{"id":"dt2.3","title":"2.3. Tatiyanaya Asaṅgahitenasaṅgahitapadaniddesa","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"dt2.3","title":"2.3. Tatiyanaya Asaṅgahitenasaṅgahitapadaniddesa","units":[{"id":"dt2.3:0","sourceIds":["dt2.3:0.1","dt2.3:0.2","dt2.3:0.3"],"kind":"text","text":{"pi":"Dhātukathā\n2 Niddesa\n2.3. Tatiyanaya Asaṅgahitenasaṅgahitapadaniddesa"}},{"id":"dt2.3:1","sourceIds":["dt2.3:1.1","dt2.3:1.2","dt2.3:1.3","dt2.3:1.4","dt2.3:1.5","dt2.3:1.6"],"kind":"text","text":{"pi":"Vedanākkhandhena ye dhammā …\nsaññākkhandhena ye dhammā …\nsaṅkhārakkhandhena ye dhammā …\nsamudayasaccena ye dhammā …\nmaggasaccena ye dhammā khandhasaṅgahena asaṅgahitā āyatanasaṅgahena saṅgahitā dhātusaṅgahena saṅgahitā, te dhammā katihi khandhehi katihāyatanehi katihi dhātūhi saṅgahitā?\nTe dhammā asaṅkhataṁ khandhato ṭhapetvā tīhi khandhehi ekenāyatanena ekāya dhātuyā saṅgahitā."}},{"id":"dt2.3:2","sourceIds":["dt2.3:2.1","dt2.3:2.2"],"kind":"text","text":{"pi":"Nirodhasaccena ye dhammā khandhasaṅgahena asaṅgahitā āyatanasaṅgahena saṅgahitā dhātusaṅgahena saṅgahitā …pe…\nte dhammā catūhi khandhehi ekenāyatanena ekāya dhātuyā saṅgahitā."}},{"id":"dt2.3:3","sourceIds":["dt2.3:3.1","dt2.3:3.2"],"kind":"text","text":{"pi":"Jīvitindriyena ye dhammā khandhasaṅgahena asaṅgahitā āyatanasaṅgahena saṅgahitā dhātusaṅgahena saṅgahitā …pe…\nte dhammā asaṅkhataṁ khandhato ṭhapetvā dvīhi khandhehi ekenāyatanena ekāya dhātuyā saṅgahitā."}},{"id":"dt2.3:4","sourceIds":["dt2.3:4.1","dt2.3:4.2","dt2.3:4.3","dt2.3:4.4","dt2.3:4.5","dt2.3:4.6","dt2.3:4.7","dt2.3:4.8","dt2.3:4.9","dt2.3:4.10","dt2.3:4.11","dt2.3:4.12","dt2.3:4.13","dt2.3:4.14","dt2.3:4.15","dt2.3:4.16","dt2.3:4.17","dt2.3:4.18","dt2.3:4.19","dt2.3:4.20","dt2.3:4.21","dt2.3:4.22","dt2.3:4.23"],"kind":"text","text":{"pi":"Itthindriyena ye dhammā …\npurisindriyena ye dhammā …\nsukhindriyena ye dhammā …\ndukkhindriyena ye dhammā …\nsomanassindriyena ye dhammā …\ndomanassindriyena ye dhammā …\nupekkhindriyena ye dhammā …\nsaddhindriyena ye dhammā …\nvīriyindriyena ye dhammā …\nsatindriyena ye dhammā …\nsamādhindriyena ye dhammā …\npaññindriyena ye dhammā …\nanaññātaññassāmītindriyena ye dhammā …\naññindriyena ye dhammā …\naññātāvindriyena ye dhammā …\navijjāya ye dhammā …\navijjāpaccayā saṅkhārena ye dhammā …\nsaḷāyatanapaccayā phassena ye dhammā …\nphassapaccayā vedanāya ye dhammā …\nvedanāpaccayā taṇhāya ye dhammā …\ntaṇhāpaccayā upādānena ye dhammā … (…)\nkammabhavena ye dhammā khandhasaṅgahena asaṅgahitā āyatanasaṅgahena saṅgahitā dhātusaṅgahena saṅgahitā …pe…\nte dhammā asaṅkhataṁ khandhato ṭhapetvā tīhi khandhehi ekenāyatanena ekāya dhātuyā saṅgahitā."}},{"id":"dt2.3:5","sourceIds":["dt2.3:5.1","dt2.3:5.2","dt2.3:5.3","dt2.3:5.4","dt2.3:5.5"],"kind":"text","text":{"pi":"Jātiyā ye dhammā …\njarāya ye dhammā …\nmaraṇena ye dhammā …\njhānena ye dhammā khandhasaṅgahena asaṅgahitā āyatanasaṅgahena saṅgahitā dhātusaṅgahena saṅgahitā …pe…\nte dhammā asaṅkhataṁ khandhato ṭhapetvā dvīhi khandhehi ekenāyatanena ekāya dhātuyā saṅgahitā."}},{"id":"dt2.3:6","sourceIds":["dt2.3:6.1","dt2.3:6.2","dt2.3:6.3","dt2.3:6.4","dt2.3:6.5","dt2.3:6.6","dt2.3:6.7","dt2.3:6.8","dt2.3:6.9","dt2.3:6.10","dt2.3:6.11","dt2.3:6.12","dt2.3:6.13","dt2.3:6.14","dt2.3:6.15","dt2.3:6.16","dt2.3:6.17","dt2.3:6.18","dt2.3:6.19","dt2.3:6.20","dt2.3:6.21"],"kind":"text","text":{"pi":"Sokena ye dhammā …\ndukkhena ye dhammā …\ndomanassena ye dhammā …\nupāyāsena ye dhammā …\nsatipaṭṭhānena ye dhammā …\nsammappadhānena ye dhammā …\nappamaññāya ye dhammā …\npañcahi indriyehi ye dhammā …\npañcahi balehi ye dhammā …\nsattahi bojjhaṅgehi ye dhammā …\nariyena aṭṭhaṅgikena maggena ye dhammā …\nphassena ye dhammā …\nvedanāya ye dhammā …\nsaññāya ye dhammā …\ncetanāya ye dhammā …\nadhimokkhena ye dhammā …\nmanasikārena ye dhammā …\nhetūhi dhammehi ye dhammā …\nhetūhi ceva sahetukehi ca dhammehi ye dhammā …\nhetūhi ceva hetusampayuttehi ca dhammehi ye dhammā khandhasaṅgahena asaṅgahitā āyatanasaṅgahena saṅgahitā dhātusaṅgahena saṅgahitā …pe…\nte dhammā asaṅkhataṁ khandhato ṭhapetvā tīhi khandhehi ekenāyatanena ekāya dhātuyā saṅgahitā."}},{"id":"dt2.3:7","sourceIds":["dt2.3:7.1","dt2.3:7.2","dt2.3:7.3"],"kind":"text","text":{"pi":"Appaccayehi dhammehi ye dhammā …\nasaṅkhatehi dhammehi ye dhammā khandhasaṅgahena asaṅgahitā āyatanasaṅgahena saṅgahitā dhātusaṅgahena saṅgahitā …pe…\nte dhammā catūhi khandhehi ekenāyatanena ekāya dhātuyā saṅgahitā."}},{"id":"dt2.3:8","sourceIds":["dt2.3:8.1","dt2.3:8.2","dt2.3:8.3","dt2.3:8.4"],"kind":"text","text":{"pi":"Āsavehi dhammehi ye dhammā …\nāsavehi ceva sāsavehi ca dhammehi ye dhammā …\nāsavehi ceva āsavasampayuttehi ca dhammehi ye dhammā khandhasaṅgahena asaṅgahitā āyatanasaṅgahena saṅgahitā dhātusaṅgahena saṅgahitā …\nte dhammā asaṅkhataṁ khandhato ṭhapetvā tīhi khandhehi ekenāyatanena ekāya dhātuyā saṅgahitā."}},{"id":"dt2.3:9","sourceIds":["dt2.3:9.1","dt2.3:9.2","dt2.3:9.3","dt2.3:9.4","dt2.3:9.5","dt2.3:9.6","dt2.3:9.7","dt2.3:9.8"],"kind":"text","text":{"pi":"Saṁyojanehi …\nganthehi …\noghehi …\nyogehi …\nnīvaraṇehi …\nparāmāsehi dhammehi ye dhammā …\nparāmāsehi ceva parāmaṭṭhehi ca dhammehi ye dhammā khandhasaṅgahena asaṅgahitā āyatanasaṅgahena saṅgahitā dhātusaṅgahena saṅgahitā …\nte dhammā asaṅkhataṁ khandhato ṭhapetvā tīhi khandhehi ekenāyatanena ekāya dhātuyā saṅgahitā."}},{"id":"dt2.3:10","sourceIds":["dt2.3:10.1","dt2.3:10.2","dt2.3:10.3","dt2.3:10.4","dt2.3:10.5","dt2.3:10.6","dt2.3:10.7"],"kind":"text","text":{"pi":"Cetasikehi dhammehi ye dhammā …\ncittasampayuttehi dhammehi ye dhammā …\ncittasaṁsaṭṭhehi dhammehi ye dhammā …\ncittasaṁsaṭṭhasamuṭṭhānehi dhammehi ye dhammā …\ncittasaṁsaṭṭhasamuṭṭhānasahabhūhi dhammehi ye dhammā …\ncittasaṁsaṭṭhasamuṭṭhānānuparivattīhi dhammehi ye dhammā khandhasaṅgahena asaṅgahitā āyatanasaṅgahena saṅgahitā dhātusaṅgahena saṅgahitā …pe…\nte dhammā asaṅkhataṁ khandhato ṭhapetvā ekena khandhena ekenāyatanena ekāya dhātuyā saṅgahitā."}},{"id":"dt2.3:11","sourceIds":["dt2.3:11.1","dt2.3:11.2","dt2.3:11.3"],"kind":"text","text":{"pi":"Cittasahabhūhi dhammehi ye dhammā …\ncittānuparivattīhi dhammehi ye dhammā khandhasaṅgahena asaṅgahitā āyatanasaṅgahena saṅgahitā dhātusaṅgahena saṅgahitā …pe…\nte dhammā na kehici khandhehi ekenāyatanena ekāya dhātuyā saṅgahitā."}},{"id":"dt2.3:12","sourceIds":["dt2.3:12.1","dt2.3:12.2","dt2.3:12.3","dt2.3:12.4","dt2.3:12.5","dt2.3:12.6"],"kind":"text","text":{"pi":"Upādānehi dhammehi ye dhammā …\nkilesehi dhammehi ye dhammā …\nkilesehi ceva saṅkilesikehi ca dhammehi ye dhammā …\nkilesehi ceva saṅkiliṭṭhehi ca dhammehi ye dhammā …\nkilesehi ceva kilesasampayuttehi ca dhammehi ye dhammā khandhasaṅgahena asaṅgahitā āyatanasaṅgahena saṅgahitā dhātusaṅgahena saṅgahitā, te dhammā katihi khandhehi katihāyatanehi katihi dhātūhi saṅgahitā?\nTe dhammā asaṅkhataṁ khandhato ṭhapetvā tīhi khandhehi ekenāyatanena ekāya dhātuyā saṅgahitā."}},{"id":"dt2.3:13","sourceIds":["dt2.3:13.1","dt2.3:13.2","dt2.3:13.3","dt2.3:13.4"],"kind":"text","text":{"pi":"Tayo khandhā tathā saccā,\nindriyāni ca soḷasa;\nPadāni paccayākāre,\ncuddasūpari cuddasa."}},{"id":"dt2.3:14","sourceIds":["dt2.3:14.1","dt2.3:14.2","dt2.3:14.3","dt2.3:14.4"],"kind":"text","text":{"pi":"Samatiṁsa padā honti,\ngocchakesu dasasvatha;\nDuve cūḷantaradukā,\naṭṭha honti mahantarāti. [90]"}},{"id":"dt2.3:15","sourceIds":["dt2.3:15.1"],"kind":"text","text":{"pi":"Asaṅgahitena saṅgahitapadaniddeso tatiyo."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/dt2.3/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}