{"id":"cnd22","title":"18. Pārāyanānugītigāthāniddesa","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"cnd22","title":"18. Pārāyanānugītigāthāniddesa","units":[{"id":"cnd22:0","sourceIds":["cnd22:0.1","cnd22:0.2","cnd22:0.3"],"kind":"text","text":{"pi":"Cūḷaniddesa\nPārāyanavagganiddesa\n18. Pārāyanānugītigāthāniddesa"}},{"id":"cnd22:1","sourceIds":["cnd22:1.1","cnd22:1.2","cnd22:1.3","cnd22:1.4","cnd22:1.5","cnd22:1.6"],"kind":"text","text":{"pi":"Pārāyanamanugāyissaṁ,\n(iccāyasmā piṅgiyo)\nYathāddakkhi tathākkhāsi;\nVimalo bhūrimedhaso,\nNikkāmo nibbano nāgo;\nKissa hetu musā bhaṇe."}},{"id":"cnd22:2","sourceIds":["cnd22:2.1","cnd22:2.2","cnd22:2.3","cnd22:2.4","cnd22:2.5","cnd22:2.6","cnd22:2.7","cnd22:2.8","cnd22:2.9"],"kind":"text","text":{"pi":"Pārāyanamanugāyissanti gītamanugāyissaṁ kathitamanukathayissaṁ bhaṇitamanubhaṇissaṁ lapitamanulapissaṁ bhāsitamanubhāsissanti—\npārāyanamanugāyissaṁ.\nIccāyasmā piṅgiyoti.\nIccāti padasandhi …pe… padānupubbatāpetaṁ—\niccāti.\nĀyasmāti piyavacanaṁ garuvacanaṁ sagāravasappatissādhivacanametaṁ—\nāyasmāti.\nPiṅgiyoti tassa therassa nāmaṁ saṅkhā samaññā paññatti vohāro nāmaṁ nāmakammaṁ nāmadheyyaṁ nirutti byañjanaṁ abhilāpoti—\niccāyasmā piṅgiyo."}},{"id":"cnd22:3","sourceIds":["cnd22:3.1","cnd22:3.2","cnd22:3.3","cnd22:3.4","cnd22:3.5","cnd22:3.6"],"kind":"text","text":{"pi":"Yathāddakkhi tathākkhāsīti yathā addakkhi tathā akkhāsi ācikkhi desesi paññapesi paṭṭhapesi vivari vibhaji uttānīakāsi pakāsesi.\n“Sabbe saṅkhārā aniccā”ti yathā addakkhi tathā akkhāsi ācikkhi desesi paññapesi paṭṭhapesi vivari vibhaji uttānīakāsi pakāsesi.\n“Sabbe saṅkhārā dukkhā”ti …pe…\n“sabbe dhammā anattā”ti …\n“yaṁ kiñci samudayadhammaṁ sabbaṁ taṁ nirodhadhamman”ti yathā addakkhi tathā akkhāsi ācikkhi desesi paññapesi paṭṭhapesi vivari vibhaji uttānīakāsi pakāsesīti—\nyathāddakkhi tathākkhāsi."}},{"id":"cnd22:4","sourceIds":["cnd22:4.1","cnd22:4.2","cnd22:4.3","cnd22:4.4","cnd22:4.5","cnd22:4.6","cnd22:4.7","cnd22:4.8","cnd22:4.9","cnd22:4.10","cnd22:4.11"],"kind":"text","text":{"pi":"Vimalo bhūrimedhasoti.\nVimaloti rāgo malaṁ, doso malaṁ, moho malaṁ, kodho …\nupanāho …pe… sabbākusalābhisaṅkhārā malā.\nTe malā buddhassa bhagavato pahīnā ucchinnamūlā tālāvatthukatā anabhāvaṅkatā āyatiṁ anuppādadhammā.\nAmalo buddho vimalo nimmalo malāpagato malavippahīno malavimutto sabbamalavītivatto.\nBhūri vuccati pathavī.\nBhagavā tāya pathavisamāya paññāya vipulāya vitthatāya samannāgato.\nMedhā vuccati paññā.\nYā paññā pajānanā …pe… amoho dhammavicayo sammādiṭṭhi.\nBhagavā imāya medhāya paññāya upeto samupeto upāgato samupāgato upapanno samupapanno samannāgato, tasmā buddho sumedhasoti—\nvimalo bhūrimedhaso."}},{"id":"cnd22:5","sourceIds":["cnd22:5.1","cnd22:5.2","cnd22:5.3","cnd22:5.4","cnd22:5.5","cnd22:5.6","cnd22:5.7","cnd22:5.8","cnd22:5.9","cnd22:5.10","cnd22:5.11"],"kind":"text","text":{"pi":"Nikkāmo nibbano nāgoti.\nKāmāti uddānato dve kāmā—\nvatthukāmā ca kilesakāmā ca …pe…\nime vuccanti vatthukāmā …pe…\nime vuccanti kilesakāmā.\nBuddhassa bhagavato vatthukāmā pariññātā kilesakāmā pahīnā vatthukāmānaṁ pariññātattā kilesakāmānaṁ pahīnattā.\nBhagavā na kāme kāmeti na kāme icchati na kāme pattheti na kāme piheti na kāme abhijappati.\nYe kāme kāmenti kāme icchanti kāme patthenti kāme pihenti kāme abhijappanti te kāmakāmino rāgarāgino saññasaññino.\nBhagavā na kāme kāmeti na kāme icchati na kāme pattheti na kāme piheti na kāme abhijappati.\nTasmā buddho akāmo nikkāmo cattakāmo vantakāmo muttakāmo pahīnakāmo paṭinissaṭṭhakāmo vītarāgo vigatarāgo cattarāgo vantarāgo muttarāgo pahīnarāgo paṭinissaṭṭharāgo nicchāto nibbuto sītibhūto sukhappaṭisaṁvedī brahmabhūtena attanā viharatīti—\nnikkāmo."}},{"id":"cnd22:6","sourceIds":["cnd22:6.1","cnd22:6.2","cnd22:6.3","cnd22:6.4","cnd22:6.5","cnd22:6.6","cnd22:6.7","cnd22:6.8"],"kind":"text","text":{"pi":"Nibbanoti rāgo vanaṁ, doso vanaṁ, moho vanaṁ, kodho vanaṁ, upanāho vanaṁ …pe…\nsabbākusalābhisaṅkhārā vanā.\nTe vanā buddhassa bhagavato pahīnā ucchinnamūlā tālāvatthukatā anabhāvaṅkatā āyatiṁ anuppādadhammā.\nTasmā buddho avano vivano nibbano vanāpagato vanavippahīno vanavimutto sabbavanavītivattoti—\nnibbano.\nNāgoti nāgo;\nbhagavā āguṁ na karotīti nāgo, na gacchatīti nāgo, na āgacchatīti nāgo …pe… evaṁ bhagavā na āgacchatīti nāgoti—\nnikkāmo nibbano nāgo."}},{"id":"cnd22:7","sourceIds":["cnd22:7.1","cnd22:7.2","cnd22:7.3","cnd22:7.4","cnd22:7.5","cnd22:7.6","cnd22:7.7","cnd22:7.8","cnd22:7.9","cnd22:7.10","cnd22:7.11","cnd22:7.12"],"kind":"text","text":{"pi":"Kissa hetu musā bhaṇeti.\nKissa hetūti kissa hetu kiṁhetu kiṅkāraṇā kiṁnidānā kiṁpaccayāti—\nkissa hetu.\nMusā bhaṇeti musā bhaṇeyya katheyya dīpeyya vohareyya;\nmusā bhaṇeti mosavajjaṁ bhaṇeyya, musāvādaṁ bhaṇeyya, anariyavādaṁ bhaṇeyya.\nIdhekacco sabhaggato vā parisaggato vā ñātimajjhagato vā pūgamajjhagato vā rājakulamajjhagato vā abhinīto sakkhipuṭṭho—\n“ehambho purisa, yaṁ jānāsi taṁ vadehī”ti,\nso ajānaṁ vā āha—“jānāmī”ti,\njānaṁ vā āha—“na jānāmī”ti,\napassaṁ vā āha—“passāmī”ti,\npassaṁ vā āha—“na passāmī”ti.\nIti attahetu vā parahetu vā āmisakiñcikkhahetu vā sampajānamusā bhāsati, idaṁ vuccati mosavajjaṁ."}},{"id":"cnd22:8","sourceIds":["cnd22:8.1","cnd22:8.2","cnd22:8.3","cnd22:8.4","cnd22:8.5","cnd22:8.6","cnd22:8.7","cnd22:8.8","cnd22:8.9","cnd22:8.10","cnd22:8.11","cnd22:8.12","cnd22:8.13","cnd22:8.14","cnd22:8.15","cnd22:8.16","cnd22:8.17","cnd22:8.18","cnd22:8.19","cnd22:8.20","cnd22:8.21","cnd22:8.22","cnd22:8.23","cnd22:8.24"],"kind":"text","text":{"pi":"Api ca tīhākārehi musāvādo hoti.\nPubbevassa hoti—\n“musā bhaṇissan”ti, bhaṇantassa hoti—\n“musā bhaṇāmī”ti, bhaṇitassa hoti—\n“musā mayā bhaṇitan”ti—\nimehi tīhākārehi musāvādo hoti.\nApi ca catūhākārehi musāvādo hoti.\nPubbevassa hoti—\n“musā bhaṇissan”ti, bhaṇantassa hoti—\n“musā bhaṇāmī”ti, bhaṇitassa hoti—\n“musā mayā bhaṇitan”ti, vinidhāya diṭṭhiṁ—\nimehi catūhākārehi musāvādo hoti.\nApi ca pañcahākārehi …pe…\nchahākārehi …\nsattahākārehi …\naṭṭhahākārehi musāvādo hoti.\nPubbevassa hoti—\n“musā bhaṇissan”ti, bhaṇantassa hoti—\n“musā bhaṇāmī”ti, bhaṇitassa hoti—\n“musā mayā bhaṇitan”ti, vinidhāya diṭṭhiṁ, vinidhāya khantiṁ, vinidhāya ruciṁ, vinidhāya saññaṁ, vinidhāya bhāvaṁ—\nimehi aṭṭhahākārehi musāvādo hoti mosavajjaṁ.\nKissa hetu musā bhaṇeyya katheyya dīpeyya vohareyyāti—\nkissa hetu musā bhaṇe.\nTenāha thero piṅgiyo—"}},{"id":"cnd22:9","sourceIds":["cnd22:9.1","cnd22:9.2","cnd22:9.3","cnd22:9.4","cnd22:9.5","cnd22:9.6"],"kind":"text","text":{"pi":"“Pārāyanamanugāyissaṁ,\n(iccāyasmā piṅgiyo)\nYathāddakkhi tathākkhāsi;\nVimalo bhūrimedhaso,\nNikkāmo nibbano nāgo;\nKissa hetu musā bhaṇe”ti."}},{"id":"cnd22:10","sourceIds":["cnd22:10.1","cnd22:10.2","cnd22:10.3","cnd22:10.4"],"kind":"text","text":{"pi":"Pahīnamalamohassa,\nmānamakkhappahāyino;\nHandāhaṁ kittayissāmi,\ngiraṁ vaṇṇūpasañhitaṁ."}},{"id":"cnd22:11","sourceIds":["cnd22:11.1","cnd22:11.2"],"kind":"text","text":{"pi":"Pahīnamalamohassāti.\nMalanti rāgo malaṁ, doso malaṁ, moho malaṁ, māno malaṁ, diṭṭhi malaṁ, kileso malaṁ, sabbaduccaritaṁ malaṁ, sabbabhavagāmikammaṁ malaṁ."}},{"id":"cnd22:12","sourceIds":["cnd22:12.1","cnd22:12.2","cnd22:12.3","cnd22:12.4","cnd22:12.5"],"kind":"text","text":{"pi":"Mohoti yaṁ dukkhe aññāṇaṁ …pe… avijjālaṅgī moho akusalamūlaṁ.\nAyaṁ vuccati moho.\nMalañca moho ca buddhassa bhagavato pahīnā ucchinnamūlā tālāvatthukatā anabhāvaṅkatā āyatiṁ anuppādadhammā.\nTasmā buddho pahīnamalamohoti—\npahīnamalamohassa."}},{"id":"cnd22:13","sourceIds":["cnd22:13.1","cnd22:13.2","cnd22:13.3","cnd22:13.4","cnd22:13.5","cnd22:13.6","cnd22:13.7","cnd22:13.8","cnd22:13.9","cnd22:13.10","cnd22:13.11","cnd22:13.12","cnd22:13.13","cnd22:13.14","cnd22:13.15","cnd22:13.16","cnd22:13.17","cnd22:13.18","cnd22:13.19","cnd22:13.20","cnd22:13.21","cnd22:13.22","cnd22:13.23","cnd22:13.24","cnd22:13.25","cnd22:13.26","cnd22:13.27","cnd22:13.28","cnd22:13.29","cnd22:13.30","cnd22:13.31","cnd22:13.32","cnd22:13.33","cnd22:13.34","cnd22:13.35","cnd22:13.36","cnd22:13.37","cnd22:13.38","cnd22:13.39","cnd22:13.40","cnd22:13.41","cnd22:13.42","cnd22:13.43","cnd22:13.44","cnd22:13.45","cnd22:13.46","cnd22:13.47","cnd22:13.48","cnd22:13.49","cnd22:13.50","cnd22:13.51","cnd22:13.52","cnd22:13.53","cnd22:13.54","cnd22:13.55","cnd22:13.56","cnd22:13.57","cnd22:13.58","cnd22:13.59"],"kind":"text","text":{"pi":"Mānamakkhappahāyinoti.\nMānoti ekavidhena māno—\nyā cittassa unnati.\nDuvidhena māno—\nattukkaṁsanamāno,\nparavambhanamāno.\nTividhena māno—\nseyyohamasmīti māno,\nsadisohamasmīti māno,\nhīnohamasmīti māno.\nCatubbidhena māno—\nlābhena mānaṁ janeti,\nyasena mānaṁ janeti,\npasaṁsāya mānaṁ janeti,\nsukhena mānaṁ janeti.\nPañcavidhena māno—\nlābhimhi manāpikānaṁ rūpānanti mānaṁ janeti,\nlābhimhi manāpikānaṁ saddānaṁ …pe…\ngandhānaṁ …\nrasānaṁ …\nphoṭṭhabbānanti mānaṁ janeti.\nChabbidhena māno—\ncakkhusampadāya mānaṁ janeti,\nsotasampadāya …pe…\nghānasampadāya …\njivhāsampadāya …\nkāyasampadāya …\nmanosampadāya mānaṁ janeti.\nSattavidhena māno—\nmāno,\natimāno,\nmānātimāno,\nomāno,\navamāno,\nasmimāno,\nmicchāmāno.\nAṭṭhavidhena māno—\nlābhena mānaṁ janeti,\nalābhena omānaṁ janeti,\nyasena mānaṁ janeti,\nayasena omānaṁ janeti,\npasaṁsāya mānaṁ janeti,\nnindāya omānaṁ janeti,\nsukhena mānaṁ janeti,\ndukkhena omānaṁ janeti.\nNavavidhena māno—\nseyyassa seyyohamasmīti māno,\nseyyassa sadisohamasmīti māno,\nseyyassa hīnohamasmīti māno,\nsadisassa seyyohamasmīti māno,\nsadisassa sadisohamasmīti māno,\nsadisassa hīnohamasmīti māno,\nhīnassa seyyohamasmīti māno,\nhīnassa sadisohamasmīti māno,\nhīnassa hīnohamasmīti māno.\nDasavidhena māno—\nidhekacco mānaṁ janeti jātiyā vā gottena vā kolaputtiyena vā vaṇṇapokkharatāya vā dhanena vā ajjhenena vā kammāyatanena vā sippāyatanena vā vijjāṭṭhānena vā sutena vā paṭibhānena vā aññataraññatarena vā vatthunā.\nYo evarūpo māno maññanā maññitattaṁ unnati unnamo dhajo sampaggāho ketukamyatā cittassa—\nayaṁ vuccati māno."}},{"id":"cnd22:14","sourceIds":["cnd22:14.1","cnd22:14.2","cnd22:14.3","cnd22:14.4","cnd22:14.5"],"kind":"text","text":{"pi":"Makkhoti yo makkho makkhāyanā makkhāyitattaṁ niṭṭhuriyaṁ niṭṭhuriyakammaṁ—\nayaṁ vuccati makkho.\nBuddhassa bhagavato māno ca makkho ca pahīnā ucchinnamūlā tālāvatthukatā anabhāvaṅkatā āyatiṁ anuppādadhammā.\nTasmā buddho mānamakkhappahāyīti—\nmānamakkhappahāyino."}},{"id":"cnd22:15","sourceIds":["cnd22:15.1","cnd22:15.2","cnd22:15.3","cnd22:15.4","cnd22:15.5","cnd22:15.6"],"kind":"text","text":{"pi":"Handāhaṁ kittayissāmi giraṁ vaṇṇūpasañhitanti.\nHandāhanti padasandhi padasaṁsaggo padapāripūrī akkharasamavāyo byañjanasiliṭṭhatā padānupubbatāpetaṁ—\nhandāhanti.\nKittayissāmi giraṁ vaṇṇūpasañhitanti vaṇṇena upetaṁ samupetaṁ upāgataṁ samupāgataṁ upapannaṁ samupapannaṁ samannāgataṁ vācaṁ giraṁ byappathaṁ udīraṇaṁ kittayissāmi desessāmi paññapessāmi paṭṭhapessāmi vivarissāmi vibhajissāmi uttānīkarissāmi pakāsessāmīti—\nhandāhaṁ kittayissāmi giraṁ vaṇṇūpasañhitaṁ.\nTenāha thero piṅgiyo—"}},{"id":"cnd22:16","sourceIds":["cnd22:16.1","cnd22:16.2","cnd22:16.3","cnd22:16.4"],"kind":"text","text":{"pi":"“Pahīnamalamohassa,\nmānamakkhappahāyino;\nHandāhaṁ kittayissāmi,\ngiraṁ vaṇṇūpasañhitan”ti."}},{"id":"cnd22:17","sourceIds":["cnd22:17.1","cnd22:17.2","cnd22:17.3","cnd22:17.4"],"kind":"text","text":{"pi":"Tamonudo buddho samantacakkhu,\nLokantagū sabbabhavātivatto;\nAnāsavo sabbadukkhappahīno,\nSaccavhayo brahme upāsito me."}},{"id":"cnd22:18","sourceIds":["cnd22:18.1","cnd22:18.2","cnd22:18.3","cnd22:18.4","cnd22:18.5","cnd22:18.6","cnd22:18.7"],"kind":"text","text":{"pi":"Tamonudo buddho samantacakkhūti.\nTamonudoti rāgatamaṁ dosatamaṁ mohatamaṁ mānatamaṁ diṭṭhitamaṁ kilesatamaṁ duccaritatamaṁ andhakaraṇaṁ aññāṇakaraṇaṁ paññānirodhikaṁ vighātapakkhikaṁ anibbānasaṁvattanikaṁ nudi panudi pajahi vinodesi byantīakāsi anabhāvaṁ gamesi.\nBuddhoti yo so bhagavā …pe… sacchikā paññatti;\nyadidaṁ buddhoti.\nSamantacakkhu vuccati sabbaññutañāṇaṁ …pe…\ntathāgato tena samantacakkhūti—\ntamonudo buddho samantacakkhu."}},{"id":"cnd22:19","sourceIds":["cnd22:19.1","cnd22:19.2","cnd22:19.3","cnd22:19.4","cnd22:19.5","cnd22:19.6","cnd22:19.7","cnd22:19.8","cnd22:19.9","cnd22:19.10","cnd22:19.11","cnd22:19.12","cnd22:19.13","cnd22:19.14","cnd22:19.15","cnd22:19.16","cnd22:19.17","cnd22:19.18","cnd22:19.19","cnd22:19.20","cnd22:19.21","cnd22:19.22","cnd22:19.23","cnd22:19.24","cnd22:19.25","cnd22:19.26","cnd22:19.27","cnd22:19.28","cnd22:19.29","cnd22:19.30"],"kind":"text","text":{"pi":"Lokantagū sabbabhavātivattoti.\nLokoti eko loko—\nbhavaloko.\nDve lokā—\nbhavaloko ca sambhavaloko ca;\nsampattibhavaloko ca sampattisambhavaloko ca;\nvipattibhavaloko ca vipattisambhavaloko ca.\nTayo lokā—\ntisso vedanā.\nCattāro lokā—\ncattāro āhārā.\nPañca lokā—\npañcupādānakkhandhā.\nCha lokā—\ncha ajjhattikāni āyatanāni.\nSatta lokā—\nsattaviññāṇaṭṭhitiyo.\nAṭṭha lokā—\naṭṭha lokadhammā.\nNava lokā—\nnava sattāvāsā.\nDasa lokā—\ndasa āyatanāni.\nDvādasa lokā—\ndvādasāyatanāni.\nAṭṭhārasa lokā—\naṭṭhārasa dhātuyo.\nLokantagūti bhagavā lokassa antagato antappatto koṭigato koṭippatto … nibbānagato nibbānappatto.\nSo vutthavāso ciṇṇacaraṇo … jātimaraṇasaṁsāro natthi tassa punabbhavoti—\nlokantagū."}},{"id":"cnd22:20","sourceIds":["cnd22:20.1","cnd22:20.2","cnd22:20.3","cnd22:20.4","cnd22:20.5","cnd22:20.6","cnd22:20.7","cnd22:20.8","cnd22:20.9","cnd22:20.10","cnd22:20.11"],"kind":"text","text":{"pi":"Sabbabhavātivattoti.\nBhavāti dve bhavā—\nkammabhavo ca paṭisandhiko ca punabbhavo.\nKatamo kammabhavo?\nPuññābhisaṅkhāro apuññābhisaṅkhāro āneñjābhisaṅkhāro—\nayaṁ kammabhavo.\nKatamo paṭisandhiko punabbhavo?\nPaṭisandhikā rūpā vedanā saññā saṅkhārā viññāṇaṁ—\nayaṁ paṭisandhiko punabbhavo.\nBhagavā kammabhavañca paṭisandhikañca punabbhavaṁ ativatto atikkanto vītivattoti—\nlokantagū sabbabhavātivatto."}},{"id":"cnd22:21","sourceIds":["cnd22:21.1","cnd22:21.2","cnd22:21.3","cnd22:21.4","cnd22:21.5","cnd22:21.6","cnd22:21.7","cnd22:21.8","cnd22:21.9"],"kind":"text","text":{"pi":"Anāsavo sabbadukkhappahīnoti.\nAnāsavoti cattāro āsavā—\nkāmāsavo, bhavāsavo, diṭṭhāsavo, avijjāsavo.\nTe āsavā buddhassa bhagavato pahīnā ucchinnamūlā tālāvatthukatā anabhāvaṅkatā āyatiṁ anuppādadhammā.\nTasmā buddho anāsavo.\nSabbadukkhappahīnoti sabbaṁ tassa paṭisandhikaṁ jātidukkhaṁ jarādukkhaṁ byādhidukkhaṁ maraṇadukkhaṁ sokaparidevadukkhadomanassupāyāsadukkhaṁ …pe…\ndiṭṭhibyasanadukkhaṁ pahīnaṁ samucchinnaṁ vūpasantaṁ paṭippassaddhaṁ abhabbuppattikaṁ ñāṇagginā daḍḍhaṁ.\nTasmā buddho sabbadukkhappahīnoti—\nanāsavo sabbadukkhappahīno."}},{"id":"cnd22:22","sourceIds":["cnd22:22.1","cnd22:22.2","cnd22:22.3","cnd22:22.4","cnd22:22.5","cnd22:22.6"],"kind":"text","text":{"pi":"Saccavhayo brahme upāsito meti.\nSaccavhayoti saccavhayo sadisanāmo sadisavhayo saccasadisavhayo.\nVipassī bhagavā, sikhī bhagavā, vessabhū bhagavā, kakusandho bhagavā, koṇāgamano bhagavā, kassapo bhagavā.\nTe buddhā bhagavanto sadisanāmā sadisavhayā.\nBhagavāpi sakyamuni tesaṁ buddhānaṁ bhagavantānaṁ sadisanāmo sadisavhayoti—\ntasmā buddho saccavhayo."}},{"id":"cnd22:23","sourceIds":["cnd22:23.1","cnd22:23.2","cnd22:23.3"],"kind":"text","text":{"pi":"Brahme upāsito meti so mayā bhagavā āsito upāsito payirupāsito paripucchito paripañhitoti—\nsaccavhayo brahme upāsito me.\nTenāha thero piṅgiyo—"}},{"id":"cnd22:24","sourceIds":["cnd22:24.1","cnd22:24.2","cnd22:24.3","cnd22:24.4"],"kind":"text","text":{"pi":"“Tamonudo buddho samantacakkhu,\nLokantagū sabbabhavātivatto;\nAnāsavo sabbadukkhappahīno,\nSaccavhayo brahme upāsito me”ti."}},{"id":"cnd22:25","sourceIds":["cnd22:25.1","cnd22:25.2","cnd22:25.3","cnd22:25.4"],"kind":"text","text":{"pi":"Dijo yathā kubbanakaṁ pahāya,\nBahupphalaṁ kānanamāvaseyya;\nEvamahaṁ appadasse pahāya,\nMahodadhiṁ haṁsoriva ajjhapatto."}},{"id":"cnd22:26","sourceIds":["cnd22:26.1","cnd22:26.2","cnd22:26.3","cnd22:26.4","cnd22:26.5","cnd22:26.6","cnd22:26.7","cnd22:26.8"],"kind":"text","text":{"pi":"Dijo yathā kubbanakaṁ pahāya, bahupphalaṁ kānanamāvaseyyāti.\nDijo vuccati pakkhī.\nKiṅkāraṇā dijo vuccati pakkhī?\nDvikkhattuṁ jāyatīti dijo, mātukucchimhā ca aṇḍakosamhā ca.\nTaṅkāraṇā dijo vuccati pakkhīti—\ndijo.\nYathā kubbanakaṁ pahāyāti yathā dijo kubbanakaṁ parittavanakaṁ appaphalaṁ appabhakkhaṁ appodakaṁ pahāya jahitvā atikkamitvā samatikkamitvā vītivattetvā aññaṁ bahupphalaṁ bahubhakkhaṁ bahūdakaṁ mahantaṁ kānanaṁ vanasaṇḍaṁ adhigaccheyya vindeyya paṭilabheyya, tasmiñca vanasaṇḍe vāsaṁ kappeyyāti—\ndijo yathā kubbanakaṁ pahāya bahupphalaṁ kānanaṁ āvaseyya."}},{"id":"cnd22:27","sourceIds":["cnd22:27.1","cnd22:27.2","cnd22:27.3","cnd22:27.4","cnd22:27.5","cnd22:27.6","cnd22:27.7"],"kind":"text","text":{"pi":"Evamahaṁ appadasse pahāya, mahodadhiṁ haṁsoriva ajjhapattoti.\nEvanti opammasampaṭipādanaṁ.\nAppadasse pahāyāti yo ca bāvarī brāhmaṇo ye caññe tassa ācariyā buddhaṁ bhagavantaṁ upādāya appadassā parittadassā thokadassā omakadassā lāmakadassā chatukkadassā vā.\nTe appadasse parittadasse thokadasse omakadasse lāmakadasse chatukkadasse pahāya pajahitvā atikkamitvā samatikkamitvā vītivattetvā buddhaṁ bhagavantaṁ appamāṇadassaṁ aggadassaṁ seṭṭhadassaṁ viseṭṭhadassaṁ pāmokkhadassaṁ uttamadassaṁ pavaradassaṁ asamaṁ asamasamaṁ appaṭisamaṁ appaṭibhāgaṁ appaṭipuggalaṁ devātidevaṁ narāsabhaṁ purisasīhaṁ purisanāgaṁ purisājaññaṁ purisanisabhaṁ purisadhorayhaṁ dasabaladhāriṁ adhigacchiṁ vindiṁ paṭilabhiṁ.\nYathā ca haṁso mahantaṁ mānasakaṁ vā saraṁ anotattaṁ vā dahaṁ mahāsamuddaṁ vā akkhobhaṁ amitodakaṁ jalarāsiṁ adhigaccheyya vindeyya paṭilabheyya, evameva buddhaṁ bhagavantaṁ akkhobhaṁ amitatejaṁ pabhinnañāṇaṁ vivaṭacakkhuṁ paññāpabhedakusalaṁ adhigatapaṭisambhidaṁ catuvesārajjappattaṁ suddhādhimuttaṁ setapaccattaṁ advayabhāṇiṁ tādiṁ tathāpaṭiññaṁ aparittaṁ mahantaṁ gambhīraṁ appameyyaṁ duppariyogāhaṁ pahūtaratanaṁ sāgarasamaṁ chaḷaṅgupekkhāya samannāgataṁ atulaṁ vipulaṁ appameyyaṁ, taṁ tādisaṁ pavadataṁ maggavādinaṁ merumiva nagānaṁ garuḷamiva dijānaṁ sīhamiva migānaṁ udadhimiva aṇṇavānaṁ adhigacchiṁ, taṁ satthāraṁ jinapavaraṁ mahesinti—\nevamahaṁ appadasse pahāya mahodadhiṁ haṁsoriva ajjhapatto.\nTenāha thero piṅgiyo—"}},{"id":"cnd22:28","sourceIds":["cnd22:28.1","cnd22:28.2","cnd22:28.3","cnd22:28.4"],"kind":"text","text":{"pi":"“Dijo yathā kubbanakaṁ pahāya,\nBahupphalaṁ kānanamāvaseyya;\nEvamahaṁ appadasse pahāya,\nMahodadhiṁ haṁsoriva ajjhapatto”ti."}},{"id":"cnd22:29","sourceIds":["cnd22:29.1","cnd22:29.2","cnd22:29.3","cnd22:29.4","cnd22:29.5"],"kind":"text","text":{"pi":"Yeme pubbe viyākaṁsu,\nHuraṁ gotamasāsanā;\nIccāsi iti bhavissati,\nSabbaṁ taṁ itihītihaṁ;\nSabbaṁ taṁ takkavaḍḍhanaṁ."}},{"id":"cnd22:30","sourceIds":["cnd22:30.1","cnd22:30.2","cnd22:30.3"],"kind":"text","text":{"pi":"Ye me pubbe viyākaṁsūti.\nYeti yo ca bāvarī brāhmaṇo ye caññe tassa ācariyā, te sakaṁ diṭṭhiṁ sakaṁ khantiṁ sakaṁ ruciṁ sakaṁ laddhiṁ sakaṁ ajjhāsayaṁ sakaṁ adhippāyaṁ byākaṁsu ācikkhiṁsu desayiṁsu paññapiṁsu paṭṭhapiṁsu vivariṁsu vibhajiṁsu uttānīakaṁsu pakāsesunti—\nye me pubbe viyākaṁsu."}},{"id":"cnd22:31","sourceIds":["cnd22:31.1","cnd22:31.2"],"kind":"text","text":{"pi":"Huraṁ gotamasāsanāti huraṁ gotamasāsanā, paraṁ gotamasāsanā, pure gotamasāsanā, paṭhamataraṁ gotamasāsanā buddhasāsanā jinasāsanā tathāgatasāsanā arahantasāsanāti—\nhuraṁ gotamasāsanā."}},{"id":"cnd22:32","sourceIds":["cnd22:32.1","cnd22:32.2"],"kind":"text","text":{"pi":"Iccāsi iti bhavissatīti evaṁ kira āsi, evaṁ kira bhavissatīti—\niccāsi iti bhavissati."}},{"id":"cnd22:33","sourceIds":["cnd22:33.1","cnd22:33.2"],"kind":"text","text":{"pi":"Sabbaṁ taṁ itihītihanti sabbaṁ taṁ itihītihaṁ itikirāya paramparāya piṭakasampadāya takkahetu nayahetu ākāraparivitakkena diṭṭhinijjhānakkhantiyā na sāmaṁ sayamabhiññātaṁ na attapaccakkhaṁ dhammaṁ yaṁ kathayiṁsūti—\nsabbaṁ taṁ itihītihaṁ."}},{"id":"cnd22:34","sourceIds":["cnd22:34.1","cnd22:34.2","cnd22:34.3"],"kind":"text","text":{"pi":"Sabbaṁ taṁ takkavaḍḍhananti sabbaṁ taṁ takkavaḍḍhanaṁ vitakkavaḍḍhanaṁ saṅkappavaḍḍhanaṁ kāmavitakkavaḍḍhanaṁ byāpādavitakkavaḍḍhanaṁ vihiṁsāvitakkavaḍḍhanaṁ ñātivitakkavaḍḍhanaṁ janapadavitakkavaḍḍhanaṁ amarāvitakkavaḍḍhanaṁ parānudayatāpaṭisaṁyuttavitakkavaḍḍhanaṁ lābhasakkārasilokapaṭisaṁyuttavitakkavaḍḍhanaṁ anavaññattipaṭisaṁyuttavitakkavaḍḍhananti—\nsabbaṁ taṁ takkavaḍḍhanaṁ.\nTenāha thero piṅgiyo—"}},{"id":"cnd22:35","sourceIds":["cnd22:35.1","cnd22:35.2","cnd22:35.3","cnd22:35.4","cnd22:35.5"],"kind":"text","text":{"pi":"“Yeme pubbe viyākaṁsu,\nHuraṁ gotamasāsanā;\nIccāsi iti bhavissati,\nSabbaṁ taṁ itihītihaṁ;\nSabbaṁ taṁ takkavaḍḍhanan”ti."}},{"id":"cnd22:36","sourceIds":["cnd22:36.1","cnd22:36.2","cnd22:36.3","cnd22:36.4"],"kind":"text","text":{"pi":"Eko tamonudāsīno,\njutimā so pabhaṅkaro;\nGotamo bhūripaññāṇo,\ngotamo bhūrimedhaso."}},{"id":"cnd22:37","sourceIds":["cnd22:37.1","cnd22:37.2"],"kind":"text","text":{"pi":"Eko tamonudāsīnoti.\nEkoti bhagavā pabbajjasaṅkhātena eko, adutiyaṭṭhena eko, taṇhāya pahānaṭṭhena eko, ekantavītarāgoti eko, ekantavītadosoti eko, ekantavītamohoti eko, ekantanikkilesoti eko, ekāyanamaggaṁ gatoti eko, eko anuttaraṁ sammāsambodhiṁ abhisambuddhoti eko."}},{"id":"cnd22:38","sourceIds":["cnd22:38.1","cnd22:38.2","cnd22:38.3"],"kind":"text","text":{"pi":"Kathaṁ bhagavā pabbajjasaṅkhātena eko?\nBhagavā daharova samāno susu kāḷakeso bhadrena yobbanena samannāgato paṭhamena vayasā akāmakānaṁ mātāpitūnaṁ assumukhānaṁ rodantānaṁ vilapantānaṁ ñātisaṅghaṁ sabbaṁ gharāvāsapalibodhaṁ chinditvā puttadārapalibodhaṁ chinditvā ñātipalibodhaṁ chinditvā mittāmaccapalibodhaṁ chinditvā sannidhipalibodhaṁ chinditvā kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajitvā akiñcanabhāvaṁ upagantvā eko carati viharati iriyati vatteti pāleti yapeti yāpeti.\nEvaṁ bhagavā pabbajjasaṅkhātena eko."}},{"id":"cnd22:39","sourceIds":["cnd22:39.1","cnd22:39.2","cnd22:39.3","cnd22:39.4"],"kind":"text","text":{"pi":"Kathaṁ bhagavā adutiyaṭṭhena eko?\nEvaṁ pabbajito samāno eko araññavanapatthāni pantāni senāsanāni paṭisevati appasaddāni appanigghosāni vijanavātāni manussarāhasseyyakāni paṭisallānasāruppāni.\nSo eko gacchati, eko tiṭṭhati, eko nisīdati, eko seyyaṁ kappeti, eko gāmaṁ piṇḍāya pavisati, eko abhikkamati, eko paṭikkamati, eko raho nisīdati, eko caṅkamaṁ adhiṭṭhāti, eko carati viharati iriyati vatteti pāleti yapeti yāpeti.\nEvaṁ bhagavā adutiyaṭṭhena eko."}},{"id":"cnd22:40","sourceIds":["cnd22:40.1","cnd22:40.2"],"kind":"text","text":{"pi":"Kathaṁ bhagavā taṇhāya pahānaṭṭhena eko?\nSo evaṁ eko adutiyo appamatto ātāpī pahitatto viharanto najjā nerañjarāya tīre bodhirukkhamūle mahāpadhānaṁ padahanto māraṁ sasenaṁ kaṇhaṁ namuciṁ pamattabandhuṁ vidhamitvā taṇhājāliniṁ visaṭaṁ visattikaṁ pajahi vinodesi byantīakāsi anabhāvaṁ gamesi."}},{"id":"cnd22:41","sourceIds":["cnd22:41.1","cnd22:41.2","cnd22:41.3","cnd22:41.4"],"kind":"text","text":{"pi":"“Taṇhādutiyo puriso,\ndīghamaddhāna saṁsaraṁ;\nItthabhāvaññathābhāvaṁ,\nsaṁsāraṁ nātivattati."}},{"id":"cnd22:42","sourceIds":["cnd22:42.1","cnd22:42.2","cnd22:42.3","cnd22:42.4"],"kind":"text","text":{"pi":"Etamādīnavaṁ ñatvā,\nTaṇhaṁ dukkhassa sambhavaṁ;\nVītataṇho anādāno,\nSato bhikkhu paribbaje”ti."}},{"id":"cnd22:43","sourceIds":["cnd22:43.1"],"kind":"text","text":{"pi":"Evaṁ bhagavā taṇhāya pahānaṭṭhena eko."}},{"id":"cnd22:44","sourceIds":["cnd22:44.1","cnd22:44.2"],"kind":"text","text":{"pi":"Kathaṁ bhagavā ekantavītarāgoti eko?\nRāgassa pahīnattā ekantavītarāgoti eko, dosassa pahīnattā ekantavītadosoti eko, mohassa pahīnattā ekantavītamohoti eko, kilesānaṁ pahīnattā ekantanikkilesoti eko."}},{"id":"cnd22:45","sourceIds":["cnd22:45.1","cnd22:45.2","cnd22:45.3"],"kind":"text","text":{"pi":"Kathaṁ bhagavā ekāyanamaggaṁ gatoti eko?\nEkāyanamaggo vuccati cattāro satipaṭṭhānā …pe…\nariyo aṭṭhaṅgiko maggo."}},{"id":"cnd22:46","sourceIds":["cnd22:46.1","cnd22:46.2","cnd22:46.3","cnd22:46.4"],"kind":"text","text":{"pi":"“Ekāyanaṁ jātikhayantadassī,\nMaggaṁ pajānāti hitānukampī;\nEtena maggena tariṁsu pubbe,\nTarissanti ye ca taranti oghan”ti."}},{"id":"cnd22:47","sourceIds":["cnd22:47.1"],"kind":"text","text":{"pi":"Evaṁ bhagavā ekāyanamaggaṁ gatoti eko."}},{"id":"cnd22:48","sourceIds":["cnd22:48.1","cnd22:48.2","cnd22:48.3","cnd22:48.4","cnd22:48.5","cnd22:48.6","cnd22:48.7","cnd22:48.8"],"kind":"text","text":{"pi":"Kathaṁ bhagavā eko anuttaraṁ sammāsambodhiṁ abhisambuddhoti eko.\nBodhi vuccati catūsu maggesu ñāṇaṁ paññā paññindriyaṁ paññābalaṁ dhammavicayasambojjhaṅgo vīmaṁsā vipassanā sammādiṭṭhi.\nBhagavā tena bodhiñāṇena “sabbe saṅkhārā aniccā”ti bujjhi,\n“sabbe saṅkhārā dukkhā”ti bujjhi,\n“sabbe dhammā anattā”ti bujjhi …pe…\n“yaṁ kiñci samudayadhammaṁ sabbaṁ taṁ nirodhadhamman”ti bujjhi.\nAtha vā yaṁ bujjhitabbaṁ anubujjhitabbaṁ paṭibujjhitabbaṁ sambujjhitabbaṁ adhigantabbaṁ phassitabbaṁ sacchikātabbaṁ sabbaṁ taṁ tena bodhiñāṇena bujjhi anubujjhi paṭibujjhi sambujjhi adhigacchi phassesi sacchākāsi.\nEvaṁ bhagavā eko anuttaraṁ sammāsambodhiṁ abhisambuddhoti eko."}},{"id":"cnd22:49","sourceIds":["cnd22:49.1","cnd22:49.2","cnd22:49.3"],"kind":"text","text":{"pi":"Tamonudoti bhagavā rāgatamaṁ dosatamaṁ mohatamaṁ diṭṭhitamaṁ kilesatamaṁ duccaritatamaṁ andhakaraṇaṁ acakkhukaraṇaṁ aññāṇakaraṇaṁ paññānirodhikaṁ vighātapakkhikaṁ anibbānasaṁvattanikaṁ nudi panudi pajahi vinodesi byantīakāsi anabhāvaṁ gamesi.\nĀsīnoti nisinno bhagavā pāsāṇake cetiyeti—\nāsīno."}},{"id":"cnd22:50","sourceIds":["cnd22:50.1","cnd22:50.2","cnd22:50.3","cnd22:50.4"],"kind":"text","text":{"pi":"Nagassa passe āsīnaṁ,\nmuniṁ dukkhassa pāraguṁ;\nSāvakā payirupāsanti,\ntevijjā maccuhāyinoti."}},{"id":"cnd22:51","sourceIds":["cnd22:51.1","cnd22:51.2","cnd22:51.3"],"kind":"text","text":{"pi":"Evampi bhagavā āsīno …pe…\natha vā bhagavā sabbossukkapaṭippassaddhattā āsīno so vutthavāso ciṇṇacaraṇo …pe… jātimaraṇasaṁsāro natthi tassa punabbhavoti, evampi bhagavā āsīnoti—\neko tamonudāsīno."}},{"id":"cnd22:52","sourceIds":["cnd22:52.1","cnd22:52.2","cnd22:52.3","cnd22:52.4"],"kind":"text","text":{"pi":"Jutimā so pabhaṅkaroti.\nJutimāti jutimā matimā paṇḍito paññavā buddhimā ñāṇī vibhāvī medhāvī.\nPabhaṅkaroti pabhaṅkaro ālokakaro obhāsakaro dīpaṅkaro padīpakaro ujjotakaro pajjotakaroti—\njutimā so pabhaṅkaro."}},{"id":"cnd22:53","sourceIds":["cnd22:53.1"],"kind":"text","text":{"pi":"Gotamo bhūripaññāṇoti gotamo bhūripaññāṇo ñāṇapaññāṇo paññādhajo paññāketu paññādhipateyyo vicayabahulo pavicayabahulo okkhāyanabahulo samokkhāyanadhammo vibhūtavihārī taccarito tabbahulo taggaruko tanninno tappoṇo tappabbhāro tadadhimutto tadadhipateyyo."}},{"id":"cnd22:54","sourceIds":["cnd22:54.1","cnd22:54.2","cnd22:54.3","cnd22:54.4"],"kind":"text","text":{"pi":"Dhajo rathassa paññāṇaṁ,\ndhūmo paññāṇamaggino;\nRājā raṭṭhassa paññāṇaṁ,\nbhattā paññāṇamitthiyāti."}},{"id":"cnd22:55","sourceIds":["cnd22:55.1","cnd22:55.2"],"kind":"text","text":{"pi":"Evameva gotamo bhūripaññāṇo ñāṇapaññāṇo paññādhajo paññāketu paññādhipateyyo vicayabahulo pavicayabahulo okkhāyanabahulo samokkhāyanadhammo vibhūtavihārī taccarito tabbahulo taggaruko tanninno tappoṇo tappabbhāro tadadhimutto tadadhipateyyoti—\ngotamo bhūripaññāṇo."}},{"id":"cnd22:56","sourceIds":["cnd22:56.1","cnd22:56.2","cnd22:56.3","cnd22:56.4","cnd22:56.5","cnd22:56.6","cnd22:56.7"],"kind":"text","text":{"pi":"Gotamo bhūrimedhasoti bhūri vuccati pathavī.\nBhagavā tāya pathavisamāya paññāya vipulāya vitthatāya samannāgato.\nMedhā vuccati paññā.\nYā paññā pajānanā …pe… amoho dhammavicayo sammādiṭṭhi.\nBhagavā imāya medhāya upeto samupeto upāgato samupāgato upapanno samupapanno samannāgato, tasmā buddho sumedhasoti—\ngotamo bhūrimedhaso.\nTenāha thero piṅgiyo—"}},{"id":"cnd22:57","sourceIds":["cnd22:57.1","cnd22:57.2","cnd22:57.3","cnd22:57.4"],"kind":"text","text":{"pi":"“Eko tamonudāsīno,\njutimā so pabhaṅkaro;\nGotamo bhūripaññāṇo,\ngotamo bhūrimedhaso”ti."}},{"id":"cnd22:58","sourceIds":["cnd22:58.1","cnd22:58.2","cnd22:58.3","cnd22:58.4"],"kind":"text","text":{"pi":"Yo me dhammamadesesi,\nSandiṭṭhikamakālikaṁ;\nTaṇhakkhayamanītikaṁ,\nYassa natthi upamā kvaci."}},{"id":"cnd22:59","sourceIds":["cnd22:59.1","cnd22:59.2","cnd22:59.3","cnd22:59.4","cnd22:59.5"],"kind":"text","text":{"pi":"Yo me dhammamadesesīti.\nYoti yo so bhagavā sayambhū anācariyako pubbe ananussutesu dhammesu sāmaṁ saccāni abhisambujjhi, tattha ca sabbaññutaṁ patto balesu ca vasībhāvaṁ.\nDhammamadesesīti.\nDhammanti ādikalyāṇaṁ majjhekalyāṇaṁ pariyosānakalyāṇaṁ sātthaṁ sabyañjanaṁ kevalaparipuṇṇaṁ parisuddhaṁ brahmacariyaṁ, cattāro satipaṭṭhāne …pe… ariyaṁ aṭṭhaṅgikaṁ maggaṁ nibbānañca nibbānagāminiñca paṭipadaṁ ācikkhi desesi paññapesi paṭṭhapesi vivari vibhaji uttānīakāsi pakāsesīti—\nyo me dhammamadesesi."}},{"id":"cnd22:60","sourceIds":["cnd22:60.1","cnd22:60.2","cnd22:60.3","cnd22:60.4","cnd22:60.5","cnd22:60.6"],"kind":"text","text":{"pi":"Sandiṭṭhikamakālikanti sandiṭṭhikaṁ akālikaṁ ehipassikaṁ opaneyyikaṁ paccattaṁ veditabbaṁ viññūhīti—\nevaṁ sandiṭṭhikaṁ.\nAtha vā, yo diṭṭheva dhamme ariyaṁ aṭṭhaṅgikaṁ maggaṁ bhāveti, tassa maggassa anantarā samanantarā adhigacchateva phalaṁ vindati paṭilabhatīti, evampi sandiṭṭhikaṁ.\nAkālikanti yathā manussā kālikaṁ dhanaṁ datvā anantarā na labhanti kālaṁ āgamenti, nevāyaṁ dhammo.\nYo diṭṭheva dhamme ariyaṁ aṭṭhaṅgikaṁ maggaṁ bhāveti, tassa maggassa anantarā samanantarā adhigacchateva phalaṁ vindati paṭilabhati, na parattha na paraloke, evaṁ akālikanti—\nsandiṭṭhikamakālikaṁ."}},{"id":"cnd22:61","sourceIds":["cnd22:61.1","cnd22:61.2","cnd22:61.3","cnd22:61.4","cnd22:61.5","cnd22:61.6"],"kind":"text","text":{"pi":"Taṇhakkhayamanītikanti.\nTaṇhāti rūpataṇhā …pe… dhammataṇhā.\nTaṇhakkhayanti taṇhakkhayaṁ rāgakkhayaṁ dosakkhayaṁ mohakkhayaṁ gatikkhayaṁ upapattikkhayaṁ paṭisandhikkhayaṁ bhavakkhayaṁ saṁsārakkhayaṁ vaṭṭakkhayaṁ.\nAnītikanti īti vuccanti kilesā ca khandhā ca abhisaṅkhārā ca.\nĪtippahānaṁ ītivūpasamaṁ ītipaṭinissaggaṁ ītipaṭippassaddhiṁ amataṁ nibbānanti—\ntaṇhakkhayamanītikaṁ."}},{"id":"cnd22:62","sourceIds":["cnd22:62.1","cnd22:62.2","cnd22:62.3","cnd22:62.4","cnd22:62.5","cnd22:62.6"],"kind":"text","text":{"pi":"Yassa natthi upamā kvacīti.\nYassāti nibbānassa.\nNatthi upamāti upamā natthi, upanidhā natthi, sadisaṁ natthi, paṭibhāgo natthi na atthi na saṁvijjati nupalabbhati.\nKvacīti kvaci kimhici katthaci ajjhattaṁ vā bahiddhā vā ajjhattabahiddhā vāti—\nyassa natthi upamā kvaci.\nTenāha thero piṅgiyo—"}},{"id":"cnd22:63","sourceIds":["cnd22:63.1","cnd22:63.2","cnd22:63.3","cnd22:63.4"],"kind":"text","text":{"pi":"“Yo me dhammamadesesi,\nSandiṭṭhikamakālikaṁ;\nTaṇhakkhayamanītikaṁ,\nYassa natthi upamā kvacī”ti."}},{"id":"cnd22:64","sourceIds":["cnd22:64.1","cnd22:64.2","cnd22:64.3","cnd22:64.4"],"kind":"text","text":{"pi":"Kiṁ nu tamhā vippavasasi,\nmuhuttamapi piṅgiya;\nGotamā bhūripaññāṇā,\ngotamā bhūrimedhasā."}},{"id":"cnd22:65","sourceIds":["cnd22:65.1","cnd22:65.2"],"kind":"text","text":{"pi":"Kiṁ nu tamhā vippavasasīti kiṁ nu buddhamhā vippavasasi apesi apagacchasi vinā hosīti—\nkiṁ nu tamhā vippavasasi."}},{"id":"cnd22:66","sourceIds":["cnd22:66.1","cnd22:66.2","cnd22:66.3"],"kind":"text","text":{"pi":"Muhuttamapi piṅgiyāti muhuttampi khaṇampi layampi vayampi addhampīti—\nmuhuttamapi.\nPiṅgiyāti bāvarī taṁ nattāraṁ nāmena ālapati."}},{"id":"cnd22:67","sourceIds":["cnd22:67.1","cnd22:67.2"],"kind":"text","text":{"pi":"Gotamā bhūripaññāṇāti gotamā bhūripaññāṇā ñāṇapaññāṇā paññādhajā paññāketumhā paññādhipateyyamhā vicayabahulā pavicayabahulā okkhāyanabahulā samokkhāyanadhammā vibhūtavihārimhā taccaritā tabbahulā taggarukā tanninnā tappoṇā tappabbhārā tadadhimuttā tadadhipateyyamhāti—\ngotamā bhūripaññāṇā."}},{"id":"cnd22:68","sourceIds":["cnd22:68.1","cnd22:68.2","cnd22:68.3","cnd22:68.4","cnd22:68.5","cnd22:68.6","cnd22:68.7"],"kind":"text","text":{"pi":"Gotamā bhūrimedhasāti bhūri vuccati pathavī.\nBhagavā tāya pathavisamāya paññāya vipulāya vitthatāya samannāgato.\nMedhā vuccati paññā.\nYā paññā pajānanā …pe… amoho dhammavicayo sammādiṭṭhi.\nBhagavā imāya medhāya paññāya upeto samupeto upāgato samupāgato upapanno samupapanno samannāgato, tasmā buddho sumedhasoti—\ngotamā bhūrimedhasā.\nTenāha so brāhmaṇo—"}},{"id":"cnd22:69","sourceIds":["cnd22:69.1","cnd22:69.2","cnd22:69.3","cnd22:69.4"],"kind":"text","text":{"pi":"“Kiṁ nu tamhā vippavasasi,\nmuhuttamapi piṅgiya;\nGotamā bhūripaññāṇā,\ngotamā bhūrimedhasā”ti."}},{"id":"cnd22:70","sourceIds":["cnd22:70.1","cnd22:70.2","cnd22:70.3","cnd22:70.4"],"kind":"text","text":{"pi":"Yo te dhammamadesesi,\nSandiṭṭhikamakālikaṁ;\nTaṇhakkhayamanītikaṁ,\nYassa natthi upamā kvaci."}},{"id":"cnd22:71","sourceIds":["cnd22:71.1","cnd22:71.2","cnd22:71.3","cnd22:71.4"],"kind":"text","text":{"pi":"Yo te dhammamadesesīti yo so bhagavā …pe…\ntattha ca sabbaññutaṁ patto balesu ca vasībhāvaṁ.\nDhammamadesesīti dhammanti ādikalyāṇaṁ majjhekalyāṇaṁ …pe… nibbānañca nibbānagāminiñca paṭipadaṁ ācikkhi desesi paññapesi paṭṭhapesi vivari vibhaji uttānīakāsi pakāsesīti—\nyo te dhammamadesesi."}},{"id":"cnd22:72","sourceIds":["cnd22:72.1","cnd22:72.2","cnd22:72.3","cnd22:72.4","cnd22:72.5","cnd22:72.6","cnd22:72.7","cnd22:72.8"],"kind":"text","text":{"pi":"Sandiṭṭhikamakālikanti sandiṭṭhikaṁ akālikaṁ ehipassikaṁ opaneyyikaṁ paccattaṁ veditabbaṁ viññūhīti—\nevaṁ sandiṭṭhikaṁ.\nAtha vā, yo diṭṭheva dhamme ariyaṁ aṭṭhaṅgikaṁ maggaṁ bhāveti, tassa maggassa anantarā samanantarā adhigacchateva phalaṁ vindati paṭilabhatīti—\nevampi sandiṭṭhikaṁ.\nAkālikanti yathā manussā kālikaṁ dhanaṁ datvā anantarā na labhanti, kālaṁ āgamenti, nevāyaṁ dhammo.\nYo diṭṭheva dhamme ariyaṁ aṭṭhaṅgikaṁ maggaṁ bhāveti;\ntassa maggassa anantarā samanantarā adhigacchateva phalaṁ vindati paṭilabhati, na parattha na paraloke, evaṁ akālikanti—\nsandiṭṭhikamakālikaṁ."}},{"id":"cnd22:73","sourceIds":["cnd22:73.1","cnd22:73.2","cnd22:73.3","cnd22:73.4","cnd22:73.5","cnd22:73.6"],"kind":"text","text":{"pi":"Taṇhakkhayamanītikanti.\nTaṇhāti rūpataṇhā …pe… dhammataṇhā.\nTaṇhakkhayanti taṇhakkhayaṁ rāgakkhayaṁ dosakkhayaṁ mohakkhayaṁ gatikkhayaṁ upapattikkhayaṁ paṭisandhikkhayaṁ bhavakkhayaṁ saṁsārakkhayaṁ vaṭṭakkhayaṁ.\nAnītikanti īti vuccanti kilesā ca khandhā ca abhisaṅkhārā ca.\nĪtippahānaṁ ītivūpasamaṁ ītipaṭinissaggaṁ ītipaṭippassaddhiṁ amataṁ nibbānanti—\ntaṇhakkhayamanītikaṁ."}},{"id":"cnd22:74","sourceIds":["cnd22:74.1","cnd22:74.2","cnd22:74.3","cnd22:74.4","cnd22:74.5","cnd22:74.6"],"kind":"text","text":{"pi":"Yassa natthi upamā kvacīti.\nYassāti nibbānassa.\nNatthi upamāti upamā natthi, upanidhā natthi, sadisaṁ natthi, paṭibhāgo natthi na atthi na saṁvijjati nupalabbhati.\nKvacīti kvaci kimhici katthaci ajjhattaṁ vā bahiddhā vā ajjhattabahiddhā vāti—\nyassa natthi upamā kvaci.\nTenāha so brāhmaṇo—"}},{"id":"cnd22:75","sourceIds":["cnd22:75.1","cnd22:75.2","cnd22:75.3","cnd22:75.4"],"kind":"text","text":{"pi":"“Yo te dhammamadesesi,\nSandiṭṭhikamakālikaṁ;\nTaṇhakkhayamanītikaṁ,\nYassa natthi upamā kvacī”ti."}},{"id":"cnd22:76","sourceIds":["cnd22:76.1","cnd22:76.2","cnd22:76.3","cnd22:76.4"],"kind":"text","text":{"pi":"Nāhaṁ tamhā vippavasāmi,\nMuhuttamapi brāhmaṇa;\nGotamā bhūripaññāṇā,\nGotamā bhūrimedhasā."}},{"id":"cnd22:77","sourceIds":["cnd22:77.1","cnd22:77.2"],"kind":"text","text":{"pi":"Nāhaṁ tamhā vippavasāmīti nāhaṁ buddhamhā vippavasāmi apemi apagacchāmi vinā homīti—\nnāhaṁ tamhā vippavasāmi."}},{"id":"cnd22:78","sourceIds":["cnd22:78.1","cnd22:78.2"],"kind":"text","text":{"pi":"Muhuttamapi brāhmaṇāti muhuttampi khaṇampi layampi vayampi addhampīti muhuttamapi.\nBrāhmaṇāti gāravena mātulaṁ ālapati."}},{"id":"cnd22:79","sourceIds":["cnd22:79.1","cnd22:79.2"],"kind":"text","text":{"pi":"Gotamā bhūripaññāṇāti gotamā bhūripaññāṇā ñāṇapaññāṇā paññādhajā paññāketumhā paññādhipateyyamhā vicayabahulā pavicayabahulā okkhāyanabahulā samokkhāyanadhammā vibhūtavihārimhā taccaritā tabbahulā taggarukā tanninnā tappoṇā tappabbhārā tadadhimuttā tadadhipateyyamhāti—\ngotamā bhūripaññāṇā."}},{"id":"cnd22:80","sourceIds":["cnd22:80.1","cnd22:80.2","cnd22:80.3","cnd22:80.4","cnd22:80.5","cnd22:80.6","cnd22:80.7","cnd22:80.8"],"kind":"text","text":{"pi":"Gotamā bhūrimedhasāti bhūri vuccati pathavī.\nBhagavā tāya pathavisamāya paññāya vipulāya vitthatāya samannāgato.\nMedhā vuccati paññā.\nYā paññā pajānanā …pe… amoho dhammavicayo sammādiṭṭhi.\nBhagavā imāya medhāya paññāya upeto samupeto upāgato samupāgato upapanno samupapanno samannāgato.\nTasmā buddho sumedhasoti—\ngotamā bhūrimedhasā.\nTenāha thero piṅgiyo—"}},{"id":"cnd22:81","sourceIds":["cnd22:81.1","cnd22:81.2","cnd22:81.3","cnd22:81.4"],"kind":"text","text":{"pi":"“Nāhaṁ tamhā vippavasāmi,\nmuhuttamapi brāhmaṇa;\nGotamā bhūripaññāṇā,\ngotamā bhūrimedhasā”ti."}},{"id":"cnd22:82","sourceIds":["cnd22:82.1","cnd22:82.2","cnd22:82.3","cnd22:82.4"],"kind":"text","text":{"pi":"Yo me dhammamadesesi,\nSandiṭṭhikamakālikaṁ;\nTaṇhakkhayamanītikaṁ,\nYassa natthi upamā kvaci."}},{"id":"cnd22:83","sourceIds":["cnd22:83.1","cnd22:83.2","cnd22:83.3","cnd22:83.4"],"kind":"text","text":{"pi":"Yo me dhammamadesesīti yo so bhagavā sayambhū anācariyako pubbe ananussutesu dhammesu sāmaṁ saccāni abhisambujjhi, tattha ca sabbaññutaṁ patto balesu ca vasībhāvaṁ.\nDhammamadesesīti.\nDhammanti ādikalyāṇaṁ majjhekalyāṇaṁ pariyosānakalyāṇaṁ sātthaṁ sabyañjanaṁ kevalaparipuṇṇaṁ parisuddhaṁ brahmacariyaṁ, cattāro satipaṭṭhāne cattāro sammappadhāne cattāro iddhipāde pañcindriyāni pañca balāni satta bojjhaṅge ariyaṁ aṭṭhaṅgikaṁ maggaṁ nibbānañca nibbānagāminiñca paṭipadaṁ ācikkhi desesi paññapesi paṭṭhapesi vivari vibhaji uttānīakāsi pakāsesīti—\nyo me dhammamadesesi."}},{"id":"cnd22:84","sourceIds":["cnd22:84.1","cnd22:84.2","cnd22:84.3","cnd22:84.4","cnd22:84.5"],"kind":"text","text":{"pi":"Sandiṭṭhikamakālikanti sandiṭṭhikaṁ akālikaṁ ehipassikaṁ opaneyyikaṁ paccattaṁ veditabbaṁ viññūhīti, evaṁ sandiṭṭhikaṁ.\nAtha vā yo diṭṭheva dhamme ariyaṁ aṭṭhaṅgikaṁ maggaṁ bhāveti, tassa maggassa anantarā samanantarā adhigacchateva phalaṁ vindati paṭilabhatīti, evampi sandiṭṭhikaṁ.\nAkālikanti yathā manussā kālikaṁ dhanaṁ datvā anantarā na labhanti, kālaṁ āgamenti, nevāyaṁ dhammo.\nYo diṭṭheva dhamme ariyaṁ aṭṭhaṅgikaṁ maggaṁ bhāveti, tassa maggassa anantarā samanantarā adhigacchateva phalaṁ vindati paṭilabhati, na parattha na paraloke, evaṁ akālikanti—\nsandiṭṭhikamakālikaṁ."}},{"id":"cnd22:85","sourceIds":["cnd22:85.1","cnd22:85.2","cnd22:85.3","cnd22:85.4","cnd22:85.5","cnd22:85.6"],"kind":"text","text":{"pi":"Taṇhakkhayamanītikanti.\nTaṇhāti rūpataṇhā …pe… dhammataṇhā.\nTaṇhakkhayanti taṇhakkhayaṁ rāgakkhayaṁ dosakkhayaṁ mohakkhayaṁ gatikkhayaṁ upapattikkhayaṁ paṭisandhikkhayaṁ bhavakkhayaṁ saṁsārakkhayaṁ vaṭṭakkhayaṁ.\nAnītikanti īti vuccanti kilesā ca khandhā ca abhisaṅkhārā ca.\nĪtippahānaṁ ītivūpasamaṁ ītipaṭippassaddhiṁ amataṁ nibbānanti—\ntaṇhakkhayamanītikaṁ."}},{"id":"cnd22:86","sourceIds":["cnd22:86.1","cnd22:86.2","cnd22:86.3","cnd22:86.4","cnd22:86.5","cnd22:86.6"],"kind":"text","text":{"pi":"Yassa natthi upamā kvacīti.\nYassāti nibbānassa.\nNatthi upamāti upamā natthi, upanidhā natthi, sadisaṁ natthi, paṭibhāgo natthi na atthi na saṁvijjati nupalabbhati.\nKvacīti kvaci kimhici katthaci ajjhattaṁ vā bahiddhā vā ajjhattabahiddhā vāti—\nyassa natthi upamā kvaci.\nTenāha thero piṅgiyo—"}},{"id":"cnd22:87","sourceIds":["cnd22:87.1","cnd22:87.2","cnd22:87.3","cnd22:87.4"],"kind":"text","text":{"pi":"“Yo me dhammamadesesi,\nSandiṭṭhikamakālikaṁ;\nTaṇhakkhayamanītikaṁ,\nYassa natthi upamā kvacī”ti."}},{"id":"cnd22:88","sourceIds":["cnd22:88.1","cnd22:88.2","cnd22:88.3","cnd22:88.4"],"kind":"text","text":{"pi":"Passāmi naṁ manasā cakkhunāva,\nRattindivaṁ brāhmaṇa appamatto;\nNamassamāno vivasemi rattiṁ,\nTeneva maññāmi avippavāsaṁ."}},{"id":"cnd22:89","sourceIds":["cnd22:89.1","cnd22:89.2"],"kind":"text","text":{"pi":"Passāmi naṁ manasā cakkhunāvāti yathā cakkhumā puriso āloke rūpagatāni passeyya dakkheyya olokeyya nijjhāyeyya upaparikkheyya, evamevāhaṁ buddhaṁ bhagavantaṁ manasā passāmi dakkhāmi olokemi nijjhāyāmi upaparikkhāmīti—\npassāmi naṁ manasā cakkhunāva."}},{"id":"cnd22:90","sourceIds":["cnd22:90.1","cnd22:90.2"],"kind":"text","text":{"pi":"Rattindivaṁ brāhmaṇa appamattoti rattiñca divā ca buddhānussatiṁ manasā bhāvento appamattoti—\nrattindivaṁ brāhmaṇa appamatto."}},{"id":"cnd22:91","sourceIds":["cnd22:91.1","cnd22:91.2","cnd22:91.3"],"kind":"text","text":{"pi":"Namassamāno vivasemi rattinti.\nNamassamānoti kāyena vā namassamāno, vācāya vā namassamāno, cittena vā namassamāno, anvatthapaṭipattiyā vā namassamāno, dhammānudhammapaṭipattiyā vā namassamāno sakkāramāno garukāramāno mānayamāno pūjayamāno rattindivaṁ vivasemi atināmemi atikkamemīti—\nnamassamāno vivasemi rattiṁ."}},{"id":"cnd22:92","sourceIds":["cnd22:92.1","cnd22:92.2","cnd22:92.3","cnd22:92.4"],"kind":"text","text":{"pi":"Teneva maññāmi avippavāsanti tāya buddhānussatiyā bhāvento avippavāsoti taṁ maññāmi, avippavuṭṭhoti taṁ maññāmi jānāmi.\nEvaṁ jānāmi evaṁ ājānāmi evaṁ vijānāmi evaṁ paṭivijānāmi evaṁ paṭivijjhāmīti—\nteneva maññāmi avippavāsaṁ.\nTenāha thero piṅgiyo—"}},{"id":"cnd22:93","sourceIds":["cnd22:93.1","cnd22:93.2","cnd22:93.3","cnd22:93.4"],"kind":"text","text":{"pi":"“Passāmi naṁ manasā cakkhunāva,\nRattindivaṁ brāhmaṇa appamatto;\nNamassamāno vivasemi rattiṁ,\nTeneva maññāmi avippavāsan”ti."}},{"id":"cnd22:94","sourceIds":["cnd22:94.1","cnd22:94.2","cnd22:94.3","cnd22:94.4"],"kind":"text","text":{"pi":"Saddhā ca pīti ca mano sati ca,\nNāpentime gotamasāsanamhā;\nYaṁ yaṁ disaṁ vajati bhūripañño,\nSa tena teneva natohamasmi."}},{"id":"cnd22:95","sourceIds":["cnd22:95.1","cnd22:95.2","cnd22:95.3","cnd22:95.4","cnd22:95.5","cnd22:95.6"],"kind":"text","text":{"pi":"Saddhā ca pīti ca mano sati cāti.\nSaddhāti yā ca bhagavantaṁ ārabbha saddhā saddahanā okappanā abhippasādo saddhā saddhindriyaṁ saddhābalaṁ.\nPītīti yā bhagavantaṁ ārabbha pīti pāmojjaṁ modanā āmodanā pamodanā hāso pahāso vitti tuṭṭhi odagyaṁ attamanatā cittassa.\nManoti yañca bhagavantaṁ ārabbha cittaṁ mano mānasaṁ hadayaṁ paṇḍaraṁ mano manāyatanaṁ manindriyaṁ viññāṇaṁ viññāṇakkhandho tajjā manoviññāṇadhātu.\nSatīti yā bhagavantaṁ ārabbha sati anussati sammāsatīti—\nsaddhā ca pīti ca mano sati ca."}},{"id":"cnd22:96","sourceIds":["cnd22:96.1","cnd22:96.2"],"kind":"text","text":{"pi":"Nāpentime gotamasāsanamhāti ime cattāro dhammā gotamasāsanā buddhasāsanā jinasāsanā tathāgatasāsanā arahantasāsanā nāpenti na gacchanti na vijahanti na vināsentīti—\nnāpentime gotamasāsanamhā."}},{"id":"cnd22:97","sourceIds":["cnd22:97.1","cnd22:97.2","cnd22:97.3","cnd22:97.4","cnd22:97.5","cnd22:97.6"],"kind":"text","text":{"pi":"Yaṁ yaṁ disaṁ vajati bhūripaññoti.\nYaṁ yaṁ disanti puratthimaṁ vā disaṁ pacchimaṁ vā disaṁ dakkhiṇaṁ vā disaṁ uttaraṁ vā disaṁ vajati gacchati kamati abhikkamati.\nBhūripaññoti bhūripañño mahāpañño tikkhapañño puthupañño hāsapañño javanapañño nibbedhikapañño.\nBhūri vuccati pathavī.\nBhagavā tāya pathavisamāya paññāya vipulāya vitthatāya samannāgatoti—\nyaṁ yaṁ disaṁ vajati bhūripañño."}},{"id":"cnd22:98","sourceIds":["cnd22:98.1","cnd22:98.2","cnd22:98.3"],"kind":"text","text":{"pi":"Sa tena teneva natohamasmīti so yena buddho tena teneva nato tanninno tappoṇo tappabbhāro tadadhimutto tadadhipateyyoti—\nsa tena teneva natohamasmi.\nTenāha thero piṅgiyo—"}},{"id":"cnd22:99","sourceIds":["cnd22:99.1","cnd22:99.2","cnd22:99.3","cnd22:99.4"],"kind":"text","text":{"pi":"“Saddhā ca pīti ca mano sati ca,\nNāpentime gotamasāsanamhā;\nYaṁ yaṁ disaṁ vajati bhūripañño,\nSa tena teneva natohamasmī”ti."}},{"id":"cnd22:100","sourceIds":["cnd22:100.1","cnd22:100.2","cnd22:100.3","cnd22:100.4"],"kind":"text","text":{"pi":"Jiṇṇassa me dubbalathāmakassa,\nTeneva kāyo na paleti tattha;\nSaṅkappayantāya vajāmi niccaṁ,\nMano hi me brāhmaṇa tena yutto."}},{"id":"cnd22:101","sourceIds":["cnd22:101.1","cnd22:101.2","cnd22:101.3"],"kind":"text","text":{"pi":"Jiṇṇassa me dubbalathāmakassāti jiṇṇassa vuḍḍhassa mahallakassa addhagatassa vayoanuppattassa.\nDubbalathāmakassāti dubbalathāmakassa appathāmakassa parittathāmakassāti—\njiṇṇassa me dubbalathāmakassa."}},{"id":"cnd22:102","sourceIds":["cnd22:102.1","cnd22:102.2"],"kind":"text","text":{"pi":"Teneva kāyo na paleti tatthāti kāyo yena buddho tena na paleti na vajati na gacchati nātikkamatīti—\nteneva kāyo na paleti tattha."}},{"id":"cnd22:103","sourceIds":["cnd22:103.1","cnd22:103.2"],"kind":"text","text":{"pi":"Saṅkappayantāya vajāmi niccanti saṅkappagamanena vitakkagamanena ñāṇagamanena paññāgamanena buddhigamanena vajāmi gacchāmi atikkamāmīti—\nsaṅkappayantāya vajāmi niccaṁ."}},{"id":"cnd22:104","sourceIds":["cnd22:104.1","cnd22:104.2","cnd22:104.3","cnd22:104.4","cnd22:104.5"],"kind":"text","text":{"pi":"Mano hi me brāhmaṇa tena yuttoti.\nManoti yaṁ cittaṁ mano mānasaṁ …pe… tajjā manoviññāṇadhātu.\nMano hi me brāhmaṇa tena yuttoti mano yena buddho tena yutto payutto saṁyuttoti—\nmano hi me brāhmaṇa tena yutto.\nTenāha thero piṅgiyo—"}},{"id":"cnd22:105","sourceIds":["cnd22:105.1","cnd22:105.2","cnd22:105.3","cnd22:105.4"],"kind":"text","text":{"pi":"“Jiṇṇassa me dubbalathāmakassa,\nTeneva kāyo na paleti tattha;\nSaṅkappayantāya vajāmi niccaṁ,\nMano hi me brāhmaṇa tena yutto”ti."}},{"id":"cnd22:106","sourceIds":["cnd22:106.1","cnd22:106.2","cnd22:106.3","cnd22:106.4"],"kind":"text","text":{"pi":"Paṅke sayāno pariphandamāno,\nDīpā dīpaṁ upallaviṁ;\nAthaddasāsiṁ sambuddhaṁ,\nOghatiṇṇamanāsavaṁ."}},{"id":"cnd22:107","sourceIds":["cnd22:107.1","cnd22:107.2","cnd22:107.3","cnd22:107.4","cnd22:107.5","cnd22:107.6","cnd22:107.7","cnd22:107.8","cnd22:107.9","cnd22:107.10","cnd22:107.11","cnd22:107.12","cnd22:107.13","cnd22:107.14","cnd22:107.15","cnd22:107.16","cnd22:107.17","cnd22:107.18","cnd22:107.19","cnd22:107.20","cnd22:107.21","cnd22:107.22","cnd22:107.23","cnd22:107.24","cnd22:107.25","cnd22:107.26","cnd22:107.27","cnd22:107.28","cnd22:107.29","cnd22:107.30","cnd22:107.31","cnd22:107.32","cnd22:107.33","cnd22:107.34","cnd22:107.35","cnd22:107.36","cnd22:107.37","cnd22:107.38","cnd22:107.39","cnd22:107.40","cnd22:107.41","cnd22:107.42","cnd22:107.43","cnd22:107.44","cnd22:107.45","cnd22:107.46","cnd22:107.47","cnd22:107.48","cnd22:107.49","cnd22:107.50","cnd22:107.51","cnd22:107.52","cnd22:107.53","cnd22:107.54","cnd22:107.55","cnd22:107.56","cnd22:107.57","cnd22:107.58","cnd22:107.59","cnd22:107.60","cnd22:107.61","cnd22:107.62","cnd22:107.63","cnd22:107.64","cnd22:107.65","cnd22:107.66","cnd22:107.67","cnd22:107.68","cnd22:107.69","cnd22:107.70","cnd22:107.71","cnd22:107.72","cnd22:107.73","cnd22:107.74","cnd22:107.75","cnd22:107.76","cnd22:107.77","cnd22:107.78","cnd22:107.79","cnd22:107.80","cnd22:107.81","cnd22:107.82","cnd22:107.83","cnd22:107.84","cnd22:107.85","cnd22:107.86","cnd22:107.87","cnd22:107.88","cnd22:107.89","cnd22:107.90","cnd22:107.91","cnd22:107.92","cnd22:107.93","cnd22:107.94","cnd22:107.95","cnd22:107.96","cnd22:107.97","cnd22:107.98","cnd22:107.99","cnd22:107.100","cnd22:107.101","cnd22:107.102","cnd22:107.103"],"kind":"text","text":{"pi":"Paṅke sayāno pariphandamānoti.\nPaṅke sayānoti kāmapaṅke kāmakaddame kāmakilese kāmabaḷise kāmapariḷāhe kāmapalibodhe semāno sayamāno vasamāno āvasamāno parivasamāno ti—\npaṅke sayāno.\nPariphandamānoti taṇhāphandanāya phandamāno,\ndiṭṭhiphandanāya phandamāno,\nkilesaphandanāya phandamāno,\npayogaphandanāya phandamāno,\nvipākaphandanāya phandamāno,\nmanoduccaritaphandanāya phandamāno,\nratto rāgena phandamāno,\nduṭṭho dosena phandamāno,\nmūḷho mohena phandamāno,\nvinibandho mānena phandamāno,\nparāmaṭṭho diṭṭhiyā phandamāno,\nvikkhepagato uddhaccena phandamāno,\naniṭṭhaṅgato vicikicchāya phandamāno,\nthāmagato anusayehi phandamāno,\nlābhena phandamāno,\nalābhena phandamāno,\nyasena phandamāno,\nayasena phandamāno,\npasaṁsāya phandamāno,\nnindāya phandamāno,\nsukhena phandamāno,\ndukkhena phandamāno,\njātiyā phandamāno,\njarāya phandamāno,\nbyādhinā phandamāno,\nmaraṇena phandamāno,\nsokaparidevadukkhadomanassupāyāsehi phandamāno,\nnerayikena dukkhena phandamāno,\ntiracchānayonikena dukkhena phandamāno,\npettivisayikena dukkhena phandamāno,\nmānusikena dukkhena …pe…\ngabbhokkantimūlakena dukkhena …\ngabbhaṭṭhitimūlakena dukkhena …\ngabbhavuṭṭhānamūlakena dukkhena …\njātassūpanibandhakena dukkhena …\njātassa parādheyyakena dukkhena …\nattūpakkamena dukkhena …\nparūpakkamena dukkhena …\nsaṅkhāradukkhena …\nvipariṇāmadukkhena …\ncakkhurogena dukkhena …\nsotarogena dukkhena …\nghānarogena dukkhena …\njivhārogena dukkhena …\nkāyarogena dukkhena …\nsīsarogena dukkhena …\nkaṇṇarogena dukkhena …\nmukharogena dukkhena …\ndantarogena dukkhena …\noṭṭharogena dukkhena …\nkāsena …\nsāsena …\npināsena …\nḍāhena …\njarena …\nkucchirogena …\nmucchāya …\npakkhandikāya …\nsūlāya …\nvisūcikāya …\nkuṭṭhena …\ngaṇḍena …\nkilāsena …\nsosena …\napamārena …\ndadduyā …\nkaṇḍuyā …\nkacchuyā …\nrakhasāya …\nvitacchikāya …\nlohitapittena …\nmadhumehena …\naṁsāya …\npiḷakāya …\nbhagandalāya …\npittasamuṭṭhānena ābādhena …\nsemhasamuṭṭhānena ābādhena …\nvātasamuṭṭhānena ābādhena …\nsannipātikena ābādhena …\nutupariṇāmajena ābādhena …\nvisamaparihārajena ābādhena …\nopakkamikena ābādhena …\nkammavipākajena ābādhena …\nsītena …\nuṇhena …\njighacchāya …\npipāsāya …\nuccārena …\npassāvena …\nḍaṁsamakasavātātapasarīsapasamphassena dukkhena …\nmātumaraṇena dukkhena …\npitumaraṇena dukkhena …\nputtamaraṇena dukkhena …\ndhītumaraṇena dukkhena …\nñātibyasanena dukkhena …\nbhogabyasanena dukkhena …\nrogabyasanena dukkhena …\nsīlabyasanena dukkhena …\ndiṭṭhibyasanena dukkhena phandamāno pariphandamāno pavedhamāno sampavedhamānoti—\npaṅke sayāno pariphandamāno."}},{"id":"cnd22:108","sourceIds":["cnd22:108.1","cnd22:108.2"],"kind":"text","text":{"pi":"Dīpā dīpaṁ upallavinti satthārato satthāraṁ dhammakkhānato dhammakkhānaṁ gaṇato gaṇaṁ diṭṭhiyā diṭṭhiṁ paṭipadāya paṭipadaṁ maggato maggaṁ pallaviṁ upallaviṁ sampallavinti—\ndīpā dīpaṁ upallaviṁ."}},{"id":"cnd22:109","sourceIds":["cnd22:109.1","cnd22:109.2","cnd22:109.3","cnd22:109.4","cnd22:109.5","cnd22:109.6","cnd22:109.7"],"kind":"text","text":{"pi":"Athaddasāsiṁ sambuddhanti.\nAthāti padasandhi padasaṁsaggo padapāripūrī akkharasamavāyo byañjanasiliṭṭhatā padānupubbatāpetaṁ—\nathāti.\nAddasāsinti addasaṁ addakkhiṁ apassiṁ paṭivijjhiṁ.\nBuddhoti yo so bhagavā sayambhū anācariyako …pe…\nsacchikā paññatti, yadidaṁ buddhoti—\nathaddasāsiṁ sambuddhaṁ."}},{"id":"cnd22:110","sourceIds":["cnd22:110.1","cnd22:110.2","cnd22:110.3","cnd22:110.4","cnd22:110.5","cnd22:110.6","cnd22:110.7","cnd22:110.8","cnd22:110.9","cnd22:110.10","cnd22:110.11","cnd22:110.12","cnd22:110.13","cnd22:110.14","cnd22:110.15"],"kind":"text","text":{"pi":"Oghatiṇṇamanāsavanti.\nOghatiṇṇanti bhagavā kāmoghaṁ tiṇṇo,\nbhavoghaṁ tiṇṇo,\ndiṭṭhoghaṁ tiṇṇo,\navijjoghaṁ tiṇṇo,\nsabbasaṁsārapathaṁ tiṇṇo uttiṇṇo nitthiṇṇo atikkanto samatikkanto vītivatto,\nso vutthavāso ciṇṇacaraṇo …pe… jātimaraṇasaṁsāro,\nnatthi tassa punabbhavoti—\noghatiṇṇaṁ.\nAnāsavanti cattāro āsavā—\nkāmāsavo, bhavāsavo, diṭṭhāsavo, avijjāsavo.\nTe āsavā buddhassa bhagavato pahīnā ucchinnamūlā tālāvatthukatā anabhāvaṅkatā āyatiṁ anuppādadhammā.\nTasmā buddho anāsavoti—\noghatiṇṇamanāsavaṁ.\nTenāha thero piṅgiyo—"}},{"id":"cnd22:111","sourceIds":["cnd22:111.1","cnd22:111.2","cnd22:111.3","cnd22:111.4"],"kind":"text","text":{"pi":"“Paṅke sayāno pariphandamāno,\nDīpā dīpaṁ upallaviṁ;\nAthaddasāsiṁ sambuddhaṁ,\nOghatiṇṇamanāsavan”ti."}},{"id":"cnd22:112","sourceIds":["cnd22:112.1","cnd22:112.2","cnd22:112.3","cnd22:112.4"],"kind":"text","text":{"pi":"Yathā ahū vakkali muttasaddho,\nBhadrāvudho āḷavigotamo ca;\nEvameva tvampi pamuñcassu saddhaṁ,\nGamissasi tvaṁ piṅgiya maccudheyyassa pāraṁ."}},{"id":"cnd22:113","sourceIds":["cnd22:113.1","cnd22:113.2"],"kind":"text","text":{"pi":"Yathā ahū vakkali muttasaddho, bhadrāvudho āḷavigotamo cāti yathā vakkalitthero saddho saddhāgaruko saddhāpubbaṅgamo saddhādhimutto saddhādhipateyyo arahattappatto, yathā bhadrāvudho thero saddho saddhāgaruko saddhāpubbaṅgamo saddhādhimutto saddhādhipateyyo arahattappatto, yathā āḷavigotamo thero saddho saddhāgaruko saddhāpubbaṅgamo saddhādhimutto saddhādhipateyyo arahattappattoti—\nyathā ahū vakkali muttasaddho bhadrāvudho āḷavigotamo ca."}},{"id":"cnd22:114","sourceIds":["cnd22:114.1","cnd22:114.2","cnd22:114.3","cnd22:114.4","cnd22:114.5","cnd22:114.6"],"kind":"text","text":{"pi":"Evameva tvampi pamuñcassu saddhanti evameva tvaṁ saddhaṁ muñcassu pamuñcassu sampamuñcassu adhimuñcassu okappehi.\n“Sabbe saṅkhārā aniccā”ti saddhaṁ muñcassu pamuñcassu sampamuñcassu adhimuñcassu okappehi.\n“Sabbe saṅkhārā dukkhā”ti …pe…\n“sabbe dhammā anattā”ti saddhaṁ muñcassu pamuñcassu sampamuñcassu adhimuñcassu okappehi …pe…\n“yaṁ kiñci samudayadhammaṁ sabbaṁ taṁ nirodhadhamman”ti saddhaṁ muñcassu pamuñcassu, sampamuñcassu adhimuñcassu okappehīti—\nevameva tvampi pamuñcassu saddhaṁ."}},{"id":"cnd22:115","sourceIds":["cnd22:115.1","cnd22:115.2","cnd22:115.3","cnd22:115.4","cnd22:115.5"],"kind":"text","text":{"pi":"Gamissasi tvaṁ piṅgiya maccudheyyassa pāranti maccudheyyaṁ vuccanti kilesā ca khandhā ca abhisaṅkhārā ca.\nMaccudheyyassa pāraṁ vuccati amataṁ nibbānaṁ, yo so sabbasaṅkhārasamatho sabbūpadhipaṭinissaggo taṇhakkhayo virāgo nirodho nibbānaṁ.\nGamissasi tvaṁ piṅgiya maccudheyyassa pāranti tvaṁ pāraṁ gamissasi, pāraṁ adhigamissasi, pāraṁ phassissasi, pāraṁ sacchikarissasīti—\ngamissasi tvaṁ piṅgiya maccudheyyassa pāraṁ.\nTenāha bhagavā—"}},{"id":"cnd22:116","sourceIds":["cnd22:116.1","cnd22:116.2","cnd22:116.3","cnd22:116.4"],"kind":"text","text":{"pi":"“Yathā ahū vakkali muttasaddho,\nBhadrāvudho āḷavigotamo ca;\nEvameva tvampi pamuñcassu saddhaṁ,\nGamissasi tvaṁ piṅgiya maccudheyyassa pāran”ti."}},{"id":"cnd22:117","sourceIds":["cnd22:117.1","cnd22:117.2","cnd22:117.3","cnd22:117.4"],"kind":"text","text":{"pi":"Esa bhiyyo pasīdāmi,\nSutvāna munino vaco;\nVivaṭṭacchado sambuddho,\nAkhilo paṭibhānavā."}},{"id":"cnd22:118","sourceIds":["cnd22:118.1","cnd22:118.2","cnd22:118.3","cnd22:118.4","cnd22:118.5","cnd22:118.6"],"kind":"text","text":{"pi":"Esa bhiyyo pasīdāmīti esa bhiyyo pasīdāmi, bhiyyo bhiyyo saddahāmi, bhiyyo bhiyyo okappemi, bhiyyo bhiyyo adhimuccāmi;\n“sabbe saṅkhārā aniccā”ti bhiyyo bhiyyo pasīdāmi, bhiyyo bhiyyo saddahāmi, bhiyyo bhiyyo okappemi, bhiyyo bhiyyo adhimuccāmi;\n“sabbe saṅkhārā dukkhā”ti bhiyyo bhiyyo pasīdāmi …pe…\n“sabbe dhammā anattā”ti bhiyyo bhiyyo pasīdāmi …pe…\n“yaṁ kiñci samudayadhammaṁ sabbaṁ taṁ nirodhadhamman”ti bhiyyo bhiyyo pasīdāmi, bhiyyo bhiyyo saddahāmi, bhiyyo bhiyyo okappemi, bhiyyo bhiyyo adhimuccāmīti—\nesa bhiyyo pasīdāmi."}},{"id":"cnd22:119","sourceIds":["cnd22:119.1","cnd22:119.2","cnd22:119.3","cnd22:119.4"],"kind":"text","text":{"pi":"Sutvāna munino vacoti.\nMunīti monaṁ vuccati ñāṇaṁ …pe… saṅgajālamaticca so muni.\nSutvāna munino vacoti tuyhaṁ vacanaṁ byappathaṁ desanaṁ anusāsanaṁ anusiṭṭhaṁ sutvāna uggahetvāna upadhārayitvāna upalakkhayitvānāti—\nsutvāna munino vaco."}},{"id":"cnd22:120","sourceIds":["cnd22:120.1","cnd22:120.2","cnd22:120.3","cnd22:120.4","cnd22:120.5","cnd22:120.6","cnd22:120.7"],"kind":"text","text":{"pi":"Vivaṭṭacchado sambuddhoti.\nChadananti pañca chadanāni—\ntaṇhāchadanaṁ, diṭṭhichadanaṁ, kilesachadanaṁ, duccaritachadanaṁ, avijjāchadanaṁ.\nTāni chadanāni buddhassa bhagavato vivaṭāni viddhaṁsitāni samugghāṭitāni pahīnāni samucchinnāni vūpasantāni paṭippassaddhāni abhabbuppattikāni ñāṇagginā daḍḍhāni.\nTasmā buddho vivaṭṭacchado.\nBuddhoti yo so bhagavā …pe… sacchikā paññatti, yadidaṁ buddhoti—\nvivaṭṭacchado sambuddho."}},{"id":"cnd22:121","sourceIds":["cnd22:121.1","cnd22:121.2","cnd22:121.3","cnd22:121.4"],"kind":"text","text":{"pi":"Akhilo paṭibhānavāti.\nAkhiloti rāgo khilo, doso khilo, moho khilo, kodho khilo, upanāho …pe… sabbākusalābhisaṅkhārā khilā.\nTe khilā buddhassa bhagavato pahīnā ucchinnamūlā tālāvatthukatā anabhāvaṅkatā āyatiṁ anuppādadhammā.\nTasmā buddho akhilo."}},{"id":"cnd22:122","sourceIds":["cnd22:122.1","cnd22:122.2","cnd22:122.3","cnd22:122.4","cnd22:122.5","cnd22:122.6"],"kind":"text","text":{"pi":"Paṭibhānavāti tayo paṭibhānavanto—\npariyattipaṭibhānavā, paripucchāpaṭibhānavā, adhigamapaṭibhānavā.\nKatamo pariyattipaṭibhānavā?\nIdhekaccassa buddhavacanaṁ pariyāputaṁ hoti suttaṁ geyyaṁ veyyākaraṇaṁ gāthā udānaṁ itivuttakaṁ jātakaṁ abbhutadhammaṁ vedallaṁ.\nTassa pariyattiṁ nissāya paṭibhāti—\nayaṁ pariyattipaṭibhānavā."}},{"id":"cnd22:123","sourceIds":["cnd22:123.1","cnd22:123.2","cnd22:123.3","cnd22:123.4"],"kind":"text","text":{"pi":"Katamo paripucchāpaṭibhānavā?\nIdhekacco paripucchitā hoti atthe ca ñāye ca lakkhaṇe ca kāraṇe ca ṭhānāṭhāne ca.\nTassa paripucchaṁ nissāya paṭibhāti—\nayaṁ paripucchāpaṭibhānavā."}},{"id":"cnd22:124","sourceIds":["cnd22:124.1","cnd22:124.2","cnd22:124.3","cnd22:124.4","cnd22:124.5","cnd22:124.6","cnd22:124.7","cnd22:124.8","cnd22:124.9","cnd22:124.10"],"kind":"text","text":{"pi":"Katamo adhigamapaṭibhānavā?\nIdhekaccassa adhigatā honti cattāro satipaṭṭhānā, cattāro sammappadhānā, cattāro iddhipādā, pañcindriyāni, pañca balāni, satta bojjhaṅgā, ariyo aṭṭhaṅgiko maggo, cattāro ariyamaggā, cattāri sāmaññaphalāni, catasso paṭisambhidāyo, cha abhiññāyo.\nTassa attho ñāto, dhammo ñāto, nirutti ñātā.\nAtthe ñāte attho paṭibhāti, dhamme ñāte dhammo paṭibhāti, niruttiyā ñātāya nirutti paṭibhāti.\nImesu tīsu ñāṇesu ñāṇaṁ paṭibhānapaṭisambhidā.\nBhagavā imāya paṭibhānapaṭisambhidāya upeto samupeto upāgato samupāgato upapanno samupapanno samannāgato.\nTasmā buddho paṭibhānavā.\nYassa pariyatti natthi, paripucchā natthi, adhigamo natthi, kiṁ tassa paṭibhāyissatīti—\nakhilo paṭibhānavā.\nTenāha thero piṅgiyo—"}},{"id":"cnd22:125","sourceIds":["cnd22:125.1","cnd22:125.2","cnd22:125.3","cnd22:125.4"],"kind":"text","text":{"pi":"“Esa bhiyyo pasīdāmi,\nsutvāna munino vaco;\nVivaṭṭacchado sambuddho,\nakhilo paṭibhānavā”ti."}},{"id":"cnd22:126","sourceIds":["cnd22:126.1","cnd22:126.2","cnd22:126.3","cnd22:126.4"],"kind":"text","text":{"pi":"Adhideve abhiññāya,\nSabbaṁ vedi paroparaṁ;\nPañhānantakaro satthā,\nKaṅkhīnaṁ paṭijānataṁ."}},{"id":"cnd22:127","sourceIds":["cnd22:127.1","cnd22:127.2","cnd22:127.3","cnd22:127.4","cnd22:127.5","cnd22:127.6","cnd22:127.7","cnd22:127.8","cnd22:127.9","cnd22:127.10","cnd22:127.11","cnd22:127.12","cnd22:127.13","cnd22:127.14"],"kind":"text","text":{"pi":"Adhideve abhiññāyāti.\nDevāti tayo devā—\nsammutidevā, upapattidevā, visuddhidevā.\nKatame sammutidevā?\nSammutidevā vuccanti rājāno ca rājakumāro ca deviyo ca.\nIme vuccanti sammutidevā.\nKatame upapattidevā?\nUpapattidevā vuccanti cātumahārājikā devā tāvatiṁsā devā …pe… brahmakāyikā devā, ye ca devā taduttari.\nIme vuccanti upapattidevā.\nKatame visuddhidevā?\nVisuddhidevā vuccanti tathāgatā tathāgatasāvakā arahanto khīṇāsavā, ye ca paccekasambuddhā.\nIme vuccanti visuddhidevā.\nBhagavā sammutideve adhidevāti abhiññāya upapattideve adhidevāti abhiññāya, visuddhideve adhidevāti abhiññāya jānitvā tulayitvā tīrayitvā vibhāvayitvā vibhūtaṁ katvāti—\nadhideve abhiññāya."}},{"id":"cnd22:128","sourceIds":["cnd22:128.1","cnd22:128.2","cnd22:128.3","cnd22:128.4"],"kind":"text","text":{"pi":"Sabbaṁ vedi paroparanti bhagavā attano ca paresañca adhidevakare dhamme vedi aññāsi aphassi paṭivijjhi.\nKatame attano adhidevakarā dhammā?\nSammāpaṭipadā anulomapaṭipadā apaccanīkapaṭipadā anvatthapaṭipadā dhammānudhammapaṭipadā sīlesu paripūrakāritā indriyesu guttadvāratā bhojane mattaññutā jāgariyānuyogo satisampajaññaṁ cattāro satipaṭṭhānā …pe… ariyo aṭṭhaṅgiko maggo.\nIme vuccanti attano adhidevakarā dhammā."}},{"id":"cnd22:129","sourceIds":["cnd22:129.1","cnd22:129.2","cnd22:129.3","cnd22:129.4","cnd22:129.5"],"kind":"text","text":{"pi":"Katame paresaṁ adhidevakarā dhammā?\nSammāpaṭipadā …pe… ariyo aṭṭhaṅgiko maggo.\nIme vuccanti paresaṁ adhidevakarā dhammā.\nEvaṁ bhagavā attano ca paresañca adhidevakare dhamme vedi aññāsi aphassi paṭivijjhīti—\nsabbaṁ vedi paroparaṁ."}},{"id":"cnd22:130","sourceIds":["cnd22:130.1","cnd22:130.2","cnd22:130.3","cnd22:130.4","cnd22:130.5","cnd22:130.6","cnd22:130.7","cnd22:130.8","cnd22:130.9","cnd22:130.10","cnd22:130.11","cnd22:130.12","cnd22:130.13","cnd22:130.14","cnd22:130.15","cnd22:130.16","cnd22:130.17","cnd22:130.18","cnd22:130.19","cnd22:130.20","cnd22:130.21","cnd22:130.22","cnd22:130.23","cnd22:130.24","cnd22:130.25","cnd22:130.26","cnd22:130.27","cnd22:130.28","cnd22:130.29","cnd22:130.30","cnd22:130.31","cnd22:130.32","cnd22:130.33","cnd22:130.34","cnd22:130.35","cnd22:130.36","cnd22:130.37","cnd22:130.38"],"kind":"text","text":{"pi":"Pañhānantakaro satthāti bhagavā pārāyanikapañhānaṁ antakaro pariyantakaro paricchedakaro parivaṭumakaro;\nsabhiyapañhānaṁ antakaro pariyantakaro paricchedakaro parivaṭumakaro;\nsakkapañhānaṁ …pe…\nsuyāmapañhānaṁ …\nbhikkhupañhānaṁ …\nbhikkhunīpañhānaṁ …\nupāsakapañhānaṁ …\nupāsikāpañhānaṁ …\nrājapañhānaṁ …\nkhattiyapañhānaṁ …\nbrāhmaṇapañhānaṁ …\nvessapañhānaṁ …\nsuddapañhānaṁ …\ndevapañhānaṁ …\nbrahmapañhānaṁ antakaro pariyantakaro paricchedakaro parivaṭumakaroti—\npañhānantakaro.\nSatthāti bhagavā satthavāho.\nYathā satthavāho satthe kantāraṁ tāreti, corakantāraṁ tāreti, vāḷakantāraṁ tāreti, dubbhikkhakantāraṁ tāreti, nirudakakantāraṁ tāreti uttāreti nittāreti patāreti, khemantabhūmiṁ sampāpeti;\nevameva bhagavā satthavāho satte kantāraṁ tāreti,\njātikantāraṁ tāreti, jarākantāraṁ …pe…\nbyādhikantāraṁ …\nmaraṇakantāraṁ …\nsokaparidevadukkhadomanassupāyāsakantāraṁ tāreti,\nrāgakantāraṁ tāreti,\ndosakantāraṁ …\nmohakantāraṁ …\nmānakantāraṁ …\ndiṭṭhikantāraṁ …\nkilesakantāraṁ …\nduccaritakantāraṁ tāreti,\nrāgagahanaṁ tāreti,\ndosagahanaṁ …\nmohagahanaṁ …\ndiṭṭhigahanaṁ …\nkilesagahanaṁ …\nduccaritagahanaṁ tāreti uttāreti nittāreti patāreti;\nkhemantaṁ amataṁ nibbānaṁ sampāpetīti—\nevampi bhagavā satthavāho."}},{"id":"cnd22:131","sourceIds":["cnd22:131.1","cnd22:131.2","cnd22:131.3"],"kind":"text","text":{"pi":"Atha vā bhagavā netā vinetā anunetā paññāpetā nijjhāpetā pekkhatā pasādetāti, evaṁ bhagavā satthavāho.\nAtha vā bhagavā anuppannassa maggassa uppādetā, asañjātassa maggassa sañjanetā, anakkhātassa maggassa akkhātā, maggaññū maggavidū maggakovido maggānugā ca pana etarahi sāvakā viharanti pacchā samannāgatāti, evampi bhagavā satthavāhoti—\npañhānantakaro satthā."}},{"id":"cnd22:132","sourceIds":["cnd22:132.1","cnd22:132.2","cnd22:132.3"],"kind":"text","text":{"pi":"Kaṅkhīnaṁ paṭijānatanti sakaṅkhā āgantvā nikkaṅkhā sampajjanti, sallekhā āgantvā nillekhā sampajjanti, sadveḷhakā āgantvā nidveḷhakā sampajjanti, savicikicchā āgantvā nibbicikicchā sampajjanti, sarāgā āgantvā vītarāgā sampajjanti, sadosā āgantvā vītadosā sampajjanti, samohā āgantvā vītamohā sampajjanti, sakilesā āgantvā nikkilesā sampajjantīti—\nkaṅkhīnaṁ paṭijānataṁ.\nTenāha thero piṅgiyo—"}},{"id":"cnd22:133","sourceIds":["cnd22:133.1","cnd22:133.2","cnd22:133.3","cnd22:133.4"],"kind":"text","text":{"pi":"“Adhideve abhiññāya,\nsabbaṁ vedi paroparaṁ;\nPañhānantakaro satthā,\nkaṅkhīnaṁ paṭijānatan”ti."}},{"id":"cnd22:134","sourceIds":["cnd22:134.1","cnd22:134.2","cnd22:134.3","cnd22:134.4"],"kind":"text","text":{"pi":"Asaṁhīraṁ asaṅkuppaṁ,\nYassa natthi upamā kvaci;\nAddhā gamissāmi na mettha kaṅkhā,\nEvaṁ maṁ dhārehi adhimuttacittaṁ."}},{"id":"cnd22:135","sourceIds":["cnd22:135.1","cnd22:135.2","cnd22:135.3","cnd22:135.4"],"kind":"text","text":{"pi":"Asaṁhīraṁ asaṅkuppanti asaṁhīraṁ vuccati amataṁ nibbānaṁ.\nYo so sabbasaṅkhārasamatho sabbūpadhipaṭinissaggo taṇhakkhayo virāgo nirodho nibbānaṁ.\nAsaṁhīranti rāgena dosena mohena kodhena upanāhena makkhena paḷāsena issāya macchariyena māyāya sāṭheyyena thambhena sārambhena mānena atimānena madena pamādena sabbakilesehi sabbaduccaritehi sabbapariḷāhehi sabbāsavehi sabbadarathehi sabbasantāpehi sabbākusalābhisaṅkhārehi asaṁhāriyaṁ nibbānaṁ niccaṁ dhuvaṁ sassataṁ avipariṇāmadhammanti—\nasaṁhīraṁ."}},{"id":"cnd22:136","sourceIds":["cnd22:136.1","cnd22:136.2","cnd22:136.3","cnd22:136.4","cnd22:136.5"],"kind":"text","text":{"pi":"Asaṅkuppanti asaṅkuppaṁ vuccati amataṁ nibbānaṁ.\nYo so sabbasaṅkhārasamatho …pe… nirodho nibbānaṁ.\nNibbānassa na uppādo paññāyati, vayo natthi, na tassa aññathattaṁ paññāyati.\nNibbānaṁ niccaṁ dhuvaṁ sassataṁ avipariṇāmadhammanti—\nasaṁhīraṁ asaṅkuppaṁ."}},{"id":"cnd22:137","sourceIds":["cnd22:137.1","cnd22:137.2","cnd22:137.3","cnd22:137.4","cnd22:137.5"],"kind":"text","text":{"pi":"Yassa natthi upamā kvacīti.\nYassāti nibbānassa.\nNatthi upamāti upamā natthi, upanidhā natthi, sadisaṁ natthi, paṭibhāgo natthi, na atthi na saṁvijjati nupalabbhati.\nKvacīti kvaci kimhici katthaci ajjhattaṁ vā bahiddhā vā ajjhattabahiddhā vāti—\nyassa natthi upamā kvaci."}},{"id":"cnd22:138","sourceIds":["cnd22:138.1","cnd22:138.2","cnd22:138.3","cnd22:138.4","cnd22:138.5","cnd22:138.6","cnd22:138.7","cnd22:138.8"],"kind":"text","text":{"pi":"Addhā gamissāmi na mettha kaṅkhāti.\nAddhāti ekaṁsavacanaṁ nissaṁsayavacanaṁ nikkaṅkhavacanaṁ advejjhavacanaṁ adveḷhakavacanaṁ niyogavacanaṁ apaṇṇakavacanaṁ aviraddhavacanaṁ avatthāpanavacanametaṁ—\naddhāti.\nGamissāmīti gamissāmi adhigamissāmi phassissāmi sacchikarissāmīti—\naddhā gamissāmi.\nNa mettha kaṅkhāti.\nEtthāti nibbāne kaṅkhā natthi, vicikicchā natthi, dveḷhakaṁ natthi, saṁsayo natthi, na atthi na saṁvijjati nupalabbhati, pahīno samucchinno vūpasanto paṭippassaddho abhabbuppattiko ñāṇagginā daḍḍhoti—\naddhā gamissāmi na mettha kaṅkhā."}},{"id":"cnd22:139","sourceIds":["cnd22:139.1","cnd22:139.2","cnd22:139.3","cnd22:139.4","cnd22:139.5"],"kind":"text","text":{"pi":"Evaṁ maṁ dhārehi adhimuttacittanti.\nEvaṁ maṁ dhārehīti evaṁ maṁ upalakkhehi.\nAdhimuttacittanti nibbānaninnaṁ nibbānapoṇaṁ nibbānapabbhāraṁ nibbānādhimuttanti—\nevaṁ maṁ dhārehi adhimuttacittanti.\nTenāha thero piṅgiyo—"}},{"id":"cnd22:140","sourceIds":["cnd22:140.1","cnd22:140.2","cnd22:140.3","cnd22:140.4","cnd22:140.5","cnd22:140.6"],"kind":"text","text":{"pi":"“Asaṁhīraṁ asaṅkuppaṁ,\nYassa natthi upamā kvaci;\nAddhā gamissāmi na mettha kaṅkhā,\nEvaṁ maṁ dhārehi adhimuttacittan”ti.\nPārāyanānugītigāthāniddeso aṭṭhārasamo.\nPārāyanavaggo samatto."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/cnd22/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}