{"id":"dn6","title":"With Mahāli","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"dn6","title":"With Mahāli","units":[{"id":"dn6:0","sourceIds":["dn6:0.1","dn6:0.2"],"kind":"text","text":{"pi":"Dīgha Nikāya 6\nMahālisutta","en":"Long Discourses 6\nWith Mahāli"}},{"id":"dn6:1","sourceIds":["dn6:1.0","dn6:1.1","dn6:1.2","dn6:1.3","dn6:1.4","dn6:1.5","dn6:1.6","dn6:1.7","dn6:1.8","dn6:1.9","dn6:1.10"],"kind":"text","text":{"pi":"1. Brāhmaṇadūtavatthu\nEvaṁ me sutaṁ—\nekaṁ samayaṁ bhagavā vesāliyaṁ viharati mahāvane kūṭāgārasālāyaṁ.\nTena kho pana samayena sambahulā kosalakā ca brāhmaṇadūtā māgadhakā ca brāhmaṇadūtā vesāliyaṁ paṭivasanti kenacideva karaṇīyena.\nAssosuṁ kho te kosalakā ca brāhmaṇadūtā māgadhakā ca brāhmaṇadūtā:\n“samaṇo khalu, bho, gotamo sakyaputto sakyakulā pabbajito vesāliyaṁ viharati mahāvane kūṭāgārasālāyaṁ.\nTaṁ kho pana bhavantaṁ gotamaṁ evaṁ kalyāṇo kittisaddo abbhuggato:\n‘itipi so bhagavā arahaṁ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṁ buddho bhagavā’.\nSo imaṁ lokaṁ sadevakaṁ samārakaṁ sabrahmakaṁ sassamaṇabrāhmaṇiṁ pajaṁ sadevamanussaṁ sayaṁ abhiññā sacchikatvā pavedeti.\nSo dhammaṁ deseti ādikalyāṇaṁ majjhekalyāṇaṁ pariyosānakalyāṇaṁ sātthaṁ sabyañjanaṁ kevalaparipuṇṇaṁ parisuddhaṁ brahmacariyaṁ pakāseti.\nSādhu kho pana tathārūpānaṁ arahataṁ dassanaṁ hotī”ti.","en":"1. On the Brahmin Emissaries\nSo I have heard.\nAt one time the Buddha was staying near Vesālī, at the Great Wood, in the hall with the peaked roof.\nNow at that time several brahmin emissaries from Kosala and Magadha were residing in Vesālī on some business.\nThey heard:\n“It seems the ascetic Gotama—a Sakyan, gone forth from a Sakyan family—is staying near Vesālī, at the Great Wood, in the hall with the peaked roof.\nHe has this good reputation:\n‘That Blessed One is perfected, a fully awakened Buddha, accomplished in knowledge and conduct, holy, knower of the world, supreme guide for those fit for training, teacher of gods and humans, awakened, blessed.’\nHe has realized with his own insight this world—with its gods, Māras, and divinities, this population with its ascetics and brahmins, gods and humans—and he makes it known to others.\nHe teaches Dhamma that’s good in the beginning, good in the middle, and good in the end, meaningful and well-phrased. And he reveals a spiritual practice that’s entirely full and pure.\nIt’s good to see such perfected ones.”"}},{"id":"dn6:2","sourceIds":["dn6:2.1","dn6:2.2","dn6:2.3","dn6:2.4","dn6:2.5","dn6:2.6","dn6:2.7","dn6:2.8"],"kind":"text","text":{"pi":"Atha kho te kosalakā ca brāhmaṇadūtā māgadhakā ca brāhmaṇadūtā yena mahāvanaṁ kūṭāgārasālā tenupasaṅkamiṁsu.\nTena kho pana samayena āyasmā nāgito bhagavato upaṭṭhāko hoti.\nAtha kho te kosalakā ca brāhmaṇadūtā māgadhakā ca brāhmaṇadūtā yenāyasmā nāgito tenupasaṅkamiṁsu. upasaṅkamitvā āyasmantaṁ nāgitaṁ etadavocuṁ:\n“kahaṁ nu kho, bho nāgita, etarahi so bhavaṁ gotamo viharati?\nDassanakāmā hi mayaṁ taṁ bhavantaṁ gotaman”ti.\n“Akālo kho, āvuso, bhagavantaṁ dassanāya, paṭisallīno bhagavā”ti.\nAtha kho te kosalakā ca brāhmaṇadūtā māgadhakā ca brāhmaṇadūtā tattheva ekamantaṁ nisīdiṁsu:\n“disvāva mayaṁ taṁ bhavantaṁ gotamaṁ gamissāmā”ti.","en":"Then they went to the hall with the peaked roof in the Great Wood to see the Buddha.\nNow, at that time Venerable Nāgita was the Buddha’s attendant.\nThe brahmin emissaries went up to him and said,\n“Worthy Nāgita, where is the worthy Gotama at present?\nFor we want to see him.”\n“It’s the wrong time to see the Buddha; he is on retreat.”\nSo right there the brahmin emissaries sat down to one side, thinking,\n“We’ll go only after we’ve seen the worthy Gotama.”"}},{"id":"dn6:3","sourceIds":["dn6:3.0","dn6:3.1","dn6:3.2","dn6:3.3","dn6:3.4","dn6:3.5","dn6:3.6"],"kind":"text","text":{"pi":"2. Oṭṭhaddhalicchavīvatthu\nOṭṭhaddhopi licchavī mahatiyā licchavīparisāya saddhiṁ yena mahāvanaṁ kūṭāgārasālā yenāyasmā nāgito tenupasaṅkami; upasaṅkamitvā āyasmantaṁ nāgitaṁ abhivādetvā ekamantaṁ aṭṭhāsi. Ekamantaṁ ṭhito kho oṭṭhaddhopi licchavī āyasmantaṁ nāgitaṁ etadavoca:\n“kahaṁ nu kho, bhante nāgita, etarahi so bhagavā viharati arahaṁ sammāsambuddho,\ndassanakāmā hi mayaṁ taṁ bhagavantaṁ arahantaṁ sammāsambuddhan”ti.\n“Akālo kho, mahāli, bhagavantaṁ dassanāya, paṭisallīno bhagavā”ti.\nOṭṭhaddhopi licchavī tattheva ekamantaṁ nisīdi:\n“disvāva ahaṁ taṁ bhagavantaṁ gamissāmi arahantaṁ sammāsambuddhan”ti.","en":"2. On Oṭṭhaddha the Licchavi\nOṭṭhaddha the Licchavi together with a large assembly of Licchavis also approached Nāgita at the hall with the peaked roof. He bowed, stood to one side, and said to Nāgita,\n“Honorable Nāgita, where is the Blessed One at present, the perfected one, the fully awakened Buddha?\nFor we want to see him.”\n“It’s the wrong time to see the Buddha; he is on retreat.”\nSo right there Oṭṭhaddha also sat down to one side, thinking,\n“I’ll go only after I’ve seen the Blessed One, the perfected one, the fully awakened Buddha.”"}},{"id":"dn6:4","sourceIds":["dn6:4.1","dn6:4.2","dn6:4.3","dn6:4.4","dn6:4.5","dn6:4.6","dn6:4.7","dn6:4.8","dn6:4.9"],"kind":"text","text":{"pi":"Atha kho sīho samaṇuddeso yenāyasmā nāgito tenupasaṅkami; upasaṅkamitvā āyasmantaṁ nāgitaṁ abhivādetvā ekamantaṁ aṭṭhāsi. Ekamantaṁ ṭhito kho sīho samaṇuddeso āyasmantaṁ nāgitaṁ etadavoca:\n“ete, bhante kassapa, sambahulā kosalakā ca brāhmaṇadūtā māgadhakā ca brāhmaṇadūtā idhūpasaṅkantā bhagavantaṁ dassanāya; oṭṭhaddhopi licchavī mahatiyā licchavīparisāya saddhiṁ idhūpasaṅkanto bhagavantaṁ dassanāya, sādhu, bhante kassapa, labhataṁ esā janatā bhagavantaṁ dassanāyā”ti.\n“Tena hi, sīha, tvaññeva bhagavato ārocehī”ti.\n“Evaṁ, bhante”ti kho sīho samaṇuddeso āyasmato nāgitassa paṭissutvā yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ aṭṭhāsi. Ekamantaṁ ṭhito kho sīho samaṇuddeso bhagavantaṁ etadavoca:\n“ete, bhante, sambahulā kosalakā ca brāhmaṇadūtā māgadhakā ca brāhmaṇadūtā idhūpasaṅkantā bhagavantaṁ dassanāya, oṭṭhaddhopi licchavī mahatiyā licchavīparisāya saddhiṁ idhūpasaṅkanto bhagavantaṁ dassanāya.\nSādhu, bhante, labhataṁ esā janatā bhagavantaṁ dassanāyā”ti.\n“Tena hi, sīha, vihārapacchāyāyaṁ āsanaṁ paññapehī”ti.\n“Evaṁ, bhante”ti kho sīho samaṇuddeso bhagavato paṭissutvā vihārapacchāyāyaṁ āsanaṁ paññapesi.\nAtha kho bhagavā vihārā nikkhamma vihārapacchāyāyaṁ paññatte āsane nisīdi.","en":"Then the novice Sīha approached Nāgita. He bowed, stood to one side, and said to Nāgita,\n“Honorable Kassapa, these several brahmin emissaries from Kosala and Magadha, and also Oṭṭhaddha the Licchavi together with a large assembly of Licchavis, have come here to see the Buddha. It’d be good if these people got to see the Buddha.”\n“Well then, Sīha, tell the Buddha yourself.”\n“Yes, sir,” replied Sīha. He went to the Buddha, bowed, stood to one side, and told him of the people waiting to see him, adding:\n“Sir, it’d be good if these people got to see the Buddha.”\n“Well then, Sīha, spread out a seat in the shade of the dwelling.”\n“Yes, sir,” replied Sīha, and he did so.\nThen the Buddha left his dwelling and sat in the shade of the dwelling on the seat spread out."}},{"id":"dn6:5","sourceIds":["dn6:5.1","dn6:5.2","dn6:5.3","dn6:5.4","dn6:5.5"],"kind":"text","text":{"pi":"Atha kho te kosalakā ca brāhmaṇadūtā māgadhakā ca brāhmaṇadūtā yena bhagavā tenupasaṅkamiṁsu; upasaṅkamitvā bhagavatā saddhiṁ sammodiṁsu.\nSammodanīyaṁ kathaṁ sāraṇīyaṁ vītisāretvā ekamantaṁ nisīdiṁsu.\nOṭṭhaddhopi licchavī mahatiyā licchavīparisāya saddhiṁ yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho oṭṭhaddho licchavī bhagavantaṁ etadavoca: “purimāni, bhante, divasāni purimatarāni sunakkhatto licchaviputto yenāhaṁ tenupasaṅkami; upasaṅkamitvā maṁ etadavoca:\n‘yadagge ahaṁ, mahāli, bhagavantaṁ upanissāya viharāmi, na ciraṁ tīṇi vassāni, dibbāni hi kho rūpāni passāmi piyarūpāni kāmūpasaṁhitāni rajanīyāni, no ca kho dibbāni saddāni suṇāmi piyarūpāni kāmūpasaṁhitāni rajanīyānī’ti.\nSantāneva nu kho, bhante, sunakkhatto licchaviputto dibbāni saddāni nāssosi piyarūpāni kāmūpasaṁhitāni rajanīyāni, udāhu asantānī”ti?","en":"Then the brahmin emissaries went up to the Buddha, and exchanged greetings with him.\nWhen the greetings and polite conversation were over, they sat down to one side.\nOṭṭhaddha the Licchavi together with a large assembly of Licchavis also went up to the Buddha, bowed, and sat down to one side. Oṭṭhaddha said to the Buddha, “Sir, a few days ago Sunakkhatta the Licchavi came to me and said:\n‘Mahāli, soon I will have been living in dependence on the Buddha for three years. I see heavenly sights that are pleasant, sensual, and arousing, but I don’t hear heavenly sounds that are pleasant, sensual, and arousing.’\nThe heavenly sounds that Sunakkhatta cannot hear: do such sounds really exist or not?”"}},{"id":"dn6:5.6","sourceIds":["dn6:5.6.0"],"kind":"text","text":{"pi":"2.1. Ekaṁsabhāvitasamādhi","en":"2.1. One-Sided Immersion"}},{"id":"dn6:5-from-dn6-5.7","sourceIds":["dn6:5.7"],"kind":"text","text":{"pi":"“Santāneva kho, mahāli, sunakkhatto licchaviputto dibbāni saddāni nāssosi piyarūpāni kāmūpasaṁhitāni rajanīyāni, no asantānī”ti.","en":"“Such sounds really do exist, but Sunakkhatta cannot hear them.”"}},{"id":"dn6:6","sourceIds":["dn6:6.1","dn6:6.2","dn6:6.3","dn6:6.4","dn6:6.5","dn6:6.6"],"kind":"text","text":{"pi":"“Ko nu kho, bhante, hetu, ko paccayo, yena santāneva sunakkhatto licchaviputto dibbāni saddāni nāssosi piyarūpāni kāmūpasaṁhitāni rajanīyāni, no asantānī”ti?\n“Idha, mahāli, bhikkhuno puratthimāya disāya ekaṁsabhāvito samādhi hoti dibbānaṁ rūpānaṁ dassanāya piyarūpānaṁ kāmūpasaṁhitānaṁ rajanīyānaṁ, no ca kho dibbānaṁ saddānaṁ savanāya piyarūpānaṁ kāmūpasaṁhitānaṁ rajanīyānaṁ.\nSo puratthimāya disāya ekaṁsabhāvite samādhimhi dibbānaṁ rūpānaṁ dassanāya piyarūpānaṁ kāmūpasaṁhitānaṁ rajanīyānaṁ, no ca kho dibbānaṁ saddānaṁ savanāya piyarūpānaṁ kāmūpasaṁhitānaṁ rajanīyānaṁ.\nPuratthimāya disāya dibbāni rūpāni passati piyarūpāni kāmūpasaṁhitāni rajanīyāni, no ca kho dibbāni saddāni suṇāti piyarūpāni kāmūpasaṁhitāni rajanīyāni.\nTaṁ kissa hetu?\nEvañhetaṁ, mahāli, hoti bhikkhuno puratthimāya disāya ekaṁsabhāvite samādhimhi dibbānaṁ rūpānaṁ dassanāya piyarūpānaṁ kāmūpasaṁhitānaṁ rajanīyānaṁ, no ca kho dibbānaṁ saddānaṁ savanāya piyarūpānaṁ kāmūpasaṁhitānaṁ rajanīyānaṁ.","en":"“What is the cause, sir, what is the reason why Sunakkhatta cannot hear them, even though they really do exist?”\n“Mahāli, take a mendicant who has developed immersion to the eastern quarter in one aspect: so as to see heavenly sights but not to hear heavenly sounds.\nWhen they have developed immersion for that purpose,\nthey see heavenly sights but don’t hear heavenly sounds.\nWhy is that?\nBecause that is how it is for a mendicant who develops immersion in that way."}},{"id":"dn6:7","sourceIds":["dn6:7.1","dn6:7.2","dn6:7.3","dn6:7.4","dn6:7.5","dn6:7.6","dn6:7.7","dn6:7.8"],"kind":"text","text":{"pi":"Puna caparaṁ, mahāli, bhikkhuno dakkhiṇāya disāya …pe…\npacchimāya disāya …\nuttarāya disāya …\nuddhamadho tiriyaṁ ekaṁsabhāvito samādhi hoti dibbānaṁ rūpānaṁ dassanāya piyarūpānaṁ kāmūpasaṁhitānaṁ rajanīyānaṁ, no ca kho dibbānaṁ saddānaṁ savanāya piyarūpānaṁ kāmūpasaṁhitānaṁ rajanīyānaṁ.\nSo uddhamadho tiriyaṁ ekaṁsabhāvite samādhimhi dibbānaṁ rūpānaṁ dassanāya piyarūpānaṁ kāmūpasaṁhitānaṁ rajanīyānaṁ, no ca kho dibbānaṁ saddānaṁ savanāya piyarūpānaṁ kāmūpasaṁhitānaṁ rajanīyānaṁ.\nUddhamadho tiriyaṁ dibbāni rūpāni passati piyarūpāni kāmūpasaṁhitāni rajanīyāni, no ca kho dibbāni saddāni suṇāti piyarūpāni kāmūpasaṁhitāni rajanīyāni.\nTaṁ kissa hetu?\nEvañhetaṁ, mahāli, hoti bhikkhuno uddhamadho tiriyaṁ ekaṁsabhāvite samādhimhi dibbānaṁ rūpānaṁ dassanāya piyarūpānaṁ kāmūpasaṁhitānaṁ rajanīyānaṁ, no ca kho dibbānaṁ saddānaṁ savanāya piyarūpānaṁ kāmūpasaṁhitānaṁ rajanīyānaṁ.","en":"Furthermore, take a mendicant who has developed immersion to the southern quarter in one aspect …\nwestern quarter …\nnorthern quarter …\nabove, below, across …\nThat is how it is for a mendicant who develops immersion in that way."}},{"id":"dn6:8","sourceIds":["dn6:8.1","dn6:8.2","dn6:8.3","dn6:8.4","dn6:8.5"],"kind":"text","text":{"pi":"Idha, mahāli, bhikkhuno puratthimāya disāya ekaṁsabhāvito samādhi hoti dibbānaṁ saddānaṁ savanāya piyarūpānaṁ kāmūpasaṁhitānaṁ rajanīyānaṁ, no ca kho dibbānaṁ rūpānaṁ dassanāya piyarūpānaṁ kāmūpasaṁhitānaṁ rajanīyānaṁ.\nSo puratthimāya disāya ekaṁsabhāvite samādhimhi dibbānaṁ saddānaṁ savanāya piyarūpānaṁ kāmūpasaṁhitānaṁ rajanīyānaṁ, no ca kho dibbānaṁ rūpānaṁ dassanāya piyarūpānaṁ kāmūpasaṁhitānaṁ rajanīyānaṁ.\nPuratthimāya disāya dibbāni saddāni suṇāti piyarūpāni kāmūpasaṁhitāni rajanīyāni, no ca kho dibbāni rūpāni passati piyarūpāni kāmūpasaṁhitāni rajanīyāni.\nTaṁ kissa hetu?\nEvañhetaṁ, mahāli, hoti bhikkhuno puratthimāya disāya ekaṁsabhāvite samādhimhi dibbānaṁ saddānaṁ savanāya piyarūpānaṁ kāmūpasaṁhitānaṁ rajanīyānaṁ, no ca kho dibbānaṁ rūpānaṁ dassanāya piyarūpānaṁ kāmūpasaṁhitānaṁ rajanīyānaṁ.","en":"Take a mendicant who has developed immersion to the eastern quarter in one aspect: so as to hear heavenly sounds but not to see heavenly sights.\nWhen they have developed immersion for that purpose,\nthey hear heavenly sounds but don’t see heavenly sights.\nWhy is that?\nBecause that is how it is for a mendicant who develops immersion in that way."}},{"id":"dn6:9","sourceIds":["dn6:9.1","dn6:9.2","dn6:9.3","dn6:9.4","dn6:9.5","dn6:9.6","dn6:9.7","dn6:9.8"],"kind":"text","text":{"pi":"Puna caparaṁ, mahāli, bhikkhuno dakkhiṇāya disāya …pe…\npacchimāya disāya …\nuttarāya disāya …\nuddhamadho tiriyaṁ ekaṁsabhāvito samādhi hoti dibbānaṁ saddānaṁ savanāya piyarūpānaṁ kāmūpasaṁhitānaṁ rajanīyānaṁ, no ca kho dibbānaṁ rūpānaṁ dassanāya piyarūpānaṁ kāmūpasaṁhitānaṁ rajanīyānaṁ.\nSo uddhamadho tiriyaṁ ekaṁsabhāvite samādhimhi dibbānaṁ saddānaṁ savanāya piyarūpānaṁ kāmūpasaṁhitānaṁ rajanīyānaṁ, no ca kho dibbānaṁ rūpānaṁ dassanāya piyarūpānaṁ kāmūpasaṁhitānaṁ rajanīyānaṁ.\nUddhamadho tiriyaṁ dibbāni saddāni suṇāti piyarūpāni kāmūpasaṁhitāni rajanīyāni, no ca kho dibbāni rūpāni passati piyarūpāni kāmūpasaṁhitāni rajanīyāni.\nTaṁ kissa hetu?\nEvañhetaṁ, mahāli, hoti bhikkhuno uddhamadho tiriyaṁ ekaṁsabhāvite samādhimhi dibbānaṁ saddānaṁ savanāya piyarūpānaṁ kāmūpasaṁhitānaṁ rajanīyānaṁ, no ca kho dibbānaṁ rūpānaṁ dassanāya piyarūpānaṁ kāmūpasaṁhitānaṁ rajanīyānaṁ.","en":"Furthermore, take a mendicant who has developed immersion to the southern quarter in one aspect …\nwestern quarter …\nnorthern quarter …\nabove, below, across …\nThat is how it is for a mendicant who develops immersion in that way."}},{"id":"dn6:10","sourceIds":["dn6:10.1","dn6:10.2","dn6:10.3","dn6:10.4","dn6:10.5"],"kind":"text","text":{"pi":"Idha, mahāli, bhikkhuno puratthimāya disāya ubhayaṁsabhāvito samādhi hoti dibbānañca rūpānaṁ dassanāya piyarūpānaṁ kāmūpasaṁhitānaṁ rajanīyānaṁ dibbānañca saddānaṁ savanāya piyarūpānaṁ kāmūpasaṁhitānaṁ rajanīyānaṁ.\nSo puratthimāya disāya ubhayaṁsabhāvite samādhimhi dibbānañca rūpānaṁ dassanāya piyarūpānaṁ kāmūpasaṁhitānaṁ rajanīyānaṁ, dibbānañca saddānaṁ savanāya piyarūpānaṁ kāmūpasaṁhitānaṁ rajanīyānaṁ.\nPuratthimāya disāya dibbāni ca rūpāni passati piyarūpāni kāmūpasaṁhitāni rajanīyāni, dibbāni ca saddāni suṇāti piyarūpāni kāmūpasaṁhitāni rajanīyāni.\nTaṁ kissa hetu?\nEvañhetaṁ, mahāli, hoti bhikkhuno puratthimāya disāya ubhayaṁsabhāvite samādhimhi dibbānañca rūpānaṁ dassanāya piyarūpānaṁ kāmūpasaṁhitānaṁ rajanīyānaṁ dibbānañca saddānaṁ savanāya piyarūpānaṁ kāmūpasaṁhitānaṁ rajanīyānaṁ.","en":"Take a mendicant who has developed immersion to the eastern quarter in both aspects: so as to hear heavenly sounds and see heavenly sights.\nWhen they have developed immersion for that purpose,\nthey see heavenly sights and hear heavenly sounds.\nWhy is that?\nBecause that is how it is for a mendicant who develops immersion in that way."}},{"id":"dn6:11","sourceIds":["dn6:11.1","dn6:11.2","dn6:11.3","dn6:11.4","dn6:11.5","dn6:11.6","dn6:11.7","dn6:11.8","dn6:11.9"],"kind":"text","text":{"pi":"Puna caparaṁ, mahāli, bhikkhuno dakkhiṇāya disāya …pe…\npacchimāya disāya …\nuttarāya disāya …\nuddhamadho tiriyaṁ ubhayaṁsabhāvito samādhi hoti dibbānañca rūpānaṁ dassanāya piyarūpānaṁ kāmūpasaṁhitānaṁ rajanīyānaṁ, dibbānañca saddānaṁ savanāya piyarūpānaṁ kāmūpasaṁhitānaṁ rajanīyānaṁ.\nSo uddhamadho tiriyaṁ ubhayaṁsabhāvite samādhimhi dibbānañca rūpānaṁ dassanāya piyarūpānaṁ kāmūpasaṁhitānaṁ rajanīyānaṁ dibbānañca saddānaṁ savanāya piyarūpānaṁ kāmūpasaṁhitānaṁ rajanīyānaṁ.\nUddhamadho tiriyaṁ dibbāni ca rūpāni passati piyarūpāni kāmūpasaṁhitāni rajanīyāni, dibbāni ca saddāni suṇāti piyarūpāni kāmūpasaṁhitāni rajanīyāni.\nTaṁ kissa hetu?\nEvañhetaṁ, mahāli, hoti bhikkhuno uddhamadho tiriyaṁ ubhayaṁsabhāvite samādhimhi dibbānañca rūpānaṁ dassanāya piyarūpānaṁ kāmūpasaṁhitānaṁ rajanīyānaṁ, dibbānañca saddānaṁ savanāya piyarūpānaṁ kāmūpasaṁhitānaṁ rajanīyānaṁ.\nAyaṁ kho, mahāli, hetu ayaṁ paccayo, yena santāneva sunakkhatto licchaviputto dibbāni saddāni nāssosi piyarūpāni kāmūpasaṁhitāni rajanīyāni, no asantānī”ti.","en":"Furthermore, take a mendicant who has developed immersion to the southern quarter in both aspects …\nwestern quarter …\nnorthern quarter …\nabove, below, across …\nThat is how it is for a mendicant who develops immersion in that way.\nThis is the cause, Mahāli, this is the reason why Sunakkhatta cannot hear heavenly sounds that are pleasant, sensual, and arousing, even though they really do exist.”"}},{"id":"dn6:12","sourceIds":["dn6:12.1","dn6:12.2","dn6:12.3"],"kind":"text","text":{"pi":"“Etāsaṁ nūna, bhante, samādhibhāvanānaṁ sacchikiriyāhetu bhikkhū bhagavati brahmacariyaṁ carantī”ti.\n“Na kho, mahāli, etāsaṁ samādhibhāvanānaṁ sacchikiriyāhetu bhikkhū mayi brahmacariyaṁ caranti.\nAtthi kho, mahāli, aññeva dhammā uttaritarā ca paṇītatarā ca, yesaṁ sacchikiriyāhetu bhikkhū mayi brahmacariyaṁ carantī”ti.","en":"“Surely the mendicants must lead the spiritual life under the Buddha for the sake of realizing such a development of immersion?”\n“No, Mahāli, the mendicants don’t lead the spiritual life under me for the sake of realizing such a development of immersion.\nThere are other things that are finer, for the sake of which the mendicants lead the spiritual life under me.”"}},{"id":"dn6:13","sourceIds":["dn6:13.0","dn6:13.1","dn6:13.2","dn6:13.3","dn6:13.4","dn6:13.5","dn6:13.6","dn6:13.7","dn6:13.8","dn6:13.9","dn6:13.10"],"kind":"text","text":{"pi":"2.2. Catuariyaphala\n“Katame pana te, bhante, dhammā uttaritarā ca paṇītatarā ca, yesaṁ sacchikiriyāhetu bhikkhū bhagavati brahmacariyaṁ carantī”ti?\n“Idha, mahāli, bhikkhu tiṇṇaṁ saṁyojanānaṁ parikkhayā sotāpanno hoti avinipātadhammo niyato sambodhiparāyaṇo.\nAyampi kho, mahāli, dhammo uttaritaro ca paṇītataro ca, yassa sacchikiriyāhetu bhikkhū mayi brahmacariyaṁ caranti.\nPuna caparaṁ, mahāli, bhikkhu tiṇṇaṁ saṁyojanānaṁ parikkhayā rāgadosamohānaṁ tanuttā sakadāgāmī hoti, sakideva imaṁ lokaṁ āgantvā dukkhassantaṁ karoti.\nAyampi kho, mahāli, dhammo uttaritaro ca paṇītataro ca, yassa sacchikiriyāhetu bhikkhū mayi brahmacariyaṁ caranti.\nPuna caparaṁ, mahāli, bhikkhu pañcannaṁ orambhāgiyānaṁ saṁyojanānaṁ parikkhayā opapātiko hoti, tattha parinibbāyī, anāvattidhammo tasmā lokā.\nAyampi kho, mahāli, dhammo uttaritaro ca paṇītataro ca, yassa sacchikiriyāhetu bhikkhū mayi brahmacariyaṁ caranti.\nPuna caparaṁ, mahāli, bhikkhu āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati.\nAyampi kho, mahāli, dhammo uttaritaro ca paṇītataro ca, yassa sacchikiriyāhetu bhikkhū mayi brahmacariyaṁ caranti.\nIme kho te, mahāli, dhammā uttaritarā ca paṇītatarā ca, yesaṁ sacchikiriyāhetu bhikkhū mayi brahmacariyaṁ carantī”ti.","en":"2.2. The Four Noble Fruits\n“But sir, what are those finer things?”\n“Firstly, Mahāli, with the ending of three fetters a mendicant is a stream-enterer, not liable to be reborn in the underworld, assured, destined for awakening.\nThis is one of the finer things for the sake of which the mendicants lead the spiritual life under me.\nFurthermore, a mendicant—with the ending of three fetters, and the weakening of greed, hate, and delusion—is a once-returner. They come back to this world once only, then make an end of suffering.\nThis too is one of the finer things.\nFurthermore, with the ending of the five lower fetters, a mendicant is reborn spontaneously and will become extinguished there, not liable to return from that world.\nThis too is one of the finer things.\nFurthermore, a mendicant has realized the undefiled freedom of heart and freedom by wisdom, and lives having realized it with their own insight in this very life due to the ending of defilements.\nThis too is one of the finer things.\nThese are the finer things, for the sake of which the mendicants lead the spiritual life under me.”"}},{"id":"dn6:14","sourceIds":["dn6:14.0","dn6:14.1","dn6:14.2","dn6:14.3","dn6:14.4","dn6:14.5","dn6:14.6"],"kind":"text","text":{"pi":"2.3. Ariyaaṭṭhaṅgikamagga\n“Atthi pana, bhante, maggo atthi paṭipadā etesaṁ dhammānaṁ sacchikiriyāyā”ti?\n“Atthi kho, mahāli, maggo atthi paṭipadā etesaṁ dhammānaṁ sacchikiriyāyā”ti.\n“Katamo pana, bhante, maggo katamā paṭipadā etesaṁ dhammānaṁ sacchikiriyāyā”ti?\n“Ayameva ariyo aṭṭhaṅgiko maggo.\nSeyyathidaṁ—sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi.\nAyaṁ kho, mahāli, maggo ayaṁ paṭipadā etesaṁ dhammānaṁ sacchikiriyāya.","en":"2.3. The Noble Eightfold Path\n“But, sir, is there a path and a practice for realizing these things?”\n“There is, Mahāli.”\n“Well, what is it?”\n“It is simply this noble eightfold path, that is:\nright view, right purpose, right speech, right action, right livelihood, right effort, right mindfulness, and right immersion.\nThis is the path and the practice for realizing these things."}},{"id":"dn6:15","sourceIds":["dn6:15.0","dn6:15.1","dn6:15.2","dn6:15.3","dn6:15.4","dn6:15.5"],"kind":"text","text":{"pi":"2.4. Dvepabbajitavatthu\nEkamidāhaṁ, mahāli, samayaṁ kosambiyaṁ viharāmi ghositārāme.\nAtha kho dve pabbajitā—\nmuṇḍiyo ca paribbājako jāliyo ca dārupattikantevāsī yenāhaṁ tenupasaṅkamiṁsu. upasaṅkamitvā mayā saddhiṁ sammodiṁsu.\nSammodanīyaṁ kathaṁ sāraṇīyaṁ vītisāretvā ekamantaṁ aṭṭhaṁsu. Ekamantaṁ ṭhitā kho te dve pabbajitā maṁ etadavocuṁ:\n‘kiṁ nu kho, āvuso gotama, taṁ jīvaṁ taṁ sarīraṁ, udāhu aññaṁ jīvaṁ aññaṁ sarīran’ti?","en":"2.4. On the Two Renunciates\nThis one time, Mahāli, I was staying near Kosambī in Ghosita’s monastery.\nThen two renunciates—\nthe wanderer Muṇḍiya and Jāliya, the pupil of the wood-bowl ascetic—came and exchanged greetings with me.\nWhen the greetings and polite conversation were over, they stood to one side and said to me:\n‘Reverend Gotama, are the soul and the body one and the same, or is the soul one thing, the body another?’"}},{"id":"dn6:16","sourceIds":["dn6:16.1","dn6:16.2","dn6:16.3","dn6:16.4","dn6:16.5","dn6:16.6","dn6:16.7","dn6:16.8","dn6:16.9","dn6:16.10","dn6:16.11","dn6:16.12","dn6:16.13","dn6:16.14"],"kind":"text","text":{"pi":"‘Tena hāvuso, suṇātha sādhukaṁ manasi karotha bhāsissāmī’ti.\n‘Evamāvuso’ti kho te dve pabbajitā mama paccassosuṁ.\nAhaṁ etadavocaṁ:\n‘idhāvuso tathāgato loke uppajjati arahaṁ sammāsambuddho …pe…\nEvaṁ kho, āvuso, bhikkhu sīlasampanno hoti.\n…pe…\nPaṭhamaṁ jhānaṁ upasampajja viharati.\nYo kho, āvuso, bhikkhu evaṁ jānāti evaṁ passati, kallaṁ nu kho tassetaṁ vacanāya:\n‘taṁ jīvaṁ taṁ sarīran’ti vā ‘aññaṁ jīvaṁ aññaṁ sarīran’ti vāti?\nYo so, āvuso, bhikkhu evaṁ jānāti evaṁ passati, kallaṁ tassetaṁ vacanāya:\n‘taṁ jīvaṁ taṁ sarīran’ti vā, ‘aññaṁ jīvaṁ aññaṁ sarīran’ti vāti.\nAhaṁ kho panetaṁ, āvuso, evaṁ jānāmi evaṁ passāmi.\nAtha ca panāhaṁ na vadāmi:\n‘taṁ jīvaṁ taṁ sarīran’ti vā ‘aññaṁ jīvaṁ aññaṁ sarīran’ti vā …pe…","en":"‘Well then, reverends, listen and apply your mind well, I will speak.’\n‘Yes, reverend,’ they replied.\nI said this:\n‘Take the case when a Realized One arises in the world, perfected, a fully awakened Buddha …\nThat’s how a mendicant is accomplished in ethics. …\nThey enter and remain in the first absorption.\nWhen a mendicant knows and sees like this, would it be appropriate to say of them:\n“The soul and the body are one and the same” or “The soul is one thing, the body another”?’\n‘It would, reverend.’\n‘But reverends, I know and see like this.\nNevertheless, I do not say:\n“The soul and the body are one and the same” or “The soul and the body are different things”. …"}},{"id":"dn6:17","sourceIds":["dn6:17.1","dn6:17.2","dn6:17.3","dn6:17.4","dn6:17.5","dn6:17.6","dn6:17.7","dn6:17.8","dn6:17.9","dn6:17.10"],"kind":"text","text":{"pi":"dutiyaṁ jhānaṁ …\ntatiyaṁ jhānaṁ …\ncatutthaṁ jhānaṁ upasampajja viharati.\nYo kho, āvuso, bhikkhu evaṁ jānāti evaṁ passati, kallaṁ nu kho tassetaṁ vacanāya:\n‘taṁ jīvaṁ taṁ sarīran’ti vā ‘aññaṁ jīvaṁ aññaṁ sarīran’ti vāti?\nYo so, āvuso, bhikkhu evaṁ jānāti evaṁ passati, kallaṁ tassetaṁ vacanāya:\n‘taṁ jīvaṁ taṁ sarīran’ti vā ‘aññaṁ jīvaṁ aññaṁ sarīran’ti vāti.\nAhaṁ kho panetaṁ, āvuso, evaṁ jānāmi evaṁ passāmi.\nAtha ca panāhaṁ na vadāmi:\n‘taṁ jīvaṁ taṁ sarīran’ti vā ‘aññaṁ jīvaṁ aññaṁ sarīran’ti vā …pe…","en":"They enter and remain in the second absorption …\nthird absorption …\nfourth absorption.\nWhen a mendicant knows and sees like this, would it be appropriate to say of them:\n“The soul and the body are one and the same” or “The soul is one thing, the body another”?’\n‘It would, reverend.’\n‘But reverends, I know and see like this.\nNevertheless, I do not say:\n“The soul and the body are one and the same” or “The soul is one thing, the body another”. …"}},{"id":"dn6:18","sourceIds":["dn6:18.1","dn6:18.2","dn6:18.3","dn6:18.4","dn6:18.5","dn6:18.6","dn6:18.7","dn6:18.8","dn6:18.9"],"kind":"text","text":{"pi":"ñāṇadassanāya cittaṁ abhinīharati abhininnāmeti …\nyo kho, āvuso, bhikkhu evaṁ jānāti evaṁ passati, kallaṁ nu kho tassetaṁ vacanāya:\n‘taṁ jīvaṁ taṁ sarīran’ti vā ‘aññaṁ jīvaṁ aññaṁ sarīran’ti vāti?\n…pe…\nYo so, āvuso, bhikkhu evaṁ jānāti evaṁ passati, kallaṁ tassetaṁ vacanāya:\n‘taṁ jīvaṁ taṁ sarīran’ti vā ‘aññaṁ jīvaṁ aññaṁ sarīran’ti vāti.\nAhaṁ kho panetaṁ, āvuso, evaṁ jānāmi evaṁ passāmi.\nAtha ca panāhaṁ na vadāmi:\n‘taṁ jīvaṁ taṁ sarīran’ti vā ‘aññaṁ jīvaṁ aññaṁ sarīran’ti vā. …pe…","en":"They project and extend the mind toward knowledge and vision …\nWhen a mendicant knows and sees like this, would it be appropriate to say of them:\n“The soul and the body are one and the same” or “The soul is one thing, the body another”?’\n‘It would, reverend.’\n‘But reverends, I know and see like this.\nNevertheless, I do not say:\n“The soul and the body are one and the same” or “The soul is one thing, the body another”. …"}},{"id":"dn6:19","sourceIds":["dn6:19.1","dn6:19.2","dn6:19.3","dn6:19.4","dn6:19.5","dn6:19.6","dn6:19.7","dn6:19.8","dn6:19.9","dn6:19.10","dn6:19.11"],"kind":"text","text":{"pi":"Nāparaṁ itthattāyāti pajānāti.\nYo kho, āvuso, bhikkhu evaṁ jānāti evaṁ passati, kallaṁ nu kho tassetaṁ vacanāya:\n‘taṁ jīvaṁ taṁ sarīran’ti vā ‘aññaṁ jīvaṁ aññaṁ sarīran’ti vāti?\nYo so, āvuso, bhikkhu evaṁ jānāti evaṁ passati na kallaṁ tassetaṁ vacanāya:\n‘taṁ jīvaṁ taṁ sarīran’ti vā ‘aññaṁ jīvaṁ aññaṁ sarīran’ti vāti.\nAhaṁ kho panetaṁ, āvuso, evaṁ jānāmi evaṁ passāmi.\nAtha ca panāhaṁ na vadāmi:\n‘taṁ jīvaṁ taṁ sarīran’ti vā ‘aññaṁ jīvaṁ aññaṁ sarīran’ti vā”ti.\nIdamavoca bhagavā.\nAttamano oṭṭhaddho licchavī bhagavato bhāsitaṁ abhinandīti.\nMahālisuttaṁ niṭṭhitaṁ chaṭṭhaṁ.","en":"They understand: “… there is nothing further for this place.”\nWhen a mendicant knows and sees like this, would it be appropriate to say of them:\n“The soul and the body are one and the same” or “The soul is one thing, the body another”?’\n‘It would not, reverend.’\n‘But reverends, I know and see like this.\nNevertheless, I do not say:\n“The soul and the body are one and the same” or “The soul is one thing, the body another”.’”\nThat is what the Buddha said.\nSatisfied, Oṭṭhaddha the Licchavi approved what the Buddha said."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/dn6/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}