{"id":"kv13.7","title":"Samāpannoassādetikathā","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"kv13.7","title":"Samāpannoassādetikathā","units":[{"id":"kv13.7:0","sourceIds":["kv13.7:0.1","kv13.7:0.2","kv13.7:0.3","kv13.7:0.4"],"kind":"text","text":{"pi":"Kathāvatthu\nMahāpaṇṇāsaka\nTerasamavagga\nSamāpannoassādetikathā"}},{"id":"kv13.7:1","sourceIds":["kv13.7:1.1","kv13.7:1.2","kv13.7:1.3","kv13.7:1.4","kv13.7:1.5","kv13.7:1.6","kv13.7:1.7","kv13.7:1.8"],"kind":"text","text":{"pi":"Samāpanno assādeti, jhānanikanti jhānārammaṇāti?\nĀmantā.\nTaṁ jhānaṁ tassa jhānassa ārammaṇanti?\nNa hevaṁ vattabbe …pe…\ntaṁ jhānaṁ tassa jhānassa ārammaṇanti?\nĀmantā.\nTena phassena taṁ phassaṁ phusati, tāya vedanāya taṁ vedanaṁ vedeti, tāya saññāya taṁ saññaṁ sañjānāti, tāya cetanāya taṁ cetanaṁ ceteti, tena cittena taṁ cittaṁ cinteti, tena vitakkena taṁ vitakkaṁ vitakketi, tena vicārena taṁ vicāraṁ vicāreti, tāya pītiyā taṁ pītiṁ piyāyati, tāya satiyā taṁ satiṁ sarati, tāya paññāya taṁ paññaṁ pajānātīti?\nNa hevaṁ vattabbe …pe…."}},{"id":"kv13.7:2","sourceIds":["kv13.7:2.1","kv13.7:2.2","kv13.7:2.3","kv13.7:2.4","kv13.7:2.5"],"kind":"text","text":{"pi":"Jhānanikanti cittasampayuttā, jhānaṁ cittasampayuttanti?\nĀmantā.\nDvinnaṁ phassānaṁ …pe…\ndvinnaṁ cittānaṁ samodhānaṁ hotīti?\nNa hevaṁ vattabbe …pe…."}},{"id":"kv13.7:3","sourceIds":["kv13.7:3.1","kv13.7:3.2","kv13.7:3.3","kv13.7:3.4"],"kind":"text","text":{"pi":"Jhānanikanti akusalaṁ, jhānaṁ kusalanti?\nĀmantā.\nKusalākusalā sāvajjānavajjā hīnapaṇītā kaṇhasukkasappaṭibhāgā dhammā sammukhībhāvaṁ āgacchantīti?\nNa hevaṁ vattabbe …pe…."}},{"id":"kv13.7:4","sourceIds":["kv13.7:4.1","kv13.7:4.2","kv13.7:4.3","kv13.7:4.4","kv13.7:4.5","kv13.7:4.6","kv13.7:4.7","kv13.7:4.8","kv13.7:4.9","kv13.7:4.10","kv13.7:4.11"],"kind":"text","text":{"pi":"Kusalākusalā sāvajjānavajjā hīnapaṇītā kaṇhasukkasappaṭibhāgā dhammā sammukhībhāvaṁ āgacchantīti?\nĀmantā.\nNanu vuttaṁ bhagavatā—\n“cattārimāni, bhikkhave, suvidūravidūrāni.\nKatamāni cattāri?\nNabhañca, bhikkhave, pathavī ca—\nidaṁ paṭhamaṁ suvidūravidūraṁ …pe… tasmā sataṁ dhammo asabbhi ārakā”ti.\nAttheva suttantoti?\nĀmantā.\nTena hi na vattabbaṁ—\n“kusalākusalā sāvajjānavajjā hīnapaṇītā kaṇhasukkasappaṭibhāgā dhammā sammukhībhāvaṁ āgacchantī”ti."}},{"id":"kv13.7:5","sourceIds":["kv13.7:5.1","kv13.7:5.2","kv13.7:5.3","kv13.7:5.4","kv13.7:5.5","kv13.7:5.6","kv13.7:5.7","kv13.7:5.8","kv13.7:5.9","kv13.7:5.10","kv13.7:5.11","kv13.7:5.12"],"kind":"text","text":{"pi":"Na vattabbaṁ—\n“samāpanno assādeti, jhānanikanti jhānārammaṇā”ti?\nĀmantā.\nNanu vuttaṁ bhagavatā—\n“idha, bhikkhave, bhikkhu vivicceva kāmehi vivicca akusalehi dhammehi paṭhamaṁ jhānaṁ upasampajja viharati, so taṁ assādeti taṁ nikāmeti tena ca vittiṁ āpajjati;\nvitakkavicārānaṁ vūpasamā …pe… dutiyaṁ jhānaṁ …pe…\ntatiyaṁ jhānaṁ …pe…\ncatutthaṁ jhānaṁ upasampajja viharati, so taṁ assādeti taṁ nikāmeti tena ca vittiṁ āpajjatī”ti.\nAttheva suttantoti?\nĀmantā.\nTena hi samāpanno assādeti, jhānanikanti jhānārammaṇāti.\nSamāpanno assādetikathā niṭṭhitā."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/kv13.7/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}