{"id":"kv3.6","title":"Aṭṭhamakassaindriyakathā","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"kv3.6","title":"Aṭṭhamakassaindriyakathā","units":[{"id":"kv3.6:0","sourceIds":["kv3.6:0.1","kv3.6:0.2","kv3.6:0.3","kv3.6:0.4"],"kind":"text","text":{"pi":"Kathāvatthu\nMahāpaṇṇāsaka\nTatiyavagga\nAṭṭhamakassaindriyakathā"}},{"id":"kv3.6:1","sourceIds":["kv3.6:1.1","kv3.6:1.2","kv3.6:1.3","kv3.6:1.4","kv3.6:1.5","kv3.6:1.6","kv3.6:1.7","kv3.6:1.8","kv3.6:1.9","kv3.6:1.10","kv3.6:1.11"],"kind":"text","text":{"pi":"Aṭṭhamakassa puggalassa natthi saddhindriyanti?\nĀmantā.\nAṭṭhamakassa puggalassa natthi saddhāti?\nNa hevaṁ vattabbe.\nAṭṭhamakassa puggalassa natthi vīriyindriyaṁ …pe…\nnatthi satindriyaṁ …pe…\nnatthi samādhindriyaṁ …pe…\nnatthi paññindriyanti?\nĀmantā.\nAṭṭhamakassa puggalassa natthi paññāti?\nNa hevaṁ vattabbe …pe…."}},{"id":"kv3.6:2","sourceIds":["kv3.6:2.1","kv3.6:2.2","kv3.6:2.3","kv3.6:2.4","kv3.6:2.5","kv3.6:2.6","kv3.6:2.7","kv3.6:2.8","kv3.6:2.9","kv3.6:2.10","kv3.6:2.11"],"kind":"text","text":{"pi":"Aṭṭhamakassa puggalassa atthi saddhāti?\nĀmantā.\nAṭṭhamakassa puggalassa atthi saddhindriyanti?\nNa hevaṁ vattabbe …pe…\naṭṭhamakassa puggalassa atthi vīriyaṁ …pe…\natthi sati …\natthi samādhi …\natthi paññāti?\nĀmantā.\nAṭṭhamakassa puggalassa atthi paññindriyanti?\nNa hevaṁ vattabbe …pe…."}},{"id":"kv3.6:3","sourceIds":["kv3.6:3.1","kv3.6:3.2","kv3.6:3.3","kv3.6:3.4","kv3.6:3.5","kv3.6:3.6","kv3.6:3.7","kv3.6:3.8"],"kind":"text","text":{"pi":"Aṭṭhamakassa puggalassa atthi mano, atthi manindriyanti?\nĀmantā.\nAṭṭhamakassa puggalassa atthi saddhā, atthi saddhindriyanti?\nNa hevaṁ vattabbe …pe…\naṭṭhamakassa puggalassa atthi mano, atthi manindriyanti?\nĀmantā.\nAṭṭhamakassa puggalassa atthi paññā, atthi paññindriyanti?\nNa hevaṁ vattabbe …pe…."}},{"id":"kv3.6:4","sourceIds":["kv3.6:4.1","kv3.6:4.2","kv3.6:4.3","kv3.6:4.4","kv3.6:4.5","kv3.6:4.6","kv3.6:4.7","kv3.6:4.8","kv3.6:4.9"],"kind":"text","text":{"pi":"Aṭṭhamakassa puggalassa atthi somanassaṁ, atthi somanassindriyaṁ, atthi jīvitaṁ, atthi jīvitindriyanti?\nĀmantā.\nAṭṭhamakassa puggalassa atthi saddhā, atthi saddhindriyanti?\nNa hevaṁ vattabbe …pe…\naṭṭhamakassa puggalassa atthi jīvitaṁ, atthi jīvitindriyanti?\nĀmantā.\nAṭṭhamakassa puggalassa …pe…\natthi paññā, atthi paññindriyanti?\nNa hevaṁ vattabbe …pe…."}},{"id":"kv3.6:5","sourceIds":["kv3.6:5.1","kv3.6:5.2","kv3.6:5.3","kv3.6:5.4"],"kind":"text","text":{"pi":"Aṭṭhamakassa puggalassa atthi saddhā, natthi saddhindriyanti?\nĀmantā.\nAṭṭhamakassa puggalassa atthi mano, natthi manindriyanti?\nNa hevaṁ vattabbe …pe…."}},{"id":"kv3.6:6","sourceIds":["kv3.6:6.1","kv3.6:6.2","kv3.6:6.3","kv3.6:6.4","kv3.6:6.5","kv3.6:6.6","kv3.6:6.7","kv3.6:6.8","kv3.6:6.9","kv3.6:6.10"],"kind":"text","text":{"pi":"Aṭṭhamakassa puggalassa atthi saddhā, natthi saddhindriyanti?\nĀmantā.\nAṭṭhamakassa puggalassa atthi somanassaṁ, natthi somanassindriyanti …pe… atthi jīvitaṁ, natthi jīvitindriyanti?\nNa hevaṁ vattabbe …pe…\naṭṭhamakassa puggalassa atthi paññā, natthi paññindriyanti?\nĀmantā.\nAṭṭhamakassa puggalassa atthi mano, natthi manindriyanti?\nAtthi somanassaṁ, natthi somanassindriyanti?\nAtthi jīvitaṁ, natthi jīvitindriyanti?\nNa hevaṁ vattabbe …pe…."}},{"id":"kv3.6:7","sourceIds":["kv3.6:7.1","kv3.6:7.2","kv3.6:7.3","kv3.6:7.4","kv3.6:7.5","kv3.6:7.6","kv3.6:7.7","kv3.6:7.8","kv3.6:7.9","kv3.6:7.10","kv3.6:7.11","kv3.6:7.12","kv3.6:7.13","kv3.6:7.14","kv3.6:7.15","kv3.6:7.16","kv3.6:7.17","kv3.6:7.18","kv3.6:7.19","kv3.6:7.20"],"kind":"text","text":{"pi":"Aṭṭhamakassa puggalassa natthi saddhindriyanti?\nĀmantā.\nAṭṭhamako puggalo assaddhoti?\nNa hevaṁ vattabbe …pe…\naṭṭhamakassa puggalassa natthi vīriyindriyanti?\nĀmantā.\nAṭṭhamako puggalo kusīto hīnavīriyoti?\nNa hevaṁ vattabbe …pe…\naṭṭhamakassa puggalassa natthi satindriyanti?\nĀmantā.\nAṭṭhamako puggalo muṭṭhassati asampajānoti?\nNa hevaṁ vattabbe …pe…\naṭṭhamakassa puggalassa natthi samādhindriyanti?\nĀmantā.\nAṭṭhamako puggalo asamāhito vibbhantacittoti?\nNa hevaṁ vattabbe …pe…\naṭṭhamakassa puggalassa natthi paññindriyanti?\nĀmantā.\nAṭṭhamako puggalo duppañño elamūgoti?\nNa hevaṁ vattabbe …pe…."}},{"id":"kv3.6:8","sourceIds":["kv3.6:8.1","kv3.6:8.2","kv3.6:8.3","kv3.6:8.4","kv3.6:8.5","kv3.6:8.6","kv3.6:8.7","kv3.6:8.8","kv3.6:8.9","kv3.6:8.10","kv3.6:8.11"],"kind":"text","text":{"pi":"Aṭṭhamakassa puggalassa atthi saddhā, sā ca saddhā niyyānikāti?\nĀmantā.\nHañci aṭṭhamakassa puggalassa atthi saddhā, sā ca saddhā niyyānikā, no ca vata re vattabbe—\n“aṭṭhamakassa puggalassa natthi saddhindriyan”ti.\nAṭṭhamakassa puggalassa atthi vīriyaṁ, tañca vīriyaṁ niyyānikaṁ;\natthi sati, sā ca sati niyyānikā;\natthi samādhi, so ca samādhi niyyāniko;\natthi paññā, sā ca paññā niyyānikāti?\nĀmantā.\nHañci aṭṭhamakassa puggalassa atthi paññā, sā ca paññā niyyānikā, no ca vata re vattabbe—\n“aṭṭhamakassa puggalassa natthi paññindriyan”ti."}},{"id":"kv3.6:9","sourceIds":["kv3.6:9.1","kv3.6:9.2","kv3.6:9.3","kv3.6:9.4","kv3.6:9.5","kv3.6:9.6","kv3.6:9.7","kv3.6:9.8"],"kind":"text","text":{"pi":"Sakadāgāmiphalasacchikiriyāya paṭipannassa puggalassa atthi saddhā, atthi saddhindriyanti?\nĀmantā.\nAṭṭhamakassa puggalassa atthi saddhā, atthi saddhindriyanti?\nNa hevaṁ vattabbe …pe…\nsakadāgāmiphalasacchikiriyāya paṭipannassa puggalassa atthi paññā, atthi paññindriyanti?\nĀmantā.\nAṭṭhamakassa puggalassa atthi paññā, atthi paññindriyanti?\nNa hevaṁ vattabbe …pe…."}},{"id":"kv3.6:10","sourceIds":["kv3.6:10.1","kv3.6:10.2","kv3.6:10.3","kv3.6:10.4","kv3.6:10.5","kv3.6:10.6"],"kind":"text","text":{"pi":"Anāgāmiphalasacchikiriyāya paṭipannassa puggalassa …\narahattasacchikiriyāya paṭipannassa puggalassa atthi saddhā, atthi saddhindriyaṁ …pe…\natthi paññā, atthi paññindriyanti?\nĀmantā.\nAṭṭhamakassa puggalassa atthi paññā, atthi paññindriyanti?\nNa hevaṁ vattabbe …pe…."}},{"id":"kv3.6:11","sourceIds":["kv3.6:11.1","kv3.6:11.2","kv3.6:11.3","kv3.6:11.4","kv3.6:11.5","kv3.6:11.6","kv3.6:11.7","kv3.6:11.8"],"kind":"text","text":{"pi":"Aṭṭhamakassa puggalassa atthi saddhā, natthi saddhindriyanti?\nĀmantā.\nSakadāgāmiphalasacchikiriyāya paṭipannassa puggalassa atthi saddhā, natthi saddhindriyanti?\nNa hevaṁ vattabbe …pe…\naṭṭhamakassa puggalassa atthi paññā, natthi paññindriyanti?\nĀmantā.\nSakadāgāmiphalasacchikiriyāya paṭipannassa puggalassa atthi paññā, natthi paññindriyanti?\nNa hevaṁ vattabbe …pe…."}},{"id":"kv3.6:12","sourceIds":["kv3.6:12.1","kv3.6:12.2","kv3.6:12.3","kv3.6:12.4","kv3.6:12.5","kv3.6:12.6"],"kind":"text","text":{"pi":"Aṭṭhamakassa puggalassa atthi saddhā, natthi saddhindriyanti …pe…\natthi paññā, natthi paññindriyanti?\nĀmantā.\nAnāgāmiphalasacchikiriyāya paṭipannassa puggalassa …\narahattasacchikiriyāya paṭipannassa puggalassa atthi paññā, natthi paññindriyanti?\nNa hevaṁ vattabbe …pe…."}},{"id":"kv3.6:13","sourceIds":["kv3.6:13.1","kv3.6:13.2","kv3.6:13.3","kv3.6:13.4","kv3.6:13.5","kv3.6:13.6","kv3.6:13.7","kv3.6:13.8","kv3.6:13.9","kv3.6:13.10","kv3.6:13.11","kv3.6:13.12","kv3.6:13.13","kv3.6:13.14","kv3.6:13.15","kv3.6:13.16"],"kind":"text","text":{"pi":"Aṭṭhamakassa puggalassa natthi pañcindriyānīti?\nĀmantā.\nNanu vuttaṁ bhagavatā—\n“pañcimāni, bhikkhave, indriyāni.\nKatamāni pañca?\nSaddhindriyaṁ, vīriyindriyaṁ, satindriyaṁ, samādhindriyaṁ, paññindriyaṁ—\nimāni kho, bhikkhave, pañcindriyāni.\nImesaṁ kho, bhikkhave, pañcannaṁ indriyānaṁ samattā paripūrattā arahā hoti.\nTato mudutarehi arahattasacchikiriyāya paṭipanno hoti, tato mudutarehi anāgāmī hoti, tato mudutarehi anāgāmiphalasacchikiriyāya paṭipanno hoti, tato mudutarehi sakadāgāmī hoti, tato mudutarehi sakadāgāmiphalasacchikiriyāya paṭipanno hoti, tato mudutarehi sotāpanno hoti, tato mudutarehi sotāpattiphalasacchikiriyāya paṭipanno hoti.\nYassa kho, bhikkhave, imāni pañcindriyāni sabbena sabbaṁ sabbathā sabbaṁ natthi, tamahaṁ ‘bāhiro puthujjanapakkhe ṭhito’ti vadāmī”ti.\nAttheva suttantoti?\nĀmantā.\nAṭṭhamako puggalo bāhiro puthujjanapakkhe ṭhitoti?\nNa hevaṁ vattabbe …pe…\ntena hi aṭṭhamakassa puggalassa atthi pañcindriyānīti.\nAṭṭhamakassa indriyakathā niṭṭhitā."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/kv3.6/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}