{"id":"kv21.8","title":"Kammakathā","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"kv21.8","title":"Kammakathā","units":[{"id":"kv21.8:0","sourceIds":["kv21.8:0.1","kv21.8:0.2","kv21.8:0.3","kv21.8:0.4"],"kind":"text","text":{"pi":"Kathāvatthu\nMahāpaṇṇāsaka\nEkavīsatimavagga\nKammakathā"}},{"id":"kv21.8:1","sourceIds":["kv21.8:1.1","kv21.8:1.2","kv21.8:1.3","kv21.8:1.4","kv21.8:1.5","kv21.8:1.6","kv21.8:1.7","kv21.8:1.8","kv21.8:1.9","kv21.8:1.10","kv21.8:1.11","kv21.8:1.12"],"kind":"text","text":{"pi":"Sabbe kammā niyatāti?\nĀmantā.\nMicchattaniyatāti?\nNa hevaṁ vattabbe …pe…\nsammattaniyatāti?\nNa hevaṁ vattabbe …pe…\nnatthi aniyato rāsīti?\nNa hevaṁ vattabbe …pe…\nnanu atthi aniyato rāsīti?\nĀmantā.\nHañci atthi aniyato rāsi, no ca vata re vattabbe—\n“sabbe kammā niyatā”ti."}},{"id":"kv21.8:2","sourceIds":["kv21.8:2.1","kv21.8:2.2","kv21.8:2.3","kv21.8:2.4","kv21.8:2.5","kv21.8:2.6","kv21.8:2.7","kv21.8:2.8"],"kind":"text","text":{"pi":"Sabbe kammā niyatāti?\nĀmantā.\nNanu tayo rāsī vuttā bhagavatā—\n“micchattaniyato rāsi, sammattaniyato rāsi, aniyato rāsī”ti?\nĀmantā.\nHañci tayo rāsī vuttā bhagavatā—\n“micchattaniyato rāsi, sammattaniyato rāsi, aniyato rāsi”, no ca vata re vattabbe—\n“sabbe kammā niyatā”ti."}},{"id":"kv21.8:3","sourceIds":["kv21.8:3.1","kv21.8:3.2","kv21.8:3.3","kv21.8:3.4","kv21.8:3.5","kv21.8:3.6","kv21.8:3.7","kv21.8:3.8","kv21.8:3.9","kv21.8:3.10","kv21.8:3.11","kv21.8:3.12","kv21.8:3.13"],"kind":"text","text":{"pi":"Diṭṭhadhammavedanīyaṁ kammaṁ diṭṭhadhammavedanīyaṭṭhena niyatanti?\nĀmantā.\nMicchattaniyatanti?\nNa hevaṁ vattabbe …pe…\nsammattaniyatanti?\nNa hevaṁ vattabbe …pe….\nUpapajjavedanīyaṁ kammaṁ …pe…\naparāpariyavedanīyaṁ kammaṁ aparāpariyavedanīyaṭṭhena niyatanti?\nĀmantā.\nMicchattaniyatanti?\nNa hevaṁ vattabbe …pe…\nsammattaniyatanti?\nNa hevaṁ vattabbe …pe…."}},{"id":"kv21.8:4","sourceIds":["kv21.8:4.1","kv21.8:4.2","kv21.8:4.3","kv21.8:4.4","kv21.8:4.5","kv21.8:4.6","kv21.8:4.7","kv21.8:4.8","kv21.8:4.9","kv21.8:4.10","kv21.8:4.11","kv21.8:4.12","kv21.8:4.13"],"kind":"text","text":{"pi":"Na vattabbaṁ—\ndiṭṭhadhammavedanīyaṁ kammaṁ diṭṭhadhammavedanīyaṭṭhena niyataṁ, upapajjavedanīyaṁ kammaṁ …pe…\naparāpariyavedanīyaṁ kammaṁ aparāpariyavedanīyaṭṭhena niyatanti?\nĀmantā.\nDiṭṭhadhammavedanīyaṁ kammaṁ upapajjavedanīyaṁ hoti, aparāpariyavedanīyaṁ hoti …pe…\nupapajjavedanīyaṁ kammaṁ diṭṭhadhammavedanīyaṁ hoti, aparāpariyavedanīyaṁ hoti …pe…\naparāpariyavedanīyaṁ kammaṁ diṭṭhadhammavedanīyaṁ hoti, upapajjavedanīyaṁ hotīti?\nNa hevaṁ vattabbe.\nTena hi diṭṭhadhammavedanīyaṁ kammaṁ diṭṭhadhammavedanīyaṭṭhena niyataṁ, upapajjavedanīyaṁ kammaṁ …pe…\naparāpariyavedanīyaṁ kammaṁ aparāpariyavedanīyaṭṭhena niyatanti.\nKammakathā niṭṭhitā.\nEkavīsatimo vaggo.\nTassuddānaṁ"}},{"id":"kv21.8:5","sourceIds":["kv21.8:5.1"],"kind":"text","text":{"pi":"Sāsanaṁ navaṁ kataṁ atthi koci tathāgatassa sāsanaṁ navaṁ karoti labbhā tathāgatassa sāsanaṁ puna navaṁ kātuṁ, puthujjano tedhātukehi kammehi avivitto, atthi kiñci saṁyojanaṁ appahāya arahattappatti, atthi adhippāyiddhi buddhānaṁ vā sāvakānaṁ vā, atthi buddhānaṁ buddhehi hīnātirekatā, sabbā disā buddhā tiṭṭhanti, sabbe dhammā niyatā, sabbe kammā niyatāti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/kv21.8/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}