{"id":"kv2.9","title":"Anupubbābhisamayakathā","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"kv2.9","title":"Anupubbābhisamayakathā","units":[{"id":"kv2.9:0","sourceIds":["kv2.9:0.1","kv2.9:0.2","kv2.9:0.3","kv2.9:0.4"],"kind":"text","text":{"pi":"Kathāvatthu\nMahāpaṇṇāsaka\nDutiyavagga\nAnupubbābhisamayakathā"}},{"id":"kv2.9:1","sourceIds":["kv2.9:1.1","kv2.9:1.2","kv2.9:1.3","kv2.9:1.4","kv2.9:1.5","kv2.9:1.6","kv2.9:1.7","kv2.9:1.8"],"kind":"text","text":{"pi":"Anupubbābhisamayoti?\nĀmantā.\nAnupubbena sotāpattimaggaṁ bhāvetīti?\nNa hevaṁ vattabbe.\nAnupubbena sotāpattimaggaṁ bhāvetīti?\nĀmantā.\nAnupubbena sotāpattiphalaṁ sacchikarotīti?\nNa hevaṁ vattabbe."}},{"id":"kv2.9:2","sourceIds":["kv2.9:2.1","kv2.9:2.2","kv2.9:2.3","kv2.9:2.4","kv2.9:2.5","kv2.9:2.6","kv2.9:2.7","kv2.9:2.8"],"kind":"text","text":{"pi":"Anupubbābhisamayoti?\nĀmantā.\nAnupubbena sakadāgāmimaggaṁ bhāvetīti?\nNa hevaṁ vattabbe.\nAnupubbena sakadāgāmimaggaṁ bhāvetīti?\nĀmantā.\nAnupubbena sakadāgāmiphalaṁ sacchikarotīti?\nNa hevaṁ vattabbe."}},{"id":"kv2.9:3","sourceIds":["kv2.9:3.1","kv2.9:3.2","kv2.9:3.3","kv2.9:3.4","kv2.9:3.5","kv2.9:3.6","kv2.9:3.7","kv2.9:3.8"],"kind":"text","text":{"pi":"Anupubbābhisamayoti?\nĀmantā.\nAnupubbena anāgāmimaggaṁ bhāvetīti?\nNa hevaṁ vattabbe.\nAnupubbena anāgāmimaggaṁ bhāvetīti?\nĀmantā.\nAnupubbena anāgāmiphalaṁ sacchikarotīti?\nNa hevaṁ vattabbe."}},{"id":"kv2.9:4","sourceIds":["kv2.9:4.1","kv2.9:4.2","kv2.9:4.3","kv2.9:4.4","kv2.9:4.5","kv2.9:4.6","kv2.9:4.7","kv2.9:4.8"],"kind":"text","text":{"pi":"Anupubbābhisamayoti?\nĀmantā.\nAnupubbena arahattamaggaṁ bhāvetīti?\nNa hevaṁ vattabbe.\nAnupubbena arahattamaggaṁ bhāvetīti?\nĀmantā.\nAnupubbena arahattaphalaṁ sacchikarotīti?\nNa hevaṁ vattabbe."}},{"id":"kv2.9:5","sourceIds":["kv2.9:5.1","kv2.9:5.2","kv2.9:5.3","kv2.9:5.4"],"kind":"text","text":{"pi":"Sotāpattiphalasacchikiriyāya paṭipanno puggalo dukkhadassanena kiṁ jahatīti?\nSakkāyadiṭṭhiṁ, vicikicchaṁ, sīlabbataparāmāsaṁ, tadekaṭṭhe ca kilese catubhāgaṁ jahatīti.\nCatubhāgaṁ sotāpanno, catubhāgaṁ na sotāpanno, catubhāgaṁ sotāpattiphalappatto paṭiladdho adhigato sacchikato upasampajja viharati, kāyena phusitvā viharati, catubhāgaṁ na kāyena phusitvā viharati, catubhāgaṁ sattakkhattuparamo kolaṅkolo ekabījī buddhe aveccappasādena samannāgato, dhamme …pe… saṅghe …pe… ariyakantehi sīlehi samannāgato catubhāgaṁ na ariyakantehi sīlehi samannāgatoti?\nNa hevaṁ vattabbe."}},{"id":"kv2.9:6","sourceIds":["kv2.9:6.1","kv2.9:6.2","kv2.9:6.3","kv2.9:6.4","kv2.9:6.5","kv2.9:6.6"],"kind":"text","text":{"pi":"Samudayadassanena …pe…\nnirodhadassanena …pe…\nmaggadassanena kiṁ jahatīti?\nSakkāyadiṭṭhiṁ, vicikicchaṁ, sīlabbataparāmāsaṁ, tadekaṭṭhe ca kilese catubhāgaṁ jahatīti.\nCatubhāgaṁ sotāpanno, catubhāgaṁ na sotāpanno, catubhāgaṁ sotāpattiphalappatto paṭiladdho adhigato sacchikato upasampajja viharati, kāyena phusitvā viharati, catubhāgaṁ na kāyena phusitvā viharati, catubhāgaṁ sattakkhattuparamo kolaṅkolo ekabījī buddhe aveccappasādena samannāgato, dhamme …pe… saṅghe …pe… ariyakantehi sīlehi samannāgato, catubhāgaṁ na ariyakantehi sīlehi samannāgatoti?\nNa hevaṁ vattabbe …pe…."}},{"id":"kv2.9:7","sourceIds":["kv2.9:7.1","kv2.9:7.2","kv2.9:7.3","kv2.9:7.4","kv2.9:7.5","kv2.9:7.6","kv2.9:7.7","kv2.9:7.8","kv2.9:7.9","kv2.9:7.10"],"kind":"text","text":{"pi":"Sakadāgāmiphalasacchikiriyāya paṭipanno puggalo dukkhadassanena kiṁ jahatīti?\nOḷārikaṁ kāmarāgaṁ, oḷārikaṁ byāpādaṁ, tadekaṭṭhe ca kilese catubhāgaṁ jahatīti.\nCatubhāgaṁ sakadāgāmī, catubhāgaṁ na sakadāgāmī, catubhāgaṁ sakadāgāmiphalappatto paṭiladdho adhigato sacchikato upasampajja viharati, kāyena phusitvā viharati, catubhāgaṁ na kāyena phusitvā viharatīti?\nNa hevaṁ vattabbe …pe…\nsamudayadassanena …pe…\nnirodhadassanena …pe…\nmaggadassanena kiṁ jahatīti?\nOḷārikaṁ kāmarāgaṁ, oḷārikaṁ byāpādaṁ, tadekaṭṭhe ca kilese catubhāgaṁ jahatīti.\nCatubhāgaṁ sakadāgāmī, catubhāgaṁ na sakadāgāmī, catubhāgaṁ sakadāgāmiphalappatto paṭiladdho adhigato sacchikato upasampajja viharati, kāyena phusitvā viharati, catubhāgaṁ na kāyena phusitvā viharatīti?\nNa hevaṁ vattabbe …pe…."}},{"id":"kv2.9:8","sourceIds":["kv2.9:8.1","kv2.9:8.2","kv2.9:8.3","kv2.9:8.4"],"kind":"text","text":{"pi":"Anāgāmiphalasacchikiriyāya paṭipanno puggalo dukkhadassanena kiṁ jahatīti?\nAṇusahagataṁ kāmarāgaṁ, aṇusahagataṁ byāpādaṁ, tadekaṭṭhe ca kilese catubhāgaṁ jahatīti.\nCatubhāgaṁ anāgāmī, catubhāgaṁ na anāgāmī, catubhāgaṁ anāgāmiphalappatto paṭiladdho adhigato sacchikato upasampajja viharati, kāyena phusitvā viharati, catubhāgaṁ na kāyena phusitvā viharati, catubhāgaṁ antarāparinibbāyī …pe… upahaccaparinibbāyī … asaṅkhāraparinibbāyī … sasaṅkhāraparinibbāyī … uddhaṁsoto akaniṭṭhagāmī, catubhāgaṁ na uddhaṁsoto na akaniṭṭhagāmīti?\nNa hevaṁ vattabbe …pe…."}},{"id":"kv2.9:9","sourceIds":["kv2.9:9.1","kv2.9:9.2","kv2.9:9.3","kv2.9:9.4","kv2.9:9.5","kv2.9:9.6"],"kind":"text","text":{"pi":"Samudayadassanena …pe…\nnirodhadassanena …pe…\nmaggadassanena kiṁ jahatīti?\nAṇusahagataṁ kāmarāgaṁ, aṇusahagataṁ byāpādaṁ, tadekaṭṭhe ca kilese catubhāgaṁ jahatīti.\nCatubhāgaṁ anāgāmī, catubhāgaṁ na anāgāmī, catubhāgaṁ anāgāmiphalappatto paṭiladdho adhigato sacchikato upasampajja viharati, kāyena phusitvā viharati, catubhāgaṁ na kāyena phusitvā viharati, catubhāgaṁ antarāparinibbāyī …pe… upahaccaparinibbāyī … asaṅkhāraparinibbāyī … sasaṅkhāraparinibbāyī … uddhaṁsoto akaniṭṭhagāmī, catubhāgaṁ na uddhaṁsoto akaniṭṭhagāmīti?\nNa hevaṁ vattabbe …pe…."}},{"id":"kv2.9:10","sourceIds":["kv2.9:10.1","kv2.9:10.2","kv2.9:10.3","kv2.9:10.4"],"kind":"text","text":{"pi":"Arahattasacchikiriyāya paṭipanno puggalo dukkhadassanena kiṁ jahatīti?\nRūparāgaṁ, arūparāgaṁ, mānaṁ, uddhaccaṁ, avijjaṁ, tadekaṭṭhe ca kilese catubhāgaṁ jahatīti.\nCatubhāgaṁ arahā, catubhāgaṁ na arahā, catubhāgaṁ arahattappatto paṭiladdho adhigato sacchikato upasampajja viharati, kāyena phusitvā viharati, catubhāgaṁ na kāyena phusitvā viharati, catubhāgaṁ vītarāgo …pe… vītadoso … vītamoho …pe… katakaraṇīyo ohitabhāro anuppattasadattho parikkhīṇabhavasaṁyojano sammadaññāvimutto ukkhittapaligho saṅkiṇṇaparikho abbūḷhesiko niraggaḷo ariyo pannaddhajo pannabhāro visaññutto suvijitavijayo, dukkhaṁ tassa pariññātaṁ, samudayo pahīno, nirodho sacchikato, maggo bhāvito, abhiññeyyaṁ abhiññātaṁ, pariññeyyaṁ pariññātaṁ, pahātabbaṁ pahīnaṁ, bhāvetabbaṁ bhāvitaṁ …pe… sacchikātabbaṁ sacchikataṁ, catubhāgaṁ sacchikātabbaṁ na sacchikatanti?\nNa hevaṁ vattabbe …pe…."}},{"id":"kv2.9:11","sourceIds":["kv2.9:11.1","kv2.9:11.2","kv2.9:11.3","kv2.9:11.4"],"kind":"text","text":{"pi":"Samudayadassanena … nirodhadassanena … maggadassanena kiṁ jahatīti?\nRūparāgaṁ, arūparāgaṁ, mānaṁ, uddhaccaṁ, avijjaṁ, tadekaṭṭhe ca kilese catubhāgaṁ jahatīti.\nCatubhāgaṁ arahā, catubhāgaṁ na arahā, catubhāgaṁ arahattappatto paṭiladdho adhigato sacchikato upasampajja viharati, kāyena phusitvā viharati, catubhāgaṁ na kāyena phusitvā viharati, catubhāgaṁ vītarāgo …pe… vītadoso … vītamoho … katakaraṇīyo ohitabhāro anuppattasadattho parikkhīṇabhavasaṁyojano sammadaññāvimutto ukkhittapaligho saṅkiṇṇaparikho abbūḷhesiko niraggaḷo ariyo pannaddhajo pannabhāro visaññutto suvijitavijayo, dukkhaṁ tassa pariññātaṁ, samudayo pahīno, nirodho sacchikato, maggo bhāvito, abhiññeyyaṁ abhiññātaṁ, pariññeyyaṁ pariññātaṁ, pahātabbaṁ pahīnaṁ, bhāvitabbaṁ bhāvitaṁ …pe… sacchikātabbaṁ sacchikataṁ, catubhāgaṁ sacchikātabbaṁ na sacchikatanti?\nNa hevaṁ vattabbe …pe…."}},{"id":"kv2.9:12","sourceIds":["kv2.9:12.1","kv2.9:12.2","kv2.9:12.3","kv2.9:12.4","kv2.9:12.5","kv2.9:12.6","kv2.9:12.7","kv2.9:12.8","kv2.9:12.9"],"kind":"text","text":{"pi":"Sotāpattiphalasacchikiriyāya paṭipanno puggalo dukkhaṁ dakkhanto paṭipannakoti vattabboti?\nĀmantā.\nDukkhe diṭṭhe phale ṭhitoti vattabboti?\nNa hevaṁ vattabbe.\nSamudayaṁ dakkhanto …pe…\nnirodhaṁ dakkhanto paṭipannakoti vattabboti?\nĀmantā.\nNirodhe diṭṭhe phale ṭhitoti vattabboti?\nNa hevaṁ vattabbe."}},{"id":"kv2.9:13","sourceIds":["kv2.9:13.1","kv2.9:13.2","kv2.9:13.3","kv2.9:13.4","kv2.9:13.5","kv2.9:13.6","kv2.9:13.7","kv2.9:13.8","kv2.9:13.9"],"kind":"text","text":{"pi":"Sotāpattiphalasacchikiriyāya paṭipanno puggalo maggaṁ dakkhanto paṭipannakoti vattabbo, magge diṭṭhe phale ṭhitoti vattabboti?\nĀmantā.\nDukkhaṁ dakkhanto paṭipannakoti vattabbo, dukkhe diṭṭhe phale ṭhitoti vattabboti?\nNa hevaṁ vattabbe …pe…\nmaggaṁ dakkhanto paṭipannakoti vattabbo, magge diṭṭhe phale ṭhitoti vattabboti?\nĀmantā.\nSamudayaṁ dakkhanto …pe…\nnirodhaṁ dakkhanto paṭipannakoti vattabbo, nirodhe diṭṭhe phale ṭhitoti vattabboti?\nNa hevaṁ vattabbe …pe…."}},{"id":"kv2.9:14","sourceIds":["kv2.9:14.1","kv2.9:14.2","kv2.9:14.3","kv2.9:14.4","kv2.9:14.5","kv2.9:14.6","kv2.9:14.7","kv2.9:14.8","kv2.9:14.9","kv2.9:14.10","kv2.9:14.11","kv2.9:14.12","kv2.9:14.13"],"kind":"text","text":{"pi":"Sotāpattiphalasacchikiriyāya paṭipanno puggalo dukkhaṁ dakkhanto paṭipannakoti vattabbo, dukkhe diṭṭhe na vattabbaṁ—\n“phale ṭhitoti vattabbo”ti?\nĀmantā.\nMaggaṁ dakkhanto paṭipannakoti vattabbo, magge diṭṭhe na vattabbaṁ—\n“phale ṭhitoti vattabbo”ti?\nNa hevaṁ vattabbe …pe…\nsamudayaṁ dakkhanto …\nnirodhaṁ dakkhanto paṭipannakoti vattabbo, nirodhe diṭṭhe na vattabbaṁ—\n“phale ṭhitoti vattabbo”ti?\nĀmantā.\nMaggaṁ dakkhanto “paṭipannako”ti vattabbo, magge diṭṭhe na vattabbaṁ—\n“phale ṭhitoti vattabbo”ti?\nNa hevaṁ vattabbe …pe…."}},{"id":"kv2.9:15","sourceIds":["kv2.9:15.1","kv2.9:15.2","kv2.9:15.3","kv2.9:15.4","kv2.9:15.5","kv2.9:15.6","kv2.9:15.7","kv2.9:15.8","kv2.9:15.9","kv2.9:15.10","kv2.9:15.11"],"kind":"text","text":{"pi":"Sotāpattiphalasacchikiriyāya paṭipanno puggalo dukkhaṁ dakkhanto paṭipannakoti vattabbo, dukkhe diṭṭhe na vattabbaṁ—\n“phale ṭhitoti vattabbo”ti?\nĀmantā.\nNiratthiyaṁ dukkhadassananti?\nNa hevaṁ vattabbe …pe…\nsamudayaṁ dakkhanto …pe…\nnirodhaṁ dakkhanto paṭipannakoti vattabbo, nirodhe diṭṭhe na vattabbaṁ—\n“phale ṭhitoti vattabbo”ti?\nĀmantā.\nNiratthiyaṁ nirodhadassananti?\nNa hevaṁ vattabbe …pe…."}},{"id":"kv2.9:16","sourceIds":["kv2.9:16.1","kv2.9:16.2","kv2.9:16.3","kv2.9:16.4"],"kind":"text","text":{"pi":"Dukkhe diṭṭhe cattāri saccāni diṭṭhāni hontīti?\nĀmantā.\nDukkhasaccaṁ cattāri saccānīti?\nNa hevaṁ vattabbe …pe…."}},{"id":"kv2.9:17","sourceIds":["kv2.9:17.1","kv2.9:17.2","kv2.9:17.3","kv2.9:17.4"],"kind":"text","text":{"pi":"Rūpakkhandhe aniccato diṭṭhe pañcakkhandhā aniccato diṭṭhā hontīti?\nĀmantā.\nRūpakkhandho pañcakkhandhāti?\nNa hevaṁ vattabbe …pe…."}},{"id":"kv2.9:18","sourceIds":["kv2.9:18.1","kv2.9:18.2","kv2.9:18.3","kv2.9:18.4"],"kind":"text","text":{"pi":"Cakkhāyatane aniccato diṭṭhe dvādasāyatanāni aniccato diṭṭhāni hontīti?\nĀmantā.\nCakkhāyatanaṁ dvādasāyatanānīti?\nNa hevaṁ vattabbe …pe…."}},{"id":"kv2.9:19","sourceIds":["kv2.9:19.1","kv2.9:19.2","kv2.9:19.3","kv2.9:19.4"],"kind":"text","text":{"pi":"Cakkhudhātuyā aniccato diṭṭhāya aṭṭhārasa dhātuyo aniccato diṭṭhā hontīti?\nĀmantā.\nCakkhudhātu aṭṭhārasa dhātuyoti?\nNa hevaṁ vattabbe …pe…."}},{"id":"kv2.9:20","sourceIds":["kv2.9:20.1","kv2.9:20.2","kv2.9:20.3","kv2.9:20.4"],"kind":"text","text":{"pi":"Cakkhundriye aniccato diṭṭhe bāvīsatindriyāni aniccato diṭṭhāni hontīti?\nĀmantā.\nCakkhundriyaṁ bāvīsatindriyānīti?\nNa hevaṁ vattabbe …pe…."}},{"id":"kv2.9:21","sourceIds":["kv2.9:21.1","kv2.9:21.2","kv2.9:21.3","kv2.9:21.4","kv2.9:21.5","kv2.9:21.6","kv2.9:21.7","kv2.9:21.8","kv2.9:21.9","kv2.9:21.10","kv2.9:21.11","kv2.9:21.12","kv2.9:21.13","kv2.9:21.14","kv2.9:21.15","kv2.9:21.16","kv2.9:21.17","kv2.9:21.18","kv2.9:21.19","kv2.9:21.20"],"kind":"text","text":{"pi":"Catūhi ñāṇehi sotāpattiphalaṁ sacchikarotīti?\nĀmantā.\nCattāri sotāpattiphalānīti?\nNa hevaṁ vattabbe …pe…\naṭṭhahi ñāṇehi sotāpattiphalaṁ sacchikarotīti?\nĀmantā.\nAṭṭha sotāpattiphalānīti?\nNa hevaṁ vattabbe …pe…\ndvādasahi ñāṇehi sotāpattiphalaṁ sacchikarotīti?\nĀmantā.\nDvādasa sotāpattiphalānīti?\nNa hevaṁ vattabbe …pe…\ncatucattārīsāya ñāṇehi sotāpattiphalaṁ sacchikarotīti?\nĀmantā.\nCatucattārīsaṁ sotāpattiphalānīti?\nNa hevaṁ vattabbe …pe…\nsattasattatiyā ñāṇehi sotāpattiphalaṁ sacchikarotīti?\nĀmantā.\nSattasattati sotāpattiphalānīti?\nNa hevaṁ vattabbe …pe…."}},{"id":"kv2.9:22","sourceIds":["kv2.9:22.1","kv2.9:22.2","kv2.9:22.3","kv2.9:22.4","kv2.9:22.5","kv2.9:22.6","kv2.9:22.7","kv2.9:22.8","kv2.9:22.9"],"kind":"text","text":{"pi":"Na vattabbaṁ—\n“anupubbābhisamayo”ti?\nĀmantā.\nNanu vuttaṁ bhagavatā—\n“seyyathāpi, bhikkhave, mahāsamuddo anupubbaninno anupubbapoṇo anupubbapabbhāro, na āyatakeneva papāto;\nevameva kho, bhikkhave, imasmiṁ dhammavinaye anupubbasikkhā anupubbakiriyā anupubbapaṭipadā, na āyatakeneva aññāpaṭivedho”ti.\nAttheva suttantoti?\nĀmantā.\nTena hi anupubbābhisamayoti."}},{"id":"kv2.9:23","sourceIds":["kv2.9:23.1","kv2.9:23.2","kv2.9:23.3","kv2.9:23.4"],"kind":"text","text":{"pi":"Na vattabbaṁ—\n“anupubbābhisamayo”ti?\nĀmantā.\nNanu vuttaṁ bhagavatā—"}},{"id":"kv2.9:24","sourceIds":["kv2.9:24.1","kv2.9:24.2","kv2.9:24.3","kv2.9:24.4"],"kind":"text","text":{"pi":"“Anupubbena medhāvī,\nthokaṁ thokaṁ khaṇe khaṇe;\nKammāro rajatasseva,\nniddhame malamattano”ti."}},{"id":"kv2.9:25","sourceIds":["kv2.9:25.1","kv2.9:25.2","kv2.9:25.3"],"kind":"text","text":{"pi":"Attheva suttantoti?\nĀmantā.\nTena hi anupubbābhisamayoti."}},{"id":"kv2.9:26","sourceIds":["kv2.9:26.1","kv2.9:26.2","kv2.9:26.3","kv2.9:26.4","kv2.9:26.5","kv2.9:26.6","kv2.9:26.7","kv2.9:26.8","kv2.9:26.9","kv2.9:26.10","kv2.9:26.11","kv2.9:26.12"],"kind":"text","text":{"pi":"Anupubbābhisamayoti?\nĀmantā.\nNanvāyasmā gavampati thero bhikkhū etadavoca—\n“sammukhā metaṁ, āvuso, bhagavato sutaṁ sammukhā paṭiggahitaṁ—\n‘yo, bhikkhave, dukkhaṁ passati dukkhasamudayampi so passati, dukkhanirodhampi passati, dukkhanirodhagāminiṁ paṭipadampi passati;\nyo dukkhasamudayaṁ passati dukkhampi so passati, dukkhanirodhampi passati, dukkhanirodhagāminiṁ paṭipadampi passati;\nyo dukkhanirodhaṁ passati dukkhampi so passati, dukkhasamudayampi passati, dukkhanirodhagāminiṁ paṭipadampi passati;\nyo dukkhanirodhagāminiṁ paṭipadaṁ passati dukkhampi so passati, dukkhasamudayampi passati, dukkhanirodhampi passatī’”ti.\nAttheva suttantoti?\nĀmantā.\nTena hi na vattabbaṁ—\n“anupubbābhisamayo”ti."}},{"id":"kv2.9:27","sourceIds":["kv2.9:27.1","kv2.9:27.2","kv2.9:27.3"],"kind":"text","text":{"pi":"Anupubbābhisamayoti?\nĀmantā.\nNanu vuttaṁ bhagavatā—"}},{"id":"kv2.9:28","sourceIds":["kv2.9:28.1","kv2.9:28.2","kv2.9:28.3","kv2.9:28.4","kv2.9:28.5","kv2.9:28.6"],"kind":"text","text":{"pi":"“Sahāvassa dassanasampadāya,\nTayassu dhammā jahitā bhavanti;\nSakkāyadiṭṭhī vicikicchitañca,\nSīlabbataṁ vāpi yadatthi kiñci;\nCatūhapāyehi ca vippamutto,\nChaccābhiṭhānāni abhabba kātun”ti."}},{"id":"kv2.9:29","sourceIds":["kv2.9:29.1","kv2.9:29.2","kv2.9:29.3","kv2.9:29.4"],"kind":"text","text":{"pi":"Attheva suttantoti?\nĀmantā.\nTena hi na vattabbaṁ—\n“anupubbābhisamayo”ti."}},{"id":"kv2.9:30","sourceIds":["kv2.9:30.1","kv2.9:30.2","kv2.9:30.3","kv2.9:30.4","kv2.9:30.5","kv2.9:30.6","kv2.9:30.7","kv2.9:30.8","kv2.9:30.9","kv2.9:30.10","kv2.9:30.11"],"kind":"text","text":{"pi":"Anupubbābhisamayoti?\nĀmantā.\nNanu vuttaṁ bhagavatā—\n“yasmiṁ, bhikkhave, samaye ariyasāvakassa virajaṁ vītamalaṁ dhammacakkhuṁ udapādi—\n‘yaṁ kiñci samudayadhammaṁ sabbaṁ taṁ nirodhadhamman’ti, saha dassanuppādā, bhikkhave, ariyasāvakassa tīṇi saṁyojanāni pahīyanti—\nsakkāyadiṭṭhi, vicikicchā, sīlabbataparāmāso”ti.\nAttheva suttantoti?\nĀmantā.\nTena hi na vattabbaṁ—\n“anupubbābhisamayo”ti.\nAnupubbābhisamayakathā niṭṭhitā."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/kv2.9/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}