{"id":"an9.2","title":"Supported","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an9.2","title":"Supported","units":[{"id":"an9.2:0","sourceIds":["an9.2:0.1","an9.2:0.2","an9.2:0.3"],"kind":"text","text":{"pi":"Aṅguttara Nikāya 9.2\n1. Sambodhivagga\nNissayasutta","en":"Numbered Discourses 9.2\n1. Awakening\nSupported"}},{"id":"an9.2:1","sourceIds":["an9.2:1.1","an9.2:1.2","an9.2:1.3","an9.2:1.4","an9.2:1.5","an9.2:1.6","an9.2:1.7","an9.2:1.8","an9.2:1.9"],"kind":"text","text":{"pi":"Atha kho aññataro bhikkhu yena bhagavā tenupasaṅkami; upasaṅkamitvā bhagavantaṁ …pe… ekamantaṁ nisinno kho so bhikkhu bhagavantaṁ etadavoca:\n“‘nissayasampanno nissayasampanno’ti, bhante, vuccati.\nKittāvatā nu kho, bhante, bhikkhu nissayasampanno hotī”ti?\n“Saddhañce, bhikkhu, bhikkhu nissāya akusalaṁ pajahati kusalaṁ bhāveti, pahīnamevassa taṁ akusalaṁ hoti.\nHiriñce, bhikkhu, bhikkhu nissāya …pe…\nottappañce, bhikkhu, bhikkhu nissāya …pe…\nvīriyañce, bhikkhu, bhikkhu nissāya …pe…\npaññañce, bhikkhu, bhikkhu nissāya akusalaṁ pajahati kusalaṁ bhāveti, pahīnamevassa taṁ akusalaṁ hoti.\nTaṁ hissa bhikkhuno akusalaṁ pahīnaṁ hoti suppahīnaṁ, yaṁsa ariyāya paññāya disvā pahīnaṁ.","en":"Then a mendicant went up to the Buddha, bowed, sat down to one side, and said to him:\n“Sir, they speak of being ‘supported’.\nHow is a mendicant who is supported defined?”\n“Mendicant, if a mendicant supported by faith gives up the unskillful and develops the skillful, the unskillful is actually given up by them.\nIf a mendicant supported by conscience …\nIf a mendicant supported by prudence …\nIf a mendicant supported by energy …\nIf a mendicant supported by wisdom gives up the unskillful and develops the skillful, the unskillful is actually given up by them.\nWhat’s been given up is completely given up when it has been given up by seeing with noble wisdom."}},{"id":"an9.2:2","sourceIds":["an9.2:2.1","an9.2:2.2","an9.2:2.3","an9.2:2.4","an9.2:2.5"],"kind":"text","text":{"pi":"Tena ca pana, bhikkhu, bhikkhunā imesu pañcasu dhammesu patiṭṭhāya cattāro upanissāya vihātabbā.\nKatame cattāro?\nIdha, bhikkhu, bhikkhu saṅkhāyekaṁ paṭisevati, saṅkhāyekaṁ adhivāseti, saṅkhāyekaṁ parivajjeti, saṅkhāyekaṁ vinodeti.\nEvaṁ kho, bhikkhu, bhikkhu nissayasampanno hotī”ti.\nDutiyaṁ.","en":"But then, a mendicant grounded on these five things should rely on four things.\nWhat four?\nAfter appraisal, a mendicant uses some things, endures some things, avoids some things, and dispels some things.\nThat’s how a mendicant is supported.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an9.2/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}