{"id":"iti70","title":"Having Wrong View","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"iti70","title":"Having Wrong View","units":[{"id":"iti70:0","sourceIds":["iti70:0.1","iti70:0.2","iti70:0.3","iti70:0.4"],"kind":"text","text":{"pi":"Itivuttaka 70\nTikanipāta\nTatiyavagga\nMicchādiṭṭhikasutta","en":"So It Was Said 70\nThe Book of the Threes\nChapter Three\nHaving Wrong View"}},{"id":"iti70:1","sourceIds":["iti70:1.1"],"kind":"text","text":{"pi":"Vuttañhetaṁ bhagavatā vuttamarahatāti me sutaṁ:","en":"This was said by the Buddha, the Perfected One: that is what I heard."}},{"id":"iti70:2","sourceIds":["iti70:2.1","iti70:2.2"],"kind":"text","text":{"pi":"“Diṭṭhā mayā, bhikkhave, sattā kāyaduccaritena samannāgatā vacīduccaritena samannāgatā manoduccaritena samannāgatā ariyānaṁ upavādakā micchādiṭṭhikā micchādiṭṭhikammasamādānā.\nTe kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapannā.","en":"“Mendicants, I’ve seen beings who engaged in misconduct by body, speech, and mind, who denounced the noble ones, who had wrong views and acted accordingly.\nAt the breaking up of the body, after death, they were reborn in a place of loss, a bad place, the underworld, hell."}},{"id":"iti70:3","sourceIds":["iti70:3.1","iti70:3.2","iti70:3.3","iti70:3.4"],"kind":"text","text":{"pi":"Taṁ kho panāhaṁ, bhikkhave, nāññassa samaṇassa vā brāhmaṇassa vā sutvā vadāmi.\nDiṭṭhā mayā, bhikkhave, sattā kāyaduccaritena samannāgatā vacīduccaritena samannāgatā manoduccaritena samannāgatā ariyānaṁ upavādakā micchādiṭṭhikā micchādiṭṭhikammasamādānā.\nTe kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapannā.\nApi ca, bhikkhave, yadeva sāmaṁ ñātaṁ sāmaṁ diṭṭhaṁ sāmaṁ viditaṁ tadevāhaṁ vadāmi.","en":"Now, I don’t say this because I’ve heard it from some other ascetic or brahmin.\nI only say it because I’ve known, seen, and realized it for myself.”"}},{"id":"iti70:4","sourceIds":["iti70:4.1","iti70:4.2","iti70:4.3","iti70:4.4"],"kind":"text","text":{"pi":"Diṭṭhā mayā, bhikkhave, sattā kāyaduccaritena samannāgatā vacīduccaritena samannāgatā manoduccaritena samannāgatā ariyānaṁ upavādakā micchādiṭṭhikā micchādiṭṭhikammasamādānā.\nTe kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapannā”ti.\nEtamatthaṁ bhagavā avoca.\nTatthetaṁ iti vuccati:","en":"The Buddha spoke this matter.\nOn this it is said:"}},{"id":"iti70:5","sourceIds":["iti70:5.1","iti70:5.2","iti70:5.3","iti70:5.4"],"kind":"text","text":{"pi":"“Micchā manaṁ paṇidhāya,\nmicchā vācañca bhāsiya;\nMicchā kammāni katvāna,\nkāyena idha puggalo.","en":"“When the mind has been misdirected,\nand words wrongly spoken,\nand wrong bodily deeds have been done,\nan individual here"}},{"id":"iti70:6","sourceIds":["iti70:6.1","iti70:6.2","iti70:6.3","iti70:6.4"],"kind":"text","text":{"pi":"Appassutāpuññakaro,\nappasmiṁ idha jīvite;\nKāyassa bhedā duppañño,\nnirayaṁ sopapajjatī”ti.","en":"unlearned, doer of bad deeds,\nthough their life may be short,\nwhen their body breaks up, that witless person\nis reborn in hell.”"}},{"id":"iti70:7","sourceIds":["iti70:7.1","iti70:7.2"],"kind":"text","text":{"pi":"Ayampi attho vutto bhagavatā, iti me sutanti.\nPaṭhamaṁ.","en":"This too is a matter that was spoken by the Blessed One: that is what I heard."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/iti70/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}