{"id":"kv12.3","title":"Saddovipākotikathā","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"kv12.3","title":"Saddovipākotikathā","units":[{"id":"kv12.3:0","sourceIds":["kv12.3:0.1","kv12.3:0.2","kv12.3:0.3","kv12.3:0.4"],"kind":"text","text":{"pi":"Kathāvatthu\nMahāpaṇṇāsaka\nDvādasamavagga\nSaddovipākotikathā"}},{"id":"kv12.3:1","sourceIds":["kv12.3:1.1","kv12.3:1.2","kv12.3:1.3","kv12.3:1.4","kv12.3:1.5","kv12.3:1.6","kv12.3:1.7","kv12.3:1.8","kv12.3:1.9"],"kind":"text","text":{"pi":"Saddo vipākoti?\nĀmantā.\nSukhavedaniyo dukkhavedaniyo adukkhamasukhavedaniyo, sukhāya vedanāya sampayutto, dukkhāya vedanāya sampayutto, adukkhamasukhāya vedanāya sampayutto, phassena sampayutto, vedanāya sampayutto, saññāya sampayutto, cetanāya sampayutto, cittena sampayutto, sārammaṇo;\natthi tassa āvaṭṭanā ābhogo samannāhāro manasikāro cetanā patthanā paṇidhīti?\nNa hevaṁ vattabbe …pe…\nnanu na sukhavedaniyo na dukkhavedaniyo …pe… anārammaṇo, natthi tassa āvaṭṭanā …pe… paṇidhīti?\nĀmantā.\nHañci na sukhavedaniyo …pe… anārammaṇo, natthi tassa āvaṭṭanā …pe… paṇidhi, no ca vata re vattabbe—\n“saddo vipāko”ti."}},{"id":"kv12.3:2","sourceIds":["kv12.3:2.1","kv12.3:2.2","kv12.3:2.3","kv12.3:2.4"],"kind":"text","text":{"pi":"Phasso vipāko, phasso sukhavedaniyo …pe… sārammaṇo, atthi tassa āvaṭṭanā …pe… paṇidhīti?\nĀmantā.\nSaddo vipāko, saddo sukhavedaniyo …pe… sārammaṇo, atthi tassa āvaṭṭanā …pe… paṇidhīti?\nNa hevaṁ vattabbe …pe…."}},{"id":"kv12.3:3","sourceIds":["kv12.3:3.1","kv12.3:3.2","kv12.3:3.3","kv12.3:3.4"],"kind":"text","text":{"pi":"Saddo vipāko, saddo na sukhavedaniyo …pe… anārammaṇo, natthi tassa āvaṭṭanā …pe… paṇidhīti?\nĀmantā.\nPhasso vipāko, phasso na sukhavedaniyo, na dukkhavedaniyo …pe… anārammaṇo, natthi tassa āvaṭṭanā …pe… paṇidhīti?\nNa hevaṁ vattabbe …pe…."}},{"id":"kv12.3:4","sourceIds":["kv12.3:4.1","kv12.3:4.2","kv12.3:4.3","kv12.3:4.4","kv12.3:4.5","kv12.3:4.6","kv12.3:4.7","kv12.3:4.8","kv12.3:4.9"],"kind":"text","text":{"pi":"Na vattabbaṁ—\n“saddo vipāko”ti?\nĀmantā.\nNanu vuttaṁ bhagavatā—\n“so tassa kammassa katattā upacitattā ussannattā vipulattā brahmassaro hoti karavikabhāṇī”ti.\nAttheva suttantoti?\nĀmantā.\nTena hi saddo vipākoti.\nSaddo vipākotikathā niṭṭhitā."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/kv12.3/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}