{"id":"iti71","title":"Having Right View","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"iti71","title":"Having Right View","units":[{"id":"iti71:0","sourceIds":["iti71:0.1","iti71:0.2","iti71:0.3","iti71:0.4"],"kind":"text","text":{"pi":"Itivuttaka 71\nTikanipāta\nTatiyavagga\nSammādiṭṭhikasutta","en":"So It Was Said 71\nThe Book of the Threes\nChapter Three\nHaving Right View"}},{"id":"iti71:1","sourceIds":["iti71:1.1"],"kind":"text","text":{"pi":"Vuttañhetaṁ bhagavatā vuttamarahatāti me sutaṁ:","en":"This was said by the Buddha, the Perfected One: that is what I heard."}},{"id":"iti71:2","sourceIds":["iti71:2.1","iti71:2.2"],"kind":"text","text":{"pi":"“Diṭṭhā mayā, bhikkhave, sattā kāyasucaritena samannāgatā vacīsucaritena samannāgatā manosucaritena samannāgatā ariyānaṁ anupavādakā sammādiṭṭhikā sammādiṭṭhikammasamādānā.\nTe kāyassa bhedā paraṁ maraṇā sugatiṁ saggaṁ lokaṁ upapannā.","en":"“Mendicants, I’ve seen beings who engaged in good conduct of body, speech, and mind, who did not denounce the noble ones, who held right view and acted accordingly.\nAt the breaking up of the body, after death, they were reborn in a good destination, a heavenly realm."}},{"id":"iti71:3","sourceIds":["iti71:3.1","iti71:3.2","iti71:3.3","iti71:3.4"],"kind":"text","text":{"pi":"Taṁ kho panāhaṁ, bhikkhave, nāññassa samaṇassa vā brāhmaṇassa vā sutvā vadāmi.\nDiṭṭhā mayā, bhikkhave, sattā kāyasucaritena samannāgatā vacīsucaritena samannāgatā manosucaritena samannāgatā ariyānaṁ anupavādakā sammādiṭṭhikā sammādiṭṭhikammasamādānā.\nTe kāyassa bhedā paraṁ maraṇā sugatiṁ saggaṁ lokaṁ upapannā.\nApi ca, bhikkhave, yadeva sāmaṁ ñātaṁ sāmaṁ diṭṭhaṁ sāmaṁ viditaṁ tadevāhaṁ vadāmi.","en":"Now, I don’t say this because I’ve heard it from some other ascetic or brahmin.\nI only say it because I’ve known, seen, and realized it for myself.”"}},{"id":"iti71:4","sourceIds":["iti71:4.1","iti71:4.2","iti71:4.3","iti71:4.4"],"kind":"text","text":{"pi":"Diṭṭhā mayā, bhikkhave, sattā kāyasucaritena samannāgatā vacīsucaritena samannāgatā manosucaritena samannāgatā ariyānaṁ anupavādakā sammādiṭṭhikā sammādiṭṭhikammasamādānā.\nTe kāyassa bhedā paraṁ maraṇā sugatiṁ saggaṁ lokaṁ upapannā”ti.\nEtamatthaṁ bhagavā avoca.\nTatthetaṁ iti vuccati:","en":"The Buddha spoke this matter.\nOn this it is said:"}},{"id":"iti71:5","sourceIds":["iti71:5.1","iti71:5.2","iti71:5.3","iti71:5.4"],"kind":"text","text":{"pi":"“Sammā manaṁ paṇidhāya,\nsammā vācañca bhāsiya;\nSammā kammāni katvāna,\nkāyena idha puggalo.","en":"“When the mind has been directed right,\nand words rightly spoken,\nand right bodily deeds have been done,\nan individual here"}},{"id":"iti71:6","sourceIds":["iti71:6.1","iti71:6.2","iti71:6.3","iti71:6.4"],"kind":"text","text":{"pi":"Bahussuto puññakaro,\nappasmiṁ idha jīvite;\nKāyassa bhedā sappañño,\nsaggaṁ so upapajjatī”ti.","en":"learned, doer of good deeds,\nthough their life may be short,\nwhen their body breaks up, that wise person\nis reborn in heaven.”"}},{"id":"iti71:7","sourceIds":["iti71:7.1","iti71:7.2"],"kind":"text","text":{"pi":"Ayampi attho vutto bhagavatā, iti me sutanti.\nDutiyaṁ.","en":"This too is a matter that was spoken by the Blessed One: that is what I heard."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/iti71/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}