{"id":"dn12","title":"With Lohicca","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"dn12","title":"With Lohicca","units":[{"id":"dn12:0","sourceIds":["dn12:0.1","dn12:0.2"],"kind":"text","text":{"pi":"Dīgha Nikāya 12\nLohiccasutta","en":"Long Discourses 12\nWith Lohicca"}},{"id":"dn12:1","sourceIds":["dn12:1.1","dn12:1.2","dn12:1.3"],"kind":"text","text":{"pi":"Evaṁ me sutaṁ—\nekaṁ samayaṁ bhagavā kosalesu cārikaṁ caramāno mahatā bhikkhusaṅghena saddhiṁ pañcamattehi bhikkhusatehi yena sālavatikā tadavasari.\nTena kho pana samayena lohicco brāhmaṇo sālavatikaṁ ajjhāvasati sattussadaṁ satiṇakaṭṭhodakaṁ sadhaññaṁ rājabhoggaṁ raññā pasenadinā kosalena dinnaṁ rājadāyaṁ brahmadeyyaṁ.","en":"So I have heard.\nAt one time the Buddha was wandering in the land of the Kosalans together with a large Saṅgha of five hundred mendicants when he arrived at Sālavatikā.\nNow at that time the brahmin Lohicca was living in Sālavatikā. It was a crown property given by King Pasenadi of Kosala, teeming with living creatures, full of hay, wood, water, and grain, a royal park endowed to a brahmin."}},{"id":"dn12:2","sourceIds":["dn12:2.1","dn12:2.2","dn12:2.3","dn12:2.4"],"kind":"text","text":{"pi":"Tena kho pana samayena lohiccassa brāhmaṇassa evarūpaṁ pāpakaṁ diṭṭhigataṁ uppannaṁ hoti:\n“idha samaṇo vā brāhmaṇo vā kusalaṁ dhammaṁ adhigaccheyya, kusalaṁ dhammaṁ adhigantvā na parassa āroceyya, kiñhi paro parassa karissati.\nSeyyathāpi nāma purāṇaṁ bandhanaṁ chinditvā aññaṁ navaṁ bandhanaṁ kareyya;\nevaṁ sampadamidaṁ pāpakaṁ lobhadhammaṁ vadāmi, kiñhi paro parassa karissatī”ti.","en":"Now at that time Lohicca had the following harmful misconception:\n“Should an ascetic or brahmin achieve some skillful quality, they ought not inform anyone else. For what can one person do for another?\nSuppose someone cut off an old bond, only to create another new bond.\nThat’s the consequence of such a wicked, greedy deed, I say. For what can one person do for another?”"}},{"id":"dn12:3","sourceIds":["dn12:3.1","dn12:3.2","dn12:3.3","dn12:3.4","dn12:3.5","dn12:3.6","dn12:3.7"],"kind":"text","text":{"pi":"Assosi kho lohicco brāhmaṇo:\n“samaṇo khalu, bho, gotamo sakyaputto sakyakulā pabbajito kosalesu cārikaṁ caramāno mahatā bhikkhusaṅghena saddhiṁ pañcamattehi bhikkhusatehi sālavatikaṁ anuppatto.\nTaṁ kho pana bhavantaṁ gotamaṁ evaṁ kalyāṇo kittisaddo abbhuggato:\n‘itipi so bhagavā arahaṁ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṁ buddho bhagavā’.\nSo imaṁ lokaṁ sadevakaṁ samārakaṁ sabrahmakaṁ sassamaṇabrāhmaṇiṁ pajaṁ sadevamanussaṁ sayaṁ abhiññā sacchikatvā pavedeti.\nSo dhammaṁ deseti ādikalyāṇaṁ majjhekalyāṇaṁ pariyosānakalyāṇaṁ sātthaṁ sabyañjanaṁ kevalaparipuṇṇaṁ parisuddhaṁ brahmacariyaṁ pakāseti.\nSādhu kho pana tathārūpānaṁ arahataṁ dassanaṁ hotī”ti.","en":"Lohicca heard:\n“It seems the ascetic Gotama—a Sakyan, gone forth from a Sakyan family—has arrived at Sālavatikā, together with a large Saṅgha of five hundred mendicants.\nHe has this good reputation:\n‘That Blessed One is perfected, a fully awakened Buddha, accomplished in knowledge and conduct, holy, knower of the world, supreme guide for those fit for training, teacher of gods and humans, awakened, blessed.’\nHe has realized with his own insight this world—with its gods, Māras, and divinities, this population with its ascetics and brahmins, gods and humans—and he makes it known to others.\nHe teaches Dhamma that’s good in the beginning, good in the middle, and good in the end, meaningful and well-phrased. And he reveals a spiritual practice that’s entirely full and pure.\nIt’s good to see such perfected ones.”"}},{"id":"dn12:4","sourceIds":["dn12:4.1","dn12:4.2","dn12:4.3","dn12:4.4","dn12:4.5"],"kind":"text","text":{"pi":"Atha kho lohicco brāhmaṇo rosikaṁ nhāpitaṁ āmantesi:\n“ehi tvaṁ, samma rosike, yena samaṇo gotamo tenupasaṅkama; upasaṅkamitvā mama vacanena samaṇaṁ gotamaṁ appābādhaṁ appātaṅkaṁ lahuṭṭhānaṁ balaṁ phāsuvihāraṁ puccha:\n‘lohicco, bho gotama, brāhmaṇo bhavantaṁ gotamaṁ appābādhaṁ appātaṅkaṁ lahuṭṭhānaṁ balaṁ phāsuvihāraṁ pucchatī’ti;\nevañca vadehi—\nadhivāsetu kira bhavaṁ gotamo lohiccassa brāhmaṇassa svātanāya bhattaṁ saddhiṁ bhikkhusaṅghenā”ti.","en":"Then Lohicca addressed his barber Rosika,\n“Here, dear Rosika, go to the ascetic Gotama and in my name bow with your head to his feet. Ask him if he is healthy and well, nimble, strong, and living comfortably.\nAnd then ask him whether he,\ntogether with the mendicant Saṅgha, would please accept tomorrow’s meal from the brahmin Lohicca.”"}},{"id":"dn12:5","sourceIds":["dn12:5.1","dn12:5.2","dn12:5.3","dn12:5.4","dn12:5.5"],"kind":"text","text":{"pi":"“Evaṁ, bho”ti kho rosikā nhāpito lohiccassa brāhmaṇassa paṭissutvā yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho rosikā nhāpito bhagavantaṁ etadavoca:\n“lohicco, bhante, brāhmaṇo bhagavantaṁ appābādhaṁ appātaṅkaṁ lahuṭṭhānaṁ balaṁ phāsuvihāraṁ pucchati;\nevañca vadeti—\nadhivāsetu kira, bhante, bhagavā lohiccassa brāhmaṇassa svātanāya bhattaṁ saddhiṁ bhikkhusaṅghenā”ti.\nAdhivāsesi bhagavā tuṇhībhāvena.","en":"“Yes, worthy sir,” Rosika replied. He did as he was asked, and\nthe Buddha consented with silence."}},{"id":"dn12:6","sourceIds":["dn12:6.1","dn12:6.2","dn12:6.3","dn12:6.4","dn12:6.5","dn12:6.6"],"kind":"text","text":{"pi":"Atha kho rosikā nhāpito bhagavato adhivāsanaṁ viditvā uṭṭhāyāsanā bhagavantaṁ abhivādetvā padakkhiṇaṁ katvā yena lohicco brāhmaṇo tenupasaṅkami; upasaṅkamitvā lohiccaṁ brāhmaṇaṁ etadavoca:\n“avocumhā kho mayaṁ bhoto vacanena taṁ bhagavantaṁ:\n‘lohicco, bhante, brāhmaṇo bhagavantaṁ appābādhaṁ appātaṅkaṁ lahuṭṭhānaṁ balaṁ phāsuvihāraṁ pucchati;\nevañca vadeti—\nadhivāsetu kira, bhante, bhagavā lohiccassa brāhmaṇassa svātanāya bhattaṁ saddhiṁ bhikkhusaṅghenā’ti.\nAdhivutthañca pana tena bhagavatā”ti.","en":"Then, knowing that the Buddha had consented, Rosika rose from his seat, went to Lohicca, and said to him,\n“I gave the Buddha your message,\nand he accepted.”"}},{"id":"dn12:7","sourceIds":["dn12:7.1","dn12:7.2","dn12:7.3","dn12:7.4","dn12:7.5","dn12:7.6","dn12:7.7"],"kind":"text","text":{"pi":"Atha kho lohicco brāhmaṇo tassā rattiyā accayena sake nivesane paṇītaṁ khādanīyaṁ bhojanīyaṁ paṭiyādāpetvā rosikaṁ nhāpitaṁ āmantesi:\n“ehi tvaṁ, samma rosike, yena samaṇo gotamo tenupasaṅkama; upasaṅkamitvā samaṇassa gotamassa kālaṁ ārocehi—\nkālo, bho gotama, niṭṭhitaṁ bhattan”ti.\n“Evaṁ, bho”ti kho rosikā nhāpito lohiccassa brāhmaṇassa paṭissutvā yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ aṭṭhāsi.\nEkamantaṁ ṭhito kho rosikā nhāpito bhagavato kālaṁ ārocesi:\n“kālo, bhante, niṭṭhitaṁ bhattan”ti.\nAtha kho bhagavā pubbaṇhasamayaṁ nivāsetvā pattacīvaramādāya saddhiṁ bhikkhusaṅghena yena sālavatikā tenupasaṅkami.","en":"And when the night had passed Lohicca had delicious fresh and cooked foods prepared in his own home. Then he had the Buddha informed of the time, saying,\n“Here, dear Rosika, go to the ascetic Gotama and announce the time, saying:\n‘It’s time, worthy Gotama, the meal is ready.’”\n“Yes, worthy sir,” Rosika replied. He did as he was asked.\nThen the Buddha robed up in the morning and, taking his bowl and robe, went to Sālavatikā together with the Saṅgha of mendicants."}},{"id":"dn12:8","sourceIds":["dn12:8.1","dn12:8.2","dn12:8.3","dn12:8.4","dn12:8.5","dn12:8.6","dn12:8.7","dn12:8.8","dn12:8.9","dn12:8.10"],"kind":"text","text":{"pi":"Tena kho pana samayena rosikā nhāpito bhagavantaṁ piṭṭhito piṭṭhito anubandho hoti.\nAtha kho rosikā nhāpito bhagavantaṁ etadavoca:\n“lohiccassa, bhante, brāhmaṇassa evarūpaṁ pāpakaṁ diṭṭhigataṁ uppannaṁ:\n‘idha samaṇo vā brāhmaṇo vā kusalaṁ dhammaṁ adhigaccheyya, kusalaṁ dhammaṁ adhigantvā na parassa āroceyya—\nkiñhi paro parassa karissati.\nSeyyathāpi nāma purāṇaṁ bandhanaṁ chinditvā aññaṁ navaṁ bandhanaṁ kareyya;\nevaṁ sampadamidaṁ pāpakaṁ lobhadhammaṁ vadāmi—\nkiñhi paro parassa karissatī’ti.\nSādhu, bhante, bhagavā lohiccaṁ brāhmaṇaṁ etasmā pāpakā diṭṭhigatā vivecetū”ti.\n“Appeva nāma siyā, rosike, appeva nāma siyā, rosike”ti.","en":"Now, Rosika was following behind the Buddha,\nand told him of Lohicca’s views, adding,\n“Sir, please dissuade him from that harmful misconception.”\n“Hopefully that’ll happen, Rosika, hopefully that’ll happen.”"}},{"id":"dn12:9","sourceIds":["dn12:9.1","dn12:9.2"],"kind":"text","text":{"pi":"Atha kho bhagavā yena lohiccassa brāhmaṇassa nivesanaṁ tenupasaṅkami; upasaṅkamitvā paññatte āsane nisīdi.\nAtha kho lohicco brāhmaṇo buddhappamukhaṁ bhikkhusaṅghaṁ paṇītena khādanīyena bhojanīyena sahatthā santappesi sampavāresi.","en":"Then the Buddha approached Lohicca’s home, where he sat down on the seat spread out.\nThen Lohicca served and satisfied the mendicant Saṅgha headed by the Buddha with his own hands with delicious fresh and cooked foods."}},{"id":"dn12:9.3","sourceIds":["dn12:9.3.0"],"kind":"text","text":{"pi":"1. Lohiccabrāhmaṇānuyoga","en":"1. Questioning Lohicca"}},{"id":"dn12:9-from-dn12-9.4","sourceIds":["dn12:9.4","dn12:9.5","dn12:9.6","dn12:9.7","dn12:9.8","dn12:9.9","dn12:9.10"],"kind":"text","text":{"pi":"Atha kho lohicco brāhmaṇo bhagavantaṁ bhuttāviṁ onītapattapāṇiṁ aññataraṁ nīcaṁ āsanaṁ gahetvā ekamantaṁ nisīdi.\nEkamantaṁ nisinnaṁ kho lohiccaṁ brāhmaṇaṁ bhagavā etadavoca:\n“saccaṁ kira te, lohicca, evarūpaṁ pāpakaṁ diṭṭhigataṁ uppannaṁ:\n‘idha samaṇo vā brāhmaṇo vā kusalaṁ dhammaṁ adhigaccheyya, kusalaṁ dhammaṁ adhigantvā na parassa āroceyya, kiñhi paro parassa karissati.\nSeyyathāpi nāma purāṇaṁ bandhanaṁ chinditvā aññaṁ navaṁ bandhanaṁ kareyya;\nevaṁ sampadamidaṁ pāpakaṁ lobhadhammaṁ vadāmi, kiñhi paro parassa karissatī’”ti?\n“Evaṁ, bho gotama”.","en":"When the Buddha had eaten and washed his hand and bowl, Lohicca took a low seat and sat to one side.\nThe Buddha said to him,\n“Is it really true, Lohicca, that you have such a harmful misconception:\n‘Should an ascetic or brahmin achieve some skillful quality, they ought not inform anyone else. For what can one person do for another?\nSuppose someone cut off an old bond, only to create another new bond.\nThat’s the consequence of such a wicked, greedy deed, I say. For what can one person do for another?’”\n“Yes, worthy Gotama.”"}},{"id":"dn12:10","sourceIds":["dn12:10.1","dn12:10.2","dn12:10.3","dn12:10.4","dn12:10.5","dn12:10.6","dn12:10.7","dn12:10.8","dn12:10.9","dn12:10.10","dn12:10.11","dn12:10.12","dn12:10.13","dn12:10.14","dn12:10.15","dn12:10.16"],"kind":"text","text":{"pi":"“Taṁ kiṁ maññasi, lohicca,\nnanu tvaṁ sālavatikaṁ ajjhāvasasī”ti?\n“Evaṁ, bho gotama”.\n“Yo nu kho, lohicca, evaṁ vadeyya:\n‘lohicco brāhmaṇo sālavatikaṁ ajjhāvasati.\nYā sālavatikāya samudayasañjāti lohiccova taṁ brāhmaṇo ekako paribhuñjeyya, na aññesaṁ dadeyyā’ti.\nEvaṁ vādī so ye taṁ upajīvanti, tesaṁ antarāyakaro vā hoti, no vā”ti?\n“Antarāyakaro, bho gotama”.\n“Antarāyakaro samāno hitānukampī vā tesaṁ hoti ahitānukampī vā”ti?\n“Ahitānukampī, bho gotama”.\n“Ahitānukampissa mettaṁ vā tesu cittaṁ paccupaṭṭhitaṁ hoti sapattakaṁ vā”ti?\n“Sapattakaṁ, bho gotama”.\n“Sapattake citte paccupaṭṭhite micchādiṭṭhi vā hoti sammādiṭṭhi vā”ti?\n“Micchādiṭṭhi, bho gotama”.\n“Micchādiṭṭhissa kho ahaṁ, lohicca, dvinnaṁ gatīnaṁ aññataraṁ gatiṁ vadāmi—\nnirayaṁ vā tiracchānayoniṁ vā.","en":"“What do you think, Lohicca?\nDo you reside in Sālavatikā?”\n“Yes, worthy Gotama.”\n“Lohicca, suppose someone were to say:\n‘The brahmin Lohicca resides in Sālavatikā.\nHe alone should enjoy the revenues produced in Sālavatikā and not share them with anyone else.’\nWould the one who spoke like that make it difficult for those whose living depends on you or not?”\n“They would, worthy Gotama.”\n“But is someone who creates difficulties for others acting kindly or unkindly?”\n“Unkindly, sir.”\n“But does an unkind person have love in their heart or hostility?”\n“Hostility, sir.”\n“And when the heart is full of hostility, is there right view or wrong view?”\n“Wrong view, worthy Gotama.”\n“An individual with wrong view is reborn in one of two places, I say:\nhell or the animal realm."}},{"id":"dn12:11","sourceIds":["dn12:11.1","dn12:11.2","dn12:11.3","dn12:11.4","dn12:11.5","dn12:11.6","dn12:11.7","dn12:11.8","dn12:11.9","dn12:11.10","dn12:11.11","dn12:11.12","dn12:11.13","dn12:11.14","dn12:11.15","dn12:11.16"],"kind":"text","text":{"pi":"Taṁ kiṁ maññasi, lohicca,\nnanu rājā pasenadi kosalo kāsikosalaṁ ajjhāvasatī”ti?\n“Evaṁ, bho gotama”.\n“Yo nu kho, lohicca, evaṁ vadeyya:\n‘rājā pasenadi kosalo kāsikosalaṁ ajjhāvasati;\nyā kāsikosale samudayasañjāti, rājāva taṁ pasenadi kosalo ekako paribhuñjeyya, na aññesaṁ dadeyyā’ti.\nEvaṁ vādī so ye rājānaṁ pasenadiṁ kosalaṁ upajīvanti tumhe ceva aññe ca, tesaṁ antarāyakaro vā hoti, no vā”ti?\n“Antarāyakaro, bho gotama”.\n“Antarāyakaro samāno hitānukampī vā tesaṁ hoti ahitānukampī vā”ti?\n“Ahitānukampī, bho gotama”.\n“Ahitānukampissa mettaṁ vā tesu cittaṁ paccupaṭṭhitaṁ hoti sapattakaṁ vā”ti?\n“Sapattakaṁ, bho gotama”.\n“Sapattake citte paccupaṭṭhite micchādiṭṭhi vā hoti sammādiṭṭhi vā”ti?\n“Micchādiṭṭhi, bho gotama”.\n“Micchādiṭṭhissa kho ahaṁ, lohicca, dvinnaṁ gatīnaṁ aññataraṁ gatiṁ vadāmi—\nnirayaṁ vā tiracchānayoniṁ vā.","en":"What do you think, Lohicca?\nDoes King Pasenadi reign over Kāsi and Kosala?”\n“Yes, worthy Gotama.”\n“Lohicca, suppose someone were to say:\n‘King Pasenadi reigns over Kāsi and Kosala.\nHe alone should enjoy the revenues produced in Kāsi and Kosala and not share them with anyone else.’\nWould the one who spoke like that make it difficult for yourself and others whose living depends on King Pasenadi or not?”\n“They would, worthy Gotama.”\n“But is someone who creates difficulties for others acting kindly or unkindly?”\n“Unkindly, sir.”\n“But does an unkind person have love in their heart or hostility?”\n“Hostility, sir.”\n“And when the heart is full of hostility, is there right view or wrong view?”\n“Wrong view, worthy Gotama.”\n“An individual with wrong view is reborn in one of two places, I say:\nhell or the animal realm."}},{"id":"dn12:12","sourceIds":["dn12:12.1","dn12:12.2","dn12:12.3"],"kind":"text","text":{"pi":"Iti kira, lohicca, yo evaṁ vadeyya:\n‘lohicco brāhmaṇo sālavatikaṁ ajjhāvasati;\nyā sālavatikāya samudayasañjāti, lohiccova taṁ brāhmaṇo ekako paribhuñjeyya, na aññesaṁ dadeyyā’ti.","en":"So it seems, Lohicca, that should someone say such a thing either of Lohicca or of King Pasenadi,"}},{"id":"dn12:13","sourceIds":["dn12:13.1","dn12:13.2","dn12:13.3","dn12:13.4","dn12:13.5","dn12:13.6","dn12:13.7","dn12:13.8","dn12:13.9"],"kind":"text","text":{"pi":"Evaṁvādī so ye taṁ upajīvanti, tesaṁ antarāyakaro hoti.\nAntarāyakaro samāno ahitānukampī hoti, ahitānukampissa sapattakaṁ cittaṁ paccupaṭṭhitaṁ hoti, sapattake citte paccupaṭṭhite micchādiṭṭhi hoti.\nEvameva kho, lohicca, yo evaṁ vadeyya:\n‘idha samaṇo vā brāhmaṇo vā kusalaṁ dhammaṁ adhigaccheyya, kusalaṁ dhammaṁ adhigantvā na parassa āroceyya, kiñhi paro parassa karissati.\nSeyyathāpi nāma purāṇaṁ bandhanaṁ chinditvā aññaṁ navaṁ bandhanaṁ kareyya …pe…\nkarissatī’ti.\nEvaṁvādī so ye te kulaputtā tathāgatappaveditaṁ dhammavinayaṁ āgamma evarūpaṁ uḷāraṁ visesaṁ adhigacchanti, sotāpattiphalampi sacchikaronti, sakadāgāmiphalampi sacchikaronti, anāgāmiphalampi sacchikaronti, arahattampi sacchikaronti, ye cime dibbā gabbhā paripācenti dibbānaṁ bhavānaṁ abhinibbattiyā, tesaṁ antarāyakaro hoti, antarāyakaro samāno ahitānukampī hoti, ahitānukampissa sapattakaṁ cittaṁ paccupaṭṭhitaṁ hoti, sapattake citte paccupaṭṭhite micchādiṭṭhi hoti.\nMicchādiṭṭhissa kho ahaṁ, lohicca, dvinnaṁ gatīnaṁ aññataraṁ gatiṁ vadāmi—\nnirayaṁ vā tiracchānayoniṁ vā.","en":"that is wrong view.\nIn the same way, suppose someone were to say:\n‘Should an ascetic or brahmin achieve some skillful quality, they ought not inform anyone else. For what can one person do for another?\nSuppose someone cut off an old bond, only to create another new bond.\nThat’s the consequence of such a wicked, greedy deed, I say. For what can one person do for another?’\nNow, there are gentlemen who, relying on the teaching and training proclaimed by the Realized One, achieve a high distinction such as the following: they realize the fruit of stream-entry, the fruit of once-return, the fruit of non-return, or perfection. And in addition, there are those who ripen the seeds for rebirth in a heavenly state. The person who spoke like that makes it difficult for them. They’re acting unkindly, their heart is full of hostility, and they have wrong view.\nAn individual with wrong view is reborn in one of two places, I say:\nhell or the animal realm."}},{"id":"dn12:14","sourceIds":["dn12:14.1","dn12:14.2","dn12:14.3"],"kind":"text","text":{"pi":"Iti kira, lohicca, yo evaṁ vadeyya:\n‘rājā pasenadi kosalo kāsikosalaṁ ajjhāvasati;\nyā kāsikosale samudayasañjāti, rājāva taṁ pasenadi kosalo ekako paribhuñjeyya, na aññesaṁ dadeyyā’ti."}},{"id":"dn12:15","sourceIds":["dn12:15.1","dn12:15.2","dn12:15.3","dn12:15.4","dn12:15.5","dn12:15.6","dn12:15.7","dn12:15.8","dn12:15.9","dn12:15.10","dn12:15.11"],"kind":"text","text":{"pi":"Evaṁvādī so ye rājānaṁ pasenadiṁ kosalaṁ upajīvanti tumhe ceva aññe ca, tesaṁ antarāyakaro hoti.\nAntarāyakaro samāno ahitānukampī hoti, ahitānukampissa sapattakaṁ cittaṁ paccupaṭṭhitaṁ hoti, sapattake citte paccupaṭṭhite micchādiṭṭhi hoti.\nEvameva kho, lohicca, yo evaṁ vadeyya:\n‘idha samaṇo vā brāhmaṇo vā kusalaṁ dhammaṁ adhigaccheyya, kusalaṁ dhammaṁ adhigantvā na parassa āroceyya, kiñhi paro parassa karissati.\nSeyyathāpi nāma …pe…\nkiñhi paro parassa karissatī’ti.\nEvaṁvādī so ye te kulaputtā tathāgatappaveditaṁ dhammavinayaṁ āgamma evarūpaṁ uḷāraṁ visesaṁ adhigacchanti, sotāpattiphalampi sacchikaronti, sakadāgāmiphalampi sacchikaronti, anāgāmiphalampi sacchikaronti, arahattampi sacchikaronti.\nYe cime dibbā gabbhā paripācenti dibbānaṁ bhavānaṁ abhinibbattiyā, tesaṁ antarāyakaro hoti,\nantarāyakaro samāno ahitānukampī hoti, ahitānukampissa sapattakaṁ cittaṁ paccupaṭṭhitaṁ hoti, sapattake citte paccupaṭṭhite micchādiṭṭhi hoti.\nMicchādiṭṭhissa kho ahaṁ, lohicca, dvinnaṁ gatīnaṁ aññataraṁ gatiṁ vadāmi—\nnirayaṁ vā tiracchānayoniṁ vā."}},{"id":"dn12:16","sourceIds":["dn12:16.0","dn12:16.1","dn12:16.2","dn12:16.3","dn12:16.4","dn12:16.5","dn12:16.6","dn12:16.7","dn12:16.8","dn12:16.9","dn12:16.10","dn12:16.11","dn12:16.12","dn12:16.13","dn12:16.14","dn12:16.15","dn12:16.16"],"kind":"text","text":{"pi":"2. Tayocodanārahā\nTayo khome, lohicca, satthāro, ye loke codanārahā;\nyo ca panevarūpe satthāro codeti, sā codanā bhūtā tacchā dhammikā anavajjā.\nKatame tayo?\nIdha, lohicca, ekacco satthā yassatthāya agārasmā anagāriyaṁ pabbajito hoti, svāssa sāmaññattho ananuppatto hoti.\nSo taṁ sāmaññatthaṁ ananupāpuṇitvā sāvakānaṁ dhammaṁ deseti:\n‘idaṁ vo hitāya idaṁ vo sukhāyā’ti.\nTassa sāvakā na sussūsanti, na sotaṁ odahanti, na aññā cittaṁ upaṭṭhapenti, vokkamma ca satthusāsanā vattanti.\nSo evamassa codetabbo:\n‘āyasmā kho yassatthāya agārasmā anagāriyaṁ pabbajito, so te sāmaññattho ananuppatto, taṁ tvaṁ sāmaññatthaṁ ananupāpuṇitvā sāvakānaṁ dhammaṁ desesi:\n“idaṁ vo hitāya idaṁ vo sukhāyā”ti.\nTassa te sāvakā na sussūsanti, na sotaṁ odahanti, na aññā cittaṁ upaṭṭhapenti, vokkamma ca satthusāsanā vattanti.\nSeyyathāpi nāma osakkantiyā vā ussakkeyya, parammukhiṁ vā āliṅgeyya;\nevaṁ sampadamidaṁ pāpakaṁ lobhadhammaṁ vadāmi—\nkiñhi paro parassa karissatī’ti.\nAyaṁ kho, lohicca, paṭhamo satthā, yo loke codanāraho;\nyo ca panevarūpaṁ satthāraṁ codeti, sā codanā bhūtā tacchā dhammikā anavajjā.","en":"2. Three Teachers Who Deserve to Be Reprimanded\nLohicca, there are three kinds of teachers in the world who deserve to be reprimanded.\nWhen someone reprimands such teachers, the reprimand is true, correct, legitimate, and blameless.\nWhat three?\nFirstly, take a teacher who has not reached the goal of the ascetic life for which they went forth from the lay life to homelessness.\nThey teach their disciples:\n‘This is for your welfare. This is for your happiness.’\nBut their disciples don’t want to listen. They don’t actively listen or try to understand. They proceed having turned away from the teacher’s instruction.\nThat teacher deserves to be reprimanded:\n‘Venerable, you haven’t reached the goal of the ascetic life; and when you teach disciples\nthey proceed having turned away from the teacher’s instruction.\nIt’s like a man who makes advances on a woman though she pulls away, or embraces her though she turns her back.\nThat’s the consequence of such a wicked, greedy deed, I say. For what can one do for another?’\nThis is the first kind of teacher who deserves to be reprimanded."}},{"id":"dn12:17","sourceIds":["dn12:17.1","dn12:17.2","dn12:17.3","dn12:17.4","dn12:17.5","dn12:17.6","dn12:17.7","dn12:17.8","dn12:17.9","dn12:17.10","dn12:17.11"],"kind":"text","text":{"pi":"Puna caparaṁ, lohicca, idhekacco satthā yassatthāya agārasmā anagāriyaṁ pabbajito hoti, svāssa sāmaññattho ananuppatto hoti.\nSo taṁ sāmaññatthaṁ ananupāpuṇitvā sāvakānaṁ dhammaṁ deseti:\n‘idaṁ vo hitāya, idaṁ vo sukhāyā’ti.\nTassa sāvakā sussūsanti, sotaṁ odahanti, aññā cittaṁ upaṭṭhapenti, na ca vokkamma satthusāsanā vattanti.\nSo evamassa codetabbo:\n‘āyasmā kho yassatthāya agārasmā anagāriyaṁ pabbajito, so te sāmaññattho ananuppatto. Taṁ tvaṁ sāmaññatthaṁ ananupāpuṇitvā sāvakānaṁ dhammaṁ desesi:\n“idaṁ vo hitāya, idaṁ vo sukhāyā”ti.\nTassa te sāvakā sussūsanti, sotaṁ odahanti, aññā cittaṁ upaṭṭhapenti, na ca vokkamma satthusāsanā vattanti.\nSeyyathāpi nāma sakaṁ khettaṁ ohāya paraṁ khettaṁ niddāyitabbaṁ maññeyya, evaṁ sampadamidaṁ pāpakaṁ lobhadhammaṁ vadāmi—kiñhi paro parassa karissatī’ti.\nAyaṁ kho, lohicca, dutiyo satthā, yo, loke codanāraho;\nyo ca panevarūpaṁ satthāraṁ codeti, sā codanā bhūtā tacchā dhammikā anavajjā.","en":"Furthermore, take a teacher who has not reached the goal of the ascetic life for which they went forth from the lay life to homelessness.\nThey teach their disciples:\n‘This is for your welfare. This is for your happiness.’\nTheir disciples do want to listen. They actively listen and try to understand. They don’t proceed having turned away from the teacher’s instruction.\nThat teacher deserves to be reprimanded:\n‘Venerable, you haven’t reached the goal of the ascetic life; and when you teach disciples\nthey don’t proceed having turned away from the teacher’s instruction.\nIt’s like someone who abandons their own field and presumes to weed someone else’s field. That’s the consequence of such a wicked, greedy deed, I say. For what can one do for another?’\nThis is the second kind of teacher who deserves to be reprimanded."}},{"id":"dn12:18","sourceIds":["dn12:18.1","dn12:18.2","dn12:18.3","dn12:18.4","dn12:18.5","dn12:18.6","dn12:18.7","dn12:18.8","dn12:18.9","dn12:18.10","dn12:18.11","dn12:18.12","dn12:18.13","dn12:18.14","dn12:18.15"],"kind":"text","text":{"pi":"Puna caparaṁ, lohicca, idhekacco satthā yassatthāya agārasmā anagāriyaṁ pabbajito hoti, svāssa sāmaññattho anuppatto hoti.\nSo taṁ sāmaññatthaṁ anupāpuṇitvā sāvakānaṁ dhammaṁ deseti:\n‘idaṁ vo hitāya, idaṁ vo sukhāyā’ti.\nTassa sāvakā na sussūsanti, na sotaṁ odahanti, na aññā cittaṁ upaṭṭhapenti, vokkamma ca satthusāsanā vattanti.\nSo evamassa codetabbo:\n‘āyasmā kho yassatthāya agārasmā anagāriyaṁ pabbajito, so te sāmaññattho anuppatto.\nTaṁ tvaṁ sāmaññatthaṁ anupāpuṇitvā sāvakānaṁ dhammaṁ desesi:\n“idaṁ vo hitāya, idaṁ vo sukhāyā”ti.\nTassa te sāvakā na sussūsanti, na sotaṁ odahanti, na aññā cittaṁ upaṭṭhapenti, vokkamma ca satthusāsanā vattanti.\nSeyyathāpi nāma purāṇaṁ bandhanaṁ chinditvā aññaṁ navaṁ bandhanaṁ kareyya;\nevaṁ sampadamidaṁ pāpakaṁ lobhadhammaṁ vadāmi, kiñhi paro parassa karissatī’ti.\nAyaṁ kho, lohicca, tatiyo satthā, yo loke codanāraho;\nyo ca panevarūpaṁ satthāraṁ codeti, sā codanā bhūtā tacchā dhammikā anavajjā.\nIme kho, lohicca, tayo satthāro, ye loke codanārahā,\nyo ca panevarūpe satthāro codeti, sā codanā bhūtā tacchā dhammikā anavajjā”ti.","en":"Furthermore, take a teacher who has reached the goal of the ascetic life for which they went forth from the lay life to homelessness.\nThey teach their disciples:\n‘This is for your welfare. This is for your happiness.’\nBut their disciples don’t want to listen. They don’t actively listen or try to understand. They proceed having turned away from the teacher’s instruction.\nThat teacher deserves to be reprimanded:\n‘Venerable, you have reached the goal of the ascetic life; yet when you teach disciples\nthey proceed having turned away from the teacher’s instruction.\nSuppose someone cut off an old bond, only to create another new bond.\nThat’s the consequence of such a wicked, greedy deed, I say. For what can one person do for another?’\nThis is the third kind of teacher who deserves to be reprimanded.\nThese are the three kinds of teachers in the world who deserve to be reprimanded.\nWhen someone reprimands such teachers, the reprimand is true, correct, legitimate, and blameless.”"}},{"id":"dn12:19","sourceIds":["dn12:19.0","dn12:19.1","dn12:19.2","dn12:19.3","dn12:19.4"],"kind":"text","text":{"pi":"3. Nacodanārahasatthu\nEvaṁ vutte, lohicco brāhmaṇo bhagavantaṁ etadavoca:\n“atthi pana, bho gotama, koci satthā, yo loke nacodanāraho”ti?\n“Atthi kho, lohicca, satthā, yo loke nacodanāraho”ti.\n“Katamo pana so, bho gotama, satthā, yo loke nacodanāraho”ti?","en":"3. A Teacher Who Does Not Deserve to Be Reprimanded\nWhen he had spoken, Lohicca said to the Buddha,\n“But worthy Gotama, is there a teacher in the world who does not deserve to be reprimanded?”\n“There is, Lohicca.”\n“But who is that teacher?”"}},{"id":"dn12:20-55","sourceIds":["dn12:20-55.1","dn12:20-55.2","dn12:20-55.3","dn12:20-55.4","dn12:20-55.5"],"kind":"text","text":{"pi":"“Idha, lohicca, tathāgato loke uppajjati arahaṁ, sammāsambuddho …pe…\nEvaṁ kho, lohicca, bhikkhu sīlasampanno hoti …pe…\npaṭhamaṁ jhānaṁ upasampajja viharati …\nyasmiṁ kho, lohicca, satthari sāvako evarūpaṁ uḷāraṁ visesaṁ adhigacchati, ayampi kho, lohicca, satthā, yo loke nacodanāraho.\nYo ca panevarūpaṁ satthāraṁ codeti, sā codanā abhūtā atacchā adhammikā sāvajjā.","en":"“It’s when a Realized One arises in the world, perfected, a fully awakened Buddha …\nThat’s how a mendicant is accomplished in ethics. …\nThey enter and remain in the first absorption …\nA teacher under whom a disciple achieves such a high distinction is one who does not deserve to be reprimanded.\nWhen someone reprimands such a teacher, the reprimand is false, baseless, illegitimate, and blameworthy."}},{"id":"dn12:56-62","sourceIds":["dn12:56-62.1","dn12:56-62.2","dn12:56-62.3","dn12:56-62.4","dn12:56-62.5"],"kind":"text","text":{"pi":"…pe…\nDutiyaṁ jhānaṁ …pe…\ntatiyaṁ jhānaṁ …pe…\ncatutthaṁ jhānaṁ upasampajja viharati.\nYasmiṁ kho, lohicca, satthari sāvako evarūpaṁ uḷāraṁ visesaṁ adhigacchati, ayampi kho, lohicca, satthā, yo loke nacodanāraho, yo ca panevarūpaṁ satthāraṁ codeti, sā codanā abhūtā atacchā adhammikā sāvajjā.","en":"They enter and remain in the second absorption …\nthird absorption …\nfourth absorption.\nA teacher under whom a disciple achieves such a high distinction is one who does not deserve to be reprimanded. …"}},{"id":"dn12:63-77","sourceIds":["dn12:63-77.1","dn12:63-77.2","dn12:63-77.3","dn12:63-77.4","dn12:63-77.5","dn12:63-77.6"],"kind":"text","text":{"pi":"…pe…\nÑāṇadassanāya cittaṁ abhinīharati abhininnāmeti …\nyasmiṁ kho, lohicca, satthari sāvako evarūpaṁ uḷāraṁ visesaṁ adhigacchati, ayampi kho, lohicca, satthā, yo loke nacodanāraho, yo ca panevarūpaṁ satthāraṁ codeti, sā codanā abhūtā atacchā adhammikā sāvajjā.\n…pe…\nNāparaṁ itthattāyāti pajānāti.\nYasmiṁ kho, lohicca, satthari sāvako evarūpaṁ uḷāraṁ visesaṁ adhigacchati, ayampi kho, lohicca, satthā, yo loke nacodanāraho, yo ca panevarūpaṁ satthāraṁ codeti, sā codanā abhūtā atacchā adhammikā sāvajjā”ti.","en":"They project and extend the mind toward knowledge and vision …\nA teacher under whom a disciple achieves such a high distinction is one who does not deserve to be reprimanded. …\nThey understand: ‘… there is nothing further for this place.’\nA teacher under whom a disciple achieves such a high distinction is one who does not deserve to be reprimanded. When someone reprimands such a teacher, the reprimand is false, baseless, illegitimate, and blameworthy.”"}},{"id":"dn12:78","sourceIds":["dn12:78.1","dn12:78.2","dn12:78.3","dn12:78.4","dn12:78.5","dn12:78.6","dn12:78.7","dn12:78.8"],"kind":"text","text":{"pi":"Evaṁ vutte, lohicco brāhmaṇo bhagavantaṁ etadavoca:\n“seyyathāpi, bho gotama, puriso purisaṁ narakapapātaṁ patantaṁ kesesu gahetvā uddharitvā thale patiṭṭhapeyya;\nevamevāhaṁ bhotā gotamena narakapapātaṁ papatanto uddharitvā thale patiṭṭhāpito.\nAbhikkantaṁ, bho gotama, abhikkantaṁ, bho gotama.\nSeyyathāpi, bho gotama, nikkujjitaṁ vā ukkujjeyya, paṭicchannaṁ vā vivareyya, mūḷhassa vā maggaṁ ācikkheyya, andhakāre vā telapajjotaṁ dhāreyya: ‘cakkhumanto rūpāni dakkhantī’ti; evamevaṁ bhotā gotamena anekapariyāyena dhammo pakāsito.\nEsāhaṁ bhavantaṁ gotamaṁ saraṇaṁ gacchāmi dhammañca bhikkhusaṅghañca.\nUpāsakaṁ maṁ bhavaṁ gotamo dhāretu ajjatagge pāṇupetaṁ saraṇaṁ gatan”ti.\nLohiccasuttaṁ niṭṭhitaṁ dvādasamaṁ.","en":"When he had spoken, Lohicca said to the Buddha:\n“Suppose, Worthy Gotama, a person was falling over a cliff, and another person were to grab them by the hair, pull them up, and place them on solid ground.\nIn the same way, when I was falling off a cliff Worthy Gotama pulled me up and placed me on solid ground.\nExcellent, worthy Gotama! Excellent!\nAs if he were righting the overturned, or revealing the hidden, or pointing out the path to the lost, or lighting a lamp in the dark so people with clear eyes can see what’s there, worthy Gotama has made the Teaching clear in many ways.\nI go for refuge to the worthy Gotama, to the teaching, and to the mendicant Saṅgha.\nFrom this day forth, may the worthy Gotama remember me as a lay follower who has gone for refuge for life.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/dn12/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}