{"id":"kv14.1","title":"Kusalākusalapaṭisandahanakathā","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"kv14.1","title":"Kusalākusalapaṭisandahanakathā","units":[{"id":"kv14.1:0","sourceIds":["kv14.1:0.1","kv14.1:0.2","kv14.1:0.3","kv14.1:0.4"],"kind":"text","text":{"pi":"Kathāvatthu\nAnusayapaṇṇāsaka\nCuddasamavagga\nKusalākusalapaṭisandahanakathā"}},{"id":"kv14.1:1","sourceIds":["kv14.1:1.1","kv14.1:1.2","kv14.1:1.3","kv14.1:1.4"],"kind":"text","text":{"pi":"Akusalamūlaṁ paṭisandahati kusalamūlanti?\nĀmantā.\nYā akusalassa uppādāya āvaṭṭanā …pe… paṇidhi, sāva kusalassa uppādāya āvaṭṭanā …pe… paṇidhīti?\nNa hevaṁ vattabbe …pe…."}},{"id":"kv14.1:2","sourceIds":["kv14.1:2.1","kv14.1:2.2","kv14.1:2.3","kv14.1:2.4","kv14.1:2.5","kv14.1:2.6","kv14.1:2.7","kv14.1:2.8","kv14.1:2.9"],"kind":"text","text":{"pi":"Akusalamūlaṁ paṭisandahati kusalamūlaṁ, na vattabbaṁ—\n“yā akusalassa uppādāya āvaṭṭanā …pe… paṇidhi, sāva kusalassa uppādāya āvaṭṭanā …pe… paṇidhī”ti?\nĀmantā.\nKusalaṁ anāvaṭṭentassa uppajjati …pe… appaṇidahantassa uppajjatīti?\nNa hevaṁ vattabbe …pe…\nnanu kusalaṁ āvaṭṭentassa uppajjati …pe… paṇidahantassa uppajjatīti?\nĀmantā.\nHañci kusalaṁ āvaṭṭentassa uppajjati …pe… paṇidahantassa uppajjati, no ca vata re vattabbe—\n“akusalamūlaṁ paṭisandahati kusalamūlan”ti."}},{"id":"kv14.1:3","sourceIds":["kv14.1:3.1","kv14.1:3.2","kv14.1:3.3","kv14.1:3.4","kv14.1:3.5","kv14.1:3.6","kv14.1:3.7","kv14.1:3.8","kv14.1:3.9","kv14.1:3.10"],"kind":"text","text":{"pi":"Akusalamūlaṁ paṭisandahati kusalamūlanti?\nĀmantā.\nAkusalamūlaṁ ayoniso manasikaroto uppajjatīti?\nĀmantā.\nKusalaṁ ayoniso manasikaroto uppajjatīti?\nNa hevaṁ vattabbe …pe…\nnanu kusalaṁ yoniso manasikaroto uppajjatīti?\nĀmantā.\nHañci kusalaṁ yoniso manasikaroto uppajjati, no ca vata re vattabbe—\n“akusalamūlaṁ paṭisandahati kusalamūlan”ti."}},{"id":"kv14.1:4","sourceIds":["kv14.1:4.1","kv14.1:4.2","kv14.1:4.3","kv14.1:4.4"],"kind":"text","text":{"pi":"Akusalamūlaṁ paṭisandahati kusalamūlanti?\nĀmantā.\nKāmasaññāya anantarā nekkhammasaññā uppajjati, byāpādasaññāya anantarā abyāpādasaññā uppajjati, vihiṁsāsaññāya anantarā avihiṁsāsaññā uppajjati, byāpādassa anantarā mettā uppajjati, vihiṁsāya anantarā karuṇā uppajjati, aratiyā anantarā muditā uppajjati, paṭighassa anantarā upekkhā uppajjatīti?\nNa hevaṁ vattabbe …pe…."}},{"id":"kv14.1:5","sourceIds":["kv14.1:5.1","kv14.1:5.2","kv14.1:5.3","kv14.1:5.4"],"kind":"text","text":{"pi":"Kusalamūlaṁ paṭisandahati akusalamūlanti?\nĀmantā.\nYā kusalassa uppādāya āvaṭṭanā …pe… paṇidhi, sāva akusalassa uppādāya āvaṭṭanā …pe… paṇidhīti?\nNa hevaṁ vattabbe …pe…."}},{"id":"kv14.1:6","sourceIds":["kv14.1:6.1","kv14.1:6.2","kv14.1:6.3","kv14.1:6.4","kv14.1:6.5","kv14.1:6.6","kv14.1:6.7","kv14.1:6.8","kv14.1:6.9"],"kind":"text","text":{"pi":"Kusalamūlaṁ paṭisandahati akusalamūlaṁ, na vattabbaṁ—\n“yā kusalassa uppādāya āvaṭṭanā …pe… paṇidhi, sāva akusalassa uppādāya āvaṭṭanā …pe… paṇidhī”ti?\nĀmantā.\nAkusalaṁ anāvaṭṭentassa uppajjati …pe… appaṇidahantassa uppajjatīti?\nNa hevaṁ vattabbe …pe…\nnanu akusalaṁ āvaṭṭentassa uppajjati …pe… paṇidahantassa uppajjatīti?\nĀmantā.\nHañci akusalaṁ āvaṭṭentassa uppajjati …pe… paṇidahantassa uppajjati, no ca vata re vattabbe—\n“kusalamūlaṁ paṭisandahati akusalamūlan”ti."}},{"id":"kv14.1:7","sourceIds":["kv14.1:7.1","kv14.1:7.2","kv14.1:7.3","kv14.1:7.4","kv14.1:7.5","kv14.1:7.6","kv14.1:7.7","kv14.1:7.8","kv14.1:7.9","kv14.1:7.10"],"kind":"text","text":{"pi":"Kusalamūlaṁ paṭisandahati akusalamūlanti?\nĀmantā.\nKusalaṁ yoniso manasikaroto uppajjatīti?\nĀmantā.\nAkusalaṁ yoniso manasikaroto uppajjatīti?\nNa hevaṁ vattabbe …pe…\nnanu akusalaṁ ayoniso manasikaroto uppajjatīti?\nĀmantā.\nHañci akusalaṁ ayoniso manasikaroto uppajjati, no ca vata re vattabbe—\n“kusalamūlaṁ paṭisandahati akusalamūlan”ti."}},{"id":"kv14.1:8","sourceIds":["kv14.1:8.1","kv14.1:8.2","kv14.1:8.3","kv14.1:8.4"],"kind":"text","text":{"pi":"Kusalamūlaṁ paṭisandahati akusalamūlanti?\nĀmantā.\nNekkhammasaññāya anantarā kāmasaññā uppajjati, abyāpādasaññāya anantarā byāpādasaññā uppajjati, avihiṁsāsaññāya anantarā vihiṁsāsaññā uppajjati, mettāya anantarā byāpādo uppajjati, karuṇāya anantarā vihiṁsā uppajjati, muditāya anantarā arati uppajjati, upekkhāya anantarā paṭighaṁ uppajjatīti?\nNa hevaṁ vattabbe …pe…."}},{"id":"kv14.1:9","sourceIds":["kv14.1:9.1","kv14.1:9.2","kv14.1:9.3","kv14.1:9.4","kv14.1:9.5","kv14.1:9.6","kv14.1:9.7","kv14.1:9.8"],"kind":"text","text":{"pi":"Na vattabbaṁ—\n“akusalamūlaṁ paṭisandahati kusalamūlaṁ, kusalamūlaṁ paṭisandahati akusalamūlan”ti?\nĀmantā.\nNanu yasmiññeva vatthusmiṁ rajjati tasmiññeva vatthusmiṁ virajjati, yasmiññeva vatthusmiṁ virajjati tasmiññeva vatthusmiṁ rajjatīti?\nĀmantā.\nHañci yasmiññeva vatthusmiṁ rajjati tasmiññeva vatthusmiṁ virajjati, yasmiññeva vatthusmiṁ virajjati tasmiññeva vatthusmiṁ rajjati, tena vata re vattabbe—\n“akusalamūlaṁ paṭisandahati kusalamūlaṁ, kusalamūlaṁ paṭisandahati akusalamūlan”ti.\nKusalākusalapaṭisandahanakathā niṭṭhitā."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/kv14.1/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}