{"id":"an9.72","title":"Shackles of the Heart","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an9.72","title":"Shackles of the Heart","units":[{"id":"an9.72:0","sourceIds":["an9.72:0.1","an9.72:0.2","an9.72:0.3"],"kind":"text","text":{"pi":"Aṅguttara Nikāya 9.72\n7. Satipaṭṭhānavagga\nCetasovinibandhasutta","en":"Numbered Discourses 9.72\n7. Mindfulness Meditation\nShackles of the Heart"}},{"id":"an9.72:1","sourceIds":["an9.72:1.1","an9.72:1.2","an9.72:1.3","an9.72:1.4","an9.72:1.5"],"kind":"text","text":{"pi":"“Pañcime, bhikkhave, cetasovinibandhā.\nKatame pañca?\nIdha, bhikkhave, bhikkhu kāmesu avītarāgo hoti avigatacchando avigatapemo avigatapipāso avigatapariḷāho avigatataṇho.\nYo so, bhikkhave, bhikkhu kāmesu avītarāgo hoti avigatacchando avigatapemo avigatapipāso avigatapariḷāho avigatataṇho, tassa cittaṁ na namati ātappāya anuyogāya sātaccāya padhānāya.\nYassa cittaṁ na namati ātappāya anuyogāya sātaccāya padhānāya, ayaṁ paṭhamo cetasovinibandho.","en":"“Mendicants, there are these five shackles of the heart.\nWhat five?\nFirstly, a mendicant isn’t free of greed, desire, fondness, thirst, passion, and craving for sensual pleasures.\nThis being so, their mind doesn’t incline toward keenness, commitment, persistence, and striving.\nThis is the first shackle of the heart."}},{"id":"an9.72:2","sourceIds":["an9.72:2.1","an9.72:2.2","an9.72:2.3","an9.72:2.4","an9.72:2.5","an9.72:2.6","an9.72:2.7"],"kind":"text","text":{"pi":"Puna caparaṁ, bhikkhave, bhikkhu kāye avītarāgo hoti …pe…\nrūpe avītarāgo hoti …\nyāvadatthaṁ udarāvadehakaṁ bhuñjitvā seyyasukhaṁ passasukhaṁ middhasukhaṁ anuyutto viharati …\naññataraṁ devanikāyaṁ paṇidhāya brahmacariyaṁ carati: ‘imināhaṁ sīlena vā vatena vā tapena vā brahmacariyena vā devo vā bhavissāmi devaññataro vā’ti.\nYo so, bhikkhave, bhikkhu aññataraṁ devanikāyaṁ paṇidhāya brahmacariyaṁ carati: ‘imināhaṁ sīlena vā vatena vā tapena vā brahmacariyena vā devo vā bhavissāmi devaññataro vā’ti, tassa cittaṁ na namati ātappāya anuyogāya sātaccāya padhānāya.\nYassa cittaṁ na namati ātappāya anuyogāya sātaccāya padhānāya, ayaṁ pañcamo cetasovinibandho.\nIme kho, bhikkhave, pañca cetasovinibandhā.","en":"Furthermore, a mendicant isn’t free of greed for the body …\nThey’re not free of greed for form …\nThey eat as much as they like until their belly is full, then indulge in the pleasures of sleeping, lying down, and drowsing …\nThey lead the spiritual life wishing to be reborn in one of the orders of gods: ‘By this precept or observance or fervent austerity or spiritual practice, may I become one of the gods!’\nThis being so, their mind doesn’t incline toward keenness, commitment, persistence, and striving.\nThis is the fifth shackle of the heart.\nThese are the five shackles of the heart."}},{"id":"an9.72:3","sourceIds":["an9.72:3.1","an9.72:3.2","an9.72:3.3","an9.72:3.4","an9.72:3.5","an9.72:3.6","an9.72:3.7","an9.72:3.8","an9.72:3.9"],"kind":"text","text":{"pi":"Imesaṁ kho, bhikkhave, pañcannaṁ cetasovinibandhānaṁ pahānāya cattāro satipaṭṭhānā bhāvetabbā.\nKatame cattāro?\nIdha, bhikkhave, bhikkhu kāye kāyānupassī viharati ātāpī sampajāno satimā vineyya loke abhijjhādomanassaṁ;\nvedanāsu …pe…\ncitte …\ndhammesu dhammānupassī viharati ātāpī sampajāno satimā vineyya loke abhijjhādomanassaṁ.\nImesaṁ kho, bhikkhave, pañcannaṁ cetasovinibandhānaṁ pahānāya ime cattāro satipaṭṭhānā bhāvetabbā”ti.\nDasamaṁ.\nSatipaṭṭhānavaggo dutiyo.","en":"To give up these five shackles of the heart you should develop the four kinds of mindfulness meditation.\nWhat four?\nIt’s when a mendicant meditates by observing an aspect of the body—keen, aware, and mindful, rid of covetousness and displeasure for the world.\nThey meditate observing an aspect of feelings …\nThey meditate observing an aspect of the mind …\nThey meditate observing an aspect of principles—keen, aware, and mindful, rid of covetousness and displeasure for the world.\nTo give up these five shackles of the heart you should develop these four kinds of mindfulness meditation.”"}},{"id":"an9.72:4","sourceIds":["an9.72:4.0","an9.72:4.1","an9.72:4.2","an9.72:4.3","an9.72:4.4"],"kind":"text","text":{"pi":"Tassuddānaṁ\nSikkhā nīvaraṇākāmā,\nKhandhā ca orambhāgiyā gati;\nMaccheraṁ uddhambhāgiyā aṭṭhamaṁ,\nCetokhilā vinibandhāti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an9.72/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}