{"id":"iti87","title":"Destroyers of Sight","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"iti87","title":"Destroyers of Sight","units":[{"id":"iti87:0","sourceIds":["iti87:0.1","iti87:0.2","iti87:0.3","iti87:0.4"],"kind":"text","text":{"pi":"Itivuttaka 87\nTikanipāta\nCatutthavagga\nAndhakaraṇasutta","en":"So It Was Said 87\nThe Book of the Threes\nChapter Four\nDestroyers of Sight"}},{"id":"iti87:1","sourceIds":["iti87:1.1"],"kind":"text","text":{"pi":"Vuttañhetaṁ bhagavatā vuttamarahatāti me sutaṁ:","en":"This was said by the Buddha, the Perfected One: that is what I heard."}},{"id":"iti87:2","sourceIds":["iti87:2.1","iti87:2.2","iti87:2.3","iti87:2.4","iti87:2.5","iti87:2.6"],"kind":"text","text":{"pi":"“Tayome, bhikkhave, akusalavitakkā andhakaraṇā acakkhukaraṇā aññāṇakaraṇā paññānirodhikā vighātapakkhikā anibbānasaṁvattanikā.\nKatame tayo?\nKāmavitakko, bhikkhave, andhakaraṇo acakkhukaraṇo aññāṇakaraṇo paññānirodhiko vighātapakkhiko anibbānasaṁvattaniko.\nByāpādavitakko, bhikkhave, andhakaraṇo acakkhukaraṇo aññāṇakaraṇo paññānirodhiko vighātapakkhiko anibbānasaṁvattaniko.\nVihiṁsāvitakko, bhikkhave, andhakaraṇo acakkhukaraṇo aññāṇakaraṇo paññānirodhiko vighātapakkhiko anibbānasaṁvattaniko.\nIme kho, bhikkhave, tayo akusalavitakkā andhakaraṇā acakkhukaraṇā aññāṇakaraṇā paññānirodhikā vighātapakkhikā anibbānasaṁvattanikā.","en":"“Mendicants, these three unskillful thoughts are destroyers of sight, vision, and knowledge. They block wisdom, they’re on the side of distress, and they don’t lead to extinguishment.\nWhat three?\nThoughts of sensuality,\nmalice,\nand cruelty.\nThese are the three unskillful thoughts that are destroyers of sight, vision, and knowledge. They block wisdom, they’re on the side of distress, and they don’t lead to extinguishment."}},{"id":"iti87:3","sourceIds":["iti87:3.1","iti87:3.2","iti87:3.3","iti87:3.4","iti87:3.5","iti87:3.6","iti87:3.7","iti87:3.8"],"kind":"text","text":{"pi":"Tayome, bhikkhave, kusalavitakkā anandhakaraṇā cakkhukaraṇā ñāṇakaraṇā paññāvuddhikā avighātapakkhikā nibbānasaṁvattanikā.\nKatame tayo?\nNekkhammavitakko, bhikkhave, anandhakaraṇo cakkhukaraṇo ñāṇakaraṇo paññāvuddhiko avighātapakkhiko nibbānasaṁvattaniko.\nAbyāpādavitakko, bhikkhave, anandhakaraṇo cakkhukaraṇo ñāṇakaraṇo paññāvuddhiko avighātapakkhiko nibbānasaṁvattaniko.\nAvihiṁsāvitakko, bhikkhave, anandhakaraṇo cakkhukaraṇo ñāṇakaraṇo paññāvuddhiko avighātapakkhiko nibbānasaṁvattaniko.\nIme kho, bhikkhave, tayo kusalavitakkā anandhakaraṇā cakkhukaraṇā ñāṇakaraṇā paññāvuddhikā avighātapakkhikā nibbānasaṁvattanikā”ti.\nEtamatthaṁ bhagavā avoca.\nTatthetaṁ iti vuccati:","en":"These three skillful thoughts are creators of sight, vision, and knowledge. They grow wisdom, they’re on the side of solace, and they lead to extinguishment.\nWhat three?\nThoughts of renunciation,\ngood will,\nand harmlessness.\nThese are the three skillful thoughts that are creators of sight, vision, and knowledge. They grow wisdom, they’re on the side of solace, and they lead to extinguishment.”\nThe Buddha spoke this matter.\nOn this it is said:"}},{"id":"iti87:4","sourceIds":["iti87:4.1","iti87:4.2","iti87:4.3","iti87:4.4","iti87:4.5","iti87:4.6"],"kind":"text","text":{"pi":"“Tayo vitakke kusale vitakkaye,\nTayo pana akusale nirākare;\nSa ve vitakkāni vicāritāni,\nSameti vuṭṭhīva rajaṁ samūhataṁ;\nSa ve vitakkūpasamena cetasā,\nIdheva so santipadaṁ samajjhagā”ti.","en":"“Think the three skillful thoughts,\nand get rid of the unskillful.\nQuelling such thoughts and considerations,\nlike rain on the dust,\nwith a heart calmed of thought,\nyou’ll touch the state of peace right here.”"}},{"id":"iti87:5","sourceIds":["iti87:5.1","iti87:5.2"],"kind":"text","text":{"pi":"Ayampi attho vutto bhagavatā, iti me sutanti.\nAṭṭhamaṁ.","en":"This too is a matter that was spoken by the Blessed One: that is what I heard."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/iti87/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}