{"id":"iti111","title":"Accomplishment in Ethics","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"iti111","title":"Accomplishment in Ethics","units":[{"id":"iti111:0","sourceIds":["iti111:0.1","iti111:0.2","iti111:0.3","iti111:0.4"],"kind":"text","text":{"pi":"Itivuttaka 111\nCatukkanipāta\nBrāhmaṇadhammayāgavagga\nSampannasīlasutta","en":"So It Was Said 111\nThe Book of the Fours\nThe Chapter on the Brahmin’s Offering of the Teaching\nAccomplishment in Ethics"}},{"id":"iti111:1","sourceIds":["iti111:1.1"],"kind":"text","text":{"pi":"Vuttañhetaṁ bhagavatā vuttamarahatāti me sutaṁ:","en":"This was said by the Buddha, the Perfected One: that is what I heard."}},{"id":"iti111:2","sourceIds":["iti111:2.1"],"kind":"text","text":{"pi":"“Sampannasīlā, bhikkhave, viharatha sampannapātimokkhā; pātimokkhasaṁvarasaṁvutā viharatha ācāragocarasampannā aṇumattesu vajjesu bhayadassāvino; samādāya sikkhatha sikkhāpadesu.","en":"“Mendicants, live by the ethical precepts and the monastic code. Live restrained in the monastic code, conducting yourselves well and resorting for alms in suitable places. Seeing danger in the slightest fault, keep the rules you’ve undertaken."}},{"id":"iti111:3","sourceIds":["iti111:3.1"],"kind":"text","text":{"pi":"Sampannasīlānaṁ vo, bhikkhave, viharataṁ sampannapātimokkhānaṁ pātimokkhasaṁvarasaṁvutānaṁ viharataṁ ācāragocarasampannānaṁ aṇumattesu vajjesu bhayadassāvīnaṁ samādāya sikkhataṁ sikkhāpadesu, kimassa uttari karaṇīyaṁ?","en":"When you’ve done this, what more is there to do?"}},{"id":"iti111:4","sourceIds":["iti111:4.1","iti111:4.2"],"kind":"text","text":{"pi":"Carato cepi, bhikkhave, bhikkhuno abhijjhā, byāpādo vigato hoti, thinamiddhaṁ vigataṁ hoti, uddhaccakukkuccaṁ vigataṁ hoti, vicikicchā pahīnā hoti, āraddhaṁ hoti vīriyaṁ asallīnaṁ, upaṭṭhitā sati asammuṭṭhā, passaddho kāyo asāraddho, samāhitaṁ cittaṁ ekaggaṁ.\nCarampi, bhikkhave, bhikkhu evaṁbhūto ātāpī ottāpī satataṁ samitaṁ āraddhavīriyo pahitattoti vuccati.","en":"Suppose a mendicant has got rid of desire and ill will while walking, and has given up dullness and drowsiness, restlessness and remorse, and doubt. Their energy is roused up and unflagging, their mindfulness is established and lucid, their body is tranquil and undisturbed, and their mind is immersed and unified in samādhi.\nSuch a mendicant is said to be ‘keen and prudent, always energetic and resolute’ when walking."}},{"id":"iti111:5","sourceIds":["iti111:5.1","iti111:5.2"],"kind":"text","text":{"pi":"Ṭhitassa cepi, bhikkhave, bhikkhuno abhijjhā byāpādo vigato hoti …pe… thinamiddhaṁ … uddhaccakukkuccaṁ … vicikicchā pahīnā hoti, āraddhaṁ hoti vīriyaṁ asallīnaṁ, upaṭṭhitā sati asammuṭṭhā, passaddho kāyo asāraddho, samāhitaṁ cittaṁ ekaggaṁ.\nṬhitopi, bhikkhave, bhikkhu evaṁbhūto ātāpī ottāpī satataṁ samitaṁ āraddhavīriyo pahitattoti vuccati.","en":"Suppose a mendicant has got rid of desire and ill will while standing …"}},{"id":"iti111:6","sourceIds":["iti111:6.1","iti111:6.2"],"kind":"text","text":{"pi":"Nisinnassa cepi, bhikkhave, bhikkhuno abhijjhā byāpādo vigato hoti …pe… thinamiddhaṁ … uddhaccakukkuccaṁ … vicikicchā pahīnā hoti, āraddhaṁ hoti vīriyaṁ asallīnaṁ, upaṭṭhitā sati asammuṭṭhā, passaddho kāyo asāraddho, samāhitaṁ cittaṁ ekaggaṁ.\nNisinnopi, bhikkhave, bhikkhu evaṁbhūto ātāpī ottāpī satataṁ samitaṁ āraddhavīriyo pahitattoti vuccati.","en":"sitting …"}},{"id":"iti111:7","sourceIds":["iti111:7.1","iti111:7.2","iti111:7.3","iti111:7.4"],"kind":"text","text":{"pi":"Sayānassa cepi, bhikkhave, bhikkhuno jāgarassa abhijjhā byāpādo vigato hoti …pe… thinamiddhaṁ … uddhaccakukkuccaṁ … vicikicchā pahīnā hoti, āraddhaṁ hoti vīriyaṁ asallīnaṁ, upaṭṭhitā sati asammuṭṭhā, passaddho kāyo asāraddho, samāhitaṁ cittaṁ ekaggaṁ.\nSayānopi, bhikkhave, bhikkhu jāgaro evaṁbhūto ātāpī ottāpī satataṁ samitaṁ āraddhavīriyo pahitattoti vuccatī”ti.\nEtamatthaṁ bhagavā avoca.\nTatthetaṁ iti vuccati:","en":"or when lying down while awake.\nSuch a mendicant is said to be ‘keen and prudent, always energetic and resolute’ when lying down while awake.”\nThe Buddha spoke this matter.\nOn this it is said:"}},{"id":"iti111:8","sourceIds":["iti111:8.1","iti111:8.2","iti111:8.3","iti111:8.4"],"kind":"text","text":{"pi":"“Yataṁ care yataṁ tiṭṭhe,\nyataṁ acche yataṁ saye;\nYataṁ samiñjaye bhikkhu,\nyatamenaṁ pasāraye.","en":"“Carefully walking, carefully standing,\ncarefully sitting, carefully lying;\na mendicant carefully bends their limbs,\nand carefully extends them."}},{"id":"iti111:9","sourceIds":["iti111:9.1","iti111:9.2","iti111:9.3","iti111:9.4"],"kind":"text","text":{"pi":"Uddhaṁ tiriyaṁ apācīnaṁ,\nyāvatājagatogati;\nSamavekkhitā ca dhammānaṁ,\nkhandhānaṁ udayabbayaṁ.","en":"Above, below, all round,\nas far as the planet extends;\nthey scrutinize the rise and fall\nof phenomena such as the aggregates."}},{"id":"iti111:10","sourceIds":["iti111:10.1","iti111:10.2","iti111:10.3","iti111:10.4","iti111:10.5","iti111:10.6"],"kind":"text","text":{"pi":"Evaṁ vihārimātāpiṁ,\nsantavuttimanuddhataṁ;\nCetosamathasāmīciṁ,\nsikkhamānaṁ sadā sataṁ;\nSatataṁ pahitattoti,\nāhu bhikkhuṁ tathāvidhan”ti.","en":"Meditating diligently like this,\npeaceful, not restless,\ntraining in what leads to serenity of heart,\nalways staying mindful;\nthey call that sort of mendicant\n‘always determined’.”"}},{"id":"iti111:11","sourceIds":["iti111:11.1","iti111:11.2"],"kind":"text","text":{"pi":"Ayampi attho vutto bhagavatā, iti me sutanti.\nDvādasamaṁ.","en":"This too is a matter that was spoken by the Blessed One: that is what I heard."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/iti111/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}