{"id":"iti110","title":"Walking","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"iti110","title":"Walking","units":[{"id":"iti110:0","sourceIds":["iti110:0.1","iti110:0.2","iti110:0.3","iti110:0.4"],"kind":"text","text":{"pi":"Itivuttaka 110\nCatukkanipāta\nBrāhmaṇadhammayāgavagga\nCarasutta","en":"So It Was Said 110\nThe Book of the Fours\nThe Chapter on the Brahmin’s Offering of the Teaching\nWalking"}},{"id":"iti110:1","sourceIds":["iti110:1.1"],"kind":"text","text":{"pi":"Vuttañhetaṁ bhagavatā vuttamarahatāti me sutaṁ:","en":"This was said by the Buddha, the Perfected One: that is what I heard."}},{"id":"iti110:2","sourceIds":["iti110:2.1","iti110:2.2","iti110:2.3"],"kind":"text","text":{"pi":"“Carato cepi, bhikkhave, bhikkhuno uppajjati kāmavitakko vā byāpādavitakko vā vihiṁsāvitakko vā.\nTañce, bhikkhave, bhikkhu adhivāseti nappajahati na vinodeti na byantīkaroti na anabhāvaṁ gameti.\nCarampi, bhikkhave, bhikkhu evaṁbhūto anātāpī anottāpī satataṁ samitaṁ kusīto hīnavīriyoti vuccati.","en":"“Mendicants, suppose a mendicant has a sensual, malicious, or cruel thought while walking.\nThey tolerate it and don’t give it up, dispel it, eliminate it, and obliterate it. Such a mendicant is said to be ‘not keen or prudent, always lazy, and lacking energy’ when walking."}},{"id":"iti110:3","sourceIds":["iti110:3.1","iti110:3.2","iti110:3.3"],"kind":"text","text":{"pi":"Ṭhitassa cepi, bhikkhave, bhikkhuno uppajjati kāmavitakko vā byāpādavitakko vā vihiṁsāvitakko vā.\nTañce, bhikkhave, bhikkhu adhivāseti nappajahati na vinodeti na byantīkaroti na anabhāvaṁ gameti.\nṬhitopi, bhikkhave, bhikkhu evaṁbhūto anātāpī anottāpī satataṁ samitaṁ kusīto hīnavīriyoti vuccati.","en":"Suppose a mendicant has a sensual, malicious, or cruel thought while standing …"}},{"id":"iti110:4","sourceIds":["iti110:4.1","iti110:4.2","iti110:4.3"],"kind":"text","text":{"pi":"Nisinnassa cepi, bhikkhave, bhikkhuno uppajjati kāmavitakko vā byāpādavitakko vā vihiṁsāvitakko vā.\nTañce, bhikkhave, bhikkhu adhivāseti nappajahati na vinodeti na byantīkaroti na anabhāvaṁ gameti.\nNisinnopi, bhikkhave, bhikkhu evaṁbhūto anātāpī anottāpī satataṁ samitaṁ kusīto hīnavīriyoti vuccati.","en":"sitting …"}},{"id":"iti110:5","sourceIds":["iti110:5.1","iti110:5.2","iti110:5.3"],"kind":"text","text":{"pi":"Sayānassa cepi, bhikkhave, bhikkhuno jāgarassa uppajjati kāmavitakko vā byāpādavitakko vā vihiṁsāvitakko vā.\nTañce, bhikkhave, bhikkhu adhivāseti nappajahati na vinodeti na byantīkaroti na anabhāvaṁ gameti.\nSayānopi, bhikkhave, bhikkhu jāgaro evaṁbhūto anātāpī anottāpī satataṁ samitaṁ kusīto hīnavīriyoti vuccati.","en":"or when lying down while awake.\nThey tolerate it and don’t give it up, dispel it, eliminate it, and obliterate it.\nSuch a mendicant is said to be ‘not keen or prudent, always lazy, and lacking energy’ when lying down while awake."}},{"id":"iti110:6","sourceIds":["iti110:6.1","iti110:6.2","iti110:6.3"],"kind":"text","text":{"pi":"Carato cepi, bhikkhave, bhikkhuno uppajjati kāmavitakko vā byāpādavitakko vā vihiṁsāvitakko vā.\nTañce, bhikkhave, bhikkhu nādhivāseti pajahati vinodeti byantīkaroti anabhāvaṁ gameti.\nCarampi, bhikkhave, bhikkhu evaṁbhūto ātāpī ottāpī satataṁ samitaṁ āraddhavīriyo pahitattoti vuccati.","en":"Suppose a mendicant has a sensual, malicious, or cruel thought while walking.\nThey don’t tolerate them, but give them up, dispel them, eliminate them, and obliterate them.\nSuch a mendicant is said to be ‘keen and prudent, always energetic and resolute’ when walking."}},{"id":"iti110:7","sourceIds":["iti110:7.1","iti110:7.2","iti110:7.3"],"kind":"text","text":{"pi":"Ṭhitassa cepi, bhikkhave, bhikkhuno uppajjati kāmavitakko vā byāpādavitakko vā vihiṁsāvitakko vā.\nTañce, bhikkhave, bhikkhu nādhivāseti pajahati vinodeti byantīkaroti anabhāvaṁ gameti.\nṬhitopi, bhikkhave, bhikkhu evaṁbhūto ātāpī ottāpī satataṁ samitaṁ āraddhavīriyo pahitattoti vuccati.","en":"Suppose a mendicant has a sensual, malicious, or cruel thought while standing …"}},{"id":"iti110:8","sourceIds":["iti110:8.1","iti110:8.2","iti110:8.3"],"kind":"text","text":{"pi":"Nisinnassa cepi, bhikkhave, bhikkhuno uppajjati kāmavitakko vā byāpādavitakko vā vihiṁsāvitakko vā.\nTañce, bhikkhave, bhikkhu nādhivāseti pajahati vinodeti byantīkaroti anabhāvaṁ gameti.\nNisinnopi, bhikkhave, bhikkhu evaṁbhūto ātāpī ottāpī satataṁ samitaṁ āraddhavīriyo pahitattoti vuccati.","en":"sitting …"}},{"id":"iti110:9","sourceIds":["iti110:9.1","iti110:9.2","iti110:9.3","iti110:9.4","iti110:9.5"],"kind":"text","text":{"pi":"Sayānassa cepi, bhikkhave, bhikkhuno jāgarassa uppajjati kāmavitakko vā byāpādavitakko vā vihiṁsāvitakko vā.\nTañce, bhikkhave, bhikkhu nādhivāseti pajahati vinodeti byantīkaroti anabhāvaṁ gameti.\nSayānopi, bhikkhave, bhikkhu jāgaro evaṁbhūto ātāpī ottāpī satataṁ samitaṁ āraddhavīriyo pahitattoti vuccatī”ti.\nEtamatthaṁ bhagavā avoca.\nTatthetaṁ iti vuccati:","en":"or when lying down while awake.\nThey don’t tolerate it, but give it up, dispel it, eliminate it, and obliterate it.\nSuch a mendicant is said to be ‘keen and prudent, always energetic and resolute’ when lying down while awake.”\nThe Buddha spoke this matter.\nOn this it is said:"}},{"id":"iti110:10","sourceIds":["iti110:10.1","iti110:10.2","iti110:10.3","iti110:10.4"],"kind":"text","text":{"pi":"“Caraṁ vā yadi vā tiṭṭhaṁ,\nnisinno uda vā sayaṁ;\nYo vitakkaṁ vitakketi,\npāpakaṁ gehanissitaṁ.","en":"“Whether walking or standing,\nsitting or lying down,\none who thinks a bad thought\nto do with the domestic life"}},{"id":"iti110:11","sourceIds":["iti110:11.1","iti110:11.2","iti110:11.3","iti110:11.4"],"kind":"text","text":{"pi":"Kummaggaṁ paṭipanno so,\nmohaneyyesu mucchito;\nAbhabbo tādiso bhikkhu,\nphuṭṭhuṁ sambodhimuttamaṁ.","en":"is practicing the wrong way,\nlost among things that delude;\nsuch a mendicant is incapable\nof experiencing the highest awakening."}},{"id":"iti110:12","sourceIds":["iti110:12.1","iti110:12.2","iti110:12.3","iti110:12.4","iti110:12.5","iti110:12.6"],"kind":"text","text":{"pi":"Yo ca caraṁ vā tiṭṭhaṁ vā,\nNisinno uda vā sayaṁ;\nVitakkaṁ samayitvāna,\nVitakkūpasame rato;\nBhabbo so tādiso bhikkhu,\nPhuṭṭhuṁ sambodhimuttaman”ti.","en":"But one who, whether standing or walking,\nsitting or lying down,\nhas calmed their thoughts,\nloving peace of mind;\nsuch a mendicant is capable\nof experiencing the highest awakening.”"}},{"id":"iti110:13","sourceIds":["iti110:13.1","iti110:13.2"],"kind":"text","text":{"pi":"Ayampi attho vutto bhagavatā, iti me sutanti.\nEkādasamaṁ.","en":"This too is a matter that was spoken by the Blessed One: that is what I heard."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/iti110/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}