{"id":"dn7","title":"With Jāliya","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"dn7","title":"With Jāliya","units":[{"id":"dn7:0","sourceIds":["dn7:0.1","dn7:0.2"],"kind":"text","text":{"pi":"Dīgha Nikāya 7\nJāliyasutta","en":"Long Discourses 7\nWith Jāliya"}},{"id":"dn7:1","sourceIds":["dn7:1.1","dn7:1.2","dn7:1.3","dn7:1.4","dn7:1.5","dn7:1.6","dn7:1.7","dn7:1.8","dn7:1.9"],"kind":"text","text":{"pi":"Evaṁ me sutaṁ—\nekaṁ samayaṁ bhagavā kosambiyaṁ viharati ghositārāme.\nTena kho pana samayena dve pabbajitā—\nmuṇḍiyo ca paribbājako jāliyo ca dārupattikantevāsī yena bhagavā tenupasaṅkamiṁsu; upasaṅkamitvā bhagavatā saddhiṁ sammodiṁsu.\nSammodanīyaṁ kathaṁ sāraṇīyaṁ vītisāretvā ekamantaṁ aṭṭhaṁsu. Ekamantaṁ ṭhitā kho te dve pabbajitā bhagavantaṁ etadavocuṁ:\n“kiṁ nu kho, āvuso gotama, taṁ jīvaṁ taṁ sarīraṁ, udāhu aññaṁ jīvaṁ aññaṁ sarīran”ti?\n“Tena hāvuso, suṇātha sādhukaṁ manasi karotha, bhāsissāmī”ti.\n“Evamāvuso”ti kho te dve pabbajitā bhagavato paccassosuṁ.\nBhagavā etadavoca:","en":"So I have heard.\nAt one time the Buddha was staying near Kosambī in Ghosita’s monastery.\nNow at that time two renunciates—\nthe wanderer Muṇḍiya and Jāliya, the pupil of the wood-bowl ascetic—came to the Buddha and exchanged greetings with him.\nWhen the greetings and polite conversation were over, they stood to one side and said to the Buddha,\n“Reverend Gotama, are the soul and the body one and the same, or is the soul one thing, the body another?”\n“Well then, reverends, listen and apply your mind well, I will speak.”\n“Yes, reverend,” they replied.\nThe Buddha said this:"}},{"id":"dn7:2","sourceIds":["dn7:2.1","dn7:2.2","dn7:2.3","dn7:2.4","dn7:2.5","dn7:2.6","dn7:2.7","dn7:2.8","dn7:2.9","dn7:2.10","dn7:2.11"],"kind":"text","text":{"pi":"“idhāvuso, tathāgato loke uppajjati arahaṁ, sammāsambuddho …pe…\nEvaṁ kho, āvuso, bhikkhu sīlasampanno hoti.\n…pe…\nPaṭhamaṁ jhānaṁ upasampajja viharati.\nYo kho, āvuso, bhikkhu evaṁ jānāti evaṁ passati, kallaṁ nu kho tassetaṁ vacanāya:\n‘taṁ jīvaṁ taṁ sarīran’ti vā ‘aññaṁ jīvaṁ aññaṁ sarīran’ti vāti.\nYo so, āvuso, bhikkhu evaṁ jānāti evaṁ passati, kallaṁ tassetaṁ vacanāya:\n‘taṁ jīvaṁ taṁ sarīran’ti vā ‘aññaṁ jīvaṁ aññaṁ sarīran’ti vāti.\nAhaṁ kho panetaṁ, āvuso, evaṁ jānāmi evaṁ passāmi.\nAtha ca panāhaṁ na vadāmi:\n‘taṁ jīvaṁ taṁ sarīran’ti vā ‘aññaṁ jīvaṁ aññaṁ sarīran’ti vā …pe…","en":"“Take the case when a Realized One arises in the world, perfected, a fully awakened Buddha …\nThat’s how a mendicant is accomplished in ethics. …\nThey enter and remain in the first absorption …\nWhen a mendicant knows and sees like this, would it be appropriate to say of them:\n‘The soul and the body are one and the same’ or ‘The soul is one thing, the body another’?”\n“It would, reverend.”\n“But reverends, I know and see like this.\nNevertheless, I do not say:\n‘The soul and the body are one and the same’ or ‘The soul is one thing, the body another’. …"}},{"id":"dn7:3","sourceIds":["dn7:3.1","dn7:3.2","dn7:3.3","dn7:3.4","dn7:3.5","dn7:3.6","dn7:3.7","dn7:3.8","dn7:3.9","dn7:3.10"],"kind":"text","text":{"pi":"dutiyaṁ jhānaṁ …\ntatiyaṁ jhānaṁ …\ncatutthaṁ jhānaṁ upasampajja viharati.\nYo kho, āvuso, bhikkhu evaṁ jānāti evaṁ passati, kallaṁ nu kho tassetaṁ vacanāya:\n‘taṁ jīvaṁ taṁ sarīran’ti vā ‘aññaṁ jīvaṁ aññaṁ sarīran’ti vāti?\nYo so, āvuso, bhikkhu evaṁ jānāti evaṁ passati kallaṁ, tassetaṁ vacanāya:\n‘taṁ jīvaṁ taṁ sarīran’ti vā ‘aññaṁ jīvaṁ aññaṁ sarīran’ti vāti.\nAhaṁ kho panetaṁ, āvuso, evaṁ jānāmi evaṁ passāmi.\nAtha ca panāhaṁ na vadāmi:\n‘taṁ jīvaṁ taṁ sarīran’ti vā ‘aññaṁ jīvaṁ aññaṁ sarīran’ti vā …pe…","en":"They enter and remain in the second absorption …\nthird absorption …\nfourth absorption.\nWhen a mendicant knows and sees like this, would it be appropriate to say of them:\n‘The soul and the body are one and the same’ or ‘The soul is one thing, the body another’?”\n“It would, reverend.”\n“But reverends, I know and see like this.\nNevertheless, I do not say:\n‘The soul and the body are one and the same’ or ‘The soul is one thing, the body another’. …"}},{"id":"dn7:4","sourceIds":["dn7:4.1","dn7:4.2","dn7:4.3","dn7:4.4","dn7:4.5","dn7:4.6","dn7:4.7","dn7:4.8"],"kind":"text","text":{"pi":"ñāṇadassanāya cittaṁ abhinīharati abhininnāmeti …\nyo kho, āvuso, bhikkhu evaṁ jānāti evaṁ passati, kallaṁ nu kho tassetaṁ vacanāya:\n‘taṁ jīvaṁ taṁ sarīran’ti vā ‘aññaṁ jīvaṁ aññaṁ sarīran’ti vāti.\nYo so, āvuso, bhikkhu evaṁ jānāti evaṁ passati kallaṁ tassetaṁ vacanāya:\n‘taṁ jīvaṁ taṁ sarīran’ti vā ‘aññaṁ jīvaṁ aññaṁ sarīran’ti vāti.\nAhaṁ kho panetaṁ, āvuso, evaṁ jānāmi evaṁ passāmi.\nAtha ca panāhaṁ na vadāmi:\n‘taṁ jīvaṁ taṁ sarīran’ti vā ‘aññaṁ jīvaṁ aññaṁ sarīran’ti vā …pe….","en":"They project and extend the mind toward knowledge and vision …\nWhen a mendicant knows and sees like this, would it be appropriate to say of them:\n‘The soul and the body are one and the same’ or ‘The soul is one thing, the body another’?”\n“It would, reverend.”\n“But reverends, I know and see like this.\nNevertheless, I do not say:\n‘The soul and the body are one and the same’ or ‘The soul is one thing, the body another’. …"}},{"id":"dn7:5","sourceIds":["dn7:5.1","dn7:5.2","dn7:5.3","dn7:5.4","dn7:5.5","dn7:5.6","dn7:5.7","dn7:5.8","dn7:5.9","dn7:5.10","dn7:5.11"],"kind":"text","text":{"pi":"…pe… Nāparaṁ itthattāyāti pajānāti.\nYo kho, āvuso, bhikkhu evaṁ jānāti evaṁ passati, kallaṁ nu kho tassetaṁ vacanāya:\n‘taṁ jīvaṁ taṁ sarīran’ti vā ‘aññaṁ jīvaṁ aññaṁ sarīran’ti vāti?\nYo so, āvuso, bhikkhu evaṁ jānāti evaṁ passati, na kallaṁ tassetaṁ vacanāya:\n‘taṁ jīvaṁ taṁ sarīran’ti vā ‘aññaṁ jīvaṁ aññaṁ sarīran’ti vāti.\nAhaṁ kho panetaṁ, āvuso, evaṁ jānāmi evaṁ passāmi.\nAtha ca panāhaṁ na vadāmi:\n‘taṁ jīvaṁ taṁ sarīran’ti vā ‘aññaṁ jīvaṁ aññaṁ sarīran’ti vā”ti.\nIdamavoca bhagavā.\nAttamanā te dve pabbajitā bhagavato bhāsitaṁ abhinandunti.\nJāliyasuttaṁ niṭṭhitaṁ sattamaṁ.","en":"They understand: ‘… there is nothing further for this place.’\nWhen a mendicant knows and sees like this, would it be appropriate to say of them:\n‘The soul and the body are one and the same’ or ‘The soul is one thing, the body another’?”\n“It would not, reverend.”\n“But reverends, I know and see like this.\nNevertheless, I do not say:\n‘The soul and the body are one and the same’ or ‘The soul is one thing, the body another’.”\nThat is what the Buddha said.\nSatisfied, the two renunciates approved what the Buddha said."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/dn7/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}