{"id":"kv16.8","title":"Rūpaṁvipākotikathā","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"kv16.8","title":"Rūpaṁvipākotikathā","units":[{"id":"kv16.8:0","sourceIds":["kv16.8:0.1","kv16.8:0.2","kv16.8:0.3","kv16.8:0.4"],"kind":"text","text":{"pi":"Kathāvatthu\nMahāpaṇṇāsaka\nSoḷasamavagga\nRūpaṁvipākotikathā"}},{"id":"kv16.8:1","sourceIds":["kv16.8:1.1","kv16.8:1.2","kv16.8:1.3","kv16.8:1.4","kv16.8:1.5","kv16.8:1.6","kv16.8:1.7","kv16.8:1.8","kv16.8:1.9","kv16.8:1.10","kv16.8:1.11"],"kind":"text","text":{"pi":"Rūpaṁ vipākoti?\nĀmantā.\nRūpaṁ sukhavedaniyaṁ dukkhavedaniyaṁ adukkhamasukhavedaniyaṁ, sukhāya vedanāya sampayuttaṁ, dukkhāya vedanāya sampayuttaṁ, adukkhamasukhāya vedanāya sampayuttaṁ, phassena sampayuttaṁ …pe…\ncittena sampayuttaṁ, sārammaṇaṁ, atthi tassa āvaṭṭanā …pe… paṇidhīti?\nNa hevaṁ vattabbe …pe…\nnanu na sukhavedaniyaṁ na dukkhavedaniyaṁ …pe…\nanārammaṇaṁ, natthi tassa āvaṭṭanā …pe… paṇidhīti?\nĀmantā.\nHañci na sukhavedaniyaṁ na dukkhavedaniyaṁ …pe…\nanārammaṇaṁ, natthi tassa āvaṭṭanā …pe… paṇidhi, no ca vata re vattabbe—\n“rūpaṁ vipāko”ti."}},{"id":"kv16.8:2","sourceIds":["kv16.8:2.1","kv16.8:2.2","kv16.8:2.3","kv16.8:2.4","kv16.8:2.5","kv16.8:2.6"],"kind":"text","text":{"pi":"Phasso vipāko, phasso sukhavedaniyo dukkhavedaniyo …pe…\nsārammaṇo, atthi tassa āvaṭṭanā …pe… paṇidhīti?\nĀmantā.\nRūpaṁ vipāko, rūpaṁ sukhavedaniyaṁ dukkhavedaniyaṁ …pe…\nsārammaṇaṁ, atthi tassa āvaṭṭanā …pe… paṇidhīti?\nNa hevaṁ vattabbe …pe…."}},{"id":"kv16.8:3","sourceIds":["kv16.8:3.1","kv16.8:3.2","kv16.8:3.3","kv16.8:3.4","kv16.8:3.5","kv16.8:3.6"],"kind":"text","text":{"pi":"Rūpaṁ vipāko, rūpaṁ na sukhavedaniyaṁ na dukkhavedaniyaṁ …pe…\nanārammaṇaṁ, natthi tassa āvaṭṭanā …pe… paṇidhīti?\nĀmantā.\nPhasso vipāko, phasso na sukhavedaniyo na dukkhavedaniyo …pe…\nanārammaṇo, natthi tassa āvaṭṭanā …pe… paṇidhīti?\nNa hevaṁ vattabbe …pe…."}},{"id":"kv16.8:4","sourceIds":["kv16.8:4.1","kv16.8:4.2","kv16.8:4.3","kv16.8:4.4","kv16.8:4.5","kv16.8:4.6","kv16.8:4.7","kv16.8:4.8"],"kind":"text","text":{"pi":"Na vattabbaṁ—\n“rūpaṁ vipāko”ti?\nĀmantā.\nNanu kammassa katattā uppannā cittacetasikā dhammā vipākoti?\nĀmantā.\nHañci kammassa katattā uppannā cittacetasikā dhammā vipāko, tena vata re vattabbe—\n“kammassa katattā uppannaṁ rūpaṁ vipāko”ti.\nRūpaṁ vipākotikathā niṭṭhitā."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/kv16.8/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}