{"id":"dn11","title":"With Kevaḍḍha","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"dn11","title":"With Kevaḍḍha","units":[{"id":"dn11:0","sourceIds":["dn11:0.1","dn11:0.2"],"kind":"text","text":{"pi":"Dīgha Nikāya 11\nKevaṭṭasutta","en":"Long Discourses 11\nWith Kevaḍḍha"}},{"id":"dn11:1","sourceIds":["dn11:1.1","dn11:1.2","dn11:1.3","dn11:1.4","dn11:1.5","dn11:1.6","dn11:1.7","dn11:1.8","dn11:1.9"],"kind":"text","text":{"pi":"Evaṁ me sutaṁ—\nekaṁ samayaṁ bhagavā nāḷandāyaṁ viharati pāvārikambavane.\nAtha kho kevaṭṭo gahapatiputto yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho kevaṭṭo gahapatiputto bhagavantaṁ etadavoca:\n“ayaṁ, bhante, nāḷandā iddhā ceva phītā ca bahujanā ākiṇṇamanussā bhagavati abhippasannā.\nSādhu, bhante, bhagavā ekaṁ bhikkhuṁ samādisatu, yo uttari manussadhammā iddhipāṭihāriyaṁ karissati;\nevāyaṁ nāḷandā bhiyyoso mattāya bhagavati abhippasīdissatī”ti.\nEvaṁ vutte, bhagavā kevaṭṭaṁ gahapatiputtaṁ etadavoca:\n“na kho ahaṁ, kevaṭṭa, bhikkhūnaṁ evaṁ dhammaṁ desemi:\n‘etha tumhe, bhikkhave, gihīnaṁ odātavasanānaṁ uttari manussadhammā iddhipāṭihāriyaṁ karothā’”ti.","en":"So I have heard.\nAt one time the Buddha was staying near Nāḷandā in Pāvārika’s Mango Grove.\nThen the householder Kevaḍḍha went up to the Buddha, bowed, sat down to one side, and said to him,\n“Sir, this Nāḷandā is successful and prosperous, populous and full of people.\nPlease direct a mendicant to perform a superhuman demonstration of psychic power.\nThen Nāḷandā will become even more devoted to the Buddha!”\nWhen he said this, the Buddha said,\n“Kevaḍḍha, I do not teach Dhamma to the mendicants like this:\n‘Come now, mendicants, perform a superhuman demonstration of psychic power for the white-clothed laypeople.’”"}},{"id":"dn11:2","sourceIds":["dn11:2.1","dn11:2.2","dn11:2.3","dn11:2.4","dn11:2.5","dn11:2.6","dn11:2.7","dn11:2.8","dn11:2.9"],"kind":"text","text":{"pi":"Dutiyampi kho kevaṭṭo gahapatiputto bhagavantaṁ etadavoca:\n“nāhaṁ, bhante, bhagavantaṁ dhaṁsemi;\napi ca evaṁ vadāmi:\n‘ayaṁ, bhante, nāḷandā iddhā ceva phītā ca bahujanā ākiṇṇamanussā bhagavati abhippasannā.\nSādhu, bhante, bhagavā ekaṁ bhikkhuṁ samādisatu, yo uttari manussadhammā iddhipāṭihāriyaṁ karissati;\nevāyaṁ nāḷandā bhiyyoso mattāya bhagavati abhippasīdissatī’”ti.\nDutiyampi kho bhagavā kevaṭṭaṁ gahapatiputtaṁ etadavoca:\n“na kho ahaṁ, kevaṭṭa, bhikkhūnaṁ evaṁ dhammaṁ desemi:\n‘etha tumhe, bhikkhave, gihīnaṁ odātavasanānaṁ uttari manussadhammā iddhipāṭihāriyaṁ karothā’”ti.","en":"For a second time, Kevaḍḍha made the same request,\n“Sir, I am not teaching you the Dhamma,\nbut nonetheless I say:\n‘Sir, this Nāḷandā is successful and prosperous, populous and full of people.\nPlease direct a mendicant to perform a superhuman demonstration of psychic power.\nThen Nāḷandā will become even more devoted to the Buddha!’”\nBut for a second time, the Buddha gave the same answer."}},{"id":"dn11:3","sourceIds":["dn11:3.1","dn11:3.2","dn11:3.3","dn11:3.4","dn11:3.5","dn11:3.6"],"kind":"text","text":{"pi":"Tatiyampi kho kevaṭṭo gahapatiputto bhagavantaṁ etadavoca:\n“nāhaṁ, bhante, bhagavantaṁ dhaṁsemi;\napi ca evaṁ vadāmi:\n‘ayaṁ, bhante, nāḷandā iddhā ceva phītā ca bahujanā ākiṇṇamanussā bhagavati abhippasannā.\nSādhu, bhante, bhagavā ekaṁ bhikkhuṁ samādisatu, yo uttari manussadhammā iddhipāṭihāriyaṁ karissati.\nEvāyaṁ nāḷandā bhiyyoso mattāya bhagavati abhippasīdissatī’”ti.","en":"For a third time, Kevaḍḍha made the same request,\nat which the Buddha said the following."}},{"id":"dn11:3.7","sourceIds":["dn11:3.7.0"],"kind":"text","text":{"pi":"1. Iddhipāṭihāriya","en":"1. The Demonstration of Psychic Power"}},{"id":"dn11:3-from-dn11-3.8","sourceIds":["dn11:3.8","dn11:3.9","dn11:3.10"],"kind":"text","text":{"pi":"“Tīṇi kho imāni, kevaṭṭa, pāṭihāriyāni mayā sayaṁ abhiññā sacchikatvā paveditāni.\nKatamāni tīṇi?\nIddhipāṭihāriyaṁ, ādesanāpāṭihāriyaṁ, anusāsanīpāṭihāriyaṁ.","en":"“Kevaḍḍha, there are three kinds of demonstration, which I declare having realized them with my own insight.\nWhat three?\nThe demonstration of psychic power, the demonstration of revealing, and the demonstration of instruction."}},{"id":"dn11:4","sourceIds":["dn11:4.1","dn11:4.2","dn11:4.3","dn11:4.4","dn11:4.5","dn11:4.6"],"kind":"text","text":{"pi":"Katamañca, kevaṭṭa, iddhipāṭihāriyaṁ?\nIdha, kevaṭṭa, bhikkhu anekavihitaṁ iddhividhaṁ paccanubhoti—ekopi hutvā bahudhā hoti, bahudhāpi hutvā eko hoti; āvibhāvaṁ tirobhāvaṁ tirokuṭṭaṁ tiropākāraṁ tiropabbataṁ asajjamāno gacchati seyyathāpi ākāse; pathaviyāpi ummujjanimujjaṁ karoti seyyathāpi udake; udakepi abhijjamāne gacchati seyyathāpi pathaviyaṁ; ākāsepi pallaṅkena kamati seyyathāpi pakkhī sakuṇo; imepi candimasūriye evaṁ mahiddhike evaṁ mahānubhāve pāṇinā parāmasati parimajjati; yāva brahmalokāpi kāyena vasaṁ vatteti.\nTamenaṁ aññataro saddho pasanno passati taṁ bhikkhuṁ anekavihitaṁ iddhividhaṁ paccanubhontaṁ—ekopi hutvā bahudhā hontaṁ, bahudhāpi hutvā eko hontaṁ; āvibhāvaṁ tirobhāvaṁ; tirokuṭṭaṁ tiropākāraṁ tiropabbataṁ asajjamānaṁ gacchantaṁ seyyathāpi ākāse; pathaviyāpi ummujjanimujjaṁ karontaṁ seyyathāpi udake; udakepi abhijjamāne gacchantaṁ seyyathāpi pathaviyaṁ; ākāsepi pallaṅkena kamantaṁ seyyathāpi pakkhī sakuṇo; imepi candimasūriye evaṁ mahiddhike evaṁ mahānubhāve pāṇinā parāmasantaṁ parimajjantaṁ yāva brahmalokāpi kāyena vasaṁ vattentaṁ.\nTamenaṁ so saddho pasanno aññatarassa assaddhassa appasannassa āroceti:\n‘acchariyaṁ vata bho, abbhutaṁ vata bho, samaṇassa mahiddhikatā mahānubhāvatā.\nAmāhaṁ bhikkhuṁ addasaṁ anekavihitaṁ iddhividhaṁ paccanubhontaṁ—ekopi hutvā bahudhā hontaṁ, bahudhāpi hutvā eko hontaṁ …pe… yāva brahmalokāpi kāyena vasaṁ vattentan’ti.","en":"And what is the demonstration of psychic power?\nIt’s a mendicant who wields the many kinds of psychic power: multiplying themselves and becoming one again; materializing and dematerializing; going unobstructed through a wall, a rampart, or a mountain as if through space; diving in and out of the earth as if it were water; walking on water as if it were earth; flying cross-legged through the sky like a bird; touching and stroking with the hand the sun and moon, so mighty and powerful; controlling the body as far as the realm of divinity.\nSomeone with faith and confidence sees that mendicant performing those superhuman feats.\nThey tell someone else who lacks faith and confidence:\n‘Oh lord, how incredible, how amazing! The ascetic has such psychic power and might!\nI saw him myself, performing all these superhuman feats!’"}},{"id":"dn11:5","sourceIds":["dn11:5.1","dn11:5.2","dn11:5.3","dn11:5.4","dn11:5.5","dn11:5.6","dn11:5.7"],"kind":"text","text":{"pi":"Tamenaṁ so assaddho appasanno taṁ saddhaṁ pasannaṁ evaṁ vadeyya:\n‘atthi kho, bho, gandhārī nāma vijjā.\nTāya so bhikkhu anekavihitaṁ iddhividhaṁ paccanubhoti—ekopi hutvā bahudhā hoti, bahudhāpi hutvā eko hoti …pe… yāva brahmalokāpi kāyena vasaṁ vattetī’ti.\nTaṁ kiṁ maññasi, kevaṭṭa,\napi nu so assaddho appasanno taṁ saddhaṁ pasannaṁ evaṁ vadeyyā”ti?\n“Vadeyya, bhante”ti.\n“Imaṁ kho ahaṁ, kevaṭṭa, iddhipāṭihāriye ādīnavaṁ sampassamāno iddhipāṭihāriyena aṭṭīyāmi harāyāmi jigucchāmi.","en":"But the one lacking faith and confidence would say to them:\n‘There’s a spell named Gandhārī.\nUsing that a mendicant can perform such superhuman feats.’\nWhat do you think, Kevaḍḍha?\nWouldn’t someone lacking faith speak like that?”\n“They would, sir.”\n“Seeing this drawback in psychic power, I’m horrified, repelled, and disgusted by demonstrations of psychic power."}},{"id":"dn11:6","sourceIds":["dn11:6.0","dn11:6.1","dn11:6.2","dn11:6.3","dn11:6.4","dn11:6.5","dn11:6.6","dn11:6.7","dn11:6.8","dn11:6.9"],"kind":"text","text":{"pi":"2. Ādesanāpāṭihāriya\nKatamañca, kevaṭṭa, ādesanāpāṭihāriyaṁ?\nIdha, kevaṭṭa, bhikkhu parasattānaṁ parapuggalānaṁ cittampi ādisati, cetasikampi ādisati, vitakkitampi ādisati, vicāritampi ādisati:\n‘evampi te mano, itthampi te mano, itipi te cittan’ti.\nTamenaṁ aññataro saddho pasanno passati taṁ bhikkhuṁ parasattānaṁ parapuggalānaṁ cittampi ādisantaṁ, cetasikampi ādisantaṁ, vitakkitampi ādisantaṁ, vicāritampi ādisantaṁ:\n‘evampi te mano, itthampi te mano, itipi te cittan’ti.\nTamenaṁ so saddho pasanno aññatarassa assaddhassa appasannassa āroceti:\n‘acchariyaṁ vata bho, abbhutaṁ vata bho, samaṇassa mahiddhikatā mahānubhāvatā.\nAmāhaṁ bhikkhuṁ addasaṁ parasattānaṁ parapuggalānaṁ cittampi ādisantaṁ, cetasikampi ādisantaṁ, vitakkitampi ādisantaṁ, vicāritampi ādisantaṁ:\n“evampi te mano, itthampi te mano, itipi te cittan”’ti.","en":"2. The Demonstration of Revealing\nAnd what is the demonstration of revealing?\nIt’s when a mendicant reveals the mind, mentality, thoughts, and reflections of other beings and individuals:\n‘This is what you’re thinking, such is your thought, and thus is your state of mind.’\nSomeone with faith and confidence sees that mendicant revealing another individual’s thoughts.\nThey tell someone else who lacks faith and confidence:\n‘Oh lord, how incredible, how amazing! The ascetic has such psychic power and might!\nI saw him myself, revealing the thoughts of another individual!’"}},{"id":"dn11:7","sourceIds":["dn11:7.1","dn11:7.2","dn11:7.3","dn11:7.4","dn11:7.5","dn11:7.6","dn11:7.7","dn11:7.8"],"kind":"text","text":{"pi":"Tamenaṁ so assaddho appasanno taṁ saddhaṁ pasannaṁ evaṁ vadeyya:\n‘atthi kho, bho, maṇikā nāma vijjā;\ntāya so bhikkhu parasattānaṁ parapuggalānaṁ cittampi ādisati, cetasikampi ādisati, vitakkitampi ādisati, vicāritampi ādisati:\n“evampi te mano, itthampi te mano, itipi te cittan”’ti.\nTaṁ kiṁ maññasi, kevaṭṭa,\napi nu so assaddho appasanno taṁ saddhaṁ pasannaṁ evaṁ vadeyyā”ti?\n“Vadeyya, bhante”ti.\n“Imaṁ kho ahaṁ, kevaṭṭa, ādesanāpāṭihāriye ādīnavaṁ sampassamāno ādesanāpāṭihāriyena aṭṭīyāmi harāyāmi jigucchāmi.","en":"But the one lacking faith and confidence would say to them:\n‘There’s a spell named Māṇikā.\nUsing that a mendicant can reveal another individual’s thoughts.’\nWhat do you think, Kevaḍḍha?\nWouldn’t someone lacking faith speak like that?”\n“They would, sir.”\n“Seeing this drawback in revealing, I’m horrified, repelled, and disgusted by demonstrations of revealing."}},{"id":"dn11:8","sourceIds":["dn11:8.0","dn11:8.1","dn11:8.2","dn11:8.3","dn11:8.4"],"kind":"text","text":{"pi":"3. Anusāsanīpāṭihāriya\nKatamañca, kevaṭṭa, anusāsanīpāṭihāriyaṁ?\nIdha, kevaṭṭa, bhikkhu evamanusāsati:\n‘evaṁ vitakketha, mā evaṁ vitakkayittha, evaṁ manasikarotha, mā evaṁ manasākattha, idaṁ pajahatha, idaṁ upasampajja viharathā’ti.\nIdaṁ vuccati, kevaṭṭa, anusāsanīpāṭihāriyaṁ.","en":"3. The Demonstration of Instruction\nAnd what is the demonstration of instruction?\nIt’s when a mendicant instructs others like this:\n‘Think like this, not like that. Focus your mind like this, not like that. Give up this, and live having achieved that.’\nThis is called the demonstration of instruction."}},{"id":"dn11:9-66","sourceIds":["dn11:9-66.1","dn11:9-66.2","dn11:9-66.3","dn11:9-66.4","dn11:9-66.5","dn11:9-66.6","dn11:9-66.7","dn11:9-66.8","dn11:9-66.9","dn11:9-66.10","dn11:9-66.11","dn11:9-66.12"],"kind":"text","text":{"pi":"Puna caparaṁ, kevaṭṭa, idha tathāgato loke uppajjati arahaṁ sammāsambuddho …pe…\nEvaṁ kho, kevaṭṭa, bhikkhu sīlasampanno hoti …pe…\npaṭhamaṁ jhānaṁ upasampajja viharati.\nIdampi vuccati, kevaṭṭa, anusāsanīpāṭihāriyaṁ …pe…\ndutiyaṁ jhānaṁ …pe…\ntatiyaṁ jhānaṁ …pe…\ncatutthaṁ jhānaṁ upasampajja viharati.\nIdampi vuccati, kevaṭṭa, anusāsanīpāṭihāriyaṁ …pe…\nñāṇadassanāya cittaṁ abhinīharati abhininnāmeti …pe…\nidampi vuccati, kevaṭṭa, anusāsanīpāṭihāriyaṁ …pe…\nnāparaṁ itthattāyāti pajānāti …pe…\nidampi vuccati, kevaṭṭa, anusāsanīpāṭihāriyaṁ.","en":"Furthermore, a Realized One arises in the world …\nThat’s how a mendicant is accomplished in ethics. …\nThey enter and remain in the first absorption …\nThis is called the demonstration of instruction.\nThey enter and remain in the second absorption …\nthird absorption …\nfourth absorption.\nThis too is called the demonstration of instruction.\nThey project and extend the mind toward knowledge and vision …\nThis too is called the demonstration of instruction.\nThey understand: ‘… there is nothing further for this place.’\nThis too is called the demonstration of instruction."}},{"id":"dn11:67","sourceIds":["dn11:67.1"],"kind":"text","text":{"pi":"Imāni kho, kevaṭṭa, tīṇi pāṭihāriyāni mayā sayaṁ abhiññā sacchikatvā paveditāni.","en":"These, Kevaḍḍha, are the three kinds of demonstration, which I declare having realized them with my own insight."}},{"id":"dn11:67.2","sourceIds":["dn11:67.2.0"],"kind":"text","text":{"pi":"4. Bhūtanirodhesakabhikkhuvatthu","en":"4. On the Mendicant in Search of the Cessation of Being"}},{"id":"dn11:67-from-dn11-67.3","sourceIds":["dn11:67.3","dn11:67.4"],"kind":"text","text":{"pi":"Bhūtapubbaṁ, kevaṭṭa, imasmiññeva bhikkhusaṅghe aññatarassa bhikkhuno evaṁ cetaso parivitakko udapādi:\n‘kattha nu kho ime cattāro mahābhūtā aparisesā nirujjhanti, seyyathidaṁ—pathavīdhātu āpodhātu tejodhātu vāyodhātū’ti?","en":"Once upon a time, Kevaḍḍha, a mendicant in this very Saṅgha had the following thought,\n‘Where do these four principal states cease without remainder, namely, the elements of earth, water, fire, and air?’"}},{"id":"dn11:68","sourceIds":["dn11:68.1","dn11:68.2","dn11:68.3","dn11:68.4","dn11:68.5","dn11:68.6","dn11:68.7","dn11:68.8","dn11:68.9"],"kind":"text","text":{"pi":"Atha kho so, kevaṭṭa, bhikkhu tathārūpaṁ samādhiṁ samāpajji, yathāsamāhite citte devayāniyo maggo pāturahosi.\nAtha kho so, kevaṭṭa, bhikkhu yena cātumahārājikā devā tenupasaṅkami; upasaṅkamitvā cātumahārājike deve etadavoca:\n‘kattha nu kho, āvuso, ime cattāro mahābhūtā aparisesā nirujjhanti, seyyathidaṁ—pathavīdhātu āpodhātu tejodhātu vāyodhātū’ti?\nEvaṁ vutte, kevaṭṭa, cātumahārājikā devā taṁ bhikkhuṁ etadavocuṁ:\n‘mayampi kho, bhikkhu, na jānāma:\n“yatthime cattāro mahābhūtā aparisesā nirujjhanti, seyyathidaṁ—pathavīdhātu āpodhātu tejodhātu vāyodhātū”ti.\nAtthi kho, bhikkhu, cattāro mahārājāno amhehi abhikkantatarā ca paṇītatarā ca.\nTe kho etaṁ jāneyyuṁ:\n“yatthime cattāro mahābhūtā aparisesā nirujjhanti, seyyathidaṁ—pathavīdhātu āpodhātu tejodhātu vāyodhātū”’ti.","en":"Then that mendicant attained a state of immersion such that a path to the gods appeared.\nThen he approached the gods of the four great kings and said,\n‘Respectable sirs, where do these four principal states cease without remainder, namely, the elements of earth, water, fire, and air?’\nWhen he said this, those gods said to him,\n‘Mendicant, we too do not know this.\nBut the four great kings are our superiors.\nThey might know.’"}},{"id":"dn11:69","sourceIds":["dn11:69.1","dn11:69.2","dn11:69.3","dn11:69.4","dn11:69.5","dn11:69.6","dn11:69.7","dn11:69.8"],"kind":"text","text":{"pi":"Atha kho so, kevaṭṭa, bhikkhu yena cattāro mahārājāno tenupasaṅkami; upasaṅkamitvā cattāro mahārāje etadavoca:\n‘kattha nu kho, āvuso, ime cattāro mahābhūtā aparisesā nirujjhanti, seyyathidaṁ—pathavīdhātu āpodhātu tejodhātu vāyodhātū’ti?\nEvaṁ vutte, kevaṭṭa, cattāro mahārājāno taṁ bhikkhuṁ etadavocuṁ:\n‘mayampi kho, bhikkhu, na jānāma:\n“yatthime cattāro mahābhūtā aparisesā nirujjhanti, seyyathidaṁ—pathavīdhātu, āpodhātu tejodhātu vāyodhātū”ti.\nAtthi kho, bhikkhu, tāvatiṁsā nāma devā amhehi abhikkantatarā ca paṇītatarā ca.\nTe kho etaṁ jāneyyuṁ:\n“yatthime cattāro mahābhūtā aparisesā nirujjhanti, seyyathidaṁ—pathavīdhātu āpodhātu tejodhātu vāyodhātū”’ti.","en":"Then he approached the four great kings and asked the same question.\nBut they also said to him,\n‘Mendicant, we too do not know this.\nBut the gods of the thirty-three …"}},{"id":"dn11:70","sourceIds":["dn11:70.1","dn11:70.2","dn11:70.3","dn11:70.4","dn11:70.5","dn11:70.6","dn11:70.7","dn11:70.8"],"kind":"text","text":{"pi":"Atha kho so, kevaṭṭa, bhikkhu yena tāvatiṁsā devā tenupasaṅkami; upasaṅkamitvā tāvatiṁse deve etadavoca:\n‘kattha nu kho, āvuso, ime cattāro mahābhūtā aparisesā nirujjhanti, seyyathidaṁ—pathavīdhātu āpodhātu tejodhātu vāyodhātū’ti?\nEvaṁ vutte, kevaṭṭa, tāvatiṁsā devā taṁ bhikkhuṁ etadavocuṁ:\n‘mayampi kho, bhikkhu, na jānāma:\n“yatthime cattāro mahābhūtā aparisesā nirujjhanti, seyyathidaṁ—pathavīdhātu āpodhātu tejodhātu vāyodhātū”ti.\nAtthi kho, bhikkhu, sakko nāma devānamindo amhehi abhikkantataro ca paṇītataro ca.\nSo kho etaṁ jāneyya:\n“yatthime cattāro mahābhūtā aparisesā nirujjhanti, seyyathidaṁ—pathavīdhātu āpodhātu tejodhātu vāyodhātū”’ti.","en":"Sakka, lord of gods …"}},{"id":"dn11:71","sourceIds":["dn11:71.1","dn11:71.2","dn11:71.3","dn11:71.4","dn11:71.5"],"kind":"text","text":{"pi":"Atha kho so, kevaṭṭa, bhikkhu yena sakko devānamindo tenupasaṅkami; upasaṅkamitvā sakkaṁ devānamindaṁ etadavoca:\n‘kattha nu kho, āvuso, ime cattāro mahābhūtā aparisesā nirujjhanti, seyyathidaṁ—pathavīdhātu āpodhātu tejodhātu vāyodhātū’ti?\nEvaṁ vutte, kevaṭṭa, sakko devānamindo taṁ bhikkhuṁ etadavoca:\n‘ahampi kho, bhikkhu, na jānāmi:\n“yatthime cattāro mahābhūtā aparisesā nirujjhanti, seyyathidaṁ—pathavīdhātu āpodhātu tejodhātu vāyodhātū”ti."}},{"id":"dn11:72","sourceIds":["dn11:72.1"],"kind":"text","text":{"pi":"Atthi kho, bhikkhu, yāmā nāma devā …pe…","en":"the gods of Yama …"}},{"id":"dn11:73","sourceIds":["dn11:73.1"],"kind":"text","text":{"pi":"suyāmo nāma devaputto …","en":"the godling named Suyāma …"}},{"id":"dn11:74","sourceIds":["dn11:74.1"],"kind":"text","text":{"pi":"tusitā nāma devā …","en":"the Joyful gods …"}},{"id":"dn11:75","sourceIds":["dn11:75.1"],"kind":"text","text":{"pi":"santussito nāma devaputto …","en":"the godling named Santussita …"}},{"id":"dn11:76","sourceIds":["dn11:76.1"],"kind":"text","text":{"pi":"nimmānaratī nāma devā …","en":"the gods who love to create …"}},{"id":"dn11:77","sourceIds":["dn11:77.1","dn11:77.2"],"kind":"text","text":{"pi":"sunimmito nāma devaputto …\nparanimmitavasavattī nāma devā …","en":"the godling named Sunimmita …\nthe gods who control the creation of others …"}},{"id":"dn11:78","sourceIds":["dn11:78.1","dn11:78.2","dn11:78.3"],"kind":"text","text":{"pi":"vasavattī nāma devaputto amhehi abhikkantataro ca paṇītataro ca.\nSo kho etaṁ jāneyya:\n“yatthime cattāro mahābhūtā aparisesā nirujjhanti, seyyathidaṁ—pathavīdhātu āpodhātu tejodhātu vāyodhātū”’ti.","en":"the godling named Vasavattī …"}},{"id":"dn11:79","sourceIds":["dn11:79.1","dn11:79.2","dn11:79.3","dn11:79.4","dn11:79.5","dn11:79.6","dn11:79.7","dn11:79.8"],"kind":"text","text":{"pi":"Atha kho so, kevaṭṭa, bhikkhu yena vasavattī devaputto tenupasaṅkami; upasaṅkamitvā vasavattiṁ devaputtaṁ etadavoca:\n‘kattha nu kho, āvuso, ime cattāro mahābhūtā aparisesā nirujjhanti, seyyathidaṁ—pathavīdhātu āpodhātu tejodhātu vāyodhātū’ti?\nEvaṁ vutte, kevaṭṭa, vasavattī devaputto taṁ bhikkhuṁ etadavoca:\n‘ahampi kho, bhikkhu, na jānāmi:\n“yatthime cattāro mahābhūtā aparisesā nirujjhanti, seyyathidaṁ—pathavīdhātu āpodhātu tejodhātu vāyodhātū”ti.\nAtthi kho, bhikkhu, brahmakāyikā nāma devā amhehi abhikkantatarā ca paṇītatarā ca.\nTe kho etaṁ jāneyyuṁ:\n“yatthime cattāro mahābhūtā aparisesā nirujjhanti, seyyathidaṁ—pathavīdhātu āpodhātu tejodhātu vāyodhātū”’ti.","en":"the gods of the Divinity’s host are our superiors.\nThey might know.’"}},{"id":"dn11:80","sourceIds":["dn11:80.1","dn11:80.2","dn11:80.3","dn11:80.4","dn11:80.5","dn11:80.6","dn11:80.7","dn11:80.8","dn11:80.9","dn11:80.10","dn11:80.11","dn11:80.12"],"kind":"text","text":{"pi":"Atha kho so, kevaṭṭa, bhikkhu tathārūpaṁ samādhiṁ samāpajji, yathāsamāhite citte brahmayāniyo maggo pāturahosi.\nAtha kho so, kevaṭṭa, bhikkhu yena brahmakāyikā devā tenupasaṅkami; upasaṅkamitvā brahmakāyike deve etadavoca:\n‘kattha nu kho, āvuso, ime cattāro mahābhūtā aparisesā nirujjhanti, seyyathidaṁ—pathavīdhātu āpodhātu tejodhātu vāyodhātū’ti?\nEvaṁ vutte, kevaṭṭa, brahmakāyikā devā taṁ bhikkhuṁ etadavocuṁ:\n‘mayampi kho, bhikkhu, na jānāma:\n“yatthime cattāro mahābhūtā aparisesā nirujjhanti, seyyathidaṁ—pathavīdhātu āpodhātu tejodhātu vāyodhātū”ti.\nAtthi kho, bhikkhu, brahmā mahābrahmā abhibhū anabhibhūto aññadatthudaso vasavattī issaro kattā nimmātā seṭṭho sajitā vasī pitā bhūtabhabyānaṁ amhehi abhikkantataro ca paṇītataro ca.\nSo kho etaṁ jāneyya:\n“yatthime cattāro mahābhūtā aparisesā nirujjhanti, seyyathidaṁ—pathavīdhātu āpodhātu tejodhātu vāyodhātū”’ti.\n‘Kahaṁ panāvuso, etarahi so mahābrahmā’ti?\n‘Mayampi kho, bhikkhu, na jānāma, yattha vā brahmā yena vā brahmā yahiṁ vā brahmā;\napi ca, bhikkhu, yathā nimittā dissanti, āloko sañjāyati, obhāso pātubhavati, brahmā pātubhavissati, brahmuno hetaṁ pubbanimittaṁ pātubhāvāya, yadidaṁ āloko sañjāyati, obhāso pātubhavatī’ti.","en":"Then that mendicant attained a state of immersion such that a path to divinity appeared.\nThen he approached the gods of the Divinity’s host and said,\n‘Respectable sirs, where do these four principal states cease without remainder, namely, the elements of earth, water, fire, and air?’\nBut they also said to him,\n‘Mendicant, we too do not know this.\nBut there is the Divinity, the Great Divinity, the Vanquisher, the Unvanquished, the Universal Seer, the Wielder of Power, God Almighty, the Maker, the Creator, the First, the Begetter, the Controller, the Father of those who have been born and those yet to be born. He is our superior.\nHe might know.’\n‘But respectable sirs, where is that divinity now?’\n‘We also don’t know where he is or what way he lies.\nBut by the signs that are seen—light arising and radiance appearing—we know that divinity will appear. For this is the harbinger for the appearance of the Divinity, namely light arising and radiance appearing.’"}},{"id":"dn11:81","sourceIds":["dn11:81.1","dn11:81.2","dn11:81.3","dn11:81.4","dn11:81.5"],"kind":"text","text":{"pi":"Atha kho so, kevaṭṭa, mahābrahmā nacirasseva pāturahosi.\nAtha kho so, kevaṭṭa, bhikkhu yena so mahābrahmā tenupasaṅkami; upasaṅkamitvā taṁ mahābrahmānaṁ etadavoca:\n‘kattha nu kho, āvuso, ime cattāro mahābhūtā aparisesā nirujjhanti, seyyathidaṁ—pathavīdhātu āpodhātu tejodhātu vāyodhātū’ti?\nEvaṁ vutte, kevaṭṭa, so mahābrahmā taṁ bhikkhuṁ etadavoca:\n‘ahamasmi, bhikkhu, brahmā mahābrahmā abhibhū anabhibhūto aññadatthudaso vasavattī issaro kattā nimmātā seṭṭho sajitā vasī pitā bhūtabhabyānan’ti.","en":"Not long afterwards, the Great Divinity appeared.\nThen that mendicant approached the Great Divinity and said to him,\n‘Respectable sir, where do these four principal states cease without remainder, namely, the elements of earth, water, fire, and air?’\nThe Great Divinity said to him,\n‘I am the Divinity, the Great Divinity, the Vanquisher, the Unvanquished, the Universal Seer, the Wielder of Power, God Almighty, the Maker, the Creator, the First, the Begetter, the Controller, the Father of those who have been born and those yet to be born.’"}},{"id":"dn11:82","sourceIds":["dn11:82.1","dn11:82.2","dn11:82.3","dn11:82.4","dn11:82.5","dn11:82.6","dn11:82.7"],"kind":"text","text":{"pi":"Dutiyampi kho so, kevaṭṭa, bhikkhu taṁ mahābrahmānaṁ etadavoca:\n‘na khohaṁ taṁ, āvuso, evaṁ pucchāmi:\n“tvamasi brahmā mahābrahmā abhibhū anabhibhūto aññadatthudaso vasavattī issaro kattā nimmātā seṭṭho sajitā vasī pitā bhūtabhabyānan”ti.\nEvañca kho ahaṁ taṁ, āvuso, pucchāmi:\n“kattha nu kho, āvuso, ime cattāro mahābhūtā aparisesā nirujjhanti, seyyathidaṁ—pathavīdhātu āpodhātu tejodhātu vāyodhātū”’ti?\nDutiyampi kho so, kevaṭṭa, mahābrahmā taṁ bhikkhuṁ etadavoca:\n‘ahamasmi, bhikkhu, brahmā mahābrahmā abhibhū anabhibhūto aññadatthudaso vasavattī issaro kattā nimmātā seṭṭho sajitā vasī pitā bhūtabhabyānan’ti.","en":"For a second time, that mendicant said to the Great Divinity,\n‘Respectable sir, I am not asking you whether you are\nthe Divinity, the Great Divinity, the Vanquisher, the Unvanquished, the Universal Seer, the Wielder of Power, God Almighty, the Maker, the Creator, the First, the Begetter, the Controller, the Father of those who have been born and those yet to be born.\nI am asking\nwhere these four principal states cease without remainder.’\nFor a second time, the Great Divinity said to him,\n‘I am the Divinity, the Great Divinity, the Vanquisher, the Unvanquished, the Universal Seer, the Wielder of Power, God Almighty, the Maker, the Creator, the First, the Begetter, the Controller, the Father of those who have been born and those yet to be born.’"}},{"id":"dn11:83","sourceIds":["dn11:83.1","dn11:83.2","dn11:83.3","dn11:83.4","dn11:83.5","dn11:83.6","dn11:83.7","dn11:83.8","dn11:83.9","dn11:83.10","dn11:83.11"],"kind":"text","text":{"pi":"Tatiyampi kho so, kevaṭṭa, bhikkhu taṁ mahābrahmānaṁ etadavoca:\n‘na khohaṁ taṁ, āvuso, evaṁ pucchāmi:\n“tvamasi brahmā mahābrahmā abhibhū anabhibhūto aññadatthudaso vasavattī issaro kattā nimmātā seṭṭho sajitā vasī pitā bhūtabhabyānan”ti.\nEvañca kho ahaṁ taṁ, āvuso, pucchāmi:\n“kattha nu kho, āvuso, ime cattāro mahābhūtā aparisesā nirujjhanti, seyyathidaṁ—pathavīdhātu āpodhātu tejodhātu vāyodhātū”’ti?\nAtha kho so, kevaṭṭa, mahābrahmā taṁ bhikkhuṁ bāhāyaṁ gahetvā ekamantaṁ apanetvā taṁ bhikkhuṁ etadavoca:\n‘ime kho maṁ, bhikkhu, brahmakāyikā devā evaṁ jānanti, “natthi kiñci brahmuno aññātaṁ, natthi kiñci brahmuno adiṭṭhaṁ, natthi kiñci brahmuno aviditaṁ, natthi kiñci brahmuno asacchikatan”ti.\nTasmāhaṁ tesaṁ sammukhā na byākāsiṁ.\nAhampi kho, bhikkhu, na jānāmi yatthime cattāro mahābhūtā aparisesā nirujjhanti, seyyathidaṁ—pathavīdhātu āpodhātu tejodhātu vāyodhātūti.\nTasmātiha, bhikkhu, tuyhevetaṁ dukkaṭaṁ, tuyhevetaṁ aparaddhaṁ, yaṁ tvaṁ taṁ bhagavantaṁ atidhāvitvā bahiddhā pariyeṭṭhiṁ āpajjasi imassa pañhassa veyyākaraṇāya.\nGaccha tvaṁ, bhikkhu, tameva bhagavantaṁ upasaṅkamitvā imaṁ pañhaṁ puccha, yathā ca te bhagavā byākaroti, tathā naṁ dhāreyyāsī’ti.","en":"For a third time, that mendicant said to the Great Divinity,\n‘Respectable sir, I am not asking you whether you are\nthe Divinity, the Great Divinity, the Vanquisher, the Unvanquished, the Universal Seer, the Wielder of Power, God Almighty, the Maker, the Creator, the First, the Begetter, the Controller, the Father of those who have been born and those yet to be born.\nI am asking\nwhere these four principal states cease without remainder.’\nThen the Great Divinity took that mendicant by the arm, led him off to one side, and said to him,\n‘Mendicant, these gods think that there is nothing at all that I don’t know and see and understand and realize.\nThat’s why I didn’t answer in front of them.\nBut I too do not know where these four principal states cease with no residue left behind.\nTherefore, mendicant, the misdeed is yours alone, the mistake is yours alone, in that you passed over the Buddha and searched elsewhere for an answer to this question.\nMendicant, go to the Buddha and ask him this question. You should remember it in line with his answer.’"}},{"id":"dn11:84","sourceIds":["dn11:84.1","dn11:84.2","dn11:84.3"],"kind":"text","text":{"pi":"Atha kho so, kevaṭṭa, bhikkhu—seyyathāpi nāma balavā puriso samiñjitaṁ vā bāhaṁ pasāreyya, pasāritaṁ vā bāhaṁ samiñjeyya; evameva brahmaloke antarahito mama purato pāturahosi.\nAtha kho so, kevaṭṭa, bhikkhu maṁ abhivādetvā ekamantaṁ nisīdi, ekamantaṁ nisinno kho, kevaṭṭa, so bhikkhu maṁ etadavoca:\n‘kattha nu kho, bhante, ime cattāro mahābhūtā aparisesā nirujjhanti, seyyathidaṁ—pathavīdhātu āpodhātu tejodhātu vāyodhātū’ti?","en":"Then that mendicant, as easily as a strong person would extend or contract their arm, vanished from the realm of divinity and reappeared in front of me.\nThen he bowed, sat down to one side, and said to me,\n‘Sir, where do these four principal states cease without remainder, namely, the elements of earth, water, fire, and air?’"}},{"id":"dn11:85","sourceIds":["dn11:85.0","dn11:85.1","dn11:85.2","dn11:85.3","dn11:85.4","dn11:85.5","dn11:85.6","dn11:85.7","dn11:85.8","dn11:85.9","dn11:85.10","dn11:85.11","dn11:85.12","dn11:85.13","dn11:85.14","dn11:85.15","dn11:85.16","dn11:85.17","dn11:85.18","dn11:85.19","dn11:85.20","dn11:85.21","dn11:85.22","dn11:85.23","dn11:85.24","dn11:85.25","dn11:85.26","dn11:85.27","dn11:85.28","dn11:85.29","dn11:85.30"],"kind":"text","text":{"pi":"4.1. Tīradassisakuṇupamā\nEvaṁ vutte, ahaṁ, kevaṭṭa, taṁ bhikkhuṁ etadavocaṁ—\nbhūtapubbaṁ, bhikkhu, sāmuddikā vāṇijā tīradassiṁ sakuṇaṁ gahetvā nāvāya samuddaṁ ajjhogāhanti.\nTe atīradakkhiniyā nāvāya tīradassiṁ sakuṇaṁ muñcanti.\nSo gacchateva puratthimaṁ disaṁ, gacchati dakkhiṇaṁ disaṁ, gacchati pacchimaṁ disaṁ, gacchati uttaraṁ disaṁ, gacchati uddhaṁ disaṁ, gacchati anudisaṁ.\nSace so samantā tīraṁ passati, tathāgatakova hoti.\nSace pana so samantā tīraṁ na passati, tameva nāvaṁ paccāgacchati.\nEvameva kho tvaṁ, bhikkhu, yato yāva brahmalokā pariyesamāno imassa pañhassa veyyākaraṇaṁ nājjhagā, atha mamaññeva santike paccāgato.\nNa kho eso, bhikkhu, pañho evaṁ pucchitabbo:\n‘kattha nu kho, bhante, ime cattāro mahābhūtā aparisesā nirujjhanti, seyyathidaṁ—pathavīdhātu āpodhātu tejodhātu vāyodhātū’ti?\nEvañca kho eso, bhikkhu, pañho pucchitabbo:\n‘Kattha āpo ca pathavī,\ntejo vāyo na gādhati;\nKattha dīghañca rassañca,\naṇuṁ thūlaṁ subhāsubhaṁ;\nKattha nāmañca rūpañca,\nasesaṁ uparujjhatī’ti.\nTatra veyyākaraṇaṁ bhavati:\n‘Viññāṇaṁ anidassanaṁ,\nanantaṁ sabbatopabhaṁ;\nEttha āpo ca pathavī,\ntejo vāyo na gādhati.\nEttha dīghañca rassañca,\naṇuṁ thūlaṁ subhāsubhaṁ;\nEttha nāmañca rūpañca,\nasesaṁ uparujjhati;\nViññāṇassa nirodhena,\netthetaṁ uparujjhatī’”ti.\nIdamavoca bhagavā.\nAttamano kevaṭṭo gahapatiputto bhagavato bhāsitaṁ abhinandīti.\nKevaṭṭasuttaṁ niṭṭhitaṁ ekādasamaṁ.","en":"4.1. The Simile of the Land-Spotting Bird\nWhen he said this, I said to him:\n‘Once upon a time, mendicant, some sea-merchants set sail for the ocean deeps, taking with them a land-spotting bird.\nWhen their ship was out of sight of land, they released the bird.\nIt flew right away to the east, the west, the north, the south, upwards, and in-between.\nIf it saw land on any side, it went there and stayed.\nBut if it saw no land on any side it returned to the ship.\nIn the same way, after failing to get an answer to this question even after searching as far as the realm of divinity, you’ve returned to me.\nMendicant, this is not how the question should be asked:\n“Sir, where do these four principal states cease without remainder, namely, the elements of earth, water, fire, and air?”\nThis is how the question should be asked:\n“Where do water and earth,\nfire and air have no footing;\nwhere long and short,\ntiny and huge, beautiful and ugly?\nWhere do name and form\ncease no residue left behind?”\nAnd the answer to that is:\n“‘Consciousness where no form appears,\ninfinite, radiant all-round.’\nHere water and earth,\nfire and air have no footing;\nhere long and short,\ntiny and huge, beautiful and ugly.\nHere name and form\ncease with no residue left behind—\nwith the cessation of consciousness,\nhere they cease.”’”\nThat is what the Buddha said.\nSatisfied, the householder Kevaḍḍha approved what the Buddha said."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/dn11/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}