{"id":"dn32","title":"The Āṭānāṭiya Protection","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"dn32","title":"The Āṭānāṭiya Protection","units":[{"id":"dn32:0","sourceIds":["dn32:0.1","dn32:0.2"],"kind":"text","text":{"pi":"Dīgha Nikāya 32\nĀṭānāṭiyasutta","en":"Long Discourses 32\nThe Āṭānāṭiya Protection"}},{"id":"dn32:1","sourceIds":["dn32:1.0","dn32:1.1","dn32:1.2","dn32:1.3","dn32:1.4"],"kind":"text","text":{"pi":"1. Paṭhamabhāṇavāra\nEvaṁ me sutaṁ—\nekaṁ samayaṁ bhagavā rājagahe viharati gijjhakūṭe pabbate.\nAtha kho cattāro mahārājā mahatiyā ca yakkhasenāya mahatiyā ca gandhabbasenāya mahatiyā ca kumbhaṇḍasenāya mahatiyā ca nāgasenāya catuddisaṁ rakkhaṁ ṭhapetvā catuddisaṁ gumbaṁ ṭhapetvā catuddisaṁ ovaraṇaṁ ṭhapetvā abhikkantāya rattiyā abhikkantavaṇṇā kevalakappaṁ gijjhakūṭaṁ pabbataṁ obhāsetvā yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu.\nTepi kho yakkhā appekacce bhagavantaṁ abhivādetvā ekamantaṁ nisīdiṁsu, appekacce bhagavatā saddhiṁ sammodiṁsu, sammodanīyaṁ kathaṁ sāraṇīyaṁ vītisāretvā ekamantaṁ nisīdiṁsu, appekacce yena bhagavā tenañjaliṁ paṇāmetvā ekamantaṁ nisīdiṁsu, appekacce nāmagottaṁ sāvetvā ekamantaṁ nisīdiṁsu, appekacce tuṇhībhūtā ekamantaṁ nisīdiṁsu.","en":"1. The First Recitation Section\nSo I have heard.\nAt one time the Buddha was staying near Rājagaha, on the Vulture’s Peak Mountain.\nThen, late at night, the four great kings—with large armies of spirits, centaurs, gnomes, and dragons—set guards, troops, and wards at the four quarters and then, lighting up the entire Vulture’s Peak with their beauty, went up to the Buddha, bowed, and sat down to one side.\nBefore sitting down to one side, some spirits bowed, some exchanged greetings and polite conversation, some held up their cupped palms toward the Buddha, some announced their name and clan, while some kept silent."}},{"id":"dn32:2","sourceIds":["dn32:2.1","dn32:2.2","dn32:2.3","dn32:2.4","dn32:2.5","dn32:2.6","dn32:2.7","dn32:2.8","dn32:2.9","dn32:2.10","dn32:2.11","dn32:2.12","dn32:2.13","dn32:2.14","dn32:2.15","dn32:2.16"],"kind":"text","text":{"pi":"Ekamantaṁ nisinno kho vessavaṇo mahārājā bhagavantaṁ etadavoca:\n“santi hi, bhante, uḷārā yakkhā bhagavato appasannā.\nSanti hi, bhante, uḷārā yakkhā bhagavato pasannā.\nSanti hi, bhante, majjhimā yakkhā bhagavato appasannā.\nSanti hi, bhante, majjhimā yakkhā bhagavato pasannā.\nSanti hi, bhante, nīcā yakkhā bhagavato appasannā.\nSanti hi, bhante, nīcā yakkhā bhagavato pasannā.\nYebhuyyena kho pana, bhante, yakkhā appasannāyeva bhagavato.\nTaṁ kissa hetu?\nBhagavā hi, bhante, pāṇātipātā veramaṇiyā dhammaṁ deseti, adinnādānā veramaṇiyā dhammaṁ deseti, kāmesumicchācārā veramaṇiyā dhammaṁ deseti, musāvādā veramaṇiyā dhammaṁ deseti, surāmerayamajjappamādaṭṭhānā veramaṇiyā dhammaṁ deseti.\nYebhuyyena kho pana, bhante, yakkhā appaṭiviratāyeva pāṇātipātā, appaṭiviratā adinnādānā, appaṭiviratā kāmesumicchācārā, appaṭiviratā musāvādā, appaṭiviratā surāmerayamajjappamādaṭṭhānā.\nTesaṁ taṁ hoti appiyaṁ amanāpaṁ.\nSanti hi, bhante, bhagavato sāvakā araññavanapatthāni pantāni senāsanāni paṭisevanti appasaddāni appanigghosāni vijanavātāni manussarāhasseyyakāni paṭisallānasāruppāni.\nTattha santi uḷārā yakkhā nivāsino, ye imasmiṁ bhagavato pāvacane appasannā.\nTesaṁ pasādāya uggaṇhātu, bhante, bhagavā āṭānāṭiyaṁ rakkhaṁ bhikkhūnaṁ bhikkhunīnaṁ upāsakānaṁ upāsikānaṁ guttiyā rakkhāya avihiṁsāya phāsuvihārāyā”ti.\nAdhivāsesi bhagavā tuṇhībhāvena.","en":"Seated to one side, the Great King Vessavaṇa said to the Buddha,\n“Sir, some high spirits have confidence in the Buddha,\nsome do not.\nSome middling spirits have confidence in the Buddha,\nsome do not.\nSome low spirits have confidence in the Buddha,\nsome do not.\nBut mostly the spirits don’t have confidence in the Buddha.\nWhy is that?\nBecause the Buddha teaches them to refrain from killing living creatures, stealing, lying, sexual misconduct, and consuming intoxicants of beer, wine, and liquor.\nBut mostly they don’t refrain from such things.\nThey don’t like that or approve of it.\nSir, there are disciples of the Buddha who frequent remote lodgings in the wilderness and the forest that are quiet and still, far from the madding crowd, remote from human settlements, and fit for retreat.\nThere dwell high spirits who have no confidence in the Buddha’s dispensation.\nTo give them confidence, may the Buddha please learn the Āṭānāṭiya protection for the guarding, protection, safety, and comfort of the monks, nuns, laymen, and laywomen.”\nThe Buddha consented with silence."}},{"id":"dn32:3","sourceIds":["dn32:3.1","dn32:3.2","dn32:3.3","dn32:3.4","dn32:3.5","dn32:3.6","dn32:3.7","dn32:3.8","dn32:3.9","dn32:3.10","dn32:3.11","dn32:3.12","dn32:3.13","dn32:3.14","dn32:3.15","dn32:3.16","dn32:3.17","dn32:3.18","dn32:3.19","dn32:3.20","dn32:3.21","dn32:3.22","dn32:3.23","dn32:3.24","dn32:3.25"],"kind":"text","text":{"pi":"Atha kho vessavaṇo mahārājā bhagavato adhivāsanaṁ viditvā tāyaṁ velāyaṁ imaṁ āṭānāṭiyaṁ rakkhaṁ abhāsi:\n“Vipassissa ca namatthu,\ncakkhumantassa sirīmato;\nSikhissapi ca namatthu,\nsabbabhūtānukampino.\nVessabhussa ca namatthu,\nnhātakassa tapassino;\nNamatthu kakusandhassa,\nmārasenāpamaddino.\nKoṇāgamanassa namatthu,\nbrāhmaṇassa vusīmato;\nKassapassa ca namatthu,\nvippamuttassa sabbadhi.\nAṅgīrasassa namatthu,\nsakyaputtassa sirīmato;\nYo imaṁ dhammaṁ desesi,\nsabbadukkhāpanūdanaṁ.\nYe cāpi nibbutā loke,\nyathābhūtaṁ vipassisuṁ;\nTe janā apisuṇātha,\nmahantā vītasāradā.\nHitaṁ devamanussānaṁ,\nyaṁ namassanti gotamaṁ;\nVijjācaraṇasampannaṁ,\nmahantaṁ vītasāradaṁ.","en":"Then, knowing that the Buddha had consented, on that occasion Great King Vessavaṇa recited the Āṭānāṭiya protection.\n“Hail Vipassī,\nthe glorious Clear-eyed One!\nHail Sikhī,\nsympathetic for all beings!\nHail Vessabhū,\ncleansed and fervent!\nHail Kakusandha,\ncrusher of Māra’s army!\nHail Koṇāgamana,\nthe brahmin who has lived the life!\nHail Kassapa,\neverywhere free!\nHail Aṅgīrasa,\nthe glorious Sakyan!\nHe taught this Dhamma\nthat casts aside all suffering.\nThose in the world who are quenched,\ntruly discerning,\nnot backbiters; such people\nbeing great of heart and intrepid,\nrevere that Gotama;\nhe who is helpful to gods and humans,\naccomplished in knowledge and conduct,\ngreat of heart and intrepid."}},{"id":"dn32:4","sourceIds":["dn32:4.1","dn32:4.2","dn32:4.3","dn32:4.4","dn32:4.5","dn32:4.6","dn32:4.7","dn32:4.8","dn32:4.9","dn32:4.10","dn32:4.11","dn32:4.12","dn32:4.13","dn32:4.14","dn32:4.15","dn32:4.16","dn32:4.17","dn32:4.18","dn32:4.19","dn32:4.20","dn32:4.21","dn32:4.22","dn32:4.23","dn32:4.24","dn32:4.25","dn32:4.26","dn32:4.27","dn32:4.28","dn32:4.29","dn32:4.30","dn32:4.31","dn32:4.32","dn32:4.33","dn32:4.34","dn32:4.35","dn32:4.36"],"kind":"text","text":{"pi":"Yato uggacchati sūriyo,\nādicco maṇḍalī mahā;\nYassa cuggacchamānassa,\nsaṁvarīpi nirujjhati;\nYassa cuggate sūriye,\n‘divaso’ti pavuccati.\nRahadopi tattha gambhīro,\nsamuddo saritodako;\nEvaṁ taṁ tattha jānanti,\n‘samuddo saritodako’.\nIto ‘sā purimā disā’,\niti naṁ ācikkhatī jano;\nYaṁ disaṁ abhipāleti,\nmahārājā yasassi so.\nGandhabbānaṁ adhipati,\n‘dhataraṭṭho’ti nāmaso;\nRamatī naccagītehi,\ngandhabbehi purakkhato.\nPuttāpi tassa bahavo,\nekanāmāti me sutaṁ;\nAsīti dasa eko ca,\nindanāmā mahabbalā.\nTe cāpi buddhaṁ disvāna,\nbuddhaṁ ādiccabandhunaṁ;\nDūratova namassanti,\nmahantaṁ vītasāradaṁ.\nNamo te purisājañña,\nnamo te purisuttama;\nKusalena samekkhasi,\namanussāpi taṁ vandanti;\nSutaṁ netaṁ abhiṇhaso,\ntasmā evaṁ vademase.\n‘Jinaṁ vandatha gotamaṁ’,\n‘jinaṁ vandāma gotamaṁ;\nVijjācaraṇasampannaṁ,\nbuddhaṁ vandāma gotamaṁ’.","en":"Where rises the sun—\nAditi’s child, the great orb—\nwith whose rising\nnight’s umbra also ends,\nand of whom, when sun has risen,\nit is said to be the day—\nthere is a deep lake,\nan ocean of flowing waters.\nThat’s how they understand that lake there,\nas an ocean of flowing waters.\nFrom here that is the eastern quarter,\nso the people say.\nThat quarter is warded\nby a great king, glorious,\nthe lord of the centaurs;\nhis name is Dhataraṭṭha.\nHe delights in song and dance,\nhonored by the centaurs.\nAnd he has many mighty sons\nall of one name, so I’ve heard.\nEighty, and ten, and one—\nall of them named Indra.\nAfter seeing the Awakened One,\nthe Buddha, Kinsman of the Sun,\nthey revere him from afar,\nthe one great of heart and intrepid.\nHomage to you, O thoroughbred!\nHomage to you, supreme among men!\nYou examine us skillfully;\nthe non-humans bow to you.\nWe’ve been asked many a time,\n‘Do you bow to Gotama the victor?’\nAnd so we ought to declare:\n‘We bow to Gotama the victor,\naccomplished in knowledge and conduct!\nWe bow to Gotama the awakened!’"}},{"id":"dn32:5","sourceIds":["dn32:5.1","dn32:5.2","dn32:5.3","dn32:5.4","dn32:5.5","dn32:5.6","dn32:5.7","dn32:5.8","dn32:5.9","dn32:5.10","dn32:5.11","dn32:5.12","dn32:5.13","dn32:5.14","dn32:5.15","dn32:5.16","dn32:5.17","dn32:5.18","dn32:5.19","dn32:5.20","dn32:5.21","dn32:5.22","dn32:5.23","dn32:5.24","dn32:5.25","dn32:5.26","dn32:5.27","dn32:5.28","dn32:5.29","dn32:5.30"],"kind":"text","text":{"pi":"Yena petā pavuccanti,\npisuṇā piṭṭhimaṁsikā;\nPāṇātipātino luddā,\ncorā nekatikā janā.\nIto ‘sā dakkhiṇā disā’,\niti naṁ ācikkhatī jano;\nYaṁ disaṁ abhipāleti,\nmahārājā yasassi so.\nKumbhaṇḍānaṁ adhipati,\n‘virūḷho’ iti nāmaso;\nRamatī naccagītehi,\nkumbhaṇḍehi purakkhato.\nPuttāpi tassa bahavo,\nekanāmāti me sutaṁ;\nAsīti dasa eko ca,\nindanāmā mahabbalā.\nTe cāpi buddhaṁ disvāna,\nbuddhaṁ ādiccabandhunaṁ;\nDūratova namassanti,\nmahantaṁ vītasāradaṁ.\nNamo te purisājañña,\nnamo te purisuttama;\nKusalena samekkhasi,\namanussāpi taṁ vandanti;\nSutaṁ netaṁ abhiṇhaso,\ntasmā evaṁ vademase.\n‘Jinaṁ vandatha gotamaṁ’,\n‘jinaṁ vandāma gotamaṁ;\nVijjācaraṇasampannaṁ,\nbuddhaṁ vandāma gotamaṁ’.","en":"It’s where the departed go, they say,\nwho are backbiters and calumniators,\nkillers and hunters,\nbandits and cheats.\nFrom here that is the southern quarter,\nso the people say.\nThat quarter is warded\nby a great king, glorious,\nthe lord of the gnomes;\nhis name is Virūḷha.\nHe delights in song and dance,\nhonored by the gnomes.\nAnd he has many mighty sons\nall of one name, so I’ve heard.\nEighty, and ten, and one—\nall of them named Indra.\nAfter seeing the Awakened One,\nthe Buddha, Kinsman of the Sun,\nthey revere him from afar,\nthe one great of heart and intrepid.\nHomage to you, O thoroughbred!\nHomage to you, supreme among men!\nYou examine us skillfully;\nthe non-humans bow to you.\nWe’ve been asked many a time,\n‘Do you bow to Gotama the victor?’\nAnd so we ought to declare:\n‘We bow to Gotama the victor,\naccomplished in knowledge and conduct!\nWe bow to Gotama the awakened!’"}},{"id":"dn32:6","sourceIds":["dn32:6.1","dn32:6.2","dn32:6.3","dn32:6.4","dn32:6.5","dn32:6.6","dn32:6.7","dn32:6.8","dn32:6.9","dn32:6.10","dn32:6.11","dn32:6.12","dn32:6.13","dn32:6.14","dn32:6.15","dn32:6.16","dn32:6.17","dn32:6.18","dn32:6.19","dn32:6.20","dn32:6.21","dn32:6.22","dn32:6.23","dn32:6.24","dn32:6.25","dn32:6.26","dn32:6.27","dn32:6.28","dn32:6.29","dn32:6.30","dn32:6.31","dn32:6.32","dn32:6.33","dn32:6.34","dn32:6.35","dn32:6.36"],"kind":"text","text":{"pi":"Yattha coggacchati sūriyo,\nādicco maṇḍalī mahā;\nYassa coggacchamānassa,\ndivasopi nirujjhati;\nYassa coggate sūriye,\n‘saṁvarī’ti pavuccati.\nRahadopi tattha gambhīro,\nsamuddo saritodako;\nEvaṁ taṁ tattha jānanti,\n‘samuddo saritodako’.\nIto ‘sā pacchimā disā’,\niti naṁ ācikkhatī jano;\nYaṁ disaṁ abhipāleti,\nmahārājā yasassi so.\nNāgānañca adhipati,\n‘virūpakkho’ti nāmaso;\nRamatī naccagītehi,\nnāgeheva purakkhato.\nPuttāpi tassa bahavo,\nekanāmāti me sutaṁ;\nAsīti dasa eko ca,\nindanāmā mahabbalā.\nTe cāpi buddhaṁ disvāna,\nbuddhaṁ ādiccabandhunaṁ;\nDūratova namassanti,\nmahantaṁ vītasāradaṁ.\nNamo te purisājañña,\nnamo te purisuttama;\nKusalena samekkhasi,\namanussāpi taṁ vandanti;\nSutaṁ netaṁ abhiṇhaso,\ntasmā evaṁ vademase.\n‘Jinaṁ vandatha gotamaṁ’,\n‘jinaṁ vandāma gotamaṁ;\nVijjācaraṇasampannaṁ,\nbuddhaṁ vandāma gotamaṁ’.","en":"Where sets the sun—\nAditi’s child, the great orb—\nwith whose setting\nthe day also ends;\nand of whom, when sun has set,\nit is said to be night’s umbra—\nthere is a deep lake in that place,\nan ocean of flowing waters.\nThat’s how they understand that lake there,\nas an ocean of flowing waters.\nFrom here that is the western quarter,\nso the people say.\nThat quarter is warded\nby a great king, glorious,\nthe lord of the dragons;\nhis name is Virūpakkha.\nHe delights in song and dance,\nhonored by the dragons.\nAnd he has many mighty sons\nall of one name, so I’ve heard.\nEighty, and ten, and one—\nall of them named Indra.\nAfter seeing the Awakened One,\nthe Buddha, Kinsman of the Sun,\nthey revere him from afar,\nthe one great of heart and intrepid.\nHomage to you, O thoroughbred!\nHomage to you, supreme among men!\nYou examine us skillfully;\nthe non-humans bow to you.\nWe’ve been asked many a time,\n‘Do you bow to Gotama the victor?’\nAnd so we ought to declare:\n‘We bow to Gotama the victor,\naccomplished in knowledge and conduct!\nWe bow to Gotama the awakened!’"}},{"id":"dn32:7","sourceIds":["dn32:7.1","dn32:7.2","dn32:7.3","dn32:7.4","dn32:7.5","dn32:7.6","dn32:7.7","dn32:7.8","dn32:7.9","dn32:7.10","dn32:7.11","dn32:7.12","dn32:7.13","dn32:7.14","dn32:7.15","dn32:7.16","dn32:7.17","dn32:7.18","dn32:7.19","dn32:7.20","dn32:7.21","dn32:7.22","dn32:7.23","dn32:7.24","dn32:7.25","dn32:7.26","dn32:7.27","dn32:7.28","dn32:7.29","dn32:7.30","dn32:7.31","dn32:7.32","dn32:7.33","dn32:7.34","dn32:7.35","dn32:7.36","dn32:7.37","dn32:7.38","dn32:7.39","dn32:7.40","dn32:7.41","dn32:7.42","dn32:7.43","dn32:7.44","dn32:7.45","dn32:7.46","dn32:7.47","dn32:7.48","dn32:7.49","dn32:7.50","dn32:7.51","dn32:7.52","dn32:7.53","dn32:7.54","dn32:7.55","dn32:7.56","dn32:7.57","dn32:7.58","dn32:7.59","dn32:7.60","dn32:7.61","dn32:7.62","dn32:7.63","dn32:7.64","dn32:7.65","dn32:7.66","dn32:7.67","dn32:7.68","dn32:7.69","dn32:7.70","dn32:7.71","dn32:7.72","dn32:7.73","dn32:7.74","dn32:7.75","dn32:7.76","dn32:7.77","dn32:7.78","dn32:7.79","dn32:7.80","dn32:7.81","dn32:7.82","dn32:7.83","dn32:7.84","dn32:7.85","dn32:7.86","dn32:7.87","dn32:7.88","dn32:7.89","dn32:7.90"],"kind":"text","text":{"pi":"Yena uttarakuruvho,\nmahāneru sudassano;\nManussā tattha jāyanti,\namamā apariggahā.\nNa te bījaṁ pavapanti,\nnapi nīyanti naṅgalā;\nAkaṭṭhapākimaṁ sāliṁ,\nparibhuñjanti mānusā.\nAkaṇaṁ athusaṁ suddhaṁ,\nsugandhaṁ taṇḍulapphalaṁ;\nTuṇḍikīre pacitvāna,\ntato bhuñjanti bhojanaṁ.\nGāviṁ ekakhuraṁ katvā,\nanuyanti disodisaṁ;\nPasuṁ ekakhuraṁ katvā,\nanuyanti disodisaṁ.\nItthiṁ vā vāhanaṁ katvā,\nanuyanti disodisaṁ;\nPurisaṁ vāhanaṁ katvā,\nanuyanti disodisaṁ.\nKumāriṁ vāhanaṁ katvā,\nanuyanti disodisaṁ;\nKumāraṁ vāhanaṁ katvā,\nanuyanti disodisaṁ.\nTe yāne abhiruhitvā,\nSabbā disā anupariyāyanti;\nPacārā tassa rājino.\nHatthiyānaṁ assayānaṁ,\ndibbaṁ yānaṁ upaṭṭhitaṁ;\nPāsādā sivikā ceva,\nmahārājassa yasassino.\nTassa ca nagarā ahu,\nAntalikkhe sumāpitā;\nĀṭānāṭā kusināṭā parakusināṭā,\nNāṭasuriyā parakusiṭanāṭā.\nUttarena kasivanto,\nJanoghamaparena ca;\nNavanavutiyo ambaraambaravatiyo,\nĀḷakamandā nāma rājadhānī.\nKuverassa kho pana mārisa,\nMahārājassa visāṇā nāma rājadhānī;\nTasmā kuvero mahārājā,\n‘Vessavaṇo’ti pavuccati.\nPaccesanto pakāsenti,\nTatolā tattalā tatotalā;\nOjasi tejasi tatojasī,\nSūro rājā ariṭṭho nemi.\nRahadopi tattha dharaṇī nāma,\nYato meghā pavassanti;\nVassā yato patāyanti,\nSabhāpi tattha sālavatī nāma.\nYattha yakkhā payirupāsanti,\nTattha niccaphalā rukkhā;\nNānā dijagaṇā yutā,\nMayūrakoñcābhirudā;\nKokilādīhi vagguhi.\nJīvañjīvakasaddettha,\natho oṭṭhavacittakā;\nKukkuṭakā kuḷīrakā,\nvane pokkharasātakā.\nSukasāḷikasaddettha,\ndaṇḍamāṇavakāni ca;\nSobhati sabbakālaṁ sā,\nkuveranaḷinī sadā.\nIto ‘sā uttarā disā’,\niti naṁ ācikkhatī jano;\nYaṁ disaṁ abhipāleti,\nmahārājā yasassi so.\nYakkhānañca adhipati,\n‘kuvero’ iti nāmaso;\nRamatī naccagītehi,\nyakkheheva purakkhato.\nPuttāpi tassa bahavo,\nekanāmāti me sutaṁ;\nAsīti dasa eko ca,\nindanāmā mahabbalā.\nTe cāpi buddhaṁ disvāna,\nbuddhaṁ ādiccabandhunaṁ;\nDūratova namassanti,\nmahantaṁ vītasāradaṁ.\nNamo te purisājañña,\nnamo te purisuttama;\nKusalena samekkhasi,\namanussāpi taṁ vandanti;\nSutaṁ netaṁ abhiṇhaso,\ntasmā evaṁ vademase.\n‘Jinaṁ vandatha gotamaṁ’,\n‘jinaṁ vandāma gotamaṁ;\nVijjācaraṇasampannaṁ,\nbuddhaṁ vandāma gotaman’ti.","en":"Where the lovely land north of Kuru is,\nand the beautiful Mount Meru,\nhumans born there\nare unselfish, without possessions.\nThey do not sow the seed,\nnor do they draw the plough.\nThe rice eaten by people\nripens in untilled soil,\nfree of powder or husk, pure,\nfragrant, with only the rice-grain.\nAfter cooking in a tandoor oven,\nthey enjoy eating that food.\nHaving prepared a cow with hooves uncloven,\nthey’re drawn about from place to place.\nHaving prepared a beast with hooves uncloven,\nthey’re drawn about from place to place.\nHaving prepared a woman-drawn carriage,\nthey’re drawn about from place to place.\nHaving prepared a man-drawn carriage,\nthey’re drawn about from place to place.\nHaving prepared a girl-drawn carriage,\nthey’re drawn about from place to place.\nHaving prepared a boy-drawn carriage,\nthey’re drawn about from place to place.\nHaving ascended their vehicle,\nthat king’s servants\ntour about in every quarter,\nprovided with heavenly vehicles\nof elephant and of horse.\nAnd there are palaces and palanquins\nfor that great and glorious king.\nAnd he has cities, too,\nwell-built in the sky:\nĀṭānāṭā, Kusināṭā, Parakusināṭā,\nNāṭapuriyā, and Parakusiṭanāṭā.\nTo the north is Kapīvanta,\nand Janogha lies beyond.\nAnd there’s Navanavutiya, Ambara-ambaravatiya,\nand the royal capital named Āḷakamandā.\nThe Great King Kuvera, dear sir,\nhas a capital named Visāṇā,\nwhich is why the great king\nis called ‘Vessavaṇa’.\nSearching, they shine:\nTatolā, Tattalā, Tatotalā,\nOjasi, Tejasi, Tatojasi,\nSūra, Rājā, Ariṭṭha, and Nemi.\nThere is a lake there too named Dharaṇī,\nwhence the clouds rain forth,\nand the rains disperse.\nThere is a hall there too named Sālavatī,\nwhere the spirits frequent.\nThere the trees are ever in fruit,\nwith many different flocks of birds.\nPeacocks and herons call out there,\nand the sweet cuckoos too.\nOne bird cries out ‘Live, live!’,\nanother ‘Lift up your heart!’\nThere are cocks and kookaburras,\nand in the wood the woodpeckers.\nThe parrots and mynah cry out there,\nand the ‘little stick-boy’ birds.\nKuvera’s pond of rushes\nis lovely all the time.\nFrom here that is the northern quarter,\nso the people say.\nThat quarter is warded\nby a great king, glorious,\nthe lord of spirits;\nhis name is Kuvera.\nHe delights in song and dance,\nhonored by the spirits.\nAnd he has many mighty sons\nall of one name, so I’ve heard.\nEighty, and ten, and one—\nall of them named Indra.\nAfter seeing the Awakened One,\nthe Buddha, Kinsman of the Sun,\nthey revere him from afar,\nthe one great of heart and intrepid.\nHomage to you, O thoroughbred!\nHomage to you, supreme among men!\nYou examine us skillfully;\nthe non-humans bow to you.\nWe’ve been asked many a time,\n‘Do you bow to Gotama the victor?’\nAnd so we ought to declare:\n‘We bow to Gotama the victor,\naccomplished in knowledge and conduct!\nWe bow to Gotama the awakened!’"}},{"id":"dn32:8","sourceIds":["dn32:8.1","dn32:8.2","dn32:8.3","dn32:8.4","dn32:8.5","dn32:8.6","dn32:8.7","dn32:8.8","dn32:8.9","dn32:8.10"],"kind":"text","text":{"pi":"Ayaṁ kho sā, mārisa, āṭānāṭiyā rakkhā bhikkhūnaṁ bhikkhunīnaṁ upāsakānaṁ upāsikānaṁ guttiyā rakkhāya avihiṁsāya phāsuvihārāya.\nYassa kassaci, mārisa, bhikkhussa vā bhikkhuniyā vā upāsakassa vā upāsikāya vā ayaṁ āṭānāṭiyā rakkhā suggahitā bhavissati samattā pariyāputā.\nTañce amanusso yakkho vā yakkhinī vā yakkhapotako vā yakkhapotikā vā yakkhamahāmatto vā yakkhapārisajjo vā yakkhapacāro vā, gandhabbo vā gandhabbī vā gandhabbapotako vā gandhabbapotikā vā gandhabbamahāmatto vā gandhabbapārisajjo vā gandhabbapacāro vā, kumbhaṇḍo vā kumbhaṇḍī vā kumbhaṇḍapotako vā kumbhaṇḍapotikā vā kumbhaṇḍamahāmatto vā kumbhaṇḍapārisajjo vā kumbhaṇḍapacāro vā, nāgo vā nāgī vā nāgapotako vā nāgapotikā vā nāgamahāmatto vā nāgapārisajjo vā nāgapacāro vā, paduṭṭhacitto bhikkhuṁ vā bhikkhuniṁ vā upāsakaṁ vā upāsikaṁ vā gacchantaṁ vā anugaccheyya, ṭhitaṁ vā upatiṭṭheyya, nisinnaṁ vā upanisīdeyya, nipannaṁ vā upanipajjeyya.\nNa me so, mārisa, amanusso labheyya gāmesu vā nigamesu vā sakkāraṁ vā garukāraṁ vā.\nNa me so, mārisa, amanusso labheyya āḷakamandāya nāma rājadhāniyā vatthuṁ vā vāsaṁ vā.\nNa me so, mārisa, amanusso labheyya yakkhānaṁ samitiṁ gantuṁ.\nApissu naṁ, mārisa, amanussā anāvayhampi naṁ kareyyuṁ avivayhaṁ.\nApissu naṁ, mārisa, amanussā attāhipi paripuṇṇāhi paribhāsāhi paribhāseyyuṁ.\nApissu naṁ, mārisa, amanussā rittampissa pattaṁ sīse nikkujjeyyuṁ.\nApissu naṁ, mārisa, amanussā sattadhāpissa muddhaṁ phāleyyuṁ.","en":"This, good fellow, is the Āṭānāṭiya protection for the guarding, protection, safety, and comfort of the monks, nuns, laymen, and laywomen.\nThe monks, nuns, laymen, and laywomen should learn this Āṭānāṭiya protection well and completely memorize it.\nIf anyone who does so is approached while walking, standing, sitting, or lying down by any non-human being with malicious intent—including males, females, boys, girls, chief ministers, councillors, and servants among the spirits, centaurs, gnomes, and dragons—\nthat non-human will receive no homage or respect in any village or town.\nAnd they will receive no ground or dwelling in my capital of Ālakamandā.\nNor will they get to go to the conference of the spirits.\nIn addition, the non-humans would not give or take them in marriage.\nThey’d heap personal abuse on them,\ndrop an empty bowl on their head,\nand even split their head into seven pieces!"}},{"id":"dn32:9","sourceIds":["dn32:9.1","dn32:9.2","dn32:9.3","dn32:9.4","dn32:9.5","dn32:9.6","dn32:9.7","dn32:9.8","dn32:9.9","dn32:9.10"],"kind":"text","text":{"pi":"Santi hi, mārisa, amanussā caṇḍā ruddhā rabhasā, te neva mahārājānaṁ ādiyanti, na mahārājānaṁ purisakānaṁ ādiyanti, na mahārājānaṁ purisakānaṁ purisakānaṁ ādiyanti.\nTe kho te, mārisa, amanussā mahārājānaṁ avaruddhā nāma vuccanti.\nSeyyathāpi, mārisa, rañño māgadhassa vijite mahācorā.\nTe neva rañño māgadhassa ādiyanti, na rañño māgadhassa purisakānaṁ ādiyanti, na rañño māgadhassa purisakānaṁ purisakānaṁ ādiyanti.\nTe kho te, mārisa, mahācorā rañño māgadhassa avaruddhā nāma vuccanti.\nEvameva kho, mārisa, santi amanussā caṇḍā ruddhā rabhasā, te neva mahārājānaṁ ādiyanti, na mahārājānaṁ purisakānaṁ ādiyanti, na mahārājānaṁ purisakānaṁ purisakānaṁ ādiyanti.\nTe kho te, mārisa, amanussā mahārājānaṁ avaruddhā nāma vuccanti.\nYo hi koci, mārisa, amanusso yakkho vā yakkhinī vā …pe… gandhabbo vā gandhabbī vā …pe… kumbhaṇḍo vā kumbhaṇḍī vā …pe… nāgo vā nāgī vā nāgapotako vā nāgapotikā vā nāgamahāmatto vā nāgapārisajjo vā nāgapacāro vā paduṭṭhacitto bhikkhuṁ vā bhikkhuniṁ vā upāsakaṁ vā upāsikaṁ vā gacchantaṁ vā anugaccheyya, ṭhitaṁ vā upatiṭṭheyya, nisinnaṁ vā upanisīdeyya, nipannaṁ vā upanipajjeyya.\nImesaṁ yakkhānaṁ mahāyakkhānaṁ senāpatīnaṁ mahāsenāpatīnaṁ ujjhāpetabbaṁ vikkanditabbaṁ viravitabbaṁ:\n‘ayaṁ yakkho gaṇhāti, ayaṁ yakkho āvisati, ayaṁ yakkho heṭheti, ayaṁ yakkho viheṭheti, ayaṁ yakkho hiṁsati, ayaṁ yakkho vihiṁsati, ayaṁ yakkho na muñcatī’ti.","en":"For there are, good fellow, non-humans who are fierce, cruel, and violent. They don’t obey the Great Kings or their men or their men’s men.\nThey’re said to be rebelling against the Great Kings.\nThey’re just like the bandits in the king of Magadha’s realm\nwho don’t obey the king, his men, or his men’s men,\nand are said to be rebelling against the king.\nIf any non-human being with malicious intent—including males, females, boys, girls, ministers, councillors, and servants among the spirits, centaurs, gnomes, and dragons—approaches a monk, nun, layman, or laywoman while walking, standing, sitting, or lying down,\none ought to yell, cry, and scream to the spirits, great spirits, generals, great generals:\n‘This spirit’s got me! This spirit’s entered me! This spirit’s annoying me! This spirit’s harassing me! This spirit’s hurting me! This spirit’s harming me! This spirit won’t let me go!’"}},{"id":"dn32:10","sourceIds":["dn32:10.1","dn32:10.2","dn32:10.3","dn32:10.4","dn32:10.5","dn32:10.6","dn32:10.7","dn32:10.8","dn32:10.9","dn32:10.10","dn32:10.11","dn32:10.12","dn32:10.13","dn32:10.14","dn32:10.15","dn32:10.16","dn32:10.17","dn32:10.18","dn32:10.19","dn32:10.20","dn32:10.21"],"kind":"text","text":{"pi":"Katamesaṁ yakkhānaṁ mahāyakkhānaṁ senāpatīnaṁ mahāsenāpatīnaṁ?\nIndo somo varuṇo ca,\nbhāradvājo pajāpati;\nCandano kāmaseṭṭho ca,\nkinnughaṇḍu nighaṇḍu ca.\nPanādo opamañño ca,\ndevasūto ca mātali;\nCittaseno ca gandhabbo,\nnaḷo rājā janesabho.\nSātāgiro hemavato,\npuṇṇako karatiyo guḷo;\nSivako mucalindo ca,\nvessāmitto yugandharo.\nGopālo supparodho ca,\nHiri netti ca mandiyo;\nPañcālacaṇḍo āḷavako,\nPajjunno sumano sumukho;\nDadhimukho maṇi māṇivaro dīgho,\nAtho serīsako saha.\nImesaṁ yakkhānaṁ mahāyakkhānaṁ senāpatīnaṁ mahāsenāpatīnaṁ ujjhāpetabbaṁ vikkanditabbaṁ viravitabbaṁ:\n‘ayaṁ yakkho gaṇhāti, ayaṁ yakkho āvisati, ayaṁ yakkho heṭheti, ayaṁ yakkho viheṭheti, ayaṁ yakkho hiṁsati, ayaṁ yakkho vihiṁsati, ayaṁ yakkho na muñcatī’ti.","en":"To what spirits, great spirits, generals, great generals?\n‘Indra, Soma, and Varuṇa,\nBhāradvāja, the Progenitor,\nCandana and Kāmaseṭṭha,\nKinnughaṇḍu and Nighaṇḍu,\nPanāda and Opamañña,\nand Mātali, the god’s equerry.\nCittasena the centaur,\nand the kings Nala and Janesabha,\nSātāgira, Hemavata,\nPuṇṇaka, Karatiya, and Guḷa;\nSivaka and Mucalinda,\nVessāmitta, Yugandhara,\nGopāla, Suppagedha,\nHiri, Netti, and Mandiya;\nPañcālacaṇḍa, Āḷavaka,\nPajjunna, Sumana, Sumukha,\nDadhimukha, Maṇi, Māṇivara, Dīgha,\ntogether with Serīsaka.’"}},{"id":"dn32:11","sourceIds":["dn32:11.1","dn32:11.2","dn32:11.3","dn32:11.4","dn32:11.5","dn32:11.6"],"kind":"text","text":{"pi":"Ayaṁ kho sā, mārisa, āṭānāṭiyā rakkhā bhikkhūnaṁ bhikkhunīnaṁ upāsakānaṁ upāsikānaṁ guttiyā rakkhāya avihiṁsāya phāsuvihārāya.\nHanda ca dāni mayaṁ, mārisa, gacchāma bahukiccā mayaṁ bahukaraṇīyā”ti.\n“Yassadāni tumhe, mahārājāno, kālaṁ maññathā”ti.\nAtha kho cattāro mahārājā uṭṭhāyāsanā bhagavantaṁ abhivādetvā padakkhiṇaṁ katvā tatthevantaradhāyiṁsu.\nTepi kho yakkhā uṭṭhāyāsanā appekacce bhagavantaṁ abhivādetvā padakkhiṇaṁ katvā tatthevantaradhāyiṁsu. Appekacce bhagavatā saddhiṁ sammodiṁsu, sammodanīyaṁ kathaṁ sāraṇīyaṁ vītisāretvā tatthevantaradhāyiṁsu. Appekacce yena bhagavā tenañjaliṁ paṇāmetvā tatthevantaradhāyiṁsu. Appekacce nāmagottaṁ sāvetvā tatthevantaradhāyiṁsu. Appekacce tuṇhībhūtā tatthevantaradhāyiṁsūti.\nPaṭhamabhāṇavāro niṭṭhito.","en":"This, good fellow, is the Āṭānāṭiya protection for the guarding, protection, safety, and comfort of the monks, nuns, laymen, and laywomen.\nWell, now, good fellow, I must go. I have many duties, and much to do.”\n“Please, Great Kings, go at your convenience.”\nThen the four great kings got up from their seats, bowed and respectfully circled the Buddha, keeping him on their right side, before vanishing right there.\nAnd before the other spirits present vanished, some bowed and respectfully circled the Buddha, keeping him on their right side, some exchanged greetings and polite conversation, some held up their cupped palms toward the Buddha, some announced their name and clan, while some kept silent.\nThe first recitation section is complete."}},{"id":"dn32:12","sourceIds":["dn32:12.0","dn32:12.1","dn32:12.2","dn32:12.3","dn32:12.4","dn32:12.5","dn32:12.6","dn32:12.7","dn32:12.8","dn32:12.9","dn32:12.10","dn32:12.11","dn32:12.12","dn32:12.13","dn32:12.14","dn32:12.15","dn32:12.16","dn32:12.17","dn32:12.18","dn32:12.19","dn32:12.20","dn32:12.21","dn32:12.22","dn32:12.23","dn32:12.24","dn32:12.25","dn32:12.26","dn32:12.27","dn32:12.28","dn32:12.29","dn32:12.30","dn32:12.31","dn32:12.32","dn32:12.33","dn32:12.34","dn32:12.35","dn32:12.36","dn32:12.37","dn32:12.38","dn32:12.39","dn32:12.40","dn32:12.41","dn32:12.42","dn32:12.43","dn32:12.44","dn32:12.45","dn32:12.46","dn32:12.47","dn32:12.48","dn32:12.49","dn32:12.50","dn32:12.51","dn32:12.52","dn32:12.53","dn32:12.54","dn32:12.55","dn32:12.56","dn32:12.57","dn32:12.58","dn32:12.59","dn32:12.60","dn32:12.61","dn32:12.62","dn32:12.63","dn32:12.64","dn32:12.65","dn32:12.66","dn32:12.67","dn32:12.68","dn32:12.69","dn32:12.70","dn32:12.71","dn32:12.72","dn32:12.73","dn32:12.74","dn32:12.75","dn32:12.76","dn32:12.77","dn32:12.78","dn32:12.79","dn32:12.80","dn32:12.81","dn32:12.82","dn32:12.83","dn32:12.84","dn32:12.85","dn32:12.86","dn32:12.87","dn32:12.88","dn32:12.89","dn32:12.90","dn32:12.91","dn32:12.92","dn32:12.93","dn32:12.94","dn32:12.95","dn32:12.96","dn32:12.97","dn32:12.98","dn32:12.99","dn32:12.100","dn32:12.101","dn32:12.102","dn32:12.103","dn32:12.104","dn32:12.105","dn32:12.106","dn32:12.107","dn32:12.108","dn32:12.109","dn32:12.110","dn32:12.111","dn32:12.112","dn32:12.113","dn32:12.114","dn32:12.115","dn32:12.116","dn32:12.117","dn32:12.118","dn32:12.119","dn32:12.120","dn32:12.121","dn32:12.122","dn32:12.123","dn32:12.124","dn32:12.125","dn32:12.126","dn32:12.127","dn32:12.128","dn32:12.129","dn32:12.130","dn32:12.131","dn32:12.132","dn32:12.133","dn32:12.134","dn32:12.135","dn32:12.136","dn32:12.137","dn32:12.138","dn32:12.139","dn32:12.140","dn32:12.141","dn32:12.142","dn32:12.143","dn32:12.144","dn32:12.145","dn32:12.146","dn32:12.147","dn32:12.148","dn32:12.149","dn32:12.150","dn32:12.151","dn32:12.152","dn32:12.153","dn32:12.154","dn32:12.155","dn32:12.156","dn32:12.157","dn32:12.158","dn32:12.159","dn32:12.160","dn32:12.161","dn32:12.162","dn32:12.163","dn32:12.164","dn32:12.165","dn32:12.166","dn32:12.167","dn32:12.168","dn32:12.169","dn32:12.170","dn32:12.171","dn32:12.172","dn32:12.173","dn32:12.174","dn32:12.175","dn32:12.176","dn32:12.177","dn32:12.178","dn32:12.179","dn32:12.180","dn32:12.181","dn32:12.182","dn32:12.183","dn32:12.184","dn32:12.185","dn32:12.186","dn32:12.187","dn32:12.188","dn32:12.189","dn32:12.190","dn32:12.191","dn32:12.192","dn32:12.193","dn32:12.194","dn32:12.195","dn32:12.196","dn32:12.197","dn32:12.198","dn32:12.199","dn32:12.200","dn32:12.201","dn32:12.202","dn32:12.203","dn32:12.204","dn32:12.205","dn32:12.206","dn32:12.207","dn32:12.208","dn32:12.209","dn32:12.210","dn32:12.211","dn32:12.212","dn32:12.213","dn32:12.214","dn32:12.215","dn32:12.216","dn32:12.217","dn32:12.218","dn32:12.219","dn32:12.220","dn32:12.221","dn32:12.222","dn32:12.223","dn32:12.224","dn32:12.225","dn32:12.226","dn32:12.227","dn32:12.228","dn32:12.229","dn32:12.230","dn32:12.231","dn32:12.232","dn32:12.233","dn32:12.234","dn32:12.235","dn32:12.236","dn32:12.237","dn32:12.238","dn32:12.239","dn32:12.240","dn32:12.241","dn32:12.242","dn32:12.243","dn32:12.244","dn32:12.245","dn32:12.246","dn32:12.247","dn32:12.248","dn32:12.249","dn32:12.250","dn32:12.251","dn32:12.252","dn32:12.253","dn32:12.254","dn32:12.255","dn32:12.256","dn32:12.257","dn32:12.258","dn32:12.259","dn32:12.260","dn32:12.261","dn32:12.262","dn32:12.263","dn32:12.264","dn32:12.265","dn32:12.266","dn32:12.267","dn32:12.268","dn32:12.269","dn32:12.270","dn32:12.271","dn32:12.272","dn32:12.273","dn32:12.274","dn32:12.275","dn32:12.276","dn32:12.277","dn32:12.278","dn32:12.279"],"kind":"text","text":{"pi":"2. Dutiyabhāṇavāra\nAtha kho bhagavā tassā rattiyā accayena bhikkhū āmantesi:\n“imaṁ, bhikkhave, rattiṁ cattāro mahārājā mahatiyā ca yakkhasenāya mahatiyā ca gandhabbasenāya mahatiyā ca kumbhaṇḍasenāya mahatiyā ca nāgasenāya catuddisaṁ rakkhaṁ ṭhapetvā catuddisaṁ gumbaṁ ṭhapetvā catuddisaṁ ovaraṇaṁ ṭhapetvā abhikkantāya rattiyā abhikkantavaṇṇā kevalakappaṁ gijjhakūṭaṁ pabbataṁ obhāsetvā yenāhaṁ tenupasaṅkamiṁsu; upasaṅkamitvā maṁ abhivādetvā ekamantaṁ nisīdiṁsu.\nTepi kho, bhikkhave, yakkhā appekacce maṁ abhivādetvā ekamantaṁ nisīdiṁsu. Appekacce mayā saddhiṁ sammodiṁsu, sammodanīyaṁ kathaṁ sāraṇīyaṁ vītisāretvā ekamantaṁ nisīdiṁsu. Appekacce yenāhaṁ tenañjaliṁ paṇāmetvā ekamantaṁ nisīdiṁsu. Appekacce nāmagottaṁ sāvetvā ekamantaṁ nisīdiṁsu. Appekacce tuṇhībhūtā ekamantaṁ nisīdiṁsu.\nEkamantaṁ nisinno kho, bhikkhave, vessavaṇo mahārājā maṁ etadavoca:\n‘santi hi, bhante, uḷārā yakkhā bhagavato appasannā …pe… santi hi, bhante, nīcā yakkhā bhagavato pasannā.\nYebhuyyena kho pana, bhante, yakkhā appasannāyeva bhagavato.\nTaṁ kissa hetu?\nBhagavā hi, bhante, pāṇātipātā veramaṇiyā dhammaṁ deseti … surāmerayamajjappamādaṭṭhānā veramaṇiyā dhammaṁ deseti.\nYebhuyyena kho pana, bhante, yakkhā appaṭiviratāyeva pāṇātipātā … appaṭiviratā surāmerayamajjappamādaṭṭhānā.\nTesaṁ taṁ hoti appiyaṁ amanāpaṁ.\nSanti hi, bhante, bhagavato sāvakā araññavanapatthāni pantāni senāsanāni paṭisevanti appasaddāni appanigghosāni vijanavātāni manussarāhasseyyakāni paṭisallānasāruppāni.\nTattha santi uḷārā yakkhā nivāsino, ye imasmiṁ bhagavato pāvacane appasannā, tesaṁ pasādāya uggaṇhātu, bhante, bhagavā āṭānāṭiyaṁ rakkhaṁ bhikkhūnaṁ bhikkhunīnaṁ upāsakānaṁ upāsikānaṁ guttiyā rakkhāya avihiṁsāya phāsuvihārāyā’ti.\nAdhivāsesiṁ kho ahaṁ, bhikkhave, tuṇhībhāvena.\nAtha kho, bhikkhave, vessavaṇo mahārājā me adhivāsanaṁ viditvā tāyaṁ velāyaṁ imaṁ āṭānāṭiyaṁ rakkhaṁ abhāsi:\n‘Vipassissa ca namatthu,\ncakkhumantassa sirīmato;\nSikhissapi ca namatthu,\nsabbabhūtānukampino.\nVessabhussa ca namatthu,\nnhātakassa tapassino;\nNamatthu kakusandhassa,\nmārasenāpamaddino.\nKoṇāgamanassa namatthu,\nbrāhmaṇassa vusīmato;\nKassapassa ca namatthu,\nvippamuttassa sabbadhi.\nAṅgīrasassa namatthu,\nsakyaputtassa sirīmato;\nYo imaṁ dhammaṁ desesi,\nsabbadukkhāpanūdanaṁ.\nYe cāpi nibbutā loke,\nyathābhūtaṁ vipassisuṁ;\nTe janā apisuṇātha,\nmahantā vītasāradā.\nHitaṁ devamanussānaṁ,\nyaṁ namassanti gotamaṁ;\nVijjācaraṇasampannaṁ,\nmahantaṁ vītasāradaṁ.\nYato uggacchati sūriyo,\nādicco maṇḍalī mahā;\nYassa cuggacchamānassa,\nsaṁvarīpi nirujjhati;\nYassa cuggate sūriye,\n“divaso”ti pavuccati.\nRahadopi tattha gambhīro,\nsamuddo saritodako;\nEvaṁ taṁ tattha jānanti,\n“samuddo saritodako”.\nIto “sā purimā disā”,\niti naṁ ācikkhatī jano;\nYaṁ disaṁ abhipāleti,\nmahārājā yasassi so.\nGandhabbānaṁ adhipati,\n“dhataraṭṭho”ti nāmaso;\nRamatī naccagītehi,\ngandhabbehi purakkhato.\nPuttāpi tassa bahavo,\nekanāmāti me sutaṁ;\nAsīti dasa eko ca,\nindanāmā mahabbalā.\nTe cāpi buddhaṁ disvāna,\nbuddhaṁ ādiccabandhunaṁ;\nDūratova namassanti,\nmahantaṁ vītasāradaṁ.\nNamo te purisājañña,\nnamo te purisuttama;\nKusalena samekkhasi,\namanussāpi taṁ vandanti;\nSutaṁ netaṁ abhiṇhaso,\ntasmā evaṁ vademase.\n“Jinaṁ vandatha gotamaṁ,\njinaṁ vandāma gotamaṁ;\nVijjācaraṇasampannaṁ,\nbuddhaṁ vandāma gotamaṁ”.\nYena petā pavuccanti,\npisuṇā piṭṭhimaṁsikā;\nPāṇātipātino luddā,\ncorā nekatikā janā.\nIto “sā dakkhiṇā disā”,\niti naṁ ācikkhatī jano;\nYaṁ disaṁ abhipāleti,\nmahārājā yasassi so.\nKumbhaṇḍānaṁ adhipati,\n“virūḷho” iti nāmaso;\nRamatī naccagītehi,\nkumbhaṇḍehi purakkhato.\nPuttāpi tassa bahavo,\nekanāmāti me sutaṁ;\nAsīti dasa eko ca,\nindanāmā mahabbalā.\nTe cāpi buddhaṁ disvāna,\nbuddhaṁ ādiccabandhunaṁ;\nDūratova namassanti,\nmahantaṁ vītasāradaṁ.\nNamo te purisājañña,\nnamo te purisuttama;\nKusalena samekkhasi,\namanussāpi taṁ vandanti;\nSutaṁ netaṁ abhiṇhaso,\ntasmā evaṁ vademase.\n“Jinaṁ vandatha gotamaṁ,\njinaṁ vandāma gotamaṁ;\nVijjācaraṇasampannaṁ,\nbuddhaṁ vandāma gotamaṁ”.\nYattha coggacchati sūriyo,\nādicco maṇḍalī mahā;\nYassa coggacchamānassa,\ndivasopi nirujjhati;\nYassa coggate sūriye,\n“saṁvarī”ti pavuccati.\nRahadopi tattha gambhīro,\nsamuddo saritodako;\nEvaṁ taṁ tattha jānanti,\nsamuddo saritodako.\nIto “sā pacchimā disā”,\niti naṁ ācikkhatī jano;\nYaṁ disaṁ abhipāleti,\nmahārājā yasassi so.\nNāgānañca adhipati,\n“virūpakkho”ti nāmaso;\nRamatī naccagītehi,\nnāgeheva purakkhato.\nPuttāpi tassa bahavo,\nekanāmāti me sutaṁ;\nAsīti dasa eko ca,\nindanāmā mahabbalā.\nTe cāpi buddhaṁ disvāna,\nbuddhaṁ ādiccabandhunaṁ;\nDūratova namassanti,\nmahantaṁ vītasāradaṁ.\nNamo te purisājañña,\nnamo te purisuttama;\nKusalena samekkhasi,\namanussāpi taṁ vandanti;\nSutaṁ netaṁ abhiṇhaso,\ntasmā evaṁ vademase.\n“Jinaṁ vandatha gotamaṁ,\njinaṁ vandāma gotamaṁ;\nVijjācaraṇasampannaṁ,\nbuddhaṁ vandāma gotamaṁ”.\nYena uttarakuruvho,\nmahāneru sudassano;\nManussā tattha jāyanti,\namamā apariggahā.\nNa te bījaṁ pavapanti,\nnāpi nīyanti naṅgalā;\nAkaṭṭhapākimaṁ sāliṁ,\nparibhuñjanti mānusā.\nAkaṇaṁ athusaṁ suddhaṁ,\nsugandhaṁ taṇḍulapphalaṁ;\nTuṇḍikīre pacitvāna,\ntato bhuñjanti bhojanaṁ.\nGāviṁ ekakhuraṁ katvā,\nanuyanti disodisaṁ;\nPasuṁ ekakhuraṁ katvā,\nanuyanti disodisaṁ.\nItthiṁ vā vāhanaṁ katvā,\nanuyanti disodisaṁ;\nPurisaṁ vāhanaṁ katvā,\nanuyanti disodisaṁ.\nKumāriṁ vāhanaṁ katvā,\nanuyanti disodisaṁ;\nKumāraṁ vāhanaṁ katvā,\nanuyanti disodisaṁ.\nTe yāne abhiruhitvā,\nSabbā disā anupariyāyanti;\nPacārā tassa rājino.\nHatthiyānaṁ assayānaṁ,\ndibbaṁ yānaṁ upaṭṭhitaṁ;\nPāsādā sivikā ceva,\nmahārājassa yasassino.\nTassa ca nagarā ahu,\nAntalikkhe sumāpitā;\nĀṭānāṭā kusināṭā parakusināṭā,\nNāṭasuriyā parakusiṭanāṭā.\nUttarena kasivanto,\nJanoghamaparena ca;\nNavanavutiyo ambaraambaravatiyo,\nĀḷakamandā nāma rājadhānī.\nKuverassa kho pana mārisa,\nMahārājassa visāṇā nāma rājadhānī;\nTasmā kuvero mahārājā,\n“Vessavaṇo”ti pavuccati.\nPaccesanto pakāsenti,\nTatolā tattalā tatotalā;\nOjasi tejasi tatojasī,\nSūro rājā ariṭṭho nemi.\nRahadopi tattha dharaṇī nāma,\nYato meghā pavassanti;\nVassā yato patāyanti,\nSabhāpi tattha sālavatī nāma.\nYattha yakkhā payirupāsanti,\nTattha niccaphalā rukkhā;\nNānā dijagaṇā yutā,\nMayūrakoñcābhirudā;\nKokilādīhi vagguhi.\nJīvañjīvakasaddettha,\natho oṭṭhavacittakā;\nKukkuṭakā kuḷīrakā,\nvane pokkharasātakā.\nSukasāḷika saddettha,\ndaṇḍamāṇavakāni ca;\nSobhati sabbakālaṁ sā,\nkuveranaḷinī sadā.\nIto “sā uttarā disā”,\niti naṁ ācikkhatī jano;\nYaṁ disaṁ abhipāleti,\nmahārājā yasassi so.\nYakkhānañca adhipati,\n“kuvero” iti nāmaso;\nRamatī naccagītehi,\nyakkheheva purakkhato.\nPuttāpi tassa bahavo,\nekanāmāti me sutaṁ;\nAsīti dasa eko ca,\nindanāmā mahabbalā.\nTe cāpi buddhaṁ disvāna,\nbuddhaṁ ādiccabandhunaṁ;\nDūratova namassanti,\nmahantaṁ vītasāradaṁ.\nNamo te purisājañña,\nnamo te purisuttama;\nKusalena samekkhasi,\namanussāpi taṁ vandanti;\nSutaṁ netaṁ abhiṇhaso,\ntasmā evaṁ vademase.\n“Jinaṁ vandatha gotamaṁ,\njinaṁ vandāma gotamaṁ;\nVijjācaraṇasampannaṁ,\nbuddhaṁ vandāma gotaman”ti.\nAyaṁ kho sā, mārisa, āṭānāṭiyā rakkhā bhikkhūnaṁ bhikkhunīnaṁ upāsakānaṁ upāsikānaṁ guttiyā rakkhāya avihiṁsāya phāsuvihārāya.\nYassa kassaci, mārisa, bhikkhussa vā bhikkhuniyā vā upāsakassa vā upāsikāya vā ayaṁ āṭānāṭiyā rakkhā suggahitā bhavissati samattā pariyāputā tañce amanusso yakkho vā yakkhinī vā …pe… gandhabbo vā gandhabbī vā …pe… kumbhaṇḍo vā kumbhaṇḍī vā …pe… nāgo vā nāgī vā nāgapotako vā nāgapotikā vā nāgamahāmatto vā nāgapārisajjo vā nāgapacāro vā, paduṭṭhacitto bhikkhuṁ vā bhikkhuniṁ vā upāsakaṁ vā upāsikaṁ vā gacchantaṁ vā anugaccheyya, ṭhitaṁ vā upatiṭṭheyya, nisinnaṁ vā upanisīdeyya, nipannaṁ vā upanipajjeyya.\nNa me so, mārisa, amanusso labheyya gāmesu vā nigamesu vā sakkāraṁ vā garukāraṁ vā.\nNa me so, mārisa, amanusso labheyya āḷakamandāya nāma rājadhāniyā vatthuṁ vā vāsaṁ vā.\nNa me so, mārisa, amanusso labheyya yakkhānaṁ samitiṁ gantuṁ.\nApissu naṁ, mārisa, amanussā anāvayhampi naṁ kareyyuṁ avivayhaṁ.\nApissu naṁ, mārisa, amanussā attāhi paripuṇṇāhi paribhāsāhi paribhāseyyuṁ.\nApissu naṁ, mārisa, amanussā rittampissa pattaṁ sīse nikkujjeyyuṁ.\nApissu naṁ, mārisa, amanussā sattadhāpissa muddhaṁ phāleyyuṁ.\nSanti hi, mārisa, amanussā caṇḍā ruddhā rabhasā, te neva mahārājānaṁ ādiyanti, na mahārājānaṁ purisakānaṁ ādiyanti, na mahārājānaṁ purisakānaṁ purisakānaṁ ādiyanti.\nTe kho te, mārisa, amanussā mahārājānaṁ avaruddhā nāma vuccanti.\nSeyyathāpi, mārisa, rañño māgadhassa vijite mahācorā.\nTe neva rañño māgadhassa ādiyanti, na rañño māgadhassa purisakānaṁ ādiyanti, na rañño māgadhassa purisakānaṁ purisakānaṁ ādiyanti.\nTe kho te, mārisa, mahācorā rañño māgadhassa avaruddhā nāma vuccanti.\nEvameva kho, mārisa, santi amanussā caṇḍā ruddhā rabhasā, te neva mahārājānaṁ ādiyanti, na mahārājānaṁ purisakānaṁ ādiyanti, na mahārājānaṁ purisakānaṁ purisakānaṁ ādiyanti.\nTe kho te, mārisa, amanussā mahārājānaṁ avaruddhā nāma vuccanti.\nYo hi koci, mārisa, amanusso yakkho vā yakkhinī vā …pe… gandhabbo vā gandhabbī vā …pe… kumbhaṇḍo vā kumbhaṇḍī vā …pe… nāgo vā nāgī vā …pe… paduṭṭhacitto bhikkhuṁ vā bhikkhuniṁ vā upāsakaṁ vā upāsikaṁ vā gacchantaṁ vā upagaccheyya, ṭhitaṁ vā upatiṭṭheyya, nisinnaṁ vā upanisīdeyya, nipannaṁ vā upanipajjeyya.\nImesaṁ yakkhānaṁ mahāyakkhānaṁ senāpatīnaṁ mahāsenāpatīnaṁ ujjhāpetabbaṁ vikkanditabbaṁ viravitabbaṁ:\n“ayaṁ yakkho gaṇhāti, ayaṁ yakkho āvisati, ayaṁ yakkho heṭheti, ayaṁ yakkho viheṭheti, ayaṁ yakkho hiṁsati, ayaṁ yakkho vihiṁsati, ayaṁ yakkho na muñcatī”ti.\nKatamesaṁ yakkhānaṁ mahāyakkhānaṁ senāpatīnaṁ mahāsenāpatīnaṁ?\nIndo somo varuṇo ca,\nbhāradvājo pajāpati;\nCandano kāmaseṭṭho ca,\nkinnughaṇḍu nighaṇḍu ca.\nPanādo opamañño ca,\ndevasūto ca mātali;\nCittaseno ca gandhabbo,\nnaḷo rājā janesabho.\nSātāgiro hemavato,\npuṇṇako karatiyo guḷo;\nSivako mucalindo ca,\nvessāmitto yugandharo.\nGopālo supparodho ca,\nHiri netti ca mandiyo;\nPañcālacaṇḍo āḷavako,\nPajjunno sumano sumukho;\nDadhimukho maṇi māṇivaro dīgho,\nAtho serīsako saha.\nImesaṁ yakkhānaṁ mahāyakkhānaṁ senāpatīnaṁ mahāsenāpatīnaṁ ujjhāpetabbaṁ vikkanditabbaṁ viravitabbaṁ:\n“ayaṁ yakkho gaṇhāti, ayaṁ yakkho āvisati, ayaṁ yakkho heṭheti, ayaṁ yakkho viheṭheti, ayaṁ yakkho hiṁsati, ayaṁ yakkho vihiṁsati, ayaṁ yakkho na muñcatī”ti.\nAyaṁ kho, mārisa, āṭānāṭiyā rakkhā bhikkhūnaṁ bhikkhunīnaṁ upāsakānaṁ upāsikānaṁ guttiyā rakkhāya avihiṁsāya phāsuvihārāya.\nHanda ca dāni mayaṁ, mārisa, gacchāma, bahukiccā mayaṁ bahukaraṇīyā’ti.\n‘Yassadāni tumhe, mahārājāno, kālaṁ maññathā’ti.\nAtha kho, bhikkhave, cattāro mahārājā uṭṭhāyāsanā maṁ abhivādetvā padakkhiṇaṁ katvā tatthevantaradhāyiṁsu.\nTepi kho, bhikkhave, yakkhā uṭṭhāyāsanā appekacce maṁ abhivādetvā padakkhiṇaṁ katvā tatthevantaradhāyiṁsu.\nAppekacce mayā saddhiṁ sammodiṁsu, sammodanīyaṁ kathaṁ sāraṇīyaṁ vītisāretvā tatthevantaradhāyiṁsu.\nAppekacce yenāhaṁ tenañjaliṁ paṇāmetvā tatthevantaradhāyiṁsu.\nAppekacce nāmagottaṁ sāvetvā tatthevantaradhāyiṁsu.\nAppekacce tuṇhībhūtā tatthevantaradhāyiṁsu.","en":"2. The Second Recitation Section\nThen, when the night had passed, the Buddha told the mendicants all that had happened, repeating all the verses spoken. Then he added:"}},{"id":"dn32:13","sourceIds":["dn32:13.1","dn32:13.2","dn32:13.3","dn32:13.4","dn32:13.5","dn32:13.6","dn32:13.7"],"kind":"text","text":{"pi":"Uggaṇhātha, bhikkhave, āṭānāṭiyaṁ rakkhaṁ.\nPariyāpuṇātha, bhikkhave, āṭānāṭiyaṁ rakkhaṁ.\nDhāretha, bhikkhave, āṭānāṭiyaṁ rakkhaṁ.\nAtthasaṁhitā, bhikkhave, āṭānāṭiyā rakkhā bhikkhūnaṁ bhikkhunīnaṁ upāsakānaṁ upāsikānaṁ guttiyā rakkhāya avihiṁsāya phāsuvihārāyā”ti.\nIdamavoca bhagavā.\nAttamanā te bhikkhū bhagavato bhāsitaṁ abhinandunti.\nĀṭānāṭiyasuttaṁ niṭṭhitaṁ navamaṁ.","en":"“Mendicants, learn the Āṭānāṭiya protection!\nMemorize the Āṭānāṭiya protection!\nRemember the Āṭānāṭiya protection!\nThe Āṭānāṭiya protection is beneficial, and is for the guarding, protection, safety, and comfort of the monks, nuns, laymen, and laywomen.”\nThat is what the Buddha said.\nSatisfied, the mendicants approved what the Buddha said."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/dn32/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}