{"id":"kv16.4","title":"Adhigayhamanasikārakathā","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"kv16.4","title":"Adhigayhamanasikārakathā","units":[{"id":"kv16.4:0","sourceIds":["kv16.4:0.1","kv16.4:0.2","kv16.4:0.3","kv16.4:0.4"],"kind":"text","text":{"pi":"Kathāvatthu\nMahāpaṇṇāsaka\nSoḷasamavagga\nAdhigayhamanasikārakathā"}},{"id":"kv16.4:1","sourceIds":["kv16.4:1.1","kv16.4:1.2","kv16.4:1.3","kv16.4:1.4","kv16.4:1.5","kv16.4:1.6","kv16.4:1.7","kv16.4:1.8","kv16.4:1.9","kv16.4:1.10","kv16.4:1.11","kv16.4:1.12"],"kind":"text","text":{"pi":"Adhigayha manasi karotīti?\nĀmantā.\nTena cittena taṁ cittaṁ pajānātīti?\nNa hevaṁ vattabbe …pe…\ntena cittena taṁ cittaṁ pajānātīti?\nĀmantā.\nTena cittena taṁ cittaṁ “cittan”ti pajānātīti?\nNa hevaṁ vattabbe …pe…\ntena cittena taṁ cittaṁ “cittan”ti pajānātīti?\nĀmantā.\nTaṁ cittaṁ tassa cittassa ārammaṇanti?\nNa hevaṁ vattabbe …pe…."}},{"id":"kv16.4:2","sourceIds":["kv16.4:2.1","kv16.4:2.2","kv16.4:2.3","kv16.4:2.4","kv16.4:2.5","kv16.4:2.6","kv16.4:2.7","kv16.4:2.8","kv16.4:2.9","kv16.4:2.10","kv16.4:2.11","kv16.4:2.12"],"kind":"text","text":{"pi":"Taṁ cittaṁ tassa cittassa ārammaṇanti?\nĀmantā.\nTena phassena taṁ phassaṁ phusati, tāya vedanāya …pe…\ntāya saññāya …\ntāya cetanāya …\ntena cittena …\ntena vitakkena …\ntena vicārena …\ntāya pītiyā …\ntāya satiyā …\ntāya paññāya taṁ paññaṁ pajānātīti?\nNa hevaṁ vattabbe …pe…."}},{"id":"kv16.4:3","sourceIds":["kv16.4:3.1","kv16.4:3.2","kv16.4:3.3","kv16.4:3.4","kv16.4:3.5","kv16.4:3.6","kv16.4:3.7"],"kind":"text","text":{"pi":"Atītaṁ “atītan”ti manasikaronto, anāgataṁ “anāgatan”ti manasi karotīti?\nNa hevaṁ vattabbe …pe…\natītaṁ “atītan”ti manasikaronto, anāgataṁ “anāgatan”ti manasi karotīti?\nĀmantā.\nDvinnaṁ phassānaṁ …pe…\ndvinnaṁ cittānaṁ samodhānaṁ hotīti?\nNa hevaṁ vattabbe …pe…."}},{"id":"kv16.4:4","sourceIds":["kv16.4:4.1","kv16.4:4.2","kv16.4:4.3","kv16.4:4.4","kv16.4:4.5","kv16.4:4.6","kv16.4:4.7"],"kind":"text","text":{"pi":"Atītaṁ “atītan”ti manasikaronto, paccuppannaṁ “paccuppannan”ti manasi karotīti?\nNa hevaṁ vattabbe …pe…\natītaṁ “atītan”ti manasikaronto, paccuppannaṁ “paccuppannan”ti manasi karotīti?\nĀmantā.\nDvinnaṁ phassānaṁ …pe…\ndvinnaṁ cittānaṁ samodhānaṁ hotīti?\nNa hevaṁ vattabbe …pe…."}},{"id":"kv16.4:5","sourceIds":["kv16.4:5.1","kv16.4:5.2","kv16.4:5.3","kv16.4:5.4","kv16.4:5.5","kv16.4:5.6","kv16.4:5.7"],"kind":"text","text":{"pi":"Atītaṁ “atītan”ti manasikaronto, anāgataṁ “anāgatan”ti manasi karoti, paccuppannaṁ “paccuppannan”ti manasi karotīti?\nNa hevaṁ vattabbe …pe…\natītaṁ “atītan”ti manasikaronto, anāgataṁ “anāgatan”ti manasi karoti, paccuppannaṁ “paccuppannan”ti manasi karotīti?\nĀmantā.\nTiṇṇaṁ phassānaṁ …pe…\ntiṇṇaṁ cittānaṁ samodhānaṁ hotīti?\nNa hevaṁ vattabbe …pe…."}},{"id":"kv16.4:6","sourceIds":["kv16.4:6.1","kv16.4:6.2","kv16.4:6.3","kv16.4:6.4","kv16.4:6.5","kv16.4:6.6","kv16.4:6.7"],"kind":"text","text":{"pi":"Anāgataṁ “anāgatan”ti manasikaronto, atītaṁ “atītan”ti manasi karotīti?\nNa hevaṁ vattabbe …pe…\nanāgataṁ “anāgatan”ti manasikaronto, atītaṁ “atītan”ti manasi karotīti?\nĀmantā.\nDvinnaṁ phassānaṁ …pe…\ndvinnaṁ cittānaṁ samodhānaṁ hotīti?\nNa hevaṁ vattabbe …pe…."}},{"id":"kv16.4:7","sourceIds":["kv16.4:7.1","kv16.4:7.2","kv16.4:7.3","kv16.4:7.4","kv16.4:7.5","kv16.4:7.6","kv16.4:7.7"],"kind":"text","text":{"pi":"Anāgataṁ “anāgatan”ti manasikaronto, paccuppannaṁ “paccuppannan”ti manasi karotīti?\nNa hevaṁ vattabbe …pe…\nanāgataṁ “anāgatan”ti manasikaronto, paccuppannaṁ “paccuppannan”ti manasi karotīti?\nĀmantā.\nDvinnaṁ phassānaṁ …pe…\ndvinnaṁ cittānaṁ samodhānaṁ hotīti?\nNa hevaṁ vattabbe …pe…."}},{"id":"kv16.4:8","sourceIds":["kv16.4:8.1","kv16.4:8.2","kv16.4:8.3","kv16.4:8.4","kv16.4:8.5","kv16.4:8.6","kv16.4:8.7"],"kind":"text","text":{"pi":"Anāgataṁ “anāgatan”ti manasikaronto, atītaṁ “atītan”ti manasi karoti, paccuppannaṁ “paccuppannan”ti manasi karotīti?\nNa hevaṁ vattabbe …pe…\nanāgataṁ “anāgatan”ti manasikaronto, atītaṁ “atītan”ti manasi karoti, paccuppannaṁ “paccuppannan”ti manasi karotīti?\nĀmantā.\nTiṇṇaṁ phassānaṁ …pe…\ntiṇṇaṁ cittānaṁ samodhānaṁ hotīti?\nNa hevaṁ vattabbe …pe…."}},{"id":"kv16.4:9","sourceIds":["kv16.4:9.1","kv16.4:9.2","kv16.4:9.3","kv16.4:9.4","kv16.4:9.5","kv16.4:9.6","kv16.4:9.7"],"kind":"text","text":{"pi":"Paccuppannaṁ “paccuppannan”ti manasikaronto, atītaṁ “atītan”ti manasi karotīti?\nNa hevaṁ vattabbe …pe…\npaccuppannaṁ “paccuppannan”ti manasikaronto, atītaṁ “atītan”ti manasi karotīti?\nĀmantā.\nDvinnaṁ phassānaṁ …pe…\ndvinnaṁ cittānaṁ samodhānaṁ hotīti?\nNa hevaṁ vattabbe …pe…."}},{"id":"kv16.4:10","sourceIds":["kv16.4:10.1","kv16.4:10.2","kv16.4:10.3","kv16.4:10.4","kv16.4:10.5","kv16.4:10.6","kv16.4:10.7"],"kind":"text","text":{"pi":"Paccuppannaṁ “paccuppannan”ti manasikaronto, anāgataṁ “anāgatan”ti manasi karotīti?\nNa hevaṁ vattabbe …pe…\npaccuppannaṁ “paccuppannan”ti manasikaronto, anāgataṁ “anāgatan”ti manasi karotīti?\nĀmantā.\nDvinnaṁ phassānaṁ …pe…\ndvinnaṁ cittānaṁ samodhānaṁ hotīti?\nNa hevaṁ vattabbe …pe…."}},{"id":"kv16.4:11","sourceIds":["kv16.4:11.1","kv16.4:11.2","kv16.4:11.3","kv16.4:11.4","kv16.4:11.5","kv16.4:11.6","kv16.4:11.7"],"kind":"text","text":{"pi":"Paccuppannaṁ “paccuppannan”ti manasikaronto, atītaṁ “atītan”ti manasi karoti, anāgataṁ “anāgatan”ti manasi karotīti?\nNa hevaṁ vattabbe …pe…\npaccuppannaṁ “paccuppannan”ti manasikaronto, atītaṁ “atītan”ti manasi karoti, anāgataṁ “anāgatan”ti manasi karotīti?\nĀmantā.\nTiṇṇaṁ phassānaṁ …pe…\ntiṇṇaṁ cittānaṁ samodhānaṁ hotīti?\nNa hevaṁ vattabbe …pe…."}},{"id":"kv16.4:12","sourceIds":["kv16.4:12.1","kv16.4:12.2","kv16.4:12.3","kv16.4:12.4"],"kind":"text","text":{"pi":"Na vattabbaṁ—\n“adhigayha manasi karotī”ti?\nĀmantā.\nNanu vuttaṁ bhagavatā—"}},{"id":"kv16.4:13","sourceIds":["kv16.4:13.1","kv16.4:13.2","kv16.4:13.3","kv16.4:13.4"],"kind":"text","text":{"pi":"“Sabbe saṅkhārā aniccāti,\nyadā paññāya passati;\nAtha nibbindati dukkhe,\nesa maggo visuddhiyā."}},{"id":"kv16.4:14","sourceIds":["kv16.4:14.1","kv16.4:14.2","kv16.4:14.3","kv16.4:14.4"],"kind":"text","text":{"pi":"Sabbe saṅkhārā dukkhāti,\nyadā paññāya passati;\nAtha nibbindati dukkhe,\nesa maggo visuddhiyā."}},{"id":"kv16.4:15","sourceIds":["kv16.4:15.1","kv16.4:15.2","kv16.4:15.3","kv16.4:15.4"],"kind":"text","text":{"pi":"Sabbe dhammā anattāti,\nyadā paññāya passati;\nAtha nibbindati dukkhe,\nesa maggo visuddhiyā”ti."}},{"id":"kv16.4:16","sourceIds":["kv16.4:16.1","kv16.4:16.2","kv16.4:16.3","kv16.4:16.4"],"kind":"text","text":{"pi":"Attheva suttantoti?\nĀmantā.\nTena hi adhigayha manasi karotīti.\nAdhigayhamanasikārakathā niṭṭhitā."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/kv16.4/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}