{"id":"kv2.4","title":"Paravitāraṇakathā","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"kv2.4","title":"Paravitāraṇakathā","units":[{"id":"kv2.4:0","sourceIds":["kv2.4:0.1","kv2.4:0.2","kv2.4:0.3","kv2.4:0.4"],"kind":"text","text":{"pi":"Kathāvatthu\nMahāpaṇṇāsaka\nDutiyavagga\nParavitāraṇakathā"}},{"id":"kv2.4:1","sourceIds":["kv2.4:1.1","kv2.4:1.2","kv2.4:1.3","kv2.4:1.4"],"kind":"text","text":{"pi":"Atthi arahato paravitāraṇāti?\nĀmantā.\nArahā paraneyyo parapattiyo parapaccayo parapaṭibaddhabhū, na jānāti na passati sammūḷho asampajānoti?\nNa hevaṁ vattabbe …pe…."}},{"id":"kv2.4:2","sourceIds":["kv2.4:2.1","kv2.4:2.2","kv2.4:2.3","kv2.4:2.4"],"kind":"text","text":{"pi":"Nanu arahā na paraneyyo na parapattiyo na parapaccayo na parapaṭibaddhabhū jānāti passati asammūḷho sampajānoti?\nĀmantā.\nHañci arahā na paraneyyo na parapattiyo na parapaccayo na parapaṭibaddhabhū, jānāti passati asammūḷho sampajāno, no ca vata re vattabbe—\n“atthi arahato paravitāraṇā”ti."}},{"id":"kv2.4:3","sourceIds":["kv2.4:3.1","kv2.4:3.2","kv2.4:3.3","kv2.4:3.4"],"kind":"text","text":{"pi":"Atthi puthujjanassa paravitāraṇā, so ca paraneyyo parapattiyo parapaccayo parapaṭibaddhabhū, na jānāti na passati sammūḷho asampajānoti?\nĀmantā.\nAtthi arahato paravitāraṇā, so ca paraneyyo parapattiyo parapaccayo parapaṭibaddhabhū, na jānāti na passati sammūḷho asampajānoti?\nNa hevaṁ vattabbe …pe…."}},{"id":"kv2.4:4","sourceIds":["kv2.4:4.1","kv2.4:4.2","kv2.4:4.3","kv2.4:4.4"],"kind":"text","text":{"pi":"Atthi arahato paravitāraṇā, so ca na paraneyyo na parapattiyo na parapaccayo na parapaṭibaddhabhū, jānāti passati asammūḷho sampajānoti?\nĀmantā.\nAtthi puthujjanassa paravitāraṇā, so ca na paraneyyo na parapattiyo na parapaccayo na parapaṭibaddhabhū, jānāti passati asammūḷho sampajānoti?\nNa hevaṁ vattabbe …pe…."}},{"id":"kv2.4:5","sourceIds":["kv2.4:5.1","kv2.4:5.2","kv2.4:5.3","kv2.4:5.4"],"kind":"text","text":{"pi":"Atthi arahato paravitāraṇāti?\nĀmantā.\nAtthi arahato satthari paravitāraṇā, dhamme paravitāraṇā, saṅghe paravitāraṇā, sikkhāya paravitāraṇā, pubbante paravitāraṇā, aparante paravitāraṇā, pubbantāparante paravitāraṇā, idappaccayatāpaṭiccasamuppannesu dhammesu paravitāraṇāti?\nNa hevaṁ vattabbe …pe…."}},{"id":"kv2.4:6","sourceIds":["kv2.4:6.1","kv2.4:6.2","kv2.4:6.3","kv2.4:6.4"],"kind":"text","text":{"pi":"Natthi arahato satthari paravitāraṇā, dhamme paravitāraṇā …pe… idappaccayatāpaṭiccasamuppannesu dhammesu paravitāraṇāti?\nĀmantā.\nHañci natthi arahato satthari paravitāraṇā, dhamme paravitāraṇā …pe… idappaccayatāpaṭiccasamuppannesu dhammesu paravitāraṇā, no ca vata re vattabbe—\n“atthi arahato paravitāraṇā”ti."}},{"id":"kv2.4:7","sourceIds":["kv2.4:7.1","kv2.4:7.2","kv2.4:7.3","kv2.4:7.4"],"kind":"text","text":{"pi":"Atthi puthujjanassa paravitāraṇā, atthi tassa satthari paravitāraṇā, dhamme paravitāraṇā …pe… idappaccayatāpaṭiccasamuppannesu dhammesu paravitāraṇāti?\nĀmantā.\nAtthi arahato paravitāraṇā, atthi tassa satthari paravitāraṇā, dhamme paravitāraṇā …pe… idappaccayatāpaṭiccasamuppannesu dhammesu paravitāraṇāti?\nNa hevaṁ vattabbe …pe…."}},{"id":"kv2.4:8","sourceIds":["kv2.4:8.1","kv2.4:8.2","kv2.4:8.3","kv2.4:8.4"],"kind":"text","text":{"pi":"Atthi arahato paravitāraṇā, natthi tassa satthari paravitāraṇā, dhamme paravitāraṇā …pe… idappaccayatāpaṭiccasamuppannesu dhammesu paravitāraṇāti?\nĀmantā.\nAtthi puthujjanassa paravitāraṇā, natthi tassa satthari paravitāraṇā, dhamme paravitāraṇā …pe… idappaccayatāpaṭiccasamuppannesu dhammesu paravitāraṇāti?\nNa hevaṁ vattabbe …pe…."}},{"id":"kv2.4:9","sourceIds":["kv2.4:9.1","kv2.4:9.2","kv2.4:9.3","kv2.4:9.4","kv2.4:9.5","kv2.4:9.6"],"kind":"text","text":{"pi":"Atthi arahato paravitāraṇāti?\nĀmantā.\nNanu arahato rāgo pahīno ucchinnamūlo tālāvatthukato anabhāvaṅkato āyatiṁ anuppādadhammoti?\nĀmantā.\nHañci arahato rāgo pahīno ucchinnamūlo tālāvatthukato anabhāvaṅkato āyatiṁ anuppādadhammo, no ca vata re vattabbe—\n“atthi arahato paravitāraṇā”ti."}},{"id":"kv2.4:10","sourceIds":["kv2.4:10.1","kv2.4:10.2","kv2.4:10.3","kv2.4:10.4","kv2.4:10.5","kv2.4:10.6","kv2.4:10.7","kv2.4:10.8","kv2.4:10.9","kv2.4:10.10","kv2.4:10.11","kv2.4:10.12","kv2.4:10.13","kv2.4:10.14","kv2.4:10.15"],"kind":"text","text":{"pi":"Atthi arahato paravitāraṇāti?\nĀmantā.\nNanu arahato doso pahīno …pe…\nmoho pahīno …pe…\nanottappaṁ pahīnaṁ ucchinnamūlaṁ tālāvatthukataṁ anabhāvaṅkataṁ āyatiṁ anuppādadhammaṁ …pe…\nrāgappahānāya maggo bhāvito …pe…\nbojjhaṅgā bhāvitā …pe…\ndosappahānāya …pe…\nanottappapahānāya maggo bhāvito …pe…\nbojjhaṅgā bhāvitā …pe…\nnanu arahā vītarāgo vītadoso vītamoho …pe…\nsacchikātabbaṁ sacchikatanti?\nĀmantā.\nHañci arahā vītarāgo vītadoso vītamoho sacchikātabbaṁ sacchikataṁ, no ca vata re vattabbe—\n“atthi arahato paravitāraṇā”ti."}},{"id":"kv2.4:11","sourceIds":["kv2.4:11.1","kv2.4:11.2","kv2.4:11.3","kv2.4:11.4","kv2.4:11.5","kv2.4:11.6"],"kind":"text","text":{"pi":"Atthi arahato paravitāraṇāti?\nSadhammakusalassa arahato atthi paravitāraṇā, paradhammakusalassa arahato natthi paravitāraṇāti.\nSadhammakusalassa arahato atthi paravitāraṇāti?\nĀmantā.\nParadhammakusalassa arahato atthi paravitāraṇāti?\nNa hevaṁ vattabbe …pe…."}},{"id":"kv2.4:12","sourceIds":["kv2.4:12.1","kv2.4:12.2","kv2.4:12.3","kv2.4:12.4"],"kind":"text","text":{"pi":"Paradhammakusalassa arahato natthi paravitāraṇāti?\nĀmantā.\nSadhammakusalassa arahato natthi paravitāraṇāti?\nNa hevaṁ vattabbe …pe…."}},{"id":"kv2.4:13","sourceIds":["kv2.4:13.1","kv2.4:13.2","kv2.4:13.3","kv2.4:13.4"],"kind":"text","text":{"pi":"Sadhammakusalassa arahato rāgo pahīno, atthi tassa paravitāraṇāti?\nĀmantā.\nParadhammakusalassa arahato rāgo pahīno, atthi tassa paravitāraṇāti?\nNa hevaṁ vattabbe."}},{"id":"kv2.4:14","sourceIds":["kv2.4:14.1","kv2.4:14.2","kv2.4:14.3","kv2.4:14.4","kv2.4:14.5","kv2.4:14.6","kv2.4:14.7","kv2.4:14.8","kv2.4:14.9","kv2.4:14.10","kv2.4:14.11","kv2.4:14.12","kv2.4:14.13","kv2.4:14.14"],"kind":"text","text":{"pi":"Sadhammakusalassa arahato doso pahīno …pe…\nmoho pahīno …pe…\nanottappaṁ pahīnaṁ …pe…\nrāgappahānāya maggo bhāvito …pe…\nbojjhaṅgā bhāvitā …pe…\ndosappahānāya …pe…\nanottappapahānāya maggo bhāvito …pe…\nbojjhaṅgā bhāvitā …pe…\nsadhammakusalo arahā vītarāgo vītadoso vītamoho …pe…\nsacchikātabbaṁ sacchikataṁ, atthi tassa paravitāraṇāti?\nĀmantā.\nParadhammakusalo arahā vītarāgo vītadoso vītamoho …pe…\nsacchikātabbaṁ sacchikataṁ, atthi tassa paravitāraṇāti?\nNa hevaṁ vattabbe …pe…."}},{"id":"kv2.4:15","sourceIds":["kv2.4:15.1","kv2.4:15.2","kv2.4:15.3","kv2.4:15.4"],"kind":"text","text":{"pi":"Paradhammakusalassa arahato rāgo pahīno, natthi tassa paravitāraṇāti?\nĀmantā.\nSadhammakusalassa arahato rāgo pahīno, natthi tassa paravitāraṇāti?\nNa hevaṁ vattabbe."}},{"id":"kv2.4:16","sourceIds":["kv2.4:16.1","kv2.4:16.2","kv2.4:16.3","kv2.4:16.4","kv2.4:16.5","kv2.4:16.6","kv2.4:16.7","kv2.4:16.8","kv2.4:16.9","kv2.4:16.10","kv2.4:16.11","kv2.4:16.12","kv2.4:16.13"],"kind":"text","text":{"pi":"Paradhammakusalassa arahato doso pahīno, moho pahīno …pe…\nanottappaṁ pahīnaṁ …pe…\nrāgappahānāya maggo bhāvito …pe…\nbojjhaṅgā bhāvitā …pe…\ndosappahānāya …pe…\nanottappapahānāya maggo bhāvito …pe…\nbojjhaṅgā bhāvitā …pe…\nparadhammakusalo arahā vītarāgo vītadoso vītamoho …pe…\nsacchikātabbaṁ sacchikataṁ, natthi tassa paravitāraṇāti?\nĀmantā.\nSadhammakusalo arahā vītarāgo vītadoso vītamoho …pe…\nsacchikātabbaṁ sacchikataṁ, natthi tassa paravitāraṇāti?\nNa hevaṁ vattabbe …pe…."}},{"id":"kv2.4:17","sourceIds":["kv2.4:17.1","kv2.4:17.2","kv2.4:17.3","kv2.4:17.4","kv2.4:17.5","kv2.4:17.6","kv2.4:17.7","kv2.4:17.8","kv2.4:17.9","kv2.4:17.10","kv2.4:17.11"],"kind":"text","text":{"pi":"Atthi arahato paravitāraṇāti?\nĀmantā.\nNanu vuttaṁ bhagavatā—\n“jānatohaṁ, bhikkhave, passato āsavānaṁ khayaṁ vadāmi, no ajānato no apassato.\nKiñca, bhikkhave, jānato kiṁ passato āsavānaṁ khayo hoti, ‘iti rūpaṁ’ …pe…\n‘iti viññāṇassa atthaṅgamo’ti—\nevaṁ kho, bhikkhave, jānato evaṁ passato āsavānaṁ khayo hotī”ti.\nAttheva suttantoti?\nĀmantā.\nTena hi na vattabbaṁ—\n“atthi arahato paravitāraṇā”ti."}},{"id":"kv2.4:18","sourceIds":["kv2.4:18.1","kv2.4:18.2","kv2.4:18.3","kv2.4:18.4","kv2.4:18.5","kv2.4:18.6","kv2.4:18.7","kv2.4:18.8","kv2.4:18.9","kv2.4:18.10","kv2.4:18.11","kv2.4:18.12","kv2.4:18.13"],"kind":"text","text":{"pi":"Atthi arahato paravitāraṇāti?\nĀmantā.\nNanu vuttaṁ bhagavatā—\n“jānatohaṁ, bhikkhave, passato āsavānaṁ khayaṁ vadāmi, no ajānato no apassato.\nKiñca, bhikkhave, jānato kiṁ passato āsavānaṁ khayo hoti, ‘idaṁ dukkhan’ti—\nbhikkhave, jānato passato āsavānaṁ khayo hoti, ‘ayaṁ dukkhasamudayo’ti …pe…\n‘ayaṁ dukkhanirodho’ti …pe…\n‘ayaṁ dukkhanirodhagāminī paṭipadā’ti jānato passato āsavānaṁ khayo hoti.\nEvaṁ kho, bhikkhave, jānato evaṁ passato āsavānaṁ khayo hotī”ti.\nAttheva suttantoti?\nĀmantā.\nTena hi na vattabbaṁ—\n“atthi arahato paravitāraṇā”ti."}},{"id":"kv2.4:19","sourceIds":["kv2.4:19.1","kv2.4:19.2","kv2.4:19.3","kv2.4:19.4","kv2.4:19.5","kv2.4:19.6","kv2.4:19.7","kv2.4:19.8","kv2.4:19.9"],"kind":"text","text":{"pi":"Atthi arahato paravitāraṇāti?\nĀmantā.\nNanu vuttaṁ bhagavatā—\n“sabbaṁ, bhikkhave, anabhijānaṁ aparijānaṁ avirājayaṁ appajahaṁ abhabbo dukkhakkhayāya;\nsabbañca kho, bhikkhave, abhijānaṁ parijānaṁ virājayaṁ pajahaṁ bhabbo dukkhakkhayāyā”ti.\nAttheva suttantoti?\nĀmantā.\nTena hi na vattabbaṁ—\n“atthi arahato paravitāraṇā”ti."}},{"id":"kv2.4:20","sourceIds":["kv2.4:20.1","kv2.4:20.2","kv2.4:20.3","kv2.4:20.4","kv2.4:20.5","kv2.4:20.6","kv2.4:20.7","kv2.4:20.8","kv2.4:20.9"],"kind":"text","text":{"pi":"Atthi arahato paravitāraṇāti?\nĀmantā.\nNanu vuttaṁ bhagavatā—\n“sahāvassa dassanasampadāya …pe…\nchaccābhiṭhānāni abhabba kātun”ti.\nAttheva suttantoti?\nĀmantā.\nTena hi na vattabbaṁ—\n“atthi arahato paravitāraṇā”ti."}},{"id":"kv2.4:21","sourceIds":["kv2.4:21.1","kv2.4:21.2","kv2.4:21.3","kv2.4:21.4","kv2.4:21.5","kv2.4:21.6","kv2.4:21.7","kv2.4:21.8","kv2.4:21.9","kv2.4:21.10"],"kind":"text","text":{"pi":"Atthi arahato paravitāraṇāti?\nĀmantā.\nNanu vuttaṁ bhagavatā—\n“yasmiṁ, bhikkhave, samaye ariyasāvakassa virajaṁ vītamalaṁ dhammacakkhuṁ udapādi—\n‘yaṁ kiñci samudayadhammaṁ, sabbaṁ taṁ nirodhadhamman’ti, saha dassanuppādā, bhikkhave, ariyasāvakassa tīṇi saṁyojanāni pahīyanti—\nsakkāyadiṭṭhi, vicikicchā, sīlabbataparāmāso”ti.\nAttheva suttantoti?\nĀmantā.\nTena hi na vattabbaṁ—\n“atthi arahato paravitāraṇā”ti."}},{"id":"kv2.4:22","sourceIds":["kv2.4:22.1","kv2.4:22.2","kv2.4:22.3"],"kind":"text","text":{"pi":"Atthi arahato paravitāraṇāti?\nĀmantā.\nNanu vuttaṁ bhagavatā—"}},{"id":"kv2.4:23","sourceIds":["kv2.4:23.1","kv2.4:23.2","kv2.4:23.3","kv2.4:23.4"],"kind":"text","text":{"pi":"“Nāhaṁ sahissāmi pamocanāya,\nKathaṅkathiṁ dhotaka kañci loke;\nDhammañca seṭṭhaṁ abhijānamāno,\nEvaṁ tuvaṁ oghamimaṁ taresī”ti."}},{"id":"kv2.4:24","sourceIds":["kv2.4:24.1","kv2.4:24.2","kv2.4:24.3","kv2.4:24.4"],"kind":"text","text":{"pi":"Attheva suttantoti?\nĀmantā.\nTena hi na vattabbaṁ—\n“atthi arahato paravitāraṇā”ti."}},{"id":"kv2.4:25","sourceIds":["kv2.4:25.1","kv2.4:25.2","kv2.4:25.3","kv2.4:25.4","kv2.4:25.5","kv2.4:25.6","kv2.4:25.7"],"kind":"text","text":{"pi":"Na vattabbaṁ—\n“atthi arahato paravitāraṇā”ti?\nĀmantā.\nNanu arahato itthipurisānaṁ nāmagottaṁ pare vitāreyyuṁ, maggāmaggaṁ pare vitāreyyuṁ, tiṇakaṭṭhavanappatīnaṁ nāmaṁ pare vitāreyyunti?\nĀmantā.\nHañci arahato itthipurisānaṁ nāmagottaṁ pare vitāreyyuṁ, maggāmaggaṁ pare vitāreyyuṁ, tiṇakaṭṭhavanappatīnaṁ nāmaṁ pare vitāreyyuṁ, tena vata re vattabbe—\n“atthi arahato paravitāraṇā”ti."}},{"id":"kv2.4:26","sourceIds":["kv2.4:26.1","kv2.4:26.2","kv2.4:26.3","kv2.4:26.4","kv2.4:26.5"],"kind":"text","text":{"pi":"Arahato itthipurisānaṁ nāmagottaṁ pare vitāreyyuṁ, maggāmaggaṁ pare vitāreyyuṁ, tiṇakaṭṭhavanappatīnaṁ nāmaṁ pare vitāreyyunti, atthi arahato paravitāraṇāti?\nĀmantā.\nArahato sotāpattiphalaṁ vā sakadāgāmiphalaṁ vā anāgāmiphalaṁ vā arahattaṁ vā pare vitāreyyunti?\nNa hevaṁ vattabbe …pe….\nParavitāraṇakathā niṭṭhitā."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/kv2.4/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}