{"id":"kv15.4","title":"Khaṇalayamuhuttakathā","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"kv15.4","title":"Khaṇalayamuhuttakathā","units":[{"id":"kv15.4:0","sourceIds":["kv15.4:0.1","kv15.4:0.2","kv15.4:0.3","kv15.4:0.4"],"kind":"text","text":{"pi":"Kathāvatthu\nMahāpaṇṇāsaka\nPannarasamavagga\nKhaṇalayamuhuttakathā"}},{"id":"kv15.4:1","sourceIds":["kv15.4:1.1","kv15.4:1.2","kv15.4:1.3","kv15.4:1.4","kv15.4:1.5","kv15.4:1.6","kv15.4:1.7","kv15.4:1.8","kv15.4:1.9"],"kind":"text","text":{"pi":"Khaṇo parinipphanno, layo parinipphanno, muhuttaṁ parinipphannanti?\nĀmantā.\nRūpanti?\nNa hevaṁ vattabbe …pe…\nvedanā …\nsaññā …\nsaṅkhārā …\nviññāṇanti?\nNa hevaṁ vattabbe …pe…."}},{"id":"kv15.4:2","sourceIds":["kv15.4:2.1","kv15.4:2.2","kv15.4:2.3","kv15.4:2.4","kv15.4:2.5","kv15.4:2.6","kv15.4:2.7","kv15.4:2.8","kv15.4:2.9","kv15.4:2.10","kv15.4:2.11","kv15.4:2.12","kv15.4:2.13","kv15.4:2.14","kv15.4:2.15","kv15.4:2.16","kv15.4:2.17"],"kind":"text","text":{"pi":"Na vattabbaṁ—\n“muhuttaṁ parinipphannan”ti?\nĀmantā.\nNanu vuttaṁ bhagavatā—\n“tīṇimāni, bhikkhave, kathāvatthūni.\nKatamāni tīṇi?\nAtītaṁ vā, bhikkhave, addhānaṁ ārabbha kathaṁ katheyya—\n‘evaṁ ahosi atītamaddhānan’ti;\nanāgataṁ vā, bhikkhave, addhānaṁ ārabbha kathaṁ katheyya—\n‘evaṁ bhavissati anāgatamaddhānan’ti;\netarahi vā, bhikkhave, paccuppannaṁ addhānaṁ ārabbha kathaṁ katheyya—\n‘evaṁ hoti etarahi paccuppannan’ti.\nImāni kho, bhikkhave, tīṇi kathāvatthūnī”ti.\nAttheva suttantoti?\nĀmantā.\nTena hi muhuttaṁ parinipphannanti.\nKhaṇalayamuhuttakathā niṭṭhitā."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/kv15.4/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}