9.11:4.1","an9.11:4.2","an9.11:4.3"],"kind":"text","text":{"pi":"Seyyathāpi, bhante, pathaviyaṁ sucimpi nikkhipanti asucimpi nikkhipanti gūthagatampi nikkhipanti muttagatampi nikkhipanti kheḷagatampi nikkhipanti pubbagatampi nikkhipanti lohitagatampi nikkhipanti, na ca tena pathavī aṭṭīyati vā harāyati vā jigucchati vā;\nevamevaṁ kho ahaṁ, bhante, pathavīsamena cetasā viharāmi vipulena mahaggatena appamāṇena averena abyāpajjena.\nYassa nūna, bhante, kāye kāyagatāsati anupaṭṭhitā assa, so idha aññataraṁ sabrahmacāriṁ āsajja appaṭinissajja cārikaṁ pakkameyya.","en":"Suppose they were to toss both clean and unclean things on the earth, like feces, urine, spit, pus, and blood. The earth isn’t horrified, repelled, and disgusted because of this.\nIn the same way, I live with a heart like the earth, abundant, expansive, limitless, free of enmity and ill will.\nSomeone who had not established mindfulness of the body might well attack one of their spiritual companions and leave without saying sorry."}},{"id":"an9.11:5","sourceIds":["an9.11:5.1","an9.11:5.2","an9.11:5.3"],"kind":"text","text":{"pi":"Seyyathāpi, bhante, āpasmiṁ sucimpi dhovanti asucimpi dhovanti gūthagatampi … muttagatampi … kheḷagatampi … pubbagatampi … lohitagatampi dhovanti, na ca tena āpo aṭṭīyati vā harāyati vā jigucchati vā;\nevamevaṁ kho ahaṁ, bhante, āposamena cetasā viharāmi vipulena mahaggatena appamāṇena averena abyāpajjena.\nYassa nūna, bhante, kāye kāyagatāsati anupaṭṭhitā assa, so idha aññataraṁ sabrahmacāriṁ āsajja appaṭinissajja cārikaṁ pakkameyya.","en":"Suppose they were to wash both clean and unclean things in water, like feces, urine, spit, pus, and blood. The water isn’t horrified, repelled, and disgusted because of this.\nIn the same way, I live with a heart like water, abundant, expansive, limitless, free of enmity and ill will.\nSomeone who had not established mindfulness of the body might well attack one of their spiritual companions and leave without saying sorry."}},{"id":"an9.11:6","sourceIds":["an9.11:6.1","an9.11:6.2","an9.11:6.3"],"kind":"text","text":{"pi":"Seyyathāpi, bhante, tejo sucimpi ḍahati asucimpi ḍahati gūthagatampi … muttagatampi … kheḷagatampi … pubbagatampi … lohitagatampi ḍahati, na ca tena tejo aṭṭīyati vā harāyati vā jigucchati vā;\nevamevaṁ kho ahaṁ, bhante, tejosamena cetasā viharāmi vipulena mahaggatena appamāṇena averena abyāpajjena.\nYassa nūna, bhante, kāye kāyagatāsati anupaṭṭhitā assa, so idha aññataraṁ sabrahmacāriṁ āsajja appaṭinissajja cārikaṁ pakkameyya.","en":"Suppose a fire were to burn both clean and unclean things, like feces, urine, spit, pus, and blood. The fire isn’t horrified, repelled, and disgusted because of this.\nIn the same way, I live with a heart like fire, abundant, expansive, limitless, free of enmity and ill will.\nSomeone who had not established mindfulness of the body might well attack one of their spiritual companions and leave without saying sorry."}},{"id":"an9.11:7","sourceIds":["an9.11:7.1","an9.11:7.2","an9.11:7.3"],"kind":"text","text":{"pi":"Seyyathāpi, bhante, vāyo sucimpi upavāyati asucimpi upavāyati gūthagatampi … muttagatampi … kheḷagatampi … pubbagatampi … lohitagatampi upavāyati, na ca tena vāyo aṭṭīyati vā harāyati vā jigucchati vā;\nevamevaṁ kho ahaṁ, bhante, vāyosamena cetasā viharāmi vipulena mahaggatena appamāṇena averena abyāpajjena.\nYassa nūna, bhante, kāye kāyagatāsati anupaṭṭhitā assa, so idha aññataraṁ sabrahmacāriṁ āsajja appaṭinissajja cārikaṁ pakkameyya.","en":"Suppose the wind was to blow on both clean and unclean things, like feces, urine, spit, pus, and blood. The wind isn’t horrified, repelled, and disgusted because of this.\nIn the same way, I live with a heart like the wind, abundant, expansive, limitless, free of enmity and ill will.\nSomeone who had not established mindfulness of the body might well attack one of their spiritual companions and leave without saying sorry."}},{"id":"an9.11:8","sourceIds":["an9.11:8.1","an9.11:8.2","an9.11:8.3"],"kind":"text","text":{"pi":"Seyyathāpi, bhante, rajoharaṇaṁ sucimpi puñchati asucimpi puñchati gūthagatampi … muttagatampi … kheḷagatampi … pubbagatampi … lohitagatampi puñchati, na ca tena rajoharaṇaṁ aṭṭīyati vā harāyati vā jigucchati vā;\nevamevaṁ kho ahaṁ, bhante, rajoharaṇasamena cetasā viharāmi vipulena mahaggatena appamāṇena averena abyāpajjena.\nYassa nūna, bhante, kāye kāyagatāsati anupaṭṭhitā assa, so idha aññataraṁ sabrahmacāriṁ āsajja appaṭinissajja cārikaṁ pakkameyya.","en":"Suppose a rag was to wipe up both clean and unclean things, like feces, urine, spit, pus, and blood. The rag isn’t horrified, repelled, and disgusted because of this.\nIn the same way, I live with a heart like a rag, abundant, expansive, limitless, free of enmity and ill will.\nSomeone who had not established mindfulness of the body might well attack one of their spiritual companions and leave without saying sorry."}},{"id":"an9.11:9","sourceIds":["an9.11:9.1","an9.11:9.2","an9.11:9.3"],"kind":"text","text":{"pi":"Seyyathāpi, bhante, caṇḍālakumārako vā caṇḍālakumārikā vā kaḷopihattho nantakavāsī gāmaṁ vā nigamaṁ vā pavisanto nīcacittaṁyeva upaṭṭhapetvā pavisati;\nevamevaṁ kho ahaṁ, bhante, caṇḍālakumārakacaṇḍālakumārikāsamena cetasā viharāmi vipulena mahaggatena appamāṇena averena abyāpajjena.\nYassa nūna, bhante, kāye kāyagatāsati anupaṭṭhitā assa, so idha aññataraṁ sabrahmacāriṁ āsajja appaṭinissajja cārikaṁ pakkameyya.","en":"Suppose a boy or girl of a corpse-worker tribe, holding a pot and clad in rags, were to enter a town or village. They’d enter with a humble mind.\nIn the same way, I live with a heart like a boy or girl of a corpse-worker tribe, abundant, expansive, limitless, free of enmity and ill will.\nSomeone who had not established mindfulness of the body might well attack one of their spiritual companions and leave without saying sorry."}},{"id":"an9.11:10","sourceIds":["an9.11:10.1","an9.11:10.2","an9.11:10.3"],"kind":"text","text":{"pi":"Seyyathāpi, bhante, usabho chinnavisāṇo sūrato sudanto suvinīto rathiyāya rathiyaṁ siṅghāṭakena siṅghāṭakaṁ anvāhiṇḍanto na kiñci hiṁsati pādena vā visāṇena vā;\nevamevaṁ kho ahaṁ, bhante, usabhachinnavisāṇasamena cetasā viharāmi vipulena mahaggatena appamāṇena averena abyāpajjena.\nYassa nūna, bhante, kāye kāyagatāsati anupaṭṭhitā assa, so idha aññataraṁ sabrahmacāriṁ āsajja appaṭinissajja cārikaṁ pakkameyya.","en":"Suppose there was a bull with his horns cut, gentle, well tamed and well trained. He’d wander from street to street and square to square without hurting anyone with his feet or horns.\nIn the same way, I live with a heart like a bull with horns cut, abundant, expansive, limitless, free of enmity and ill will.\nSomeone who had not established mindfulness of the body might well attack one of their spiritual companions and leave without saying sorry."}},{"id":"an9.11:11","sourceIds":["an9.11:11.1","an9.11:11.2","an9.11:11.3"],"kind":"text","text":{"pi":"Seyyathāpi, bhante, itthī vā puriso vā daharo yuvā maṇḍanakajātiko sīsaṁnhāto ahikuṇapena vā kukkurakuṇapena vā manussakuṇapena vā kaṇṭhe āsattena aṭṭīyeyya harāyeyya jiguccheyya;\nevamevaṁ kho ahaṁ, bhante, iminā pūtikāyena aṭṭīyāmi harāyāmi jigucchāmi.\nYassa nūna, bhante, kāye kāyagatāsati anupaṭṭhitā assa, so idha aññataraṁ sabrahmacāriṁ āsajja appaṭinissajja cārikaṁ pakkameyya.","en":"Suppose there was a woman or man who was young, youthful, and fond of adornments, and had bathed their head. If the carcass of a snake or a dog or a human were hung around their neck, they’d be horrified, repelled, and disgusted.\nIn the same way, I’m horrified, repelled, and disgusted by this rotting body.\nSomeone who had not established mindfulness of the body might well attack one of their spiritual companions and leave without saying sorry."}},{"id":"an9.11:12","sourceIds":["an9.11:12.1","an9.11:12.2","an9.11:12.3"],"kind":"text","text":{"pi":"Seyyathāpi, bhante, puriso medakathālikaṁ parihareyya chiddāvachiddaṁ uggharantaṁ paggharantaṁ;\nevamevaṁ kho ahaṁ, bhante, imaṁ kāyaṁ pariharāmi chiddāvachiddaṁ uggharantaṁ paggharantaṁ.\nYassa nūna, bhante, kāye kāyagatāsati anupaṭṭhitā assa, so idha aññataraṁ sabrahmacāriṁ āsajja appaṭinissajja cārikaṁ pakkameyyā”ti.","en":"Suppose someone was to carry around a bowl of fat that was leaking and oozing from holes and cracks.\nIn the same way, I carry around this body that’s leaking and oozing from holes and cracks.\nSomeone who had not established mindfulness of the body might well attack one of their spiritual companions and leave without saying sorry.”"}},{"id":"an9.11:13","sourceIds":["an9.11:13.1","an9.11:13.2","an9.11:13.3","an9.11:13.4","an9.11:13.5","an9.11:13.6"],"kind":"text","text":{"pi":"Atha kho so bhikkhu uṭṭhāyāsanā ekaṁsaṁ uttarāsaṅgaṁ karitvā bhagavato pādesu sirasā nipatitvā bhagavantaṁ etadavoca:\n“accayo maṁ, bhante, accagamā yathābālaṁ yathāmūḷhaṁ yathāakusalaṁ, yo ahaṁ āyasmantaṁ sāriputtaṁ asatā tucchā musā abhūtena abbhācikkhiṁ.\nTassa me, bhante, bhagavā accayaṁ accayato paṭiggaṇhatu āyatiṁ saṁvarāyā”ti.\n“Taggha taṁ, bhikkhu, accayo accagamā yathābālaṁ yathāmūḷhaṁ yathāakusalaṁ, yo tvaṁ sāriputtaṁ asatā tucchā musā abhūtena abbhācikkhi.\nYato ca kho tvaṁ, bhikkhu, accayaṁ accayato disvā yathādhammaṁ paṭikarosi, taṁ te mayaṁ paṭiggaṇhāma.\nVuḍḍhihesā, bhikkhu, ariyassa vinaye yo accayaṁ accayato disvā yathādhammaṁ paṭikaroti āyatiṁ saṁvaraṁ āpajjatī”ti.","en":"Then that monk rose from his seat, placed his robe over one shoulder, bowed with his head to the Buddha’s feet, and said,\n“I made a mistake, sir. It was foolish, stupid, and unskillful of me to speak ill of Venerable Sāriputta with an incorrect, hollow, false, untruthful claim.\nPlease, sir, accept my mistake for what it is, so I will restrain myself in future.”\n“Indeed, monk, you made a mistake. It was foolish, stupid, and unskillful of you to act in that way.\nBut since you have recognized your mistake for what it is, and have dealt with it properly, I accept it.\nFor it is growth in the training of the Noble One to recognize a mistake for what it is, deal with it properly, and commit to restraint in the future.”"}},{"id":"an9.11:14","sourceIds":["an9.11:14.1","an9.11:14.2","an9.11:14.3","an9.11:14.4","an9.11:14.5"],"kind":"text","text":{"pi":"Atha kho bhagavā āyasmantaṁ sāriputtaṁ āmantesi:\n“khama, sāriputta, imassa moghapurisassa, purā tassa tattheva sattadhā muddhā phalatī”ti.\n“Khamāmahaṁ, bhante, tassa āyasmato sace maṁ so āyasmā evamāha:\n‘khamatu ca me so āyasmā’”ti.\nPaṭhamaṁ.","en":"Then the Buddha said to Venerable Sāriputta,\n“Sāriputta, forgive that futile man before his head explodes into seven pieces right here.”\n“I will pardon that venerable if he asks me:\n‘May the venerable please pardon me too.’”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an9.11/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}